Biblia Todo Logo
အွန်လိုင်း သမ္မာကျမ်းစာ

- ကြော်ငြာတွေ -




Izayii 41:14 - LAWA A BOO SONBORE

14 Nyɛ́ɛ nyan ka kũ wa Zakɔba a zaman, kasɛn kɛn ǹ nə́ ka biɛ ka nyuun bɛ́ lɔn, kasɛn Izirayeli a zaman; ma dinmaa n die kaa gú ganaa, Dɛnaa Lawa a da ǹ boo ne, kaa si sii la wole Izirayeli a Lawa sonbore ne.

အခန်းကိုကြည့်ပါ။ ကော်ပီ

LAWA A BOO SONBORE 2011

14 Nyɛ́ɛ nyan ka kũ wa Zakɔba a zaman, kasɛn kɛn ǹ nə́ ka biɛ ka nyuun bɛ́ lɔn, kasɛn Izirayeli a zaman; ma dinmaa n die kaa gú ganaa, Dɛnaa Lawa a da ǹ boo ne, kaa si sii la wole Izirayeli a Lawa sonbore ne.

အခန်းကိုကြည့်ပါ။ ကော်ပီ




Izayii 41:14
36 ပူးပေါင်းရင်းမြစ်များ  

Masɛ á doɛ̃ máa maa bɔ sii-n wole lɛ yii á koo. A din nə die yui a golee, a boo giala nyɔmiɛ̃ da.


n tɔn minbuiin nɛ pɛ, bɛa nyuun kɛ lɛ, minbuiin nɛ kɛ lɛ ka nyuun bisin bɛ́ lɔn.»


Ka bɛ dɔ nɛ, ma kanbaa din gole-kɔlen kɛn ganaa, n nyan toa ǹ boo ma la wa. Bɛ lɛ n die toɛ maa sii lɛ pã, bɛ lɛ n die ma kanbiɛ sii baraa gole ganaa.


Maǹ nə́ goã n lɛ dii n ganaa, ń goã ǹ boe sii ni. Maǹ nə́ goã n foo doɛ n ganaa, sìi goã ǹ kuĩ wa.


Sɛnɛ, tà kɔn tan, a gòãn nə́ Lawa a kiwi kɛ foo kɔɔ̃n koe, Lon a Lawa Gole a giã ǹ bǎã sonbore kɛ lɛ.


Ǹ yiri n gisĩ a nɛ mà Lawa nə ǹsɛn tamaali lɛa, mà Lon a Lawa Gole nə ǹsɛn zia gii dali lɛa.


Dɛnaa Lawa min mɛnɛn kirisibaa, bɛn man die wusii ǹ daa. Maǹ die woe *Siɔn ka foo kɔɔ̃nbaa ǹ lɛ-dɛ nɛ. Ǹ yɔrɔ koa ǹ gɔn nə foo kɔɔ̃n lɛa, foo kɔɔ̃nbaa mɛn bɛ́ a nyɛɛ wa. Foo kɔɔ̃nbaa gole n die goɛ̃ ǹ li. Nɔmaa laanka ginii á re papaɛ̃.


Asiiriin kii na á sɔraasin goledɛnaa dia die sɔ koe Lawa yiikoonaa ganaa. Toa bɛ̀ Dɛnaa Lawa too n sɔ kɔ kɛ miɛ, a dɔlɔ bɔ a ganaa a da ǹ boon kɛn lɛa! Nsɛ Izayii, Dɛnaa Lawa, n Lawa nyankɔ n zaman kɛa lɛa, ǹ mɛnɛn lɛn yii goã koo.»


Nyɛ́ɛ nyan nə n kũ wa, a giala, ma á kunun n ni. N nyan ga n para li ka foo ziziɛ̃-n wa. Masɛ din ni n Lawa lɛa. Man pàã koe n la, man die n gú ganaa, man kirisibaa ka maa bɔlɔgoondɛnaabaa nɛ.


Dɛnaa Lawa, kaa si sii la wole, Izirayeli a Lawa sonbore n kɛ pii: «Ka dinin taman yii, man die min diɛ *Baabilonii. Kiɛnlɛ-a ǹ goon mɛnɛn bɛ́ kiwi lɛ tamɛɛ, man die bɛn woɛ̃. Baabilonii minin li, foo kɔɔ̃n lɛ-dɛ á re n bɔyɛɛ a gɛ̀ loe baa.


A giala, masɛ Dɛnaa Lawa nə n Lawa lɛa. Ma din Izirayeli a Lawa sonbore nə n kirisibaali lɛa. Má Ezipti kɔ n nyin giɔ̀mɔ lɛa, má Etiopii laanka Sabaa kɔ n dòo lɛa.


Má n sãn kɛn tuturu ka labara bɛ́ lɔn. Má n sii baraan kɛn loo ka furuməə bɛ́ lɔn. Wusoo n da ma li, ma nə n si sii la wole lɛa.»


