Izayii 42:5 - LAWA A BOO SONBORE

⁵ Lawa, Dɛnaa Lawa n kɛ pii asɛ mɛn lon zɛnaa, a ná a lɛ bɔ. Á tán lɛ bɔ ka a gɔ́ɔ̃gɔ́ɔ̃ ǹ màn tumaa nɛ. Tɔrɔn mɛnɛn tumaa bɛ́ tán la, a n yiikoonaabaa koe ǹ la, a piɛ̃ kɔ a giã man wolen la.

LAWA A BOO SONBORE 2011

⁵ Lawa, Dɛnaa Lawa n kɛ pii asɛ mɛn lon zɛnaa, a ná a lɛ bɔ. Á tán lɛ bɔ ka a gɔ́ɔ̃gɔ́ɔ̃ ǹ màn tumaa nɛ. Tɔrɔn mɛnɛn tumaa bɛ́ tán la, a n yiikoonaabaa koe ǹ la, a piɛ̃ kɔ a giã man wolen la.

Izayii 42:5 ပူးပေါင်းရင်းမြစ်များ

Siin Giala 1:1

Lɛlɛ-lɛlɛ Lawa na á lon laanka kanaa da.

Siin Giala 2:7

Dɛnaa Lawa tán tii saa, á zɛnaa minbuiin nɛ lɛa. Á yiikoonaabaa ǹ piɛ̃ dɔ a nyin ni, á n baa màn yiikoonaa lɛa.

Zɔbu 12:10

Màn tumaa a yiikoonaabaa na a din gɔn. Minbuiin tumaa nyin biɛ na a din gɔn.

Zɔbu 27:3

bɛ̀ ma á tɔn boe la ma á piɛ̃ sii, bɛ̀ Lawa a piɛ̃ kɛ á tɔn ma nyin ni,

Zɔbu 33:4

Lawa din na á masɛ zɛnaa ka a yiri ni. Pàãyiidɛnaa din lɛ gɔ́ɔ̃ ǹ piɛ̃ n toɛ ma yii á koo.

Zɔbu 34:14

Bɛ̀ Lawa nə n taasɛ ka a dinsɔɔ̃ a sii ni, bɛ̀ a na a yiikoonaa baa ǹ piɛ̃ kɛ sii soekɔn a din li,

Loen 136:6

Á tán bɔ á nyɔmaa mu lalan, a kɔn-narɛɛ a nyɛɛ duduu.

Loen 33:6

Dɛnaa Lawa na á lon zɛnaa ka a din a boo ne, a na á lon màn tumaa zɛnaa, ka a din lɛ gɔ́ɔ̃ ǹ piɛ̃ nɛ.

Loen 96:5

Tɔrɔ kɔsɔn bɛ́ mànan mɛnɛn guguru koe, bɛn man màn kooron lɛa. Sɛnɛ, wɔsɛn Dɛnaa Lawa lɛ na á lon zɛnaa.

Izayii 37:16

«Dɛnaa Lawa Pàãyiidɛnaa, Izirayeli a Lawa, nsɛ mɛn bɛ́ giã-n lon màn yiikoonaa tumaa mìi la, n dinsɔɔ̃ n kanaa a gánan tumaa a Lawa lɛa, n din ni n lon laanka tán zɛnaa.

Izayii 40:12

Die bin na á yìsi mu zɔɔ̃ a gɔn tìsì bii? Die bin na á lon a golebaa zɔɔ̃ ka a gòon yii ni? Die bin na á tán a gusuũ zɔɔ̃ ka sóo ne? Die bin na á kelen gugurubaa zɔɔ̃, á tentenen gugurubaa zɔɔ̃ ka kilo ne?

Izayii 40:22

Dɛnaa Lawa a kii dankan nə tán a buuriibaa lalan lon. Minbuiin nɛn man ka bisin bɛ́ lɔn a yii li. Á lon lɛ bɔ ka mɔnaa bɛ́ lɔn, A ná a lɛ bɔ ka mɔnaa zìã bɛ́ lɔn, a n die giɛ̃ a nɛ.

Izayii 40:26

Ka n yii saa lon ka ga! Die na á leeren zɛnaa? Die nə ǹ diɛ tɔ wɔ ganaa kɔn kio ka sɔraasin bɛ́ lɔn? Min mɛn bɛ́ ǹ tumaa bíi ka ǹ tɔ nɛ, ǹ dɛnaa a kakabaa laanka a pàã la yii ni. Leere kɔn ba nyaabiɛ ǹ tɔ bíi ǹ bǎã-n wa.

Izayii 40:28

N ba bɛ doɛ̃ wa? N bin ma wa? Lawa mɛn bɛ́ a tan haalɛ bibi yǎa duduu, Dɛnaa Lawa, a din na á tán tumaa zɛnaa. Pàã a nyaabiɛ a ganaa duduu wa. A nɔmɛɛ wa. Dan ba a sii-doɛ̃ la wa.

