Biblia Todo Logo
အွန်လိုင်း သမ္မာကျမ်းစာ

- ကြော်ငြာတွေ -




Izayii 41:8 - LAWA A BOO SONBORE

8 Nsɛ Izirayeli, maa dí-nyali, nsɛ Zakɔba, ma zaman mɛn yii gɔgɔɔ̃, ma n maa giaára Abrahamu tɔrɔ lɛa.

အခန်းကိုကြည့်ပါ။ ကော်ပီ

LAWA A BOO SONBORE 2011

8 Nsɛ Izirayeli, maa dí-nyali, nsɛ Zakɔba, ma zaman mɛn yii gɔgɔɔ̃, ma n maa giaára Abrahamu tɔrɔ lɛa.

အခန်းကိုကြည့်ပါ။ ကော်ပီ




Izayii 41:8
37 ပူးပေါင်းရင်းမြစ်များ  

Ka zɛnaa miɛ̃, kasɛn kɛn lɛn Lawa din a dí-nyali Izirayeli tɔrɔn lɛa, kasɛn kɛn lɛn Zakɔba a nɛnyaanan lɛa, ka n Lawa din a yii gɔgɔɔ̃ wolen lɛa.


N dinmaa n wɔa Lawa lɛa. N din nə́ n gána kɛa minin loo bɛ̀ n zaman Izirayeli á ke die, n bɛa gána lɛ kɔ n giaára Abrahamu a kion minin la duduu wɔ lɛa.


Ka zɛnaa miɛ̃, kasɛn kɛn lɛn Lawa din a dí-nyali Abrahamu tɔrɔn lɛa, kasɛn kɛn lɛn Zakɔba a nɛnyaanan lɛa, ka n Lawa din a yii gɔgɔɔ̃ wolen lɛa.


A din na á Zakɔba tɔrɔn bɔ a wɔn lɛa, a din na á Izirayeli tɔrɔn baa a din a minin lɛa.


Á bɛn gána baa ka di kíɛ̃ nɛ, a kɔn-narɛɛ a nyɛɛ duduu wa.


Á kɔ a dí-nyali Izirayeli la, a kɔn-narɛɛ a nyɛɛ duduu wa.


Dɛnaa Lawa bɛ́ tɔrɔn mɛnɛn Lawa lɛa, bɛn wɔ na á bǐɛ̃ kɔ. A bɛ́ á tɔrɔ mɛn a minin bɔ a din wɔn lɛa, á re barka diɛ bɛn ganaa.


Dɛnaa Lawa á re makara boe Zakɔba tɔrɔn ganaa. Sonbore, á re nyɛɛ mà asɛ din na á Izirayeli tɔrɔn yii gɔgɔɔ̃, á re woe ǹ ne ǹ tán la. Tiin tá re kiɛ kunun ǹ ni, ǹ dɔn nə Zakɔba tɔrɔn baa.


Bɛ lɛ nɛ, Dɛnaa Lawa mɛn Abrahamu kirisibaa, bɛa boo á ke á diɛ Zakɔba tɔrɔn manɛ: «Kanna, Zakɔba tɔrɔn foo a re ziziɛ̃ doo wa, sìi ba re ǹ kuĩ doo wa.»


«Maa dí-nyali á ke: Man kuĩ a gɔn ganaa. Má bɔ ka foo kɔɔ̃nbaa nɛ. Má n yiri da la, má a peperebaa nyaa tɔrɔn manɛ.


Die n yii tere-a lɛa bɛ̀ maa dí-nyali kɛ bie wa? Die n too tere-a lɛa ka dia dí-a wole kɛ bɛ́ lɔn má dia? Die n yii tere-a lɛa, ka min kɛ bɛ́ lɔn má bɔ má koa, yii tere-a lɛa ka Dɛnaa Lawa a dí-nyali kɛ bɛ́ lɔn?


Kanna kəni Zakɔba, Dɛnaa Lawa n kɛ pii n ni, asɛ mɛn nə n zɛnaa, á n da kanaa, Izirayeli: N nyan nyɛ́ɛ baa wa, A giala, n si sii la wole n ka ma din ni. Má n bíi ka n tɔ nɛ, Ma n ma din wɔ lɛa.


«Maa siéren man ka ka dinin ni. Kasɛn nɛ, ka maa dí-nyali kɛ nɛ má bɔ. Màn mɛn bɛ́ toɛ, ka golee masɛ li, ka dɔ̃, ka a giala ma, mà masɛ din nə Lawa lɛa. Lawa kɔsɔ goã ma nyɛɛn wa. Kɔsɔ dɔ a re yii ma kio wa. Dɛnaa Lawa a da ǹ boo ne.


Nyɛ́ɛ nyan nə n kũ wa, ma á kunun n ni. Ma á re boe ka n nɛnyaanan nɛ lɛ̀giala-n ma da ǹ nɛ, ma á re boe ǹ ne lɛ̀nyɛɛnɛ ma ǹ sɔkɔn.


