Izayii 41:11 - LAWA A BOO SONBORE

¹¹ Á ke, min mɛnɛn tumaa lɛ bɛ́ n li, bɛn wɔ n ka sìi ni ka tɔ ziziɛ̃ nɛ. Min mɛnɛn bɛ́ kɔn-a n nɛ ka zia nɛ bɛn tá re màn kooro biɛ, ǹ tá re papaɛ̃.

LAWA A BOO SONBORE 2011

¹¹ Á ke, min mɛnɛn tumaa lɛ bɛ́ n li, bɛn wɔ n ka sìi ni ka tɔ ziziɛ̃ nɛ. Min mɛnɛn bɛ́ kɔn-a n nɛ ka zia nɛ bɛn tá re màn kooro biɛ, ǹ tá re papaɛ̃.

Izayii 41:11 ပူးပေါင်းရင်းမြစ်များ

Bɔ bɛ̀rɛbaa nɛ 11:8

Bɛa biikoo li kəni, a kiodɛnan kɛn lɛn tá re die ma ganaa, ǹ kaa tán ma yɔrɔ-a, ǹ pɛ: «Soo, n laanka zaman kɛ lɛ tumaa nɛ n kio. Ma á re soe fufuu.» Muizu foo bɛ́ yoo-n parsiini, á soo á n bɔ Faarahɔn li.

Bɔ bɛ̀rɛbaa nɛ 12:29

Làan nɛ, Dɛnaa bɔ̀n da Ezipti minin nɛgiĩ bibinaan tumaa ganaa. A kũ *Faarahɔn din a nɛgiĩ bibinaa kɛ ganaa, ǹ mɛn doamaa bɛ́ a kii baa a kio lɛ-n, a wo kòso nɛ wɔ yaa, ka tɔɔn wɔn tumaa nɛ.

Bɔ bɛ̀rɛbaa nɛ 23:22

Bɛ̀ ka ma lɛ si, ka maa boo kɛa sii tumaa zɛnaa, man die kaa zɔ́ɔn zɔ́ɔ biɛ, ma ziabaa ǹ ganaa kaa lɛa.

Izayii 17:13

Tɔrɔn gini n ka Yìsi mu gole a ginii bɛ́ lɔn. Bɛ̀ Dɛnaa Lawa paraa ǹ li, maǹ nə n mìi foɛ̃ ǹ wo sɔsɔɔ. Maǹ nə ǹ lui ka kele mìi ni ǹ piɛ̃ bɛ́ buu gere siɛ lɔn, ka la piɛ̃ bɛ́ gusuũ goɛ lɔn.

Izayii 29:5

N zɔ́ɔ damatan kɛn tá re n biɛ ka gusuũ bɛ́ lɔn. Zaman mɛn bɛ n yɔyɔrɛ, bɛn tá re n biɛ ka làpaa bɛ́ lɔn, piɛ̃ n goɛ. Sɛnɛ, bǎã goon ne,

Izayii 29:7

Zeruzalɛmu, gána damata mɛn bɛ́ zia biɛ n ganaa, min mɛnɛn tumaa bɛ́ kungɔn doe n ganaa ǹ nə́ n gɛwɛɛ paǹ yii li, bɛn tumaa á re papaɛ̃ ka narɛɛ bɛ́ lɔn, ka sii-yɛ bɛ́ lɔn tèlò-n.

Izayii 29:8

Min mɛn bɛ́ bòo na a ganaa, bɛa dɛnaa nə n narɛ ka a n màn bii. Sɛnɛ bɛ̀ a yii kaa, a gɔ́ɔ̃ kooromaa nɛ. Mu boro bɛ́ min mɛn ganaa, bɛa dɛnaa nə n narɛ ka a n mu mii. Sɛnɛ bɛ̀ a yii kaa, a n nɔmaa nɛ, a bɔlɔ gɔ́ɔ̃ n laa nɛ. A n die n biɛ miɛ̃ gána damatan kɛn nɛ zia diɛ *Siɔn a kele ganaa.

Izayii 34:12

Min golen ba re yii ǹ kii bɔ ǹ koa wa. Kiãn tumaa á re papaɛ̃.

Izayii 40:17

Tɔrɔn tumaa a kaa kun ba màn kɔn lɛa Dɛnaa Lawa yɔrɔ-a wa. Ǹ ba màn kɔn lɛa a yii li wa. Maǹ piɛ̃ lɛa a yɔrɔ-a.

Izayii 40:2

Ka Zeruzalɛmu foo taã, ka pɛ nɛ ka lɛn gole ne, mà a bɛ̀rɛbaa ǹ dí lɛ nya, mà a siɛ̃n lɛn dɔlɔ nya. A giala Dɛnaa Lawa da a sii baraan lɛn tumaa a dɔlɔ saraa ganaa.

