Izayii 42:25 - LAWA A BOO SONBORE

²⁵ Bɛ lɛ nɛ, Dɛnaa Lawa na a foo yoo baraa kɛ kaa ǹ la, ka zia baraa nɛ. Bɛa zia lɛ tɛ da ǹ paǹ yii ganaa a ná a lɛnpɛnɛ nɛ, sɛnɛ, Izirayeli na a giala ma wa; á kũ, sɛnɛ a baa a parsii lɛa wa.

LAWA A BOO SONBORE 2011

²⁵ Bɛ lɛ nɛ, Dɛnaa Lawa na a foo yoo baraa kɛ kaa ǹ la, ka zia baraa nɛ. Bɛa zia lɛ tɛ da ǹ paǹ yii ganaa a ná a lɛnpɛnɛ nɛ, sɛnɛ, Izirayeli na a giala ma wa; á kũ, sɛnɛ a baa a parsii lɛa wa.

Izayii 42:25 ပူးပေါင်းရင်းမြစ်များ

Kiin2 25:9

Á tɛ da Lawa a kion kɛ laanka kii a kion ganaa, ka Zeruzalɛmu kiwi a kionən tumaa nɛ. Á tɛ da min dadaran kionən tumaa ganaa.

Zɔbu 40:11

N foo bɛ́ á yoo, n gàãn kaa minbuiinin la. Min mɛnɛn bɛ́ n dinin gole koe, bɛn gisĩ bǎã goon!

Izayii 29:13

Dɛnaa n kɛ pii: «Tɔrɔ kɛ n mɔrɛ-n ma ganaa ka a lɛ gɔ́ɔ̃ ǹ boo dinsɔɔ̃ nɛ. Maǹ ma guguru koe ka ǹ lɛ nɛ, sɛnɛ, ǹ foo wɔlɔ á lui-n ma ganaa. Ǹ bɛ́ gugurubaa mɛn koe ma la, a n minbuiin nɛn daraan boon dininsɔɔ̃nɔn lɛa.

Izayii 47:7

Ma nə n goã pii: «Man kii lɔ lɛa miɛ̃ yǎa duduu.» N nə n taasɛ kɛa siin kɛn nɛ wa. N nə n taasɛ ka biɛ̃ ǹ sii-n wa.

Izayii 48:8

Haayii, a boo ba ka too-n wa, ka a màn kɔn doɛ̃ wa. Kaa yiri koa sii li baã belebɔ. Ma á doɛ̃, ka n yiri siɛ̃ wolen lɛa. Maǹ ka bíi piã-wɔlen a kũ kaa yɛ waáraa ganaa.

Izayii 5:25

Bɛ lɛ taman yii, Dɛnaa Lawa foo n yoo ne a zaman li. Á n gɔn munu ǹ li, á ǹ dɛ. Kelen man bìn diɛ, geren man tán bǎã yii ni ka yisi bɛ́ lɔn. Bɛ tumaa kio, Dɛnaa Lawa foo tɔn basã wa, a gɔn munii lɛ n tɔn lon.

Izayii 57:1

Maǹ min peperen nyin boe, min kɔn dɔ ba n yiri koɛ li wa. Min sonboren man papaɛ̃, min kɔn ná a doɛ̃ mà maǹ nə́ papaã ǹ nə́ n bɔ nɔmaa li wa,

Izayii 57:11

Die na á goã nyɛ́ɛ gole diɛ n ganaa n soɛ bɔ ma nɛ, n yiri bɔ ka ma nɛ. N ba n yiri koɛ ma li doo wa? Man má goã n lɛ tiɛ̃ haalɛ bibi. Bɛ lɛ na á toa n ba ma guguru koe wa.

Izayii 9:13

Bɛ lɛ nɛ, lɛawaa goon gɔ́ɔ̃ nɛ, Dɛnaa Lawa Izirayeli gána mìi laanka a mui kuru.

