Izayii 42:6 - LAWA A BOO SONBORE

⁶ «Masɛ Dɛnaa Lawa-n má n bíi wɔ peperebaa a lɛa, ma n kũ n gɔn ganaa; Ma á die n tamɛɛ, ma n koa máa n maa lɛ kɔ kɔn la kɛ yɔrɔ bɔ ka tɔrɔn nɛ, n kanaa tumaa a wɔlɔ fúlu baa.

LAWA A BOO SONBORE 2011

⁶ «Masɛ Dɛnaa Lawa-n má n bíi wɔ peperebaa a lɛa, ma n kũ n gɔn ganaa; Ma á die n tamɛɛ, ma n koa máa n maa lɛ kɔ kɔn la kɛ yɔrɔ bɔ ka tɔrɔn nɛ, n kanaa tumaa a wɔlɔ fúlu baa.

Izayii 42:6 ပူးပေါင်းရင်းမြစ်များ

Izayii 26:3

Min mɛn bɛ́ n foo doɛ Dɛnaa Lawa ganaa bɛa dɛnaa n yii nyɛɛ taãn yii, a giala a foo n doa nɛ a din ganaa.

Izayii 27:3

«Ma din Dɛnaa Lawa n bɛa rezɛ̃ da wuru lɛ a lɛduə̃li lɛa. Man mu kiɛ a ganaa paapaa, ma ń giɛ a walan, penleen ka tèlò, màn mɛn bɛ́ toɛ min kɔn baran baraa zɛnaa-n wa.

Izayii 32:1

Á ke kii á re yii, a kiibaa zɛnaa ka peperebaa nɛ, kiãn tá re nyɛɛnaan boe ka sonborebaa nɛ.

Izayii 41:13

A giala, masɛ Dɛnaa Lawa nə n Lawa lɛa. Má n gusin-a gɔn kũ kaka. Man wusii pii n ni: «Nyɛ́ɛ nyan nə n kũ wa, man die n gú ganaa.»

Izayii 41:2

Die na á min kɛ da zii la boe lɛ̀giala-n die, a n kiri pepere we a bɔ ǹ bǎã tumaa nɛ? Die na á da zii la? Die n tɔrɔn we a gɔn? Die n kiin kiɛ a pàã giulun? A gɔya sa nə ǹ bɔyɛɛ a ǹ baa gusuũ lɛa, A sa nə ǹ kio lui ka piɛ̃ bɛ́ woe buu gere-n lɔn.

Izayii 42:1

«Maa dí-nyali á ke: Man kuĩ a gɔn ganaa. Má bɔ ka foo kɔɔ̃nbaa nɛ. Má n yiri da la, má a peperebaa nyaa tɔrɔn manɛ.

Izayii 43:1

Kanna kəni Zakɔba, Dɛnaa Lawa n kɛ pii n ni, asɛ mɛn nə n zɛnaa, á n da kanaa, Izirayeli: N nyan nyɛ́ɛ baa wa, A giala, n si sii la wole n ka ma din ni. Má n bíi ka n tɔ nɛ, Ma n ma din wɔ lɛa.

Izayii 45:1

Dɛnaa Lawa n kɛ pii kii Siirusu ni, a ǹ mɛn lɛ bɔ á koa, á kũ a gɔn ganaa, á tɔrɔn kaa a pàã giulun, màn mɛn bɛ́ toɛ a kiin pàã si ǹ la, kiwin mɛnɛn kiɛnlɛn bɛ́ tiɛ̃ nɛ, a bɛn bũ a nyɛɛnɛ:

Izayii 45:13

Ma din ni má giĩ lɛ da zii la, màn mɛn bɛ́ toɛ a peperebaa zɛnaa. A bɛ boe la a n gòã na màn mɛn tumaa ganaa, ma á re bɛ yii tumaa woɛ̃ ma bɔ a nyɛɛnɛ. A din nə die wusii a maa kiwi Zeruzalɛmu dɔ. Ǹ min mɛnɛn goa ǹ nə́ woo ǹ ne bɛ̀rɛbaa ǹ bǎã nɛ, a din nə die toɛ ǹ wusoo ǹ daa. Ǹ ba re màn kɔn boe wa, ǹ ba re màn kɔn sarɛɛ wa. Dɛnaa Lawa Pàãyiidɛnaa na á pɛ.

Izayii 49:6

Á pɛ ma nɛ: N bie re maa dí-nyali dinsɔɔ̃ biɛ, n Zakɔba tɔrɔn goa n nə ǹ kaa lon, Izirayeli min mɛnɛn yii goa koo, n da ka bɛn nɛ wa. Man die n biɛ tɔrɔn tɛ fúlu lɛa, màn mɛn bɛ́ toɛ maa kirisibaa dɔ kanaa lɛ dan ganaa.

Izayii 49:8

Dɛnaa Lawa n pii kɛnɛn: Má n lɛ si biikoo sonbore li. Kirisibaa pinaa, má daa n gú ganaa. Ma á die n tamɛɛ, man koa máa n maa lɛ kɔ kɔn la kɛ yɔrɔ bɔ ka tɔrɔn nɛ, n Izirayeli gána saa n da lon, màn mɛn bɛ́ toɛ didie na a wɔ gii yɛ tán kɛ nɛ á ziziɛ̃;

Zeremii 12:16

Maa zaman lɛ miãkɛnɛn nə́ maa zaman lɛ daraa lɛ kɔ wɔ ganaa ka *Baali tɔ nɛ. Sɛnɛ, maa zaman kɔnbɔ ka giã ǹ gɔn mɛn nɛ, bɛ̀ ǹ nə́ n daraa bɛ ganaa, bɛ̀ ǹ nə́ n liɛ ka masɛ Dɛnaa Lawa Yiikoonaa tɔ nɛ, ka bɛ-n kəni, ǹ tá re giã ǹ bǎã yii maa zaman lɛ bii.

