Izayii 42:24 - LAWA A BOO SONBORE

²⁴ Min mɛnɛn nə Zakɔba a zaman gɔn mànan si, die na á ǹ wɔ bɛn gɔn? Min mɛnɛn nə Izirayeli kokoo, die na á ǹ wɔ bɛn gɔn? Dɛnaa Lawa bie wa? A giala, mà wɔ n wɔ́ sã a ganaa. A zii mɛn nyaa a zaman nɛ, ǹ kɔ bɛ lɛ wa, a dí-pɛ mɛn kɔ ǹ la, ǹ kɔ lɛ wa.

LAWA A BOO SONBORE 2011

²⁴ Min mɛnɛn nə Zakɔba a zaman gɔn mànan si, die na á ǹ wɔ bɛn gɔn? Min mɛnɛn nə Izirayeli kokoo, die na á ǹ wɔ bɛn gɔn? Dɛnaa Lawa bie wa? A giala, mà wɔ n wɔ́ sã a ganaa. A zii mɛn nyaa a zaman nɛ, ǹ kɔ bɛ lɛ wa, a dí-pɛ mɛn kɔ ǹ la, ǹ kɔ lɛ wa.

Izayii 42:24 ပူးပေါင်းရင်းမြစ်များ

KZS2 15:6

Maǹ nə́ goã kɔn yɔyɔrɛ gána laanka gána, kiwi laanka kiwi. Lawa na á bìn da ǹ ganaa ka koe tɔrɔ tumaa nɛ.

KZS2 36:17

Dɛnaa Lawa Baabiloniin kii da gána lɛ ganaa, á woo a zia baa. Bɛa kii lɛ sɔraasin dɛ yǎa Lawa a kion. Min kɔn makara bie boe a ganaa wa: tɔntɔraa tenən ne, nɛlɔ tenən ne, min yii fuliin ni, ka min zizin ni. Lawa nə́ ǹ tumaa wɔ a gɔn.

Loen 81:12

Sɛnɛ, maa zaman lɛ nə n too kɔ maa lɛ-dia ganaa wa. Izirayeli mà a ba ma li wa.

Loen 81:13

Bɛ lɛ nɛ, ma ǹ toa walan, ǹ baãnaabaa ǹ too kakabaa gɔ́ɔ̃ nɛ. Haya, ǹ kɔ ǹ dinin dùũ lɛ kəni.

Izayii 30:15

Dɛnaa Lawa, Izirayeli a Lawa sonbore n kɛ pii: Bɛ̀ ka n bɔyaa ka daa masɛ li, ka giã kiĩn ni, ka á re kirisibaa yii. Bɛ̀ ka n foo doa masɛ ganaa, ka giã kiĩn ni, bɛ lɛ n die pàã koe ka la. Sɛnɛ, ka lɛ kɔ bɛ ganaa wa.

Izayii 42:23

Die n ka bii, a n li a n too kɔ taãn-taãnɛ? Die n ka bii, a n die n yiri koɛ bɛ li biɛ̃ ǹ a lɛa?

Izayii 45:7

Man wɔlɔ fúlu koɛ, ma wɔlɔ tì zɛnaa. Man là nyantoro zɛnɛɛ, ma koe dɔ zɛnaa. Hiĩ, ma din Dɛnaa Lawa n bɛ tumaa zɛnɛɛ.

Izayii 47:6

Ma foo goã á yoo maa zaman li. Màn mɛn bɛ́ maa wɔ lɛa, má n la bɔ bɛ ganaa, má ǹ wɔ n gɔn. N makara bɔ ǹ ganaa boɛɛn dinin wa. Ń nə́ n pàã a gugurubaa da ǹ min zizin kɔrɔn, ka zǔu bɛ́ lɔn.

Izayii 48:18

Bɛ̀ ma n nə́ n yiri koa maa dí-pɛn kɛn li, bɛ̀ n yii-nyɛɛ n goɛ̃ ka tà mu bɛ́ lɔn, n peperebaa goã ka yìsi mu gole bɛ́ lɔn,

Izayii 57:17

Izirayeli a zɛ̀rɛ laanka a din foo siin kɛn nə́ ma foo yoo, bɛ lɛ nɛ má dɔlɔ da la. Ma ba li ma yɛ doo wa. Sɛnɛ a too kakabaa taman yii, a n tɔn koe a din foo siin lɛ.

Izayii 63:10

Sɛnɛ, ǹ nə́ piã-wɔlen baa. Ǹ nə́ n Yiri sonbore kɛ foo ziziɛ̃. Dɛnaa Lawa nə́ n bɔyaa á ǹ zɔ́ɔ baa, a n zia biɛ ǹ ganaa.

