Izayii 40:7 - LAWA A BOO SONBORE

⁷ Bɛ̀ Dɛnaa Lawa a piɛ̃ daa, buũ n laɛ, da buu n bɛbɛnɛ. Sonbore, minbuiin nɛn man ka buũ bɛ́ lɔn.

LAWA A BOO SONBORE 2011

⁷ Bɛ̀ Dɛnaa Lawa a piɛ̃ daa, buũ n laɛ, da buu n bɛbɛnɛ. Sonbore, minbuiin nɛn man ka buũ bɛ́ lɔn.

Izayii 40:7 ပူးပေါင်းရင်းမြစ်များ

Zɔbu 14:2

A n da buũ lɛa, n lɛ buĩ bɛ̀ a wusoo a na a mɛnaa. A n da wúlu lɛa baa sii, a beleboe wa.

Zɔbu 4:9

Bɛ̀ min sii zɛnaa á Lawa foo yoo, bɛ n bɔ̀n biɛ. A foo-yoo lɛ n bɛ dii.

Zɔbu 41:21

Durunkun nə làpaa lɛa asɛ ganaa. Sɛmiɛ̃ zuĩ a lɛ-baa ke, a n yaa we bɛ-a.

Loen 102:4

Sonbore, maa yiikoonaabaa n ka tɛmaa bɛ́ lɔn, yui woe. Ma wen man ka tɛ nàn bɛ́ lɔn, kuĩ nyɛɛ.

Loen 103:15

Minbuiin nɛ a tá kanaa n ka buu bɛ́ lɔn, a n gole koe siĩn sɔnbɔraan ka da buũ bɛ́ lɔn.

Loen 103:16

Sɛnɛ, bɛ̀ piɛ̃ bɔ, a n papaɛ̃, a bǎã n goɛ̃ ka a bin tɔn buu pã wa.

Loen 90:5

N din nə minbuiinin nyin nyɛɛ. A n nyɛɛ ka baayɛlɛ a narɛɛ á ke lɔn. Maǹ ka buu bɛ́ lɔn boe tán.

Loen 90:6

Baayɛlɛ, a n fúli, a yoo lon, wasamiɛ̃nɛ, a n bɛbɛnɛ a laa.

Izayii 11:4

Sɛnɛ, a n die kiri kuri pàãwɛɛnaan la ka peperebaa nɛ. A n die peperebaa zɛnɛɛ gána lɛ a doobaan manɛ. A da ǹ boo n die goɛ̃ ka bàlà bɛ́ lɔn gána lɛ nɛ minin duwii. A lɛ gɔ́ɔ̃ ǹ boo n die min baraan dii gɛ̀ lɛa.

Izayii 37:27

Min mɛnɛn nə goã a nɛ, bɛn nə boo màn kɔn la ǹ nə́ zɛnaa wa. Nyɛ́ɛ nə́ ǹ gù dɛ, sìi nə́ n kɔ ǹ lɛ. Maǹ nə́ n baa ka wuru gɔ́ɔ̃ nɛ ǹ buu bɛ́ lɔn, ka tɔɔn buu sɔ̃ ǹ bǎã bɛ́ lɔn, ka kala la ǹ buu bɛ́ lɔn, ka wuru gɔ́ɔ̃ nɛ ǹ màn bɛ́ lɔn a ná a tɔn ma wa.

Izayii 40:24

Ǹ tɔn nə ǹ da tán bɔrɔ wa, ǹ tɔn nə ǹ zumu bɔrɔ wa, ǹ gòonən nə tɔn wɔ tán dinin bɔrɔ wa, Dɛnaa Lawa n piɛ̃ pii ǹ ganaa. Maǹ laɛ, piɛ̃ gole n woe ǹ ne, ka buu gere bɛ́ lɔn.

Izayii 51:12

Ma din nə foo doa koe ka la. Sonbore, ma din ni! Maa zaman, a n siɛ lɔn ka á nyɛ́ɛbiɛ minbuiin nɛn manɛ? Ǹ tumaa n giɛ̃, maǹ nə n gɔn nyɔmiɛ ka buu bɛ́ lɔn!

Azee 1:9

Ka yiri na á goã màn gigiã ganaa, sɛnɛ ka n ka màn boɛɛn yɛ. Ka màn mɛn yɛ ka kaa dɔǹ nɛ, má piɛ̃ pɛ a ganaa a yii papaã. Wàa na á baa má bɛ zɛnaa miɛ̃? Dɛnaa Lawa Pàãyiidɛnaa n nɔ̀n diɛ. A giala ka ǹ giɛ ka dinin kionən walan, maa kion lɛ n kɛbɔlɔbaa nɛ.

Zaaki 1:10

Bɛ̀ pàãma dɔ mɛnaa, a dɔ nə n nyɛnyaa a mɛnaa lɛ taman yii. A giala, da buũ bɛ́ papaɛ̃ fufuu lɔn, pàãma dɔ n die papaɛ̃ miɛ̃.

Zaaki 1:11

Bɛ̀ wasa bɔ ka a sɛ̀ fuu kakaarɛ kɛ nɛ, a n da lɛ laɛ. A buũ n kiɛ, a siĩnbaa n papaɛ̃. Pàãma dɔ n die papaɛ̃ a nya ǹ dín bii miɛ̃.