Izayii 40:29 - LAWA A BOO SONBORE

²⁹ A n wusii a pàã kɔ pàãwɛɛnaa la. Min mɛn bɛ́ á nɔmaa, a n bɛa dɛnaa foo taɛ̃.

LAWA A BOO SONBORE 2011

²⁹ A n wusii a pàã kɔ pàãwɛɛnaa la. Min mɛn bɛ́ á nɔmaa, a n bɛa dɛnaa foo taɛ̃.

Izayii 40:29 ပူးပေါင်းရင်းမြစ်များ

Siin Giala 49:24

Sɛnɛ, a dɔ ná a sa kũ kaka. Á n gɔn wìi kaka kɔ a ganaa, ka Zakɔba a Lawa Kaka kɛ pàã nɛ. A din lɛ n Izirayeli tamaɛ ka tɔɔn-lɛduə̃li bɛ́ a tɔɔn tamaɛ lɔn. A foo n doa-n a din lɛ ganaa, a giala, a n kaka ka kɔlɔ nɛ.

Nehemii 6:9

Bɛa minin kɛn lɛn tumaa na á goã giɛ li maǹ ǹ nyɛ́ɛ da wɔ ganaa. Maǹ nə́ goã taasɛ mà wɔ tá re n gɔn boe dí lɛ-a, a ná a die n nyɛɛ doo duduu wa. «Sɛnɛ Lawa, pàã kɔ ma la sisia.»

Loen 29:11

Dɛnaa Lawa din tá re pàã koe a minin kɛn la, Dɛnaa Lawa din tá re a minin kɛn gɛrɛsiɛ boe, a là nyantoro kɔ ǹ la.

Loen 68:10

Lawa, ń goã bǐɛ̃ zɛnɛɛ ka la mu sonbore ne, n din a gána lɛ pàã goã á nya, sɛnɛ, ń pàã kɔ la.

Loen 68:35

Ka pɛ mà pàã n Lawa wɔ lɛa. A din lɛ n kii siĩn lɛa Izirayeli mìi la. A pàã lɛ n gole, á woo lon ka labaran bɛ́ lɔn.

Izayii 41:10

Nyɛ́ɛ nyan nə n kũ wa, a giala, ma á kunun n ni. N nyan ga n para li ka foo ziziɛ̃-n wa. Masɛ din ni n Lawa lɛa. Man pàã koe n la, man die n gú ganaa, man kirisibaa ka maa bɔlɔgoondɛnaabaa nɛ.

Izayii 50:4

Ma bɛ́ má kɔnbɔ ma boo mɛn da, ma pàãwɛɛnaa foo taã nɛ, Dɛnaa Lawa n ma darɛɛ bɛ ganaa. Baraabaraa baayɛlɛ, a n ma yii kiɛ, man too kɔ ka kialandɛnaa sonbore bɛ́ lɔn.

Zeremii 31:25

Taãn nɛ, min mɛnɛn nə nɔmaa, ma á re mu koe bɛn la ǹ mi. Pàãwɛɛnaan kɛn, ǹ laadoo bɛ́ màn mɛn tumaa ganaa ma á re bɛ koe ǹ la.

Zakarii 10:12

Ma á re pàã koe maa zaman la. Sii mɛn bɛ́ kɔɔ̃n ma ganaa, ǹ tá re bɛ zɛnɛɛ. Dɛnaa Lawa a da ǹ boo ne.»

Korɛnti2 4:16

Bɛ lɛ n toɛ, maa foo tãbaa a nyɛɛ pin kɔ́n-a wa. Haalɛ ta ma gɔ̀nɔn siĩ n ziziɛ̃ boɛboɛ woe, ma telenboen nə màn dii biɛ lɛawaa gogoonmaa li.

Timəə dí-pɛn 33:25

Kaa kiɛnlɛ-a ǹ goon lɛn die ǹ goã fɔlɔ laanka zan lɛa, ka goã kaka miɛ̃ yǎa a woe kiɛ kaa gɛ̀ lɛ.»

Filipi minin 4:13

Man boe la, ma á yɔ boe bɛa sii kɛ lɛ din tumaa ganaa, ka maa pàã kɔmala wole Krita barka nɛ.

Kolɔɔsi minin 1:11

Lawa die a toa ka pàã gole kɔ, ká a din a boo sii la laanka a din a Lawabaa ǹ pàãdɛnaabaa kɛ barka nɛ, màn mɛn bɛ́ toɛ, ka sii si ma-a laanka gɔ̀lɔ̀baa yɛ fuu tumaa gɔ́ɔ̃ nɛ,

Ebrəə 11:34

ǹ nə́ tɛ dadaran pàã nya, ǹ nə́ kirisibaa gɔya gɛ̀ ganaa. Ǹ nə́ goã pàã wɛɛnaan lɛa, ǹ pàã gole kɔ. Ǹ nə́ giĩbaa nyaa zia la, ǹ nə́ gána kɔsɔn zia-baalin loo.

Sii yɔrɔ-bɔlen 15:19

Gɛ̀fu mɛn lɛ á ke Leyii, Lawa tɔ́n bɛ lɛ yu kɔn, mu soo a nɛ. Sansɔn mi a yii dɔraa, a gù wusoo á kaa. Bɛ lɛ nɛ, ǹ nə́ bɛa bǎã lɛ bíi mà "Ɛn-Akooree". A tá Leyii, haalɛ tɔn pelo.

Samayeli1 2:4

Pàãdɛnan sa yiɛ. Pàãwɛnaan nə́ pàã yɛ.