Izayii 44:24

Dɛnaa Lawa n kɛ pii n ni, asɛ mɛn bɛ́ n si sii la wole lɛa, asɛ mɛn nə n zɛnaa n dan gɔ́ɔ̃ nɛ: Ma din ni Dɛnaa Lawa lɛa. Màn mɛn tumaa bɛ́ á tan, ma din ni má ǹ zɛnaa. Ma dinsɔɔ̃ n má lon lɛ bɔ, má kanaa nyɔmaa, min kɔn goɛ̃ yɛ a-n wa.

Izayii 45:12

Á bǐɛ̃ kɔ! Ma din ni má tán zɛnaa, ka minbuiin nɛn mɛnɛn bɛ́ giã-n la. Ma din ni má lon lɛ bɔ. Ma din ni leeren tumaa mìi la.

Izayii 45:18

Dɛnaa Lawa n kɛ pii asɛ mɛn nə lon zɛnaa, Lawa mɛn bɛ́ á tán zɛnaa. A na á zɛnaa, a ná a kaka kɔ. A bie á zɛnaa màn gɔ́ɔ̃ kooro-a lɛa wa. A na á zɛnaa giã ǹ bǎã lɛa. A n pii: «Ma din ni Dɛnaa Lawa lɛa. Kɔsɔ banban.»

Izayii 48:13

Ma din ni ma tán giala koa. Ma din ni ma lon lɛ bɔ. Bɛ̀ má ǹ bíi lɔn, maǹ die kun.

Izayii 57:16

A giala, ma ba zoɛ̃ li máa ma minin zɛ̀rɛbaa biikoo yii li wa, hinlaa ma foo goã yoo-n duduu wa. Bɛ bie wa, ma min mɛnɛn zɛnaa, bɛn yiikoonaabaa á re n sii ǹ la.

Zeremii 10:12

Dɛnaa Lawa tán zɛnaa ka a pàã nɛ, á kanaa koa ka sii-doɛ̃ nɛ, á lon lɛ bɔ ka yiridɛnaabaa nɛ.

Zeremii 27:5

Ma din ni má tán zɛnaa, minbuiinin ni ka tɔɔn tumaa-n tán la. Man má ǹ zɛnaa ka ma pàã gole kɛ laanka maa boo sii la gole kɛ nɛ. Bɛ̀ min mɛn kɔɔ̃n kɔ ma ganaa, ma mànan mɛnɛn zɛnaa ma ǹ koe bɛa dɛnaa la.

Zeremii 32:17

«E! Dɛnaa Lawa, n din ni n tán laanka lon zɛnaa, ka n Pàã gole ne, ka n boo sii la nɛ! Sii kɔn ba kaka koe n ganaa wa.

Zeremii 38:16

Sɛnɛ, kii Sedekiasi lɛ kɔ wɔ ka durii ni Zeremii-n kɛnɛn: «Ká Dɛnaa Lawa Yiikoonaa tɔ nɛ, asɛ mɛn yiikoonaabaa kɔ wɔ la, ma a re n nyin boe wa. Min mɛnɛn dɔn bɛ́ zoɛ̃ n gɛ̀ li, ma a re n we bɛn gɔn wa.»

Ezekieli 18:4

Sonbore ne, min tumaa n masɛ din wɔ lɛa. Díi bɛ́ maa wɔ lɛa lɔn, nɛ dɔ n maa wɔ lɛa miɛ̃. Min mɛn bɛ́ sii baraa zɛnɛɛ, bɛa dɛnaa lɛ din nə die giɛ̃.

Amɔɔsi 9:6

Min mɛn a giã ǹ bǎã á ke lon, asɛ mɛn bɛ́ á lon zɛnaa á kɔ tán lɛ, yìsi mu bíi bɛ̀ a kaa tán la, a tɔ mà Dɛnaa Lawa.

Zakarii 12:1

Dɛnaa Lawa a da ǹ boo á ke Izirayeli a paǹ li, asɛ mɛn nə lon lɛ bɔ, a ná a gòã daa, á fɔfoã kɔ minbuiin nɛ la, a da ǹ boo á ke:

Nya ǹ dín 17:24

Lawa nɛ, ǹ mɛn bɛ́ á kanaa da ka a gɔ́ɔ̃gɔ́ɔ̃ ǹ mànan nɛ. A n lon a Dɛnaa lɛa ka tán wɔ nɛ, bɛ lɛ nɛ, a ba giɛ̃ minbuiin a gɔn kion doen ne wa.

Nya ǹ dín 17:25

Minbuiin gɔn bie a sii kɔ́n dɔ yɔrɔ boe, ka n pɛ mà a laadoo n màn kɔ́n ganaa wa, a giala a din nə yiikoonaabaa koe min din tumaa la, ka fɔfoã nɛ ka màn tumaa nɛ.

Ebrəə 1:2

Sɛnɛ sisia, giala-nyɔmiɛ biikoo kɛ li, Lawa na á boo da wɔ nɛ, ka a din a Nɛgiĩ kɛ barka nɛ. Lawa na á kanaa da ka bɛa Nɛgiĩ kɛ lɛ pàã nɛ, a na á ná a din dɔ bɔ á koa, mà a màn din tumaa a dɛnaa baa.