Matiə 26:28

kɛ n masɛ mà lɛa, á kaa minbuiin tumaa a lɛa, màn mɛn bɛ́ toɛ, Lawa nə ǹ sii baraan toa ǹ nɛ. A n nyɛɛ mà Lawa lɛ kɔ kɔn la wɔ ka minbuiinin ni.

Luku 2:32

A n die wɔlɔ fúlu boe tɔrɔn tumaa nɛ, a n gugurubaa koe n din a tɔrɔ boe kɛ la, bɛ mɛn bɛ́ ka Izirayeli ni.»

Zaã a sɛ́wɔ 8:12

Yezu wusoo doo á boo giməə kɔsɔ da zaman lɛ nɛ, á pɛ: «Masɛ n kanaa a wɔlɔ fúlu lɛa. Bɛ̀ min mɛn tá koe masɛ kio lɛ, bɛa dɛnaa a die tɔ we wɔlɔ tì li wa. Wɔlɔ fúlu mɛn bɛ́ toɛ min yiikoonaabaa yɛ, bɛa dɛnaa á die bɛ yii.»

Nya ǹ dín 13:47

A giala, Dɛnaa din dí-pɛ mɛn kɔ wɔsɛn la, bɛ n ka kɛ nɛ: «Man má n koa tɔrɔn tɛ fúlu lɛa, màn mɛn bɛ́ toɛ, kirisibaa dɔ kanaa lɛ dan ganaa.»

Nya ǹ dín 26:23

A na á n pɛ mà Minin Nyin-sili lɛ á re die, ǹ nɔmaa, ǹ dɛ a gã, sɛnɛ, a din nə die yii kaa wole binaa biɛ á n bɔ geren bii, a kirisibaa ǹ wɔlɔ fúlu bɔ Zuifu tɔrɔn laanka tɔrɔ kɔsɔn manɛ.»

Korɛnti2 1:20

Sonbore ne, a din nə Lawa a lɛ-kɔ ǹ sii tumaa a «Hiĩ» diɛ lɛ piɛ̃. Yezu Krita a lɛa nɛ, wɔ á pii wáa «a n miɛ̃», wɔ n Lawa tɔ gole koe ne.

Ebrəə 12:24

Ká n mɔrɔ Yezu ganaa, asɛ mɛn bɛ́ á lɛ kɔ kɔn la dii lɛ a zɛlɛ baa. Ka ǹ ká n mɔrɔ a mà kɛ ganaa min pii, mà mɛn bɛ́ dí gole nyɛɛ á la Abeli wɔ nɛ.

Ebrəə 13:20

Lawa din na á wɔa Dɛnaa Yezu, Sèren-Lɛduə̃li gole kɛ yii kaa, á bɔ geren bii. A din na á lɛ-kɔ duduu wɔ ka minbuiin nɛ nɛ, á bɛ́ á sonborebaa nyaa ka Yezu a gɛ̀ barka nɛ. Man bɛa Là Nyantoro Kɔle Lawa kɛ lɛ nyankoe,

Ebrəə 7:2

Abrahamu màn mɛn tumaa yɛ zia la, a na á bɛa talɛɛ fùbaa ǹ wɔ bɔ, á kɔ a din lɛ la. Mɛlkizedɛki tɔ lɛ giala, mà "Kii Sii Pepere-Zɛnaali". Ka bɛ dɔ-n doo, a n Salɛmu kii lɛa, bɛ giala, mà "Kii Là Nyantoro-Kɔle".

Ebrəə 7:26

Wɔ laadoo bɛ́ wúlu-bɔlen kiã mɛn ganaa, bɛ n ka Yezu ni. A n siĩni; zɛ̀rɛ laanka sii baraa kɔ́n ba a ganaa wa. A sii kɔ́n dɔ ba kun ka sii baraa-zɛnaalin wɔ-n wa. Lawa saa lon a ná a gole kɔ, á la lon màn tumaa nɛ.

Ebrəə 8:6

Sonbore, dí mɛn nə n kɔ Yezu lɛ sɛ la, bɛ á gole á la kɛ-n lenlen. A giala, a din na á lɛ kɔ kɔn la sonbore sonbore kɛ a zɛlɛ baa, wɔ laanka Lawa bii ni, lɛ kɔ kɔn la mɛn giala bɛ́ we-n Lawa a lɛ-kɔ ǹ boo sonbore sonboren la.

Ebrəə 9:15

Bɛ lɛ taman yii ni, Krita lɛ á lɛ kɔ kɔn la dii a zɛlɛ lɛa. Sii baraan mɛnɛn nə n zɛnaa lɛ kɔ kɔn la zizi a biikoo li, asɛ na á gã á minin si bɛn la, màn mɛn bɛ́ toɛ, Lawa din min mɛnɛn bíi, á n lɛ kɔ ǹ la ka bǐɛ̃ nyabaã wole ne, bɛn nə bɛ yɛ.

Piɛrɛ1 2:9

Sɛnɛ, kasɛn man Lawa a tɔrɔ boe lɛa, tɔrɔ mɛn bɛ́ Kii Lawa a wúlu-bɔlen lɛa. Kasɛn man tɔrɔ lɛa, Lawa koa a gɔrɔn a din wɔ lɛa, tɔrɔ mɛn a minin bɛ́ Lawa wɔn lɛa. A na á ka bíi á ka bɔ wɔlɔ tì li, á daa ka nɛ a din a wɔlɔ fúlu sonbore kɛ li, mà ka a din a sii sonboren kɛn laakalaa.