Izayii 41:10 - LAWA A BOO SONBORE

¹⁰ Nyɛ́ɛ nyan nə n kũ wa, a giala, ma á kunun n ni. N nyan ga n para li ka foo ziziɛ̃-n wa. Masɛ din ni n Lawa lɛa. Man pàã koe n la, man die n gú ganaa, man kirisibaa ka maa bɔlɔgoondɛnaabaa nɛ.

LAWA A BOO SONBORE 2011

¹⁰ Nyɛ́ɛ nyan nə n kũ wa, a giala, ma á kunun n ni. N nyan ga n para li ka foo ziziɛ̃-n wa. Masɛ din ni n Lawa lɛa. Man pàã koe n la, man die n gú ganaa, man kirisibaa ka maa bɔlɔgoondɛnaabaa nɛ.

Izayii 41:10 ပူးပေါင်းရင်းမြစ်များ

Siin Giala 15:1

Bɛa siin lɛn kiɛ̃ kio, Dɛnaa nə́ n din nyaa Abramu ni, á pɛ nɛ kɛnɛn: «Abramu, masɛ din nə n tamaa wole lɛa, n baran nyɛ́ɛ baa wa. N saraa á die gole koe parsiini.»

Siin Giala 26:24

Dɛnaa nə́ n din nyaa nɛ, bɛ lɛ a pinaa tèlò-n, á pɛ nɛ: «Masɛ nə n di Abrahamu a Lawa lɛa. N baran nyɛ́ɛ baa wa, ma tá kunun n ni. Ma á re barka we n ne, ma n tɔrɔn mɔnaa. Man die bɛ zɛnɛɛ maa bɛ̀rɛgiĩ Abrahamu taman yii.»

Siin Giala 31:5

Ǹ bɛ́ ǹ nə́ daa, á pɛ ǹ nɛ: – Ka di yɔrɔ bɛ́ lɔn lɛlɛ masɛ wɔ paǹ li, má yɛ, a ba miɛ̃ doo wa. Sɛnɛ, ma di a Lawa goã kun ka ma nɛ.

Siin Giala 49:24

Sɛnɛ, a dɔ ná a sa kũ kaka. Á n gɔn wìi kaka kɔ a ganaa, ka Zakɔba a Lawa Kaka kɛ pàã nɛ. A din lɛ n Izirayeli tamaɛ ka tɔɔn-lɛduə̃li bɛ́ a tɔɔn tamaɛ lɔn. A foo n doa-n a din lɛ ganaa, a giala, a n kaka ka kɔlɔ nɛ.

Samayeli2 22:19

Ma pàã tumaa bɛ́ á nya ǹ mɛn pinaa, ǹ nə́ yoo ma gialaa, sɛnɛ, Dɛnaa Lawa daa n dɔ ma lɛ.

KZS1 12:18

Davida soo á n da ǹ lɛ, á boo da ǹ nɛ á pɛ: «Bɛ̀ là nyantoro a lɛa nɛ ka daa ma li ka n die n doe ma lɛ, ma á kun ka nɛ ka ma foo tumaa nɛ. Sɛnɛ, bɛ̀ ka n ka daa ka n die ma mìi doe li, ka ma kɔ maa zɔ́ɔn la, a da yaa maán ma sii kɔn dɔ la wa, wɔ digolon Lawa lɛ die a n baa bɛa siére lɛa a dɔlɔ bɔ ka ganaa!»

KZS2 20:17

Ka laadoo á re goɛ̃ ǹ ziabaa ganaa wa. Ka giã walan, ka golee, ka ga masɛ Dɛnaa Lawa bɛ́ re ka kirisibiɛ lɔn. Zeruzalɛmu laanka Zudaa minin lɛn, ka nyan nyɛ́ɛ baa wa, ka nyan toa nyɛ́ɛ ka kũ wa! Biɛ̃, ka wo n da ǹ lɛ, masɛ Dɛnaa Lawa á re goɛ̃ kun ká ka nɛ!»

KZS2 32:8

A wɔ lɛ-n minbuiin nɛ pàã lɛa kun ni, sɛnɛ Dɛnaa Lawa, wɔa Lawa n kun ka wɔsɛn nɛ, a n die n doe wɔ lɛ, a zia baa kun ka wɔ nɛ.» Bɛa boon kɛn Zudaan kii Ezekiasi da, á zaman lɛ tumaa foo taã.

Loen 144:11

ń nə́ n bɛ̀rɛgiĩ kirisibaa, gɔya sa gɛ̀-dɛli kɛ ganaa. Ma kirisibaa, n ma si tɔrɔ kɔsɔ minin kɛn la. Ǹ bɛ́ boo mɛn diɛ, soɛ nɛ. Maǹ nə n liɛ ǹ gusin nə́ Lawa la, sɛnɛ, ǹ ba koe ǹ da ǹ boo lɛ wa.

