Izayii 40:28 - LAWA A BOO SONBORE

²⁸ N ba bɛ doɛ̃ wa? N bin ma wa? Lawa mɛn bɛ́ a tan haalɛ bibi yǎa duduu, Dɛnaa Lawa, a din na á tán tumaa zɛnaa. Pàã a nyaabiɛ a ganaa duduu wa. A nɔmɛɛ wa. Dan ba a sii-doɛ̃ la wa.

LAWA A BOO SONBORE 2011

²⁸ N ba bɛ doɛ̃ wa? N bin ma wa? Lawa mɛn bɛ́ a tan haalɛ bibi yǎa duduu, Dɛnaa Lawa, a din na á tán tumaa zɛnaa. Pàã a nyaabiɛ a ganaa duduu wa. A nɔmɛɛ wa. Dan ba a sii-doɛ̃ la wa.

Izayii 40:28 ပူးပေါင်းရင်းမြစ်များ

Siin Giala 21:33

Abrahamu da kɔ́n zumu Bɛɛr-Sebaa, yiri koamanɛ ǹ sii lɛa. Maǹ da lɛ bíi Tamarisi. Lawa mɛn bɛ́ a tan yǎa duduu, á bɛ lɛ nyankɔ walan, bɛ̀ á bíi "Dɛnaa".

Zɔbu 38:18

N tá tán kɛa pəməbaa doɛ̃? A pɛ ma ma kəni, n din bɛ́ bɛa sii lɛ tumaa doɛ̃.

Loen 138:8

Dɛnaa Lawa á re sii tumaa bǐɛ̃ koe, a kɔ ma la. Dɛnaa Lawa, n kɔn-narɛɛ gole kɛ a nyɛɛ duduu wa. N din gɔn na á wɔ zɛnaa, n nyan wɔ daa bii-a wa.

Loen 139:6

N din a ma dɔ̃ kɛnɛn ke, kaãbaa ǹ sii ni, á kiɛ̃ maa sii-doɛ̃ la. Á la yii ni, ma ba a giala miɛ wa.

Loen 145:3

Dɛnaa Lawa á gole, wɔ doamaa-n wɔ a guguru kɔ taãn-taãnɛ. Min ba boe la n na a golebaa kɛ lɛ-doa dɔ̃ wa.

Loen 147:5

Wɔa Dɛnaa lɛ á gole, Pàãyiidɛnaa nɛ. A sii-doɛ̃ kɛ lɛ dan banban.

Loen 90:2

N laan bɛ̀ n kelen da, n laan bɛ̀ n kanaa laanka a gɔ́ɔ̃gɔ́ɔ̃ ǹ mànan da, n din nə Lawa lɛa haalɛ lɛlɛ, n nə n Lawa lɛa yǎa duduu.

Izayii 37:26

Senankeribu, n ba bɛ doɛ̃ wa? Haalɛ bibi, masɛ din ni ma siin kɛn lɛn yɔrɔ bɔ. Ma din ni má ǹ yɔrɔ bɔ á biikoo ná a kànaa wa. Sisia kəni, man die ǹ zɛnɛɛ. Man má n koa, máa n basaã kɔ kiwin kɛn manɛ tamaa nɛ, ǹ kɛbɔlɔn baa.

Izayii 40:21

Kaa tɔn bɛ doɛ̃ wa? Ka tɔn ma wa? Ǹ bɛa boon kɛn pɛ ka-n haalɛ bibi wa? Ka kanaa a giala daa ǹ gɔn giala ma wa?

Izayii 42:4

A foo a re ziziɛ̃ wa. A gù a re giɛ̃ wa, yǎa peperebaa yii tán tumaa la. Gánan mɛnɛn bɛ́ mu nə́ ǹ da bii, bɛn man giɛ a daraa li.»

Izayii 45:22

Ka n bɔyaa ka da masɛ li, kasɛn mɛnɛn bɛ́ tán lɛ dan ganaa, ka á re kirisibiɛ. A giala, ma din ni Dɛnaa Lawa lɛa, kɔsɔ banban.

