Izayii 42:1 - LAWA A BOO SONBORE

¹ «Maa dí-nyali á ke: Man kuĩ a gɔn ganaa. Má bɔ ka foo kɔɔ̃nbaa nɛ. Má n yiri da la, má a peperebaa nyaa tɔrɔn manɛ.

LAWA A BOO SONBORE 2011

¹ «Maa dí-nyali á ke: Man kuĩ a gɔn ganaa. Má bɔ ka foo kɔɔ̃nbaa nɛ. Má n yiri da la, má a peperebaa nyaa tɔrɔn manɛ.

Izayii 42:1 ပူးပေါင်းရင်းမြစ်များ

Siin Giala 49:10

Kiibaa n die goɛ̃ Zudaa a kion biikoo tumaa li. Kiibaa ǹ bàbàla n die goɛ̃ a tɔrɔn gɔn biikoo tumaa li, yǎa kiibaa ǹ bàbàla lɛ a dɛnaa die, tɔrɔ tumaa doamaa bɛ́ ǹ min mɛn bɔlɔ si.

Loen 72:4

Toa kii lɛ sii sonbore zɛnaa, n din a tɔrɔ lɛ a doobaan manɛ, a n baa ǹ kirisibaali lɛa. Sɛnɛ, min mɛnɛn bɛ́ mɛnɛɛ doobaan la, toa a bɛn dɛ.

Loen 89:4

N din nə́ n pɛ kɛnɛn: Ma maa bɛ̀rɛgiĩ Davida mɛn bɔ, má lɛ kɔ kɔn la wɔ ka bɛ nɛ, má n liɛ nɛ, má pɛ:

Izayii 2:4

A din nə die kiri-kuruli biɛ tɔrɔn bii. Á re tɔrɔ gigiã a waa kɔn wole biɛ. Ǹ ziabaa ǹ gɔya san kɛn, ǹ tá re bɛn biɛ kán nànan lɛa. Ǹ sɛ̀miɛ̃n kɛn, ǹ tá re bɛn biɛ sɛǹ gɔyan lɛa. Gánan ba re gɔya san goɛ kɔn li doo wa, min ba re n darɛɛ ziabaa-a doo wa.

Izayii 32:16

Bɛa biikoo li, sonborebaa á re yii diə gole ne, peperebaa á re giɛ̃ da nɛ-kɔle wuru-n.

Izayii 41:8

Nsɛ Izirayeli, maa dí-nyali, nsɛ Zakɔba, ma zaman mɛn yii gɔgɔɔ̃, ma n maa giaára Abrahamu tɔrɔ lɛa.

Izayii 41:9

Man má woo ga n li kanaa lɛ dan ganaa, má lɛ dia n la gána sɔsɔɔn nɛ. Má pɛ n nɛ: Ma n maa dí-nyali lɛa, má n yii gɔgɔɔ̃, ma n toa walan wa.

Izayii 42:2

A ba re n lɛ dii wa, a re parɛɛ wa. Min ba re a lɛ miɛ zii gialaa wa.

Izayii 43:10

«Maa siéren man ka ka dinin ni. Kasɛn nɛ, ka maa dí-nyali kɛ nɛ má bɔ. Màn mɛn bɛ́ toɛ, ka golee masɛ li, ka dɔ̃, ka a giala ma, mà masɛ din nə Lawa lɛa. Lawa kɔsɔ goã ma nyɛɛn wa. Kɔsɔ dɔ a re yii ma kio wa. Dɛnaa Lawa a da ǹ boo ne.

Izayii 50:10

Die n nyɛ́ɛ biɛ Dɛnaa Lawa yii-n ka bii? Bɛa Dɛnaa doamaa nɛ a n too kɔ a dí-nyali lon. Die n tɔ we tèlò-n, tɛ fúlu goon ná a banban? Bɛa Dɛnaa doamaa nɛ a golee Dɛnaa Lawa li, a n foo doa a Lawa ganaa.

Izayii 52:13

Dɛnaa Lawa pɛ: Á ke, maa dí-nyali n die bǐɛ̃ koe. Ǹ tá re a guguru koe, ǹ na a laakalaa gugurubaa n die n koe la.

Izayii 53:11

Fuun kɛn lɛa á ǹ si a ganaa, á re wɔlɔ fúlu yii. Á re piɛ̃ ka là nyantoro ne. A sii-doɛ̃ taman yii, maa dí-nyali, min pepere taãn-taãn kɛ á re min gigiã darɛɛ peperebaa ganaa, a giala, á n toɛ̃ ka ǹ sii baraan nɛ.

Izayii 59:21

Sɛnɛ masɛ a paǹ li, ma bɛ́ lɛ kɔ kɔn la mɛn we ǹ nɛ, á ke, Dɛnaa Lawa na á pɛ: Ma yiri n ka la. Má maa boo wɔ ka lɛ-n. A n ka dinin wɔ lɛa, kaa nɛnyaanan nɛ, ka kaa nɔ̀ɔnɔn nɛ, sisia yǎa duduu. Ma a re ǹ sii ka la duduu wa. Ma din Dɛnaa Lawa n má pɛ.