Izayii 41:24

Sɛnɛ, kaa màn kɔn din lɛa wa. Ka bɛ́ siin mɛnɛn zɛnɛɛ, kooro ne. Min mɛn bɛ́ ka biɛ lawa lɛa, bɛ n min bɔbɔnɛɛ lɛa.

Izayii 41:29

Á ke, ǹ ba màn kɔn lɛa wa, ǹ ba màn kɔn zɛnɛɛ wa. Ǹ dìn kɛn man piɛ̃ lɛa, màn kooron lɛa.

Izayii 45:24

«Peperebaa laanka pàã n yii Dɛnaa Lawa dinsɔɔ̃ li.» Min mɛn tumaa yɔ bɔ ma ganaa, ǹ tá re wusii ǹ da ma li, sìi nə ǹ ganaa.

Izayii 49:25

Dɛnaa Lawa a lɛ si ǹ boo á ke: Hiĩ, sàabaa ba la wa. Ma á re zia-baali a kòso nɛ lɛ gɔsiɛ a gɔn, zia-baali mànan mɛnɛn si zia la, ma á re bɛn sii la. Minin mɛnɛn bɛ́ zia biɛ n ganaa, ma din nə die yui bɛn gialaa, ma n nɛnyaanan kirisibaa.

Izayii 49:26

Min mɛnɛn bɛ́ boe n yii ni, ma á re bɛn kiɛ ǹ dinin siĩ soɛ̃ ganaa. Ǹ tá re n dinin mà mii, a ǹ yii kũ, ka duvɛ̃ dii bɛ́ min yii kuĩ lɔn. Ka bɛ nɛ, yiikoonaa tumaa á re doɛ̃, mà masɛ Dɛnaa Lawa nə n kirisibaali lɛa, ma nə n si sii la wole lɛa, masɛ Zakɔba a Lawa Pàãyiidɛnaa.

Izayii 54:15

Á ke, bɛ̀ ǹ nə́ yoo n gialaa ka zia nɛ ma gòɛ̃ ba bɛ-n wa. Min mɛn bɛ́ yui n gialaa, ǹ dɛnaa á re mɛnɛɛ n nyɛɛnɛ.

Izayii 54:17

Ziabaa ǹ màn mɛn tumaa nə n zɛnaa n tɔ ganaa, ǹ kɔn ba re boe la a màn kɔn zɛnaa n ganaa wa. Min woo min yoo n ganaa ka kiri ni, n tá re a siɛ̃n nyɛɛ nɛ. Maa dí-nyalin gii bɛ́ ka màn mɛn nɛ má koa ǹ nɛ, ma bɛ́ peperebaa mɛn koe ǹ la, bɛ n ka kɛ nɛ. Masɛ Dɛnaa Lawa a da ǹ boo ne.

Zeremii 12:17

Sɛnɛ, bɛ̀ bɛa tɔrɔn lɛn mɛn nə n too kɔ ma lon wa, man die siɛ ma bɔ a tán la, ma wɔ gɛ̀ gɔn duduu.» Dɛnaa Lawa a da ǹ boo ne.

Zeremii 2:3

Izirayeli, n nə n goã ma dinsɔɔ̃ wɔ lɛa. N nə n goã ma din wɔ baa nɛ, ka kaa-piɛ da nɛ bibinaa bɛ́ lɔn. Min mɛnɛn gɔn bɛ́ re miɛ n ganaa, zɛ̀rɛ n die bɛn kuĩ, koe bɔ ǹ ganaa. Dɛnaa Lawa a da ǹ boo ne.

Zakarii 12:3

Sonbore, bɛa biikoo li, man die Zeruzalɛmu biɛ kɔlɔ guguru lɛa tɔrɔ kɔ́n ná a boe la a saa wa. Tɔrɔ mɛn bɛ́ re n zoɛ̃ a saa li, a n die busu diɛ a din-a. Bɛ lɛ nɛ, tán a tɔrɔn tumaa á re kiɛ kun, ǹ yoo a gialaa.

Nya ǹ dín 16:39

Ǹ nə́ daa Poolin nyankɔ, mà ǹ nə ǹsɛn sã toa ǹ nɛ. Bɛ kio, ǹ nə́ ǹ kaa, ǹ nə́ pɛ ǹ nɛ, mà ǹ soo ǹ kiwi lɛ toa.

Sii-nyaan 3:9

Min mɛnɛn bɛ́ n dinin biɛ Zuifun lɛa, ǹ nə́ ǹ ba a lɛa dɔn wa, maǹ soɛ boe, maǹ *Sɛtaan a lɛ-kaakun minin lɛa, ma á re ǹ kuĩ ka pàã nɛ, ǹ da kaa tán ka giulun. Ǹ tá re doɛ̃ ka bɛ nɛ, mà ma á ka narɛ.