Izayii 40:26 - LAWA A BOO SONBORE

²⁶ Ka n yii saa lon ka ga! Die na á leeren zɛnaa? Die nə ǹ diɛ tɔ wɔ ganaa kɔn kio ka sɔraasin bɛ́ lɔn? Min mɛn bɛ́ ǹ tumaa bíi ka ǹ tɔ nɛ, ǹ dɛnaa a kakabaa laanka a pàã la yii ni. Leere kɔn ba nyaabiɛ ǹ tɔ bíi ǹ bǎã-n wa.

LAWA A BOO SONBORE 2011

²⁶ Ka n yii saa lon ka ga! Die na á leeren zɛnaa? Die nə ǹ diɛ tɔ wɔ ganaa kɔn kio ka sɔraasin bɛ́ lɔn? Min mɛn bɛ́ ǹ tumaa bíi ka ǹ tɔ nɛ, ǹ dɛnaa a kakabaa laanka a pàã la yii ni. Leere kɔn ba nyaabiɛ ǹ tɔ bíi ǹ bǎã-n wa.

Izayii 40:26 ပူးပေါင်းရင်းမြစ်များ

Siin Giala 1:14

Lawa tɔ́n wusoo á pɛ kɛnɛn: «Folon-kaalin nə bɔ lon gɔ̀nɔn ganaa, ǹ lɛawaa laanka tèlò a bɔkɔnlɛ nyaa. Ǹ nə n baa biikoo nyaa ǹ mànan lɛa, ǹ zɔ́n biikoon nyaa, ka lɛawaan laanka lɛ̀n nɛ.

Siin Giala 1:16

Lawa folon-bɔle dadara màn paa zɛnaa: ǹ mɛn bɛ́ gole, wasa nɛ, á bɛ koa lɛawaa mìi la; ǹ mɛn bɛ́ boɛɛnɛ, mui ni, á bɛ koa tèlò mìi la. Á leeren dɔn zɛnaa.

Loen 102:25

Bɛ lɛ nɛ, má tɔn pɛ: máa maa Lawa, n baran ma dɛ fufuu kɛnɛn wa. Dɛnaa Lawa, nsɛ nə n tan yǎa duduu.

Loen 119:91

Haalɛ tɔn pelo, màn tumaa na a tan, a kɔnpɛ ka n din a sii yɔrɔ bɔ nɛ. A giala, màn tumaa n dí nyɛɛ n din ni.

Loen 121:1

Wo Zeruzalɛmu loe. Ma nə n yii siɛ ma á giɛ kelen kɛn ganaa: Maa dɔmalɛ n die boe maa?

Loen 19:1

Davida a loe n ke.

Loen 66:3

Ka pɛ Lawa nɛ: N nya ǹ dín lɛn man kaãbaa diɛ parsiini. N pàã gole kɛ yɔrɔ-a, n zɔ́ɔn man wusii, ǹ nə n gùrù naa n nɛ.

Izayii 34:16

Bɛ̀ ka n yii kɔ Dɛnaa Lawa a sɛ́wɔ kɛ nɛ, ka á re kɛa boon kɛn yii kiɛ̃ nɛ: Bɛa tɔɔn kɛn lɛn goon din fɔ̃ daa li wa. Ǹ tumaa daa sà laanka dan. A giala Dɛnaa Lawa din na á bɛa dí-pɛ kɔ ǹ la. