Izayii 41:18 - LAWA A BOO SONBORE

¹⁸ Man die tà mu diɛ baa si ganaa kele mìi kooro-an la, ma mu yalan bũ nyankɔrɔ basa nɛ. Man die diə gole bɔyɛɛ ma baa pɛrɛ gole lɛa, ma tán gere baa mu bǎã lɛa.

LAWA A BOO SONBORE 2011

¹⁸ Man die tà mu diɛ baa si ganaa kele mìi kooro-an la, ma mu yalan bũ nyankɔrɔ basa nɛ. Man die diə gole bɔyɛɛ ma baa pɛrɛ gole lɛa, ma tán gere baa mu bǎã lɛa.

Izayii 41:18 ပူးပေါင်းရင်းမြစ်များ

Loen 104:10

N din nə mu pìãn buĩ, n mu dia mu nyankɔrɔn nɛ, a baa si a wo kelen biin ni.

Loen 105:41

Á gɛ̀fu lɛ bũ, mu soo a nɛ, á baa si don gɔ́ɔ̃ nɛ, ka tà bɛ́ lɔn.

Loen 107:35

Á boe la dɔn a don mu wɛɛ̃ bǎã bɔyaa, a baa mu gole bǎã lɛa, á boe la a bǎã gere bɔyaa, a baa mu yala bǎã lɛa.

Loen 126:4

Dɛnaa Lawa, wusoo n da n dɔ wɔa minin lɛn lɛ, ka mu bɛ́ wusii á die pɛrɛ gɔ́ɔ̃ gere basɛ̃ lɔn.

Loen 46:4

haalɛ ta kɔ̀ mu wuu n boe, á n kaã boe, á n yui á n bìn diɛ kelen ganaa. *Doa.

Izayii 12:3

Ka á re mu sii ka foo kɔɔ̃nbaa nɛ kirisibaa ǹ mu yalan lɛ-a.

Izayii 30:25

Bɔ̀n gole pinaa ke, bɛ̀ kiwi tamaa ǹ kungɔnɔn kɛn nə́ kaa, mu á re baa sii kele sɔsɔrɔn tumaa la ka tenten dadaran nɛ.

Izayii 32:2

Didie n die goɛ̃, ka duru ǹ bǎã bɛ́ lɔn piɛ̃ giulun, ka kion bɛ́ lɔn la giulun, ka mu bɛ́ lɔn diə ne, ka gɛ̀fu gole wúlu bɛ́ lɔn, sɛ̀fuu gána nɛ.

Izayii 33:21

Dɛnaa Lawa n die a siĩnbaa nyɛɛ wɔ-n walan lɛn, bɛa bǎã lɛ n die kɔ̀ dadaran, laanka mu zii dadaran bǎã biɛ. Ziabaa ǹ mu la ǹ goo ba re boe walan wa, mu la ǹ goo dadaran ba re kiɛ̃ a-n wa.

Izayii 35:1

Diə gole ka tán gere, ka n nyɛnyɛɛ! Bǎã mɛn bɛ́ mu ba a-n wa n nyɛnyɛɛ, n buũ kɔ ka kɔnbɔlɔn bɛ́ lɔn!

Izayii 44:3

Taãn nɛ, mu boro bɛ́ tán mɛn ganaa, ma á re toɛ mu baa si bɛ la, tà baa si tán gere la. Ma á re ma yiri gisĩ n nɛnyaanan la, ma barka da n nɔ̀ɔ fulupaa ganaa.

Izayii 48:21

Á woo ka Izirayeli minin ni diə bǎã nɛ, mu boro nə ǹ kũ wa. Ǹ dinin lɛa, á gɛ̀fu da mu bɔ ganaa. Á gɛ̀fu lɛ wɔsɔ, mu baa si tán.

Izayii 58:11

Dɛnaa Lawa n die n nyɛɛnaan boe biikoo yii li. Haalɛ diə bii, á re màn-bii koe n la, a pàã kɔ n la. N nə n die goɛ̃ ka dù gɔrɔ mɛn bɛ́, ǹ nə́ mu kiɛ a ganaa parsiini, ka mu yala mɛn bɛ́ a mu n baa sii duduu.

Izayii 65:13

Dɛnaa Lawa n kɛ pii: Á ke, min mɛnɛn bɛ́ maa dí-nyalin lɛa, bɛn tá re màn bii. Sɛnɛ, bòo á re kasɛn kuĩ. Min mɛnɛn bɛ́ maa dí nyɛɛ, bɛn tá re màn mii. Sɛnɛ mu boro á re kasɛn kuĩ. Min mɛnɛn bɛ́ maa dí-nyalin lɛa, bɛn foo á re kɔɔ̃n koe. Sɛnɛ, sìi n die n koe kasɛn lɛ.

Zakarii 14:8

Bɛa pinaa lɛ nɛ, mu fu paɛ̃paɛ̃ tá re pìã woɛ̃ tán Zeruzalɛmu. A mu lɛ a talɛɛ n die baa sii a wo Yìsi mu kɔsɛ kɔsɛ ganaa, a talɛɛ kɔsɔ ke, bɛ n die woe Yìsi mu gole ganaa, a baa si lɛ̀ tumaa gɔ́ɔ̃ nɛ, taãlan laanka bɔ̀nɔn.

Sii-nyaan 22:1

Lon a dia dí-a wole lɛ tɔn yiikoonaabaa ǹ tà mu lɛ nyaa ma nɛ, tɛ pii ka gɛ̀fu mɛn bɛ́ yii n wɔlɔ yii a nɛ. Bɛa mu lɛ na á goã soe Lawa laanka Sère Nɛ a kii dankan paǹ li.

Sii-nyaan 7:17

A giala, Sère Nɛ mɛn bɛ́ golee-n kii dankanan kɛn bii, bɛ á re ǹ lɛduĩ, á re woe ǹ ne yiikoonaabaa ǹ mu yala lɛa. Lawa á re ǹ yii mu tumaa tuturi a bɔ ǹ yɔrɔ nɛ.»

Sii yɔrɔ-bɔlen 15:19

Gɛ̀fu mɛn lɛ á ke Leyii, Lawa tɔ́n bɛ lɛ yu kɔn, mu soo a nɛ. Sansɔn mi a yii dɔraa, a gù wusoo á kaa. Bɛ lɛ nɛ, ǹ nə́ bɛa bǎã lɛ bíi mà "Ɛn-Akooree". A tá Leyii, haalɛ tɔn pelo.