Izayii 42:15 - LAWA A BOO SONBORE

¹⁵ Man die kelen laanka tentenən wurii. Màn mɛn tumaa bɛ́ boe la, ma bɛ laa. Man die tàn bɔyɛɛ ma baa bǎã gere lɛa. Ma pɛrɛ dadaran mu piɛ̃ ka daɛ̃.

LAWA A BOO SONBORE 2011

¹⁵ Man die kelen laanka tentenən wurii. Màn mɛn tumaa bɛ́ boe la, ma bɛ laa. Man die tàn bɔyɛɛ ma baa bǎã gere lɛa. Ma pɛrɛ dadaran mu piɛ̃ ka daɛ̃.

Izayii 42:15 ပူးပေါင်းရင်းမြစ်များ

Loen 18:7

Maa fuu lɛ gɔ́ɔ̃ nɛ, má lɛ dia Dɛnaa Lawa la, má n lɛ dɛ maa Lawa lɛ ganaa. Á n toa a bǎã sonbore kɛ nɛ, á ma lɛ ma. Ma lɛ-dɛ mɛn wɔ, á kaa a too ne.

Izayii 41:15

Á ke man die n biɛ dí nya ǹ màn dii lɛa, a sɔn nə́ sosolo, a n tii nyui, a sɔn nə màn papaa kɔn la. N tá re kelen yɔyɔrɛ, n nə ǹ bɔyaa n nə ǹ baa gusuũ lɛa. Tentenən kɛn, n tá re bɛn biɛ buu gere lɛa.

Izayii 44:27

Man pii mu zuzulu ni: «Piɛ̃ ka daɛ̃. Ma á re n mu diɛ piɛ̃ ganaa»

Izayii 49:11

Ma á re kele mìin bɔyɛɛ ma ǹ baa kiɛ̃ ǹ zii sonboren lɛa. Ma á re tii kiɛ nyankɔrɔn nɛ ǹ yoo lon.

Izayii 50:2

Ma bɛ́ ma daa, wàa na á baa ma da min kɔn yaa wa? Má lɛ dia, min kɔn ma lɛ si wa. Wàa na á baa kəni? Ka ǹ taasɛ mà maa boe la ma ka si ma ka kaa wa? Kaa kirisibaa ǹ pàã na a ba ma lon wa? A da yaa, maa paraa-mali dinsɔɔ̃ n yìsi mu piɛ̃ ka daɛ̃. Man tà bɔyɛɛ ma baa diə lɛa. Mu wɛɛ taman yii, zɔ̀nɔn man giɛ̃, ǹ bɔɔ̃.

Zeremii 4:24

Man giɛ kelen ganaa: maǹ bìn diɛ. Tenten tumaa n bìn diɛ.

Ezekieli 38:19

Bɛa foo wuu pɛ laanka bɛa foo-yoo gole lɛ gɔ́ɔ̃ nɛ, man kɛ pii: Bɛa pinaa kɛ lɛ nɛ, tán tá re bìn diɛ gole we Izirayeli gána nɛ.

Ezekieli 38:20

Yìsi mu li ǹ zɔ̀n nɛ, bàanan nɛ, don mànan nɛ, màn mɛn tumaa bɛ́ tɔ we a nɔ̀ la tán, minbuiin nɛ mɛn tumaa bɛ́ kanaa kɛ nɛ, bɛ tumaa gɔ̀nɔn tá re bìn diɛ ma nyɛɛnɛ. Kelen tá re wurii, mu a gisĩ ǹ bǎãn kɛn tá re ziziɛ̃, kungɔnɔn tá re kiɛ.

Azee 2:6

Sɛnɛ á ke masɛ Dɛnaa Lawa Pàãyiidɛnaa pɛ: Kànaa ka boɛɛn nɛ ma á re bìn diɛ lon laanka tán ganaa yìsi mu laanka tán gere ne.

Zakarii 10:11

Ǹ tá re koe yìsi mu kɛ kuri. Masɛ Dɛnaa Lawa, ma á re yìsi mu gole a mu duwii. Haalɛ Niili tà gɔ́ɔ̃ din tá re laɛ. Asiirii gána, din gole-kɔle kɛ á re mɛnɛɛ. Ezipti a pàã á re nyɛɛ.

Sii-nyaan 11:13

A din biikoo goon kɛ lɛ li, tán bìn-diɛ bɔbɔnɛɛ goon nə́ n zɛnaa. Á kiwi lɛ a talakɔn fùbaa ǹ wɔ dɛ á kaa. Min duu sɔbaa dɔ́ gã bɛa tán bìn-diɛ kɛ lɛ gɔ́ɔ̃ nɛ. Min mɛnɛn nə n bɔ a nɛ, nyɛ́ɛ gole bɛn kũ, ǹ nə́ lon a Lawa tɔ guguru kɔ.

Sii-nyaan 16:12

Lon a dia dí-a wole sɔrɔbaa ǹ wɔ kɛ ná a wɔ binyəə Efrati tà gole mu li. Tà mu lɛ piɛ̃, á boo la á zii kɔ lɛ̀giala a kiin la mà ǹ kiɛ̃.

Sii-nyaan 16:18

La a tɛ-pɛn nə́ yɛ, màn wuun nə́ bɔ, la a paraa wuu bɔ ka yɔrɔ kɔ́n nɛ, tán bìn da parsiini. A saa minbuiin a zɛnaa waáraa ganaa, bɛa tán bìn-diɛ kɛ miã tɔrɔ tɔn yɛ wa, a na á baraa kɔ ka yɔrɔ kɔ́n nɛ!

Sii-nyaan 20:11

Má wusoo má kii dankan fu gole yɛ, ka ǹ dɛnaa ná a nɛ. Lon laanka tán baa si ǹ nə́ papaã a nyɛɛnɛ, min wusoo á ǹ yɛ wa.