Zeremii 44:10

A da kaa pelo ǹ lɛ, min kɔn tɔn nə n din boɛɛn kɔ, á ma guguru kɔ wa. Min kɔn tɔn kɔ maa daraan laanka maa dí-pɛn kɛn lɛ wa, kɛn má ǹ kɔ ka la kɔnlɛ ka ka digolon ne.»

Zeremii 5:15

Á ke, Izirayeli minin, tɔrɔ mɛn bɛ́ boe sɔsɔɔ, man die bɛ diɛ ka ganaa. Dɛnaa Lawa a da ǹ boo ne. Tɔrɔ nɛ pàã ná a lon, Tɔrɔ zizi ni, tɔrɔ lɛa, ka a ǹ bɔlɔ miɛ̃ wa, ka a ǹ boo a woo ǹ bǎã yii wa.

Busii pɛ 1:14

A yii tá maa sii baraan tumaa ganaa a yɔrɔ-a. Á ǹ kaa kun á ǹ yii, á ǹ kaa ma mìi ni. Ǹ gugurubaa kaa ma la. Dɛnaa Lawa ma pàã kiɛɛrɛ kɔ, á ma wɔ minin gɔn, ma bɛ́ ma a boe la ma yɔ bɔ kɔn ka ǹ mɛnɛn nɛ wa.

Busii pɛ 1:18

Dɛnaa Lawa n pepere, a giala, ma din ni má n piã ka a gɔn waa ma-n nɛ. Tɔrɔn tumaa, ka bǐɛ̃ kɔ ka n too kɔ. Ka ga maa là-paparɛɛ ganaa. Ǹ nə́ maa nɛlɔn laanka maa nɛgiĩn goa ǹ nə́ woo ǹ ne bɛ̀rɛbaa ǹ bǎã nɛ.

Amɔɔsi 3:6

Bɛ̀ ń ziabaa ǹ bɛn wuu ma boe kiwi, nyɛ́ɛ á re a minin kuĩ. Bɔ̀n ba kiwi kɔn yii, bɛ̀ Dɛnaa Lawa na a lɛ kɔ wa.

Matiə 22:7

Kii lɛ foo yoo. A ná a sɔraasin dia, mà ǹ wo bɛa gɛ̀-dɛlen kɛn lɛn dɛ, ǹ tɛ da ǹ kiwi ganaa.

Timəə dí-pɛn 28:49

Dɛnaa Lawa á re tɔrɔ kɔsɔn diɛ, ǹ bɔ bǎã sɔsɔɔ nɛ kanaa lɛ dàn ganaa ǹ da ka gialaa. Ka a bɛa tɔrɔn lɛn dinin bɔlɔ miɛ̃ wa. Maǹ die die ka gialaa, ka giogialatã-a wɔ bɛ́ lɔn.

Timəə dí-pɛn 32:30

Min goon dinsɔɔ̃ n siɛ lɔn, a min duu goon loo? Min paa dinsɔɔ̃ n siɛ lɔn, a min duu fù kaa baa ganaa, bɛ̀ ǹ tamaali lɛ bie á ǹ sã wa, bɛ̀ Dɛnaa Lawa lɛ bie á ǹ wɔ ǹ zɔ́ɔn gɔn wa?

Sii yɔrɔ-bɔlen 10:7

Ǹ nə́ Dɛnaa Lawa din toa walan, ǹ dí nya nɛ doo wa. Bɛ lɛ nɛ, Dɛnaa Lawa foo yoo Izirayeli minin lɛn li, á tɔ́n nə ǹ wɔ Filisiti minin laanka Amɔn tɔrɔn lɛn gɔn.

Sii yɔrɔ-bɔlen 2:14

Dɛnaa Lawa foo yoo Izirayeli minin lɛn li. Á ǹ wɔ basaã-kɔlen gɔn, ǹ nə́ basaã kɔ ǹ nɛ. Ǹ zɔ́ɔn mɛnɛn nə goã ǹ lɛnpɛnɛ, á ǹ kɔ bɛn la. Ǹ boo la ǹ nə́ golee ǹ zɔ́ɔn lɛn yɔrɔ-a doo wa.

Sii yɔrɔ-bɔlen 3:8

Bɛ lɛ nɛ, Dɛnaa Lawa foo yoo Izirayeli minin lɛn li, á ǹ kɔ Mezopotamiin kii Kusan-Risitayimu la. Izirayeli minin lɛn nə́ goã Kusan-Risitayimu a pàã giulun, lɛ̀ kiwisi gɔ́ɔ̃ nɛ.