Izayii 9:19

Maǹ pɔrɛɛ gusin, ǹ bòo dɔ a nyɛɛ wa. Maǹ pɔrɛɛ gɔsɛ, sɛnɛ ǹ ba kiɛ̃ wa. Didie n yui ǹ dɔɔ̃n gialaa:

Zeremii 12:11

Sonbore, maǹ nə́ bɔyaa ǹ nə́ baa gána ziziɛ̃ lɛa, piɛ̃-n ka gɛ̀ koa nɛ. Ma yɔrɔ-a, bǎã tumaa n diə gole lɛa. Gána lɛ tumaa ziziɛ̃. A min kɔn din yii li ǹ sii lɛa wa.

Zeremii 5:3

Dɛnaa Lawa, n bie giɛ sonbore taãn li wa? Ń nə́ ǹ dɛ, sɛnɛ a wɔ ǹ ganaa wa. Ń bɔ̀n da ǹ ganaa, sɛnɛ, ǹ nə́ n piã ka n doroon ne. Ǹ nə́ n mìi laa ka kɔlɔ bɛ́ lɔn, ǹ nə́ n piã mà ǹ ba die n li wa.

Zeremii 7:20

Bɛ lɛ nɛ, Dɛnaa Lawa pɛ: «Man die maa foo-yoo baraa kiɛ kiwi kɛ la, a minin ni a tɔɔn nɛ, kɔnlɛ ka a dan laanka a tán kɔsiɛ mànan nɛ. Á die n biɛ ka tɛ bɛ́ lɔn a ná a nimi wa.»

Busii pɛ 2:3

A foo-yoo baraa lɛ gɔ́ɔ̃ nɛ, á Izirayeli pàã tumaa ziziɛ̃. Á n piã ka a dɔmalɛ nɛ bɛ̀ a zɔ́ɔ lɛ bɛ́ á daa á dɔ. Sɛnɛ, á tɛ da, á kũ, a ná a zaman lɛnpɛnɛ.

Busii pɛ 2:4

A ná a sa dii ka zɔ́ɔ bɛ́ lɔn, a gusin nə kiɛ la, zoɛ̃ mà a n gɔn bɔ a ganaa. Minin mɛnɛn tumaa bɛ́ kɔɔ̃n wɔ ganaa, á bɛn tumaa dɛ. A ná a foo-yoo kɛ zuzuu ka tɛ bɛ́ lɔn Lawa a kion kɛ la.

Ezekieli 20:34

Ma goã má ka pɛsɛ̃ gánan mɛnɛn nɛ, tɔrɔn mɛnɛn bii, ma á re maa foo-yoo kɛ nyɛɛ ka nɛ, ma tɔn ka waa bɛn bii ka pàã laanka boo sii la nɛ, ma ka sɔkɔn.

Ozee 7:9

Tiin manə ǹ kakabaa a là bii, sɛnɛ, ǹ ba doɛ̃ wa. Ǹ mìi ka na á fulu sɛnɛ, ǹ dinin ba doɛ̃ wa.

Nahumu 1:6

A foo-yoo gɔ́ɔ̃ nɛ, die n boe la a gole a yɔrɔ-a? Die yii n boe la a goã koo a foo-yoo baraa kɛ gɔ́ɔ̃ nɛ? A foo-yoo n ka tɛ bɛ́ lɔn, wɔlɔ tumaa kuĩ, haalɛ gɛ̀fu din nə yɔyɔrɛ a nyɛɛnɛ.

Malakii 2:2

Ka n too kɔ ma lon, ka n doa gugurubaa mɛn bɛ́ maa wɔ lɛa ka bɛ kɔ ma la. Bɛ bie wa, ma á re lɛn baraa bíi ka li, ma yii-nyɛɛ mɛn lɛ kɔ ka la ma á re bɔyɛɛ ma baa lɛn baraa lɛa ka ganaa. Hiĩ, a giala kaa sii kɔn kuĩ ka ka parasii-n wa.

Timəə dí-pɛn 32:22

Maa foo a yoo lɛ gɔ́ɔ̃ nɛ, tɛ na á soo. Bɛa tɛ lɛ kũ yǎa geren piɛ, á màn tumaa kũ tán la, á kelen giala wɔ ǹ bǎãn kukũ.