Izayii 41:24 - LAWA A BOO SONBORE

²⁴ Sɛnɛ, kaa màn kɔn din lɛa wa. Ka bɛ́ siin mɛnɛn zɛnɛɛ, kooro ne. Min mɛn bɛ́ ka biɛ lawa lɛa, bɛ n min bɔbɔnɛɛ lɛa.

LAWA A BOO SONBORE 2011

²⁴ Sɛnɛ, kaa màn kɔn din lɛa wa. Ka bɛ́ siin mɛnɛn zɛnɛɛ, kooro ne. Min mɛn bɛ́ ka biɛ lawa lɛa, bɛ n min bɔbɔnɛɛ lɛa.

Izayii 41:24 ပူးပေါင်းရင်းမြစ်များ

Loen 115:8

Toa ǹ zɛnaalin lɛn nə n baa ka ǹ bɛ́ lɔn. Min mɛn tumaa bɛ́ n foo doɛ ǹ ganaa, toa ǹ nə́ n baa ka dìn lɛn dinin bɛ́ lɔn.

Suusun 28:9

Min mɛn bɛ́ n too tiɛ̃ màn mɛn bɛ́ toɛ a nyan dí-pɛn ma wa, a Lawa nyankɔ dɔ din nə sii bɔbɔnɛɛ lɛa.

Suusun 3:32

Min kɔkɔrɔn tìĩ n boe ne Dɛnaa Lawa nyin ni, sɛnɛ, min peperen giaára nɛ.

Izayii 37:19

Ǹ nə́ ǹ dìn zũ tɛ-n, a gialaa, ǹ bie Lawa lɛa wa. Màn nyínin manɛ, gɔn hinlaa kɔlɔ lɛa, minbuiin nɛ a màn zɛnaa lɛa, ǹ nə́ ǹ ziziɛ̃.

Izayii 41:29

Á ke, ǹ ba màn kɔn lɛa wa, ǹ ba màn kɔn zɛnɛɛ wa. Ǹ dìn kɛn man piɛ̃ lɛa, màn kooron lɛa.

Izayii 66:24

Bɛ̀ ǹ tá soe kiwi lɛ nɛ, min mɛnɛn nə goã ǹ nə́ n gòã dii ma ganaa, ǹ tá re bɛn gere yii tán. Nyuunun mɛnɛn bɛ́ ǹ soɛ̃, bɛn ba re giɛ̃ duduu wa. Tɛ mɛn bɛ́ ǹ kuĩ, bɛa nimi wa. Bɛ ǹ die goɛ̃ sii bɔbɔnɛɛ lɛa minbuiin nɛ tumaa ganaa.

Zeremii 10:14

Bɛ lɛ nɛ, minin tá bii-a baãnaan lɛa, ǹ ba sii kɔn giala miɛ wa. Sìi n zan-kaalin kɛn tumaa ganaa, ǹ dìn kɛn taman yii. Bɛa nyínin lɛn man yiri siɛ̃: Yiikoonaabaa goon din ba ǹ nɛ wa.

Zeremii 10:15

Ǹ ba màn kɔn lɛa wa. Maǹ yaa dinsɔɔ̃ diɛ. Ǹ dɔlɔ pinaa, ǹ tumaa á re papaɛ̃.

Zeremii 10:5

Bɛa dìn lɛn man ka nyɛ́ɛ da ǹ mànan bɛ́ lɔn, gì wuru-n. Ǹ ba boo diɛ doɛ̃ wa, maǹ nə ǹ guĩ, a giala, ǹ ba boe tɔ we la wa. Ka nyan nyɛ́ɛ baa ǹ nɛ wa. Ǹ ba boe baraa zɛnaa la wa, ǹ ba boe bǐɛ̃ dɔ din la ǹ zɛnaa wa.»

Zeremii 10:8

Bɛa minin lɛn tumaa n baãnaan lɛa, yiriwɛɛnaan lɛa, Ǹ dìn lɛn ba boe la ǹ ta ǹ darɛɛ sii kɔn ganaa wa. Maǹ gɔn lɛa.

Korɛnti1 8:4

Bɛ lɛ nɛ, nɔ̀n-diɛ bɛ́ màn mɛn ganaa, á ke: Wɔ á boe la wɔ dì wúlu bɔ ǹ siĩ sɔ̃? Wɔ á doɛ̃, wáa dì a màn kɔ́n bǎã siɛ kanaa kɛ-n wa. Wɔ n doɛ̃ dɔn, wáa Lawa goon toto na a tan.

Timəə dí-pɛn 27:15

Bɛ̀ min mɛn gɔn sɛlɛ màn nyín lɛa, hinlaa a na á fɔlɔ yo á baa dì lɛa, á n die a guguru koe ka durii ni, bɔ̀n na á bɛa dɛnaa yɛ! Bɛa mànan kɛn lɛn minbuiin nɛ nə́ ǹ zɛnaa ka a din gɔn nɛ, ǹ sii a kɔɔ̃n Dɛnaa Lawa ganaa wa. Bɛ kio, zaman lɛ tumaa nə ǹ lɛ si, ǹ pɛ: «A n miɛ̃!»

Timəə dí-pɛn 7:25

Màn nyínin mɛnɛn bɛ́ ǹ dìn lɛa, ka die ka bɛn tã. Ka nyan toa ka yii bɔ wɔrɔ laanka sana kɛ li ǹ la, ka ka dinin kaa sii-n wa. A giala, sii bɔbɔnɛɛ nɛ, kaa Lawa, Dɛnaa Lawa lɛ yii li.

Timəə dí-pɛn 7:26

Ka baran bɛa màn bɔbɔnɛɛ kɛ kɔn da kaa kion wa. Bɛ̀ ká bɛ zɛnaa, bɔ̀n tá re ka yii kun. Sonbore, bɛ miã mànan lɛn doamaa nɛ, ǹ nə n tã lenlen. Ka nyan lɛ kɔ ǹ ganaa wa. Ǹ tìĩ doamaa nɛ, a bɔ ka nyin ni.

Sii-nyaan 17:5

Ǹ nə́ tɔ giməə kiɛ̃ a nyanlɛ-a. Bɛa tɔ giməə lɛ giala mà "*Baabilonii gole mɛn bɛ́ naarɛbaa laanka sii gɔgɔrɛ tumaa a náa lɛa kanaa gɔ́ɔ̃ nɛ".