Dɛnaa Lawa n kɛ pii n ni, asɛ mɛn bɛ́ n si sii la wole lɛa, asɛ mɛn nə n zɛnaa n dan gɔ́ɔ̃ nɛ: Ma din ni Dɛnaa Lawa lɛa. Màn mɛn tumaa bɛ́ á tan, ma din ni má ǹ zɛnaa. Ma dinsɔɔ̃ n má lon lɛ bɔ, má kanaa nyɔmaa, min kɔn goɛ̃ yɛ a-n wa.


Dɛnaa Lawa, Izirayeli a kii, Izirayeli a si sii la wole, Dɛnaa Lawa Pàãyiidɛnaa n kɛ pii: Ma din nə sii tumaa a giala-kɔ lɛa, ma din ni sii tumaa a giala-nyɔmɔɔ lɛa. Bɛ̀ á n bɔ ma din ni, Lawa kɔsɔ banban.


Min mɛn bɛ́ wɔ si sii la wole lɛa, a tɔ n "Dɛnaa Lawa Pàãyiidɛnaa". Izirayeli a Lawa sonbore ne.


Dɛnaa Lawa, n si sii la wole, Izirayeli a Lawa sonbore n kɛ pii: «Masɛ Dɛnaa Lawa, n Lawa lɛa. Màn mɛn là bɛ n ganaa, ma nə n darɛɛ bɛ-a. Ma din ni n nyɛɛnaa ǹ boe zii kɛ la, n tá tɔ we la.


Min mɛnɛn bɛ́ boe n yii ni, ma á re bɛn kiɛ ǹ dinin siĩ soɛ̃ ganaa. Ǹ tá re n dinin mà mii, a ǹ yii kũ, ka duvɛ̃ dii bɛ́ min yii kuĩ lɔn. Ka bɛ nɛ, yiikoonaa tumaa á re doɛ̃, mà masɛ Dɛnaa Lawa nə n kirisibaali lɛa, ma nə n si sii la wole lɛa, masɛ Zakɔba a Lawa Pàãyiidɛnaa.


Dɛnaa Lawa pɛ, asɛ mɛn bɛ́ Izirayeli si sii la wole lɛa, a n Izirayeli a Lawa sonbore lɛa. A n kɛ pii n ni, nsɛ mɛn bɛ́ ǹ nə́ n pɔpɔsɛ, n tìĩ n boe-n zaman nɛ, nsɛ mɛn bɛ́ kii kakaarɛn bɛ̀rɛ lɛa: «Bɛ̀ kiin nə́ n yɛ, ǹ tá re yui lon n nyɛɛnɛ. Bɛ̀ kiãn yii mɛ n ganaa, ǹ tá re kiɛ tán ǹ lɛ la n yɔrɔ-a.» Bɛ n die n zɛnɛɛ Dɛnaa Lawa a bɔlɔgoondɛnaabaa taman yii, Izirayeli a Lawa sonbore kɛ taman yii, a din mɛn lɛ nə n bɔ á n koa.


A giala, min mɛn nə n zɛnaa, a tɔ n Dɛnaa Lawa Pàãyiidɛnaa, bɛ lɛ nə n zuũ lɛa. Min mɛn bɛ́ n kanbiɛ, bɛ n ka Izirayeli a Lawa sonbore kɛ nɛ, ǹ bɛ́ ǹ mɛn lɛ bíi mà «tán tumaa a Lawa.»


Ma foo goã á yoo n li parasii ni. Biikoo boɛɛn gɔ́ɔ̃ nɛ, ma goã li ma yii mɛ n ganaa wa, sɛnɛ, man maa foo basiɛ̃baa nyɛɛ n nɛ kɔn-narɛɛ gɔ́ɔ̃ nɛ, dan ná a ba la wa. Masɛ Dɛnaa Lawa n bɛ pii n ni, ma din kɛ lɛ nə n si sii la wole lɛa.


Si sii la wole á re die *Siɔn, Zakɔba a minin kɛn lɛa, ǹ nə́ ǹ sii baraan kaa. Dɛnaa Lawa a da ǹ boo ne.


N tá re tɔrɔ kɔsɔn bɔ̀nyaa mii, n nə ǹ kiin naforo bii. Ka bɛ-n kəni, n tá re doɛ̃ mà masɛ Dɛnaa Lawa nə n kirisibaali lɛa, mà Zakɔba a Lawa Pàãyiidɛnaa nə n si sii la wole lɛa.


A da yaa, n din ni wɔa díi lɛa! Wɔa díi gole Abrahamu ba sii kɔn doɛ̃ wɔa paǹ li wa. Izirayeli ba wɔ doɛ̃ wa. Sɛnɛ, Dɛnaa Lawa, nsɛ n wɔa díi lɛa. N din nə wɔ «si sii la wole lɛa.» Bɛ lɛ nə n tɔ lɛa yǎa duduu.


