Izayii 41:21 - LAWA A BOO SONBORE

²¹ Kasɛn tɔrɔ kɔsɔn dìn lɛn, ka da kaa siin yɔrɔ pɛ, Dɛnaa Lawa a da ǹ boo ne; ka kaa zɛnaa ǹ siin nyaa, Zakɔba a kii na á pɛ.

LAWA A BOO SONBORE 2011

²¹ Kasɛn tɔrɔ kɔsɔn dìn lɛn, ka da kaa siin yɔrɔ pɛ, Dɛnaa Lawa a da ǹ boo ne; ka kaa zɛnaa ǹ siin nyaa, Zakɔba a kii na á pɛ.

Izayii 41:21 ပူးပေါင်းရင်းမြစ်များ

Zɔbu 31:37

Ma á die maa gòã saa ǹ gɔn tumaa yɔrɔ pii ni. Man die tɔ we ka kii bɛ́ lɔn, ma wo golee a yɔrɔ-a.

Zɔbu 38:3

N bii yii kəni, n golee giĩbaa la, man die nɔ̀n diɛ n la, nsɛ masɛ daraa!

Izayii 1:18

Dɛnaa Lawa n pii kɛnɛn: «Ka daa wɔ kɔn ma. Ta kaa sii baraan man nə́ tì kɔ lɔn, ǹ tá re fu koe ka bɔ̀nyaa bɛ́ lɔn. Ta maǹ nə́ tì kɔ lɔn ǹ tá re fu koe ka koara bɛ́ lɔn.

Izayii 33:22

Dɛnaa Lawa n wɔ nyɛɛnaan-bɔle lɛa. A din nə wɔa kiri-kuruli lɛa. Dɛnaa Lawa n wɔa kii lɛa. A din nə wɔ kirisibiɛ.

Izayii 41:1

Dɛnaa Lawa pɛ: Kasɛn, gánan kɛn mu ka da bii, ka giã kiĩni ma yɔrɔ-a, ka n too kɔ ma lon Kasɛn, tɔrɔn tumaa, ka n we yii. Ka n zɔ̃ ka dɔ ka boo da. Ka wɔ n ta kiri wɔ ǹ bǎã-n kun.

Izayii 43:15

Ma din ni Dɛnaa Lawa lɛa, kaa Lawa sonbore lɛa, Izirayeli a diɛ wole lɛa, kaa kii lɛa.»

Izayii 43:9

Zaman tumaa nə n lɛ sɔkɔn! Tɔrɔn tumaa nə n lɛ sɔkɔn! Sii mɛn bɛ́ n zɛnɛɛ, die n boe la a yɛ ǹ bii, a bɛ pɛ? Sii mɛn nə n zɛnaa lɛlɛ á kiɛ̃, die n boe la a bɛ pɛ wɔ nɛ? Bɛ̀ ǹ tá li ǹ nyaa mà sonbore tá ǹ lon, ǹ da ka ǹ siéren ne! Sieren lɛn nə pɛ mà «Taãn nɛ!»

Izayii 44:6

Dɛnaa Lawa, Izirayeli a kii, Izirayeli a si sii la wole, Dɛnaa Lawa Pàãyiidɛnaa n kɛ pii: Ma din nə sii tumaa a giala-kɔ lɛa, ma din ni sii tumaa a giala-nyɔmɔɔ lɛa. Bɛ̀ á n bɔ ma din ni, Lawa kɔsɔ banban.

Izayii 46:10

A kũ kanaa giala kɔ waáraa ganaa, sii mɛn bɛ́ re n zɛnɛɛ, man bɛ pii. Sii mɛn bɛ́ a tɔ nə n zɛnaa wa, man siɛ lɛlɛ ma bɛ pɛ. Man pii: Ma siin mɛnɛn koa ma yɔrɔ-a, bɛn man yɔrɔ yii. Sii mɛn tumaa bɛ́ kɔɔ̃n ma ganaa, man bɛ zɛnɛɛ.