Izayii 57:15

Min mɛn bɛ́ ǹ ná a guguru koe ǹ ná a laakalɛɛ, a ná a tan duduu, a tɔ n "Sonbore", a bɛ́ boo mɛn pii á ke: Man giã-n bǎã sonbore ne, lon sɔsɔɔ, Sɛnɛ, man kun ka nɔmaa-wolen dɔn nɛ, ka foo ziziɛ̃ wolen ne. Man yiikoonaabaa koe nɔmaa-wɔlen la, ka foo ziziɛ̃ wolen ne.

Izayii 59:1

Taãn nɛ, Dɛnaa Lawa gɔn ba kunu á la yii ni kirisibaa ganaa wa, a too dɔ bie á tã á la yii ni boo miɛ ganaa wa!

Izayii 66:9

Dɛnaa Lawa n nɔ̀n diɛ: Bɛ̀ n lɔ yaa nɔ̀ guĩ yǎa mui manangɔrɔ, bɛ n nyɛɛ mà man nɛ lɛ kurii yɛ ganaa? N Lawa n nɔ̀n diɛ: Bɛ̀ ma din nə nyin koe, wàa n toɛ ma nɛ lɛ kurəə yɛ ganaa?

Zeremii 10:10

Sɛnɛ, Dɛnaa Lawa n Lawa taãn lɛa. Lawa Yiikoonaa nɛ. A n kii lɛa yǎa duduu. Bɛ̀ a foo yoo, tán nə bìn diɛ. Tɔrɔn ba boe sii kɔn la ǹ zɛnaa a foo-yoo gɔ́ɔ̃-n wa.

Zeremii 32:17

«E! Dɛnaa Lawa, n din ni n tán laanka lon zɛnaa, ka n Pàã gole ne, ka n boo sii la nɛ! Sii kɔn ba kaka koe n ganaa wa.

Zeremii 4:22

Dɛnaa Lawa pɛ: Maa zaman lɛ a sii doɛ̃ wa, a ba ma doɛ̃ wa. Maǹ nɛnyaanan lɛa, ǹ ba n taasɛ wa, ǹ ba sii kɔn giala miɛ wa. Ǹ tá kɔn doɛ̃ ka sii baraa zɛnaa nɛ, sɛnɛ, ǹ ba kɔn doɛ̃ ka bǐɛ̃-n wa.

Marki 16:14

Bɛ tumaa kio, Yezu nə́ n din nyaa a kialandɛnaa fulugoon ne, bɛ̀ maǹ màn bii. Ǹ golee Lawa li baã laanka ǹ too kakabaa a la yii-n lɛ na á toa, Yezu yoo ǹ gialaa, a giala min mɛnɛn nə yɛ a yii n koo, ǹ golee bɛn lɛn boo li wa.

Marki 9:19

Yezu tɔ́n pɛ ǹ nɛ: «E, kasɛn golee Lawa li baãnaan kɛn! Masɛ n die goɛ̃ kun ka nɛ yǎa biĩ doo, ka tɔn golee Lawa li? Ma n die kaa sii sii ma ganaa miɛ̃ yǎa biĩ kəni? Ka nɛ lɛ kũ ka da kɔ ma la.»

Luku 24:25

Yezu tɔ́n pɛ ǹ nɛ: «Yiribaãnaan lɛn, ka a lɛ koe Lawa a boo gii-dalin lɛn boo ganaa fufuu wa.

Zaã a sɛ́wɔ 14:9

Yezu mà Filipi ganaa: «Man kun ka ka nɛ haalɛ bibi ǹ duũ, bɛ din tumaa kio, n tɔn masɛ dɔ̃ bɔrɔ wa? Bɛ̀ min mɛn masɛ yɛ, ǹ dɛnaa na á maa Díi yɛ. Wàa na á baa n tá pii doo mà ma maa Díi nyaa ka nɛ?

Zaã a sɛ́wɔ 5:17

Sɛnɛ, Yezu tɔ́n pɛ ǹ nɛ: «Haalɛ tɔn pelo, masɛ Di Lawa gɔn nə dí ganaa, masɛ dɔ gɔn nə dí ganaa.»

Nya ǹ dín 13:47

A giala, Dɛnaa din dí-pɛ mɛn kɔ wɔsɛn la, bɛ n ka kɛ nɛ: «Man má n koa tɔrɔn tɛ fúlu lɛa, màn mɛn bɛ́ toɛ, kirisibaa dɔ kanaa lɛ dan ganaa.»

Rɔmu minin 16:26

Sɛnɛ sisia, bɛa sonbore lɛ bɔ kanaa. Lawa a boo gii-dalin sɛ́wɔn nə́ nyaa, kanna, Lawa nyabaã lɛ din dùũ barka nɛ, bɛa sonbore lɛ bɔ kanaa, tɔrɔ kɔsɔn kɛn dɔn tumaa dɔ̃, màn mɛn bɛ́ toɛ, ǹ lɛ kɔ Boo Tii Kɔɔ̃n lɛ ganaa, ǹ Lawa bɔlɔ si.

Korɛnti1 2:16

A n ka Lawa a sɛ́wɔ bɛ́ á pɛ lɔn: «Die n boe la a Dɛnaa a taasiɛ dɔ̃? Die n boe la a yiri kɔ la?» Sɛnɛ, Krita a taasiɛ tá wɔsɛn lon.

Korɛnti1 6:16

Ka a doɛ̃ mà bɛ̀ min giã kun ka naarɛbaali ni, mà manə n biɛ gɔ̀nɔn goon lɛa wa? A giala, Lawa a sɛ́wɔ pɛ mà ǹ paanan tá re gɔ̀nɔn goon biɛ.

Korɛnti1 6:19

Hinlaa ka n ka a doɛ̃ mà ka gɔ̀nɔn lɛ n Yiri Fu a giã ǹ kion lɛa wa? Bɛa Yiri Fu kɛ lɛ ka nɛ, Lawa din na á kɔ ka la. Ka bie ka dinin wɔ lɛa doo wa.

Korɛnti1 6:9

Ka a doɛ̃ mà min kɔkɔrɔn ba re bǎã yii *Lawa a kiibaa-n wa? Ka nyan ka dinin yiri sã wa! Din kũ doɛ̃baã wolen ne ka dì wúlu-bɔlen ne, naarɛbaalin ni, ka giĩ baa lɔ lɛa wolen ne,

Timəə dí-pɛn 33:27

Lawa mɛn bɛ́ a tan yǎa duduu, a din lɛ n duru n bǎã lɛa, A din lɛ gɔn nə ka li yǎa duduu. Á kaa zɔ́ɔn loo á ǹ bɔ ka nyɛɛnɛ, á pɛ ka nɛ, mà ka ǹ dɛ lenlen.

Filipi minin 1:6

Ma foo doamaa-n kɛ ganaa: Lawa dí sonbore mɛn giala kɔ ka gɔ́ɔ̃ nɛ, á re toɛ bɛ wo miɛ̃, a wo n giala-nyɔmɔɔ Yezu Krita a lɛawaa kɛ ganaa.

Timote1 1:17

Lawa mɛn bɛ́ kii lɛa biikoo tumaa li, asɛ mɛn bɛ́ a giɛ̃ wa, min yii ná a yii wa, Lawa goon toto lɛa, gugurubaa laanka siĩnbaa na a wɔ lɛa biikoo tumaa li yǎa duduu. A n miɛ̃.

Ebrəə 9:14

Sanparɛ Krita mà ke kəni! Krita mɛn bɛ́ á n din kɔ Lawa la, wúlu màn yoreen lɛa, ka Yiri Fu nyabaã wole barka nɛ, bɛ á boe la, a wɔ foon pii, a wɔ si bɔ̀nbaa ǹ sii zɛnaan la, màn mɛn bɛ́ toɛ, wɔ dí nya Lawa Yiikoonaa kɛ nɛ.

Samayeli1 2:10

Dɛnaa Lawa a zɔ́ɔn tá re zɔzoɛ, lon a Lawa tá re n toɛ lon a paraa ǹ li. Lawa tá re kiri we tán kuturu ganaa. A tá re pàã koe a kii la. A din kii mɛn bɔ á koa, a n bɛ mìi siɛ lon.»