«Nsɛ Zakɔba n yiri kɔ ka kɛ nɛ, nsɛ Izirayeli, a giala ma n maa dí-nyali lɛa. Man má n zɛnaa máa n maa dí nya. Izirayeli, ma yiri a boe n ne wa.


Maa dí-nyali Izirayeli kɛa lɛa, ka Zakɔba kɛ nɛ má bɔ má koa, má nsɛ Siirusu bíi ka n tɔ nɛ. Má gugurubaa kɔ n la, a da yaa dɔn dinin n ba ma doɛ̃ wa.


Dɛnaa Lawa pɛ: «N too kɔ ma lon, Zakɔba, nsɛ Izirayeli mɛn bɛ́ má n bíi. Ma bɛ́ yɔrɔ mɛn la, man miɛ̃ duduu. Man sii tumaa a giala kɔ lɛa, man sii tumaa giala nyɔmiɛ lɛa.


Á pɛ ma-n kɛnɛn: «Maa dí-nyali n ka n din ni Izirayeli. Man die maa tɔ golebaa nyɛɛ ka n din ni.»


Ka ga ka di Abrahamu ganaa, ka Saaraa kɛ nɛ á ka yɛ. Ma bɛ́ bíi, bɛ̀ a nɛ banban. Sɛnɛ, má barka da a ganaa, má baa zaman gigiã digolo lɛa.


A da yaa, n din ni wɔa díi lɛa! Wɔa díi gole Abrahamu ba sii kɔn doɛ̃ wɔa paǹ li wa. Izirayeli ba wɔ doɛ̃ wa. Sɛnɛ, Dɛnaa Lawa, nsɛ n wɔa díi lɛa. N din nə wɔ «si sii la wole lɛa.» Bɛ lɛ nə n tɔ lɛa yǎa duduu.


«Minin bɛ́ boo mɛn diɛ n ma wa? Maǹ pii mà má n la bɔ Izirayeli laanka Zudaa ganaa, bɛa tɔrɔ màn paa kɛ lɛ ma ǹ yii gɔgɔɔ̃. Bɛa yɔrɔ lɛ la, maǹ maa zaman lɛ yii puusə koe. Maǹ taasɛ mà ǹ ba gána lɛa doo wa.»


A giala, Izirayeli minin kɛn lɛn, masɛ nə́ ǹ waa má ǹ bɔ Ezipti gána nɛ, maǹ masɛ a dí-nyalin lɛa sisia. Bɛ lɛ n ke, min doamaa bie a n sã ka ǹ bɛ́ bɛ̀rɛ siɛ̃ lɔn wa.


Dɛnaa Lawa pɛ a zaman nɛ: «Ma á ka narɛ.» Sɛnɛ, ǹ nə́ nɔ̀n da la: «Wàa n nyɛɛ mà n tá wɔ narɛ?» Dɛnaa Lawa nə́ ǹ lɛ si: – Ezawu bie á goã Zakɔba ǹ dɔɔ̃n lɛa wa? Sɛnɛ má Zakɔba narɛ,


Ka n taasɛ mà Abrahamu bɛ́ ka digolo lɛa, mà sii kɔ́n ba boe la a kasɛn yɛ wa. Ka baran n dinin bebele wa dɛ! Masɛ n pii ka nɛ, Lawa á boe la a kɔlɔn kɛn bɔyaa a ǹ baa Abrahamu tɔrɔn lɛa!


Dí-pɛn man nə́ daa wàa mɛn a lɛa kəni? Maǹ nə́ daa, ń giɛ màn mɛn bɛ́ sii baraa lɛ lɛa taãnɛ, wɔ bɛ dɔ̃. Lon a dia dí-a wolen man nə́ bɛa dí-pɛn kɛn lɛn kɔ. Ǹ nə́ min goon baa zɛlɛ lɛa, Muizu ni. Maǹ nə́ dí-pɛn lɛn kɔ, mà ǹ goã yǎa Abrahamu tɔrɔ kɛ lɛ a daa doe, lɛ-kɔ nə n wɔ asɛ mɛn lɛ nɛ.


Sɛnɛ, a laan bɛ yii ni, Dɛnaa Lawa na á goã kun ka ka digolon lɛn nɛ, á ǹ narɛ. Ǹ tɔrɔn mɛnɛn bɛ́ ǹ kio, bɛ giala, ka dinin lɛn, a na á ka yii gɔgɔɔ̃, á ka bɔ tɔrɔ kɔsɔn bii, ka a bɛ́ ke lɔn pelo.


Kaa Lawa, Dɛnaa Lawa din na á ka bɔ á ka koa a din wɔ lɛa. A din na á ka bɔ tɔrɔ kɔsɔn kɛn tumaa bii kanaa, màn mɛn bɛ́ toɛ, ka a dinsɔɔ̃ gɔn màn baa.


Ká Lawa a boo bɛ́ á pɛ lɔn: «Abrahamu nə́ n foo doa Lawa ganaa. Bɛ lɛ na á toa Lawa kũ min pepere lɛa», á bíi mà a din a giaára.


ကြှနျုပျတို့နောကျလိုကျပါ:

ကြော်ငြာတွေ


ကြော်ငြာတွေ