Izayii 61:1

Dɛnaa Lawa Yiri n ma la. Hiĩ, a na á ma bɔ á ma koa, mà ma boo tii kɔɔ̃n pɛ doobaan manɛ. Min mɛnɛn bɛ́ nɔmaa nɛ, mà ma wo bɛn foo basã. Ǹ min mɛnɛn goa ǹ nə́ woo ǹ ne, mà ma wo pɛ bɛn manɛ, mà ǹ tá re ǹ kiɛ. Min mɛnɛn bɛ́ kòso ne, ǹ tá re bɛn sii ǹ nə ǹ kaa.

Izayii 63:1

Die n ke boe Edɔmu gána nɛ, boe a kiwi Bozira kɛ nɛ? Á mɔnaa tãtãn wɔ. Á mɔnaa sonboren wɔ, a n tɔ we ka din narɛɛ nɛ, a foo n doa nɛ a din ganaa. Dɛnaa Lawa pɛ: «Ma din ni kiri pepere we. Pàã tá ma lon ma ka kirisibaa.»

Azee 2:23

Dɛnaa Lawa Pàãyiidɛnaa pɛ: «Bɛa pinaa kɛ lɛ nɛ, man die n kuĩ, nsɛ Zorobabeli, Salatieli a nɛ maa kialandɛnaa, hiĩ, Dɛnaa Lawa na á pɛ, man die n biɛ ka kaaran bɛ́ lɔn ǹ tá we góon ganaa, n tá re sii zɛnɛɛ ka ma tɔ nɛ. A giala ma din ni má n bɔ. Dɛnaa Lawa Pàãyiidɛnaa a da ǹ boo n ka kɛ nɛ.»

Zakarii 3:8

Yesuwa, n too kɔ, nsɛ mɛn bɛ́ Lawa a wúlu-bɔlen kiã lɛa, ka kasɛn kɛn dɔn nɛ kun ni Lawa a wúlu-bɔlen lɛa. A giala, sii mɛn bɛ́ re n zɛnɛɛ, kasɛn Lawa a wúlu-bɔlen kɛn tan nə bɛ giala pii. Á ke man die die ka maa dí-nyali ni, a tɔ n "da ten".

Malakii 1:11

A saa lɛ̀giala ganaa a wo lɛ̀nyɛɛn yaa, tɔrɔ tumaa n maa golebaa doɛ̃, maǹ màn giĩ kɔɔ̃n tiɛ̃ bǎã tumaa nɛ ka ma tɔ nɛ, wúlu màn mɛn bɛ́ kɔnboe ka ma nɛ, ǹ nə́ die ka bɛ nɛ. Hiĩ! Tɔrɔ tumaa n maa golebaa doɛ̃, man pii ka nɛ masɛ, Dɛnaa Lawa Pàãyiidɛnaa.

Matiə 17:5

A bɛ́ bɛa boo lɛ diɛ, labara tɛ-pɛle goon nə́ n kuməə ǹ ganaa. Boo-diɛ lɛ bɔ bɛa labara lɛ gɔ́ɔ̃ nɛ á pɛ: «Kɛ n maa Nɛgiĩ lɛa, ma á narɛ parsiini, ma din ni má bɔ. Ka n too kɔ a lon!»

Luku 3:22

Yiri Fu gisĩ la, yii ná a ganaa ka zɛrɛkantoan bɛ́ lɔn. Ka bɛ dɔ nɛ, boo-diɛ lɛn bɔ lon á pɛ: «Kɛ n maa Nɛgiĩ lɛa, ma á narɛ parsiini, ma din ni má bɔ.»

Luku 4:18

Dɛnaa Yiri n ma la. Hiĩ, a na á ma bɔ á ma koa, mà ma boo tii kɔɔ̃n pɛ doobaan manɛ,

Luku 4:19

min mɛnɛn bɛ kòso ne mà ǹ tá re ǹ kiɛ, min mɛnɛn bɛ́ yii tere-an lɛa mà ǹ yii á re wusii a wɔlɔ yɛ, ǹ bɛ́ mɛnɛɛ min mɛnɛn la, mà ǹ tá re bɛn kiɛ. A na á ma dia mà ma da pɛ mà Dɛnaa a bǐɛ̃baa lɛ̀ nɛ.

Luku 9:35

Boo-diɛ bɔ bɛa labara lɛ-n kɛnɛn: «Kɛ n masɛ a Nɛgiĩ lɛa, ma bɛ́ má min mɛn yii gɔgɔɔ̃. Ka n too kɔ a lon.»

Zaã a sɛ́wɔ 16:32

Á ke, biikoo kɔ́n tá re doe, á dɔ dinin, ka á re sawɛɛ, didie wo a piɛ, ka masɛ dinsɔɔ̃ toa walan. Sɛnɛ, ma bie ma dinsɔɔ̃ wa, maa Díi tá kun ka ma nɛ.

