Izayii 42:7 - LAWA A BOO SONBORE

⁷ N tá re yii tere-an yii buĩ, n kòso nɛn kaa n nə ǹ bɔ kòso ne. Min mɛnɛn bɛ́ wɔlɔ tì li kòso kion, n tá re bɛn woɛ n soo ǹ ne.

LAWA A BOO SONBORE 2011

⁷ N tá re yii tere-an yii buĩ, n kòso nɛn kaa n nə ǹ bɔ kòso ne. Min mɛnɛn bɛ́ wɔlɔ tì li kòso kion, n tá re bɛn woɛ n soo ǹ ne.

Izayii 42:7 ပူးပေါင်းရင်းမြစ်များ

Loen 97:7

Dì-gɔlen tumaa wɔ n ka sìi ni, ǹsɛn mɛnɛn bɛ́ n dinin gole koe sii kooron gɔ́ɔ̃ nɛ. Dì kooron dinin tumaa kaa tán Dɛnaa Lawa yɔrɔ-a.

Izayii 29:18

Bɛa pinaa boo mɛn bɛ́ kiɛ̃-n sɛ́wɔ kɛ nɛ, too tere-an tá re bɛ miɛ. Yii tere-an tá re soe tèlò-n wɔlɔ tì li, ǹ yii n wɔlɔ yii foaã nɛ.

Izayii 35:5

Ka bɛ-n kəni, yii tere-an yii á re wɔlɔ yii foaã nɛ, too tere-an too á re boo miɛ.

Izayii 42:16

Yii tere-an bɛ́ ǹ ba zii mɛn doɛ̃ wa, man diɛ ǹ kiɛ bɛ la. Man die ǹ kiɛ tɔ wɔ ganaa zii la, zii mɛn bɛ ǹ ba doɛ̃ wa. Man die tèlò bɔyɛɛ ma baa wɔlɔ fúlu lɛa ǹ nyɛɛnɛ. Ǹ bɛ́ n gòã niɛ̃ màn mɛn ganaa, man bɛ boe ma bɔ ǹ nyɛɛnɛ. Ma sii mɛn taasɛ, a din nə ke. Ma a re wusii ma kio-n wa.

Izayii 42:22

Sɛnɛ, á ke, ǹ nə́ ka kokoo, ǹ nə́ màn tumaa sii ka la. Ka tumaa lɛ tiɛ̃maa-n nyankɔrɔ zuzulu ni, ka n durii-n kòso ne. Kaa zɔ́ɔn nə́ ka kokoo ka ǹ bɛ́ naforo goɛ zia la lɔn. Min kɔn dɔ da n dɔ ka lɛ wa. Ǹ nə́ màn tumaa si ka la, min kɔn dɔ pɛ mà ǹ ka toa walan wa.

Izayii 49:9

n pɛ kòso nɛn manɛ, ka min mɛnɛn bɛ́ wɔlɔ tì li: «Ka soo ka da wɔlɔ fúlu li.» Ǹ tá re màn-bii yii zii gialaa, ǹ màn bii tentenen tumaa mìi ni.

Izayii 61:1

Dɛnaa Lawa Yiri n ma la. Hiĩ, a na á ma bɔ á ma koa, mà ma boo tii kɔɔ̃n pɛ doobaan manɛ. Min mɛnɛn bɛ́ nɔmaa nɛ, mà ma wo bɛn foo basã. Ǹ min mɛnɛn goa ǹ nə́ woo ǹ ne, mà ma wo pɛ bɛn manɛ, mà ǹ tá re ǹ kiɛ. Min mɛnɛn bɛ́ kòso ne, ǹ tá re bɛn sii ǹ nə ǹ kaa.

Izayii 9:2

Dɛnaa Lawa, n nə́ ǹ kã ka foo kɔɔ̃nbaa nɛ, ǹ foo kɔɔ̃n kɔ á la yii ni. Maǹ nə n nyɛnyɛɛ n yɔrɔ-a, ka ǹ bɛ́ n nyɛnyɛɛ kaa-piɛ waáraa lɔn. Maǹ foo kɔɔ̃nbaa ǹ lɛ dii, ka ǹ bɛ́ bɔ zia la ǹ mànan gii lɔn.

