Izayii 40:31 - LAWA A BOO SONBORE

³¹ Sɛnɛ, min mɛnɛn bɛ́ n foo doɛ Dɛnaa Lawa ganaa, bɛn man wusii ǹ pàã dii yɛ. Maǹ yui ka giogialatã-a bɛ́ lɔn, baa sii, ǹ ba nɔmɛɛ wa. Maǹ woe nyɛɛnɛ, ka pàã nɛ.

LAWA A BOO SONBORE 2011

³¹ Sɛnɛ, min mɛnɛn bɛ́ n foo doɛ Dɛnaa Lawa ganaa, bɛn man wusii ǹ pàã dii yɛ. Maǹ yui ka giogialatã-a bɛ́ lɔn, baa sii, ǹ ba nɔmɛɛ wa. Maǹ woe nyɛɛnɛ, ka pàã nɛ.

Izayii 40:31 ပူးပေါင်းရင်းမြစ်များ

Zɔbu 17:9

Ta á n baa lɔn, min pepere gɔn na a zii ganaa. Min mɛn bɛ́ a sii la wa, màn nə́ miɛ bɛ pàã li miɛ̃ a woo.

Loen 103:5

A din nə ma toe ka màn sonboren ne, á n ma biɛ min ten lɛa, pàã n ma lon, ka giogialatã bɛ́ lɔn.

Loen 123:2

Bɛ̀rɛgiĩ bɛ́ n yii diɛ a goledɛnaa gɔn li lɔn, bɛ̀rɛlɔ bɛ́ n yii diɛ a goledɛnaa gɔn li lɔn, Dɛnaa Lawa wɔa Lawa, wɔ dɔn manə n yii diɛ n dɔ gɔn li miɛ̃, wáa n da makara bɔ wɔ ganaa.

Loen 138:3

Ma bɛ́ má lɛ dia n la ǹ mɛn pinaa, ń nə́ n nyəə ma la. Ń ma foo taã, ń màn da ma pàã li.

Loen 20:9

Ǹsɛn tá re niɛ̃ ǹ mɛnaa tán, wɔ dinin nə goã lon, wɔ piã.

Loen 25:21

Ma bɛ́ má n foo doa n din ganaa, ma tamaa, sonborebaa laanka peperebaa gɔ́ɔ̃ nɛ.

Loen 25:3

Min mɛn tumaa bɛ́ n foo doɛ n ganaa, sìi ba re bɛ kɔn kuĩ wa. Sɛnɛ, min mɛnɛn bɛ́ n piɛ̃ n nɛ, mìi ná a ba la wa, bɛn wɔ n ka sìi ni.

Loen 25:5

N din die n ma da n sonbore zii la, n din ma daraa, a giala, n din nə Lawa lɛa ma kirisibiɛ, ma nə n foo doɛ n din ganaa babaraa.

Loen 37:34

N foo doa Dɛnaa Lawa ganaa, n kɔ a zii lɛ. Á re n koɛ gána lɛ a dɛnaa lɛa. N tá re yii min baraan kɛn wɛɛ ǹ boe a nɛ.

Loen 40:1

LOE-saalin goledɛnaa loe mɛn lɔ. Davida a loe n ke.

Loen 84:7

Ta bɛn man kiɛ̃ tán gere bǎã kɛ nɛ, a nə n bɔyɛɛ a mu bǎã nyantoto baa. La bibinaan kɛn man kiɛ la, ǹ barka wɔ a nɛ.

Loen 84:8

Bɛa minin kɛn lɛn, bɛ̀ ǹ tá woe nyɛɛnɛ ǹ tɔ-wɔ lɛ gɔ́ɔ̃ nɛ, màn nə n miɛ̃ ǹ pàã li, yǎa ǹ woe doe Lawa yɔrɔ-a Zeruzalɛmu.

Loen 92:1

LOE mɛn bɛ́ n loe *susu ǹ pii li. LOE ne.

Loen 92:13

Min pepere n yui ka sèwo da bɛ́ lɔn, a n pàã boe a kaka kɔ, ka Liban a da dadaran kɛn bɛ́ lɔn.

Bɔ bɛ̀rɛbaa nɛ 19:4

«Ǹ dinin nə́ sii kɛ lɛ yɛ ma zɛnaa Ezipti gána nɛ. Ka sia bɛ́ a nɛnyaanan guĩ lɔn, man má ka goa miɛ̃, má ka gũ, má daa dɔ ka nɛ ma din li.

Suusun 30:19

Sia a yoo a wo lon ne, miɛ̃ a kiɛ̃ ǹ zii gɛ̀fu la, mu la ǹ goo á zii yìsi mu lalan. A siibaa ǹ wɔ tan: Bɛ n ka zii mɛn bɛ́ giĩ á koe lɛ a wo lɔ li.

Loe kɔɔ̃n kɔɔ̃n 8:5

Lɔ mɛn nə ke n toɛ diə gole li die, paraa-n denden a din foo dùũ wɔ gùrù ganaa? Man má n yii kaa pɔmu da kɛ giulun, n dan bɛ́ á n nɔ̀ si bǎã mɛn lɛ nɛ, a bɛ́ á n yɛ á n da kanaa bǎã mɛn lɛ nɛ.

Izayii 25:9

Bɛa pinaa, wɔ á re pii: «Á ke, a din ni wɔa Lawa lɛa, wɔ foo n doa nɛ a din ganaa. A n wɔ kirisibiɛ. Taãn nɛ, wɔ foo n doa nɛ Dɛnaa Lawa ganaa. Wɔ ǹ bɛ̀ biɛ ka foo kɔɔ̃n nɛ, wɔ nə n nyɛnyɛɛ, a giala, á wɔ kirisibaa!

Izayii 30:15

Dɛnaa Lawa, Izirayeli a Lawa sonbore n kɛ pii: Bɛ̀ ka n bɔyaa ka daa masɛ li, ka giã kiĩn ni, ka á re kirisibaa yii. Bɛ̀ ka n foo doa masɛ ganaa, ka giã kiĩn ni, bɛ lɛ n die pàã koe ka la. Sɛnɛ, ka lɛ kɔ bɛ ganaa wa.

Izayii 30:18

A da yaa, Dɛnaa Lawa á re yui, a na a bǐɛ̃ nyaa ka nɛ, á re a foo basiɛ̃baa nyɛɛ ka nɛ. Sonbore, Dɛnaa Lawa n Lawa pepere lɛa. Min mɛnɛn foo bɛ́ doa nɛ a ganaa, bɛn foo á re kɔɔ̃n koe.

Izayii 41:1

Dɛnaa Lawa pɛ: Kasɛn, gánan kɛn mu ka da bii, ka giã kiĩni ma yɔrɔ-a, ka n too kɔ ma lon Kasɛn, tɔrɔn tumaa, ka n we yii. Ka n zɔ̃ ka dɔ ka boo da. Ka wɔ n ta kiri wɔ ǹ bǎã-n kun.

Izayii 64:4

Min mɛnɛn bɛ́ koe peperebaa lɛ ka foo kɔɔ̃nbaa nɛ, ǹ nə́ n yiri koɛ li ǹ tá koe n ziin kɛn lɛ, maǹ die n diɛ bɛn lɛ. Bɛ̀ n foo yoo, wɔa siɛ̃n lɛa nɛ. Sɛnɛ, bɛ̀ wɔ kɔ lɛlɛ ǹ ziin kɛn lɛ, wɔ á re kirisibiɛ.

Izayii 8:17

Ma nə n yii diɛ Dɛnaa Lawa la. Á n yɔrɔ bɔyaa bɔrɔ á bɔ Zakɔba tɔrɔn la. Sɛnɛ, masɛ yii n doa-n a din la.

Zeremii 48:15

Moabu ziziɛ̃, Maǹ we a kiwin kuĩ. Maǹ woe ka a nɛ tenən lɛn nɛ bɔlɔ kuru ǹ bǎã nɛ. Kii ke a tɔ n Dɛnaa Lawa Pàãyiidɛnaa, bɛa da ǹ boo á ke:

Zakarii 10:12

Ma á re pàã koe maa zaman la. Sii mɛn bɛ́ kɔɔ̃n ma ganaa, ǹ tá re bɛ zɛnɛɛ. Dɛnaa Lawa a da ǹ boo ne.»

Luku 18:1

Yezu boo giməə kɔ́n da a kialandɛnan manɛ, á nyaa ǹ nɛ mà min doamaa nɛ, a Lawa nyankɔ biikoo tumaa waáraa, a gù ná a giɛ̃ wa.

Rɔmu minin 8:25

Sɛnɛ, wɔ yii bɛ́ a ba màn mɛn-a wa, wɔ foo n doa-n bɛ lɛ ganaa, wɔ nə́ n yii diɛ la ka sii simaa nɛ.

Korɛnti2 4:1

Lawa din na á bǐɛ̃ kɔ ma ganaa, á bɛa dí kɛ koa ma li. Bɛ lɛ n toɛ ma gù a basɛ̃ wa.

Korɛnti2 4:16

Bɛ lɛ n toɛ, maa foo tãbaa a nyɛɛ pin kɔ́n-a wa. Haalɛ ta ma gɔ̀nɔn siĩ n ziziɛ̃ boɛboɛ woe, ma telenboen nə màn dii biɛ lɛawaa gogoonmaa li.

Galaasi minin 6:9

Wɔ nyan nɔmaa ka sii bǐɛ̃ zɛnaa-n wa. A giala, bɛ̀ wɔ n gù basã wa, wɔ á re màn sonbore kuri, bɛ̀ a biikoo dɔ.

Timəə dí-pɛn 32:11

Ka giogiatã-a bɛ́ a nɛnyaanan foo taɛ̃ lɔn, bɛ̀ a n bibiə̃ ǹ mìi la, á n nyàan lɛ bɔ sababa, á ǹ goa á ǹ kaa a nyàan la,

Timəə dí-pɛn 33:25

Kaa kiɛnlɛ-a ǹ goon lɛn die ǹ goã fɔlɔ laanka zan lɛa, ka goã kaka miɛ̃ yǎa a woe kiɛ kaa gɛ̀ lɛ.»

Tesaloniki1 1:10

Ka ǹ bɛ lɛ gɔ́ɔ̃ nɛ, n yii diɛ a Nɛgiĩ a bɔ lon a daa la, a ǹ mɛn lɛ yii kaa á bɔ geren bii, Yezu lɛ, die wɔ sii Lawa a biɛ̃ ǹ foo-busii la.

Ebrəə 12:1

Bɛa siére zaman gole kɛ lɛ tá wɔ lɛnpɛnɛ, ǹ nə́ ǹ golee Lawa li sii nyɛɛ wɔ nɛ. Bɛ lɛ-n kəni, màn mɛn tumaa bɛ́ wɔa tɔ-wɔ sàabiɛ, ka daa wɔ n piã bɛ nɛ, ka sii baraa kɛ dɔ nɛ n pɛnɛ wɔ ganaa fufuu. Ka daa, baa si a kɔn daa mɛn nə n nyaa wɔ nɛ, wɔ bɛ si ka sii simaa nɛ.

Ebrəə 12:3

Sonbore, ka n taasɛ a din lɛ nɛ, màn mɛn bɛ́ toɛ, ka foo baran ziziɛ̃ ka gù gã wa. Á min baraan piãman si a ganaa.

Zozoe 14:11

Sɛnɛ, ma goã kaka lɔn bɛ̀ Muizu bɛ́ ma diɛ giɛ gána lɛ ganaa, man tɔn kaka miɛ̃ haalɛ pelo. Pàã mɛn goã ma lon lɛlɛ má n zia biɛ nɛ, ma soo bɛ̀ ma woo bɛ̀ man bɔyaa, bɛa pàã lɛ miã á tɔn n ma lon pelo.

Sii-nyaan 12:14

Sɛnɛ, ǹ nə́ giogialatã-a gole kɛ nyàan kɔ lɔ lɛ la, mà a yoo a wo a giã ǹ bǎã lɛ-n don gɔ́ɔ̃ nɛ, maǹ die toe walan, yǎa lɛ̀ sɔɔ ka talɛɛ, a wɔlɔ á re sɔsɔɔ koe miɛ̃ kɛ ganaa.

Sii-nyaan 2:3

N tá n foo kuĩ, n fuu yɛ masɛ tɔ a lɛa, a n gù basã wa".

Sii-nyaan 4:7

Màn lɛ a bibinaa na á kɔnbɔ ka yàra nɛ, a paabaa ǹ wɔ n ka dii gɔ̀lɔ̀ ten bɛ́ lɔn, a sɔɔbaa ǹ wɔ na á kɔnbɔ ka minbuiin ni, a siibaa ǹ wɔ na á kɔnbɔ ka giogialatãa mɛn bɛ́ á n nyàan nyɔmaa.

Sii yɔrɔ-bɔlen 16:28

Sansɔn Dɛnaa Lawa nyankɔ á pɛ: «Dɛnaa Lawa ganaa, masɛ nə n nyankoe. N din Lawa nə n yiri koa masɛ li. E Lawa! Wusoo n pàã kɔ ma la, haalɛ ta sisia kɛ dinsɔɔ̃ nɛ, ma boo la, ma maa gɛ̀ dòo bɔ Filisiti minin lɛn ganaa goon lɛa, ma yii nàn paa kɛa purii taman yii.»