Zaã a sɛ́wɔ 3:34

Lawa bɛ́ á min mɛn dia, bɛa dɛnaa lɛ n Lawa a boon pii, a giala, Lawa din na a Yiri koe la ka a parsiini.

Zaã a sɛ́wɔ 6:27

Màn-bii mɛn bɛ́ ziziɛ̃, ka baran dí nya bɛa lɛa wa, sɛnɛ, màn-bii mɛn bɛ́ beleboe, a n nyin nyabaã koe, ka dí nya bɛa lɛa. Bɛa màn-bii kɛ lɛ, Min a Nɛgiĩ n koe, a giala, Díi Lawa din na á boo sii la ǹ pàã kɔ la.»

Nya ǹ dín 10:38

Ka á doɛ̃, mà Yezu mɛn bɛ́ boe Nazarɛti, mà Lawa na á bɔ, á Yiri Fu kɔ la parsiini, ka pàã dɔ nɛ. Á woo bǎã tumaa nɛ, á bǐɛ̃ zɛnaa. *Sɛtaan goã min mɛnɛn tumaa nɔmiɛ, á bɛn yii kaka kɔ, a giala, Lawa na á goã kun ni.

Nya ǹ dín 11:18

Min mɛnɛn bɛ́ n too koe Piɛrɛ lon, ǹ bɛ́ ǹ nə́ boo kɛ ma, ǹ foo waa. Ǹ nə́ barka da Lawa-n kɛnɛn: «Á ke, Lawa zii kɔ tɔrɔ kɔsɔn kɛn dɔn la, ǹ nə́ wusoo ǹ sii baraan kio, ǹ nə́ golee Lawa li. Bɛa tɔ wɔ ǹ gɔn bɔyaa kɛ nə ǹ kiɛ yiikoonaabaa taãn-taãn nɛ.»

Nya ǹ dín 28:28

Ka dɔ̃ kəni, mà Lawa na á bɛa kirisibaa ǹ boo kɛ lɛ dia tɔrɔ kɔsɔn la, bɛn tá re n too koe.

Nya ǹ dín 9:15

Sɛnɛ, Dɛnaa pɛ nɛ: «Woo, a giala giĩ kɛ lɛ, min ni, ma din bɔ, màn mɛn bɛ́ toɛ, a masɛ tɔ kɛ laakalaa tɔrɔ kɔsɔn manɛ, ka kiin ni, ka Izirayeli minin ni.

Efɛɛzi minin 1:4

Wɔa tá kun ka Krita-n lɛ a lɛa nɛ, Lawa wɔ bɔ a din wɔn lɛa, bɛ̀ a bɛ́ a tɔn kanaa zɛnaa wa. A n mà wɔ goã min sonboren lɛa a din yɔrɔ-a, zɛ̀rɛ ná a ba wɔ ganaa wa. A din a kɔn-narɛɛ gɔ́ɔ̃ nɛ,

Efɛɛzi minin 1:6

A n mà wɔ asɛ a bǐɛ̃ golee kɛ lɛ laakalaa. A bǐɛ̃ mɛn baa wɔ la ka bǐɛ̃baa ǹ foo ne, a ná a Nɛgiĩ narɛɛ wole kɔ wɔ la.

Efɛɛzi minin 3:8

Masɛ n Lawa a zaman kɛ a min bɔnboɛɛnɛn tumaa a boɛɛndɛnaa lɛa. Bɛ tumaa kio, Lawa nə́ n tã la, á lɛ kɔ ma la, ka bɛa bǐɛ̃ kɛ nɛ. Mà ma Krita a màndɛnaa gole gole baa ǹ Boo Tii Kɔɔ̃n kɛ pɛ tɔrɔ kɔsɔn manɛ.

Filipi minin 2:7

Sɛnɛ, màn mɛn bɛ́ a gɔn, a na á n piã ka bɛ nɛ a din li, á bɛ̀rɛbaa ǹ gɔn saa. Á n baa ka minbuiinin bɛ́ lɔn, á daa ka minbuiinbaa ǹ gɔn nɛ.

Kolɔɔsi minin 1:13

Sonbore, Lawa na á wɔ bɔ wɔlɔ tì a goledɛnaa *Sɛtaan pàã giulun, á wɔ kaa a din a Nɛgiĩ narɛɛ wole kɛ a kiibaa nɛ.

Piɛrɛ1 2:4

Ka n mɔrɔ Dɛnaa lɛ ganaa. A din lɛ n kɔlɔ yiikoonaa lɛ lɛa, minin nə́ n piã nɛ, sɛnɛ, a din lɛ-n Lawa bɔ, á n soɛ kɔlɔ tumaa nɛ a yɔrɔ-a.

Piɛrɛ1 2:6

A giala, Lawa a boo n pii: «Bɛ lɛ nɛ man kion gòã daa ǹ kɔlɔ diɛ tán *Siɔn. Kɔlɔ barkadɛnaa nɛ, doa-n tán kaka. Min woo min nə́ n foo doa a ganaa, bɛa dɛnaa a re bìn diɛ wa.»