Loen 144:8

Ǹ bɛ́ boo mɛn diɛ, soɛ nɛ. Maǹ nə n liɛ ǹ gusin nə́ Lawa la, sɛnɛ, ǹ ba koe ǹ da ǹ boo dɔ lɛ wa.

Loen 145:14

Dɛnaa Lawa nə n doe bɔ a mɛnaa wolen tumaa lɛ. Min mɛnɛn bɛ́ zoɛ̃ maǹ talaa, a din nə bɛn kuĩ ǹ koɛ lon.

Loen 147:12

Zeruzalɛmu minin, ka Dɛnaa Lawa gugurukɔ, *Siɔn minin, ka loe lɔ ka Lawa tɔ bɔ nɛ.

Loen 18:36

N din nə́ n kirisibaa kɔ ma la goóro lɛa. N din gɔn na á n dɔ ma lɛ. N din a bǐɛ̃baa kɛ na á màn da ma li.

Loen 27:1

Davida a loe n ke. Dɛnaa Lawa n masɛ a tɛ fúlu laanka ma kirisibaali lɛa, man die nyɛ́ɛ biɛ die nyɛɛnɛ? Dɛnaa Lawa n ma nyin-tamaali lɛa, ma gɔ̀nɔn nə die bìn diɛ die nyɛɛnɛ?

Loen 29:11

Dɛnaa Lawa din tá re pàã koe a minin kɛn la, Dɛnaa Lawa din tá re a minin kɛn gɛrɛsiɛ boe, a là nyantoro kɔ ǹ la.

Loen 33:12

Dɛnaa Lawa bɛ́ tɔrɔn mɛnɛn Lawa lɛa, bɛn wɔ na á bǐɛ̃ kɔ. A bɛ́ á tɔrɔ mɛn a minin bɔ a din wɔn lɛa, á re barka diɛ bɛn ganaa.

Loen 37:17

A giala min baraan pàã á re nyɛɛ, sɛnɛ, Dɛnaa Lawa á re n doe min sonboren lɛ.

Loen 37:24

Ta á n gòã na, a mɛnɛɛ wa, a giala, Dɛnaa Lawa n kuĩ a gɔn ganaa.

Loen 41:12

Masɛ nə n bǐɛ̃ baa dɔ̃ màn mɛn li, bɛ n ka kɛ nɛ: maa zɔ́ɔn lɛn ba n lɛ dii doo, mà ǹsɛn nə́ gɔ̀lɔ̀baa yɛ wa.

Loen 46:11

Lawa tɔ́n pɛ: Ka a lɛ da dɛ! Ka dɔ̃ mà ma din nə Lawa lɛa! Má gɔ̀lɔ̀baa yɛ gánan la, má gɔ̀lɔ̀baa yɛ tɔrɔn la.

Loen 46:7

Lawa bɛ́ á boo da, gánan nə́ gigini, tɔrɔn nə́ bìn da, tán nə́ yo ka nyɔɔ nɛ, nyɛ́ɛ gɔn.

Loen 63:8

A giala, n din nə́ n baa masɛ a dɔmalɛ wole lɛa. Man die n toɛ n din nyàa giulun man nyɛnyɛɛ.

Loen 65:5

N bɛ́ lɛ koe min mɛnɛn ganaa, mà ǹ biikoo kɔn zɛnaa kunun n ni, bɛn wɔ na á bǐɛ̃ kɔ. Màn mɛn bɛ́ màn sonbore lɛa n din a kion, n din a kion kɛ nɛ, á kɔɔ̃n wɔ ganaa wɔ wɔa wɔ-gii yɛ bɛ nɛ taãn-taãnɛ.

Loen 99:4

Pàã tá n lon koe! Nsɛ lɛ, kii lɛa, n nə́ sii pepere narɛ. N din nə wɔa tɔ wɔ ǹ gɔn lɛ kiɛ̃ wɔ nɛ. N din nə sii pepere laanka a sonbore yɔrɔ boe, ń koɛ Izirayeli gɔ́ɔ̃ nɛ.

Bɔ bɛ̀rɛbaa nɛ 14:13

Muizu pɛ zaman lɛ nɛ: «Ka baran nyɛ́ɛ baa wa. Ka golee kiĩni ka ga Dɛnaa a minin kirisibaa ǹ sii kɛ ganaa a n die zɛnɛɛ ka-n pelo. Sonbore, ka yii bɛ́ Ezipti minin mɛnɛn ganaa pelo ke, ka yii ba re ǹ yii doo duduu wa.

Bɔ bɛ̀rɛbaa nɛ 20:20

Muizu pɛ zaman lɛ nɛ: «Ka baran nyɛ́ɛ baa wa. A giala, Lawa na á daa n da ka gɔ́ɔ̃ li, màn mɛn bɛ́ toɛ, nyɛ́ɛ baa a din ni goã ka foo ne, ka baran sii baraa dɔ zɛnaa wa.»

Izayii 12:2

Á ke, Dɛnaa Lawa n ma kirisibaali lɛa. Ma foo n doa nɛ a din ganaa, nyɛ́ɛ ba ma ganaa doo wa. Dɛnaa Lawa n ma pàã laanka maa loe lɛa, ma kirisibaali ni.»

Izayii 35:4

Foo ziziɛ̃ bɛ́ min mɛnɛn ganaa, ka pɛ bɛn manɛ: «Ka n foo taã, nyɛ́ɛ nyan ka kũ wa. Kaa Lawa á ke. A n die kaa gɛ̀ dòo boe, kaa zɔ́ɔn nə sii baraa mɛn zɛnaa ka nɛ, a n bɛ dòo sarɛɛ ǹ la. A dinmaa n die ka kirisibiɛ.»

Izayii 37:6

Izayii pɛ ǹ nɛ: – Ka wo Dɛnaa Lawa a boo kɛ pɛ kaa dɛnaagiĩ Ezekiasi ni: «Ń Asiiriin sɔraasin goledɛnaa lɛ ma sɔ koe ma ganaa. N boo mɛn ma, nyɛ́ɛ nyan nə n kũ wa.

Izayii 43:5

Nyɛ́ɛ nyan nə n kũ wa, ma á kunun n ni. Ma á re boe ka n nɛnyaanan nɛ lɛ̀giala-n ma da ǹ nɛ, ma á re boe ǹ ne lɛ̀nyɛɛnɛ ma ǹ sɔkɔn.

Izayii 44:2

Dɛnaa Lawa n kɛ pii n ni, asɛ mɛn nə n zɛnaa, á n da n dan gɔ́ɔ̃ nɛ, asɛ mɛn bɛ́ die n gú ganaa: Nyɛ́ɛ nyan nə n kũ wa, Zakɔba a zaman, nsɛ Yesurumu ke má n yii gɔgɔɔ̃.

Izayii 49:8

Dɛnaa Lawa n pii kɛnɛn: Má n lɛ si biikoo sonbore li. Kirisibaa pinaa, má daa n gú ganaa. Ma á die n tamɛɛ, man koa máa n maa lɛ kɔ kɔn la kɛ yɔrɔ bɔ ka tɔrɔn nɛ, n Izirayeli gána saa n da lon, màn mɛn bɛ́ toɛ didie na a wɔ gii yɛ tán kɛ nɛ á ziziɛ̃;

Izayii 50:9

Hiĩ, Dɛnaa Lawa n die maa gú ganaa. Die n boe la a kiri da ma la? Á ke, maa zɔ́ɔn tumaa n die pɔpɔsɛ, ka mɔnaa bɛ́ lɔn, nimii kũ.

Izayii 52:7

Kɛ n foo kɔɔ̃n lɛa, dia dí-a wole mɛn bɛ́ boe kelen mìi ni, a n là nyantoro boo diɛ, a n boo tii kɔɔ̃n pii, a n kirisibaa boo diɛ. A n pii Siɔn nɛ: «N Lawa lɛ n kii lɛa.»

Izayii 60:19

N laadoo á re goɛ̃ wasa ganaa mà a fúlu kaa n nɛ penleen wa. N laadoo á re goɛ̃ mui ganaa tèlò-n wa. Masɛ Dɛnaa Lawa n die n tɛ fúlu biɛ dan ná a ba la wa, ma din, n Lawa n die tɛ fúlu kiɛ n ganaa ka maa gugurubaa nɛ.

Busii pɛ 3:57

Ma bɛ́ ma lɛ dia n la, n nə́ n zɔ̃ n dɔ, n pɛ ma nɛ: «Nyɛ́ɛ nyan nə n kũ wa.»

Ozee 1:9

Dɛnaa Lawa pɛ kɛnɛn: «Bɛ tɔ kɔ "Lo-Amii" bɛ giala mà "maa zaman bie doo wa". A giala, ka bie maa zaman lɛa doo wa, masɛ dɔ bie kaa wɔ lɛa doo wa.»

Azee 1:13

Bɛ lɛ nɛ Dɛnaa Lawa a dia dí-a wole Azee lɛ tɔ́n boo kɛ da zaman nɛ Dɛnaa Lawa a boo gii lɛa. Dɛnaa Lawa pɛ: «Ma á kun ka nɛ.» Ma din Dɛnaa Lawa a da ǹ boo ne.

Azee 2:5

Ma lɛ kɔ kɔn la mɛn wɔ ka ka nɛ bɛ̀ ka bɛ́ ka soo Ezipti gána nɛ, ma yiri tá kun ka nɛ biikoo tumaa li, ka nyan nyɛ́ɛ baa màn kɔn nɛ wa.

Zakarii 10:12

Ma á re pàã koe maa zaman la. Sii mɛn bɛ́ kɔɔ̃n ma ganaa, ǹ tá re bɛ zɛnɛɛ. Dɛnaa Lawa a da ǹ boo ne.»

Zakarii 10:6

Ma á re Zudaa a zaman foo kaka koe, ma Zozɛfu a zaman kirisibaa. Ma á re wusii ma da ǹ nɛ piɛ, a giala, ǹ makara ma kũ. Maǹ die n biɛ ka ma bie má goã má n la bɔ ǹ ganaa wa. Hiĩ, ma din nə Dɛnaa Lawa, ǹ Lawa lɛa, ma á re ǹ nyankɔ lɛ sii.

Zakarii 13:9

Ǹ talɛɛ goon mɛn lɛ yii bɛ́ re goɛ̃ koo, man die ǹ zoɛ̃ ka tɛ nɛ, ma ǹ yoreen kɔ ka ǹ bɛ́ wɔrɔ yoreen koe lɔn, man die ǹ yoe ka ǹ bɛ́ sana yoe lɔn. Bɛa biikoo li kəni, ǹ tá re ma bíi we, ma á re ǹ lɛ sii, ma pɛ ǹ nɛ "Ka n maa zaman lɛa", ǹ dɔn tá re pii: "Dɛnaa Lawa, n nə n wɔa Lawa lɛa".»

Luku 1:13

Sɛnɛ, lon a dia dí-a wole lɛ pɛ nɛ: «N baran nyɛ́ɛ baa wa, a giala, Lawa nə́ n nyankɔ lɛ ma. N lɔ Elizabɛti á die nɛgiĩ yii, n tá re a tɔ koe Zaã.

Luku 1:30

Lon a dia dí-a wole lɛ tɔ́n pɛ nɛ: «Mariya, n baran nyɛ́ɛ baa wa, Lawa na á bǐɛ̃ gole baa n nɛ.

Rɔmu minin 8:31

Wɔ n die pii mà wàa kəni? Bɛ̀ Lawa tá kun wɔ nɛ, die n die boe wɔ la?

Korɛnti2 12:9

Sɛnɛ, a na á pɛ ma nɛ: «Maa bǐɛ̃-zɛnaa kɛ dinsɔɔ̃ tá n boe, a giala, man dɔmalɛ we n ne n pàãwɛɛnaabaa gɔ́ɔ̃ nɛ.» Bɛ lɛ n toɛ kanna, ma á n din kalɛɛ maa pàãwɛɛnaabaa gɔ́ɔ̃ nɛ, ń giɛ Krita a dɔmalɛ kɛ tá n koe ma lɛ.

Efɛɛzi minin 3:16

Lawa a min bǐɛ̃baa á gole. Bɛ lɛ nɛ, ma tá a nyankoe máa a pàã kɔ ka la ka Yiri Fu barka nɛ, ń giɛ pàã á we kaa goleemali ni.

Timəə dí-pɛn 20:1

Bɛ̀ ká soo ká woo zia baa kaa zɔ́ɔn ganaa, bɛ̀ ká sùin laanka wotoron yɛ, ka zaman nɛ mɔnaa nɛ ǹ nə́ la ka nɛ, ka baran nyɛ́ɛ baa wa. A giala, kaa Lawa, Dɛnaa Lawa lɛ tá kun ka nɛ. A din lɛ na á ka waa á ka bɔ Ezipti gána nɛ.

Filipi minin 4:13

Man boe la, ma á yɔ boe bɛa sii kɛ lɛ din tumaa ganaa, ka maa pàã kɔmala wole Krita barka nɛ.

Zozoe 1:9

Ma din bie má pɛ n nɛ, máa n nə n gù we yii n nə n foo taã wa ya? N baran nyɛ́ɛ baa wa, n baran toa n gù gã wa. A giala, masɛ Dɛnaa Lawa mɛn lɛ á ke n Lawa lɛa, ń bɛ́ re woe bǎã woo bǎã nɛ, masɛ tá kunun n ni.»

Sii yɔrɔ-bɔlen 6:16

Dɛnaa Lawa tɔ́n pɛ Zediɔ̃ nɛ kɛnɛn: Ma á re goɛ̃ kunun n ni, ma á re Madiã minin lɛn tumaa dii kun.