Nsɛ Zakɔba maa dí-nyali, nyɛ́ɛ nyan nə n kũ wa. N nyan nyɛ́ɛ baa wa Izirayeli. Taãn nɛ, man die n kirisibiɛ, ma n kũ ma n bɔ gána sɔsɔɔn kɛn nɛ. N nɛnyaanan kɛn gùli kɔ ǹ bǎãn nɛ, má ǹ waa ma da ǹ nɛ. Zakɔba, n tá re wusii n daa, n goã yii-nyɛɛ la, n yiri n bǎã goon ne, min kɔn ná a yui n gialaa wa.


Sɛnɛ pàã tá ǹ si sii la wole lon. A tɔ n "Dɛnaa Lawa Pàãyiidɛnaa". A n die ǹ zia gii diɛ ka pàã nɛ. Màn mɛn bɛ́ toɛ, a nyɛ́ɛ da Baabilonii ganaa, a yii-nyɛɛ kɔ tán tumaa la.


Ma bɛ́ ma lɛ dia n la, n nə́ n zɔ̃ n dɔ, n pɛ ma nɛ: «Nyɛ́ɛ nyan nə n kũ wa.»


Boo giala nyɔmiɛ̃ ba re goɛ̃ maa foo-yoo-n wa, ma a re wusii ma da Efrayimu ziziɛ̃ wa. A giala ma bie minbuiin lɛa wa. Lawa n ka masɛ nɛ. Nsɛ li Efrayimu, Lawa sonbore n ka ma nɛ, ma bie die maa foo-yoo nyɛɛ wa.»


Sɛnɛ, kiɛnlɛ mɛn bɛ́ woe min ni yiikoonaabaa ǹ bǎã nɛ bɛ n boɛɛnɛ, zii mɛn dɔ bɛ́ woe walan, bɛa kɔmalɛ n kaka. Min gigiã ba koe bɛ lɛ lɛ wa.


«Kasɛn, sèren kuru boɛɛn, nyɛ́ɛ nyan ka kũ wa, a na á kɔɔ̃n kɔ kaa Díi ganaa, a kiibaa ǹ bǎã kɔ ka la.


Izayii dɔ́ pɛ Izirayeli wɔ gɔn la kɛnɛn: «Ta Izirayeli nɛnyaanan lɛn man mɔnaa-n ka mu lɛ-a ǹ nyɔɔsɔ̃ bɛ́ lɔn, ǹ gialakun boɛɛn dininsɔɔ̃nɔn man die kirisibiɛ.


Koe mɛn goã wɔ mìi-n dí-pɛn lɛ-tii a lɛa, Krita na á wɔ kirisibaa bɛ lɛ ganaa. A giala, koe bɔ a dinmaa lɛ ganaa wɔ a lɛa. Ka Lawa a sɛ́wɔ bɛ́ á pɛ lɔn: «Bɛ̀ ǹ nə́ min mɛn gere da da la, koedɛnaa n ka bɛ nɛ.»


Bɛ̀ ń yǎa Dɛnaa Lawa tá ka narɛ, bɛ̀ ń yǎa á ka bɔ, a bie ka ka n mɔnaa-n ká la tɔrɔ gialakunun kɛn tumaa-n wa. Ka dinin man tɔrɔ kɔsɔn lɛn tumaa a boɛɛn lɛa.


A na á n din kɔ wɔa lɛa, mà a wɔ si sii baraa tumaa la. A na á bɛ zɛnaa mà a wɔ baa zaman yoreen lɛa, wɔ na a dinsɔɔ̃ wɔn lɛa, wɔ goã din kɔ sii ganaa wolen lɛa, wɔ dí sonboren nya nɛ.


Sɛnɛ, kele yii bǎã kɛ dɔ á re doe ka ganaa. A laanɛ á daã lɛa, ka tá re kuri, a tumaa á re goɛ̃ kaa wɔ lɛa, a wo kaa a lɛ lɛ. A laanɛ fɔlɔ wotoron laanka pàã tá Kanaan minin lɛn lon, ka tá re ǹ lui ka ǹ bɔ gána lɛ nɛ.»


Maǹ nə́ goã loe tii loe kɛnɛn: «Ń kɔnbɔ n sɛ́wɔ kɛ si, ń kɔnbɔ n na a lɛ tã ǹ bǎãn kɛn bũ, a giala, n din ni ǹ nə́ n baa *wúlu màn lɛa. Ń minin pii ka n din mà nɛ, ń kɔ Lawa la, ǹ nə́ zaman gigiã lɛa, tɔrɔ tumaa lɛa, gána tumaa minin lɛa, ǹ nə́ bɔlɔ tumaa pii.


ကြှနျုပျတို့နောကျလိုကျပါ:

ကြော်ငြာတွေ


ကြော်ငြာတွေ