Misee 7:9

Wɔ bɛ́ n wɔ́ sii la Dɛnaa Lawa la, bɛ lɛ n ke, a foo yoo wɔ li. Wɔ doamaa-n wɔ bɛ lɛ a dɔlɔ si wɔ ganaa. Sɛnɛ, a pinaa á die, á die n mìi koɛ wɔa sii li, á die sonbore koe wɔ la. Á die wɔ wɛɛ a wɔ kaa wɔlɔ fúlu li, wɔ á die giɛ a peperebaa ǹ dí kɛ ganaa.

Matiə 11:5

Yii tere-an yii n wɔlɔ yii, bɔlɔkan man tɔ we, gɔ̀nɔn busu babaraa dɛnan busu n nyɛɛ, too tere-an man boo miɛ, geren yii n kiɛ, Boo Tii Kɔɔ̃n nə n pii doobaan manɛ.

Luku 24:45

Á tɔ́n nə ǹ yiri bũ, màn mɛn bɛ́ toɛ, ǹ Lawa a boo lɛ giala ma.

Zaã a sɛ́wɔ 9:39

Yezu tɔ́n pɛ kəni: «Man má daa kanaa kɛ lɛ gɔ́ɔ̃ nɛ kiri wɔ a lɛa, màn mɛn bɛ́ toɛ, min mɛnɛn bɛ́ yii tere-an lɛa, bɛn yii wɔlɔ yɛ, min mɛnɛn bɛ́ yii wɔlɔ yɛlen lɛa, bɛn yii tã.»

Zaã a sɛ́wɔ 9:7

á pɛ nɛ: «Mu nyankɔrɔ mɛn bɛ́ ǹ tá bíi Silowee (bɛ giala mà dia dí-a wole), wo n yii pii bɛ nɛ.» Yii tere-a lɛ woo walan, á n yii pii, a bɛ́ n bɔyɛɛ die bɛ̀ a yii n wɔlɔ yii.

Nya ǹ dín 26:18

Man die n diɛ ǹ li n nə ǹ yii bũ, ǹ soo ǹ nə n bɔ wɔlɔ tì li, ǹ da wɔlɔ fúlu ganaa, ǹ nə n bɔ *Sɛtaan a pàã giulun ǹ da Lawa ganaa, màn mɛn bɛ́ toɛ, bɛ̀ ǹ nə́ golee masɛ li, Lawa nə n sii baraan toa ǹ nɛ, ǹ dɔn nə bǎã yɛ kun ka Lawa wɔn nɛ.»

Korɛnti2 4:6

Lawa mɛn bɛ́ á pɛ mà wɔlɔ fúlu yɛ wɔlɔ tì bii, a din na á toa wɔlɔ fúlu tɛ pɛ ma dɔ foo ne. Lawa a gugurubaa mɛn bɛ́ tɛ pii Yezu Krita yɔrɔ nɛ, a n mà minin nə boo la ǹ bɛ dɔ̃.

Timote2 2:26

*Sɛtaan nə kan mɛn koa ǹ nɛ, á ǹ kũ, á ǹ baa a din foo sii zɛnaalin lɛa, ǹ dɔn tá boe la ǹ yiri yɛ, ǹ nə n si bɛ la.

Piɛrɛ1 2:9

Sɛnɛ, kasɛn man Lawa a tɔrɔ boe lɛa, tɔrɔ mɛn bɛ́ Kii Lawa a wúlu-bɔlen lɛa. Kasɛn man tɔrɔ lɛa, Lawa koa a gɔrɔn a din wɔ lɛa, tɔrɔ mɛn a minin bɛ́ Lawa wɔn lɛa. A na á ka bíi á ka bɔ wɔlɔ tì li, á daa ka nɛ a din a wɔlɔ fúlu sonbore kɛ li, mà ka a din a sii sonboren kɛn laakalaa.

Sii-nyaan 3:18

Bɛ lɛ nɛ, ma á yiri koe n la: Bɛ̀ n tá zoɛ̃ mà n pàãma baa min sonborebaa gɔ́ɔ̃ nɛ, sana mɛn bɛ́ ǹ ná a *yoreen kɔ ka tɛ nɛ, da bɛ pii ma din lon n tɔn pàãma baa. Da mɔnaa fufun pii ma lon n wɔ n ganaa, n nə n tontoro a sìi kɛ duru ni. Dagòã pii n lɔ n yiin ganaa, ǹ tɔn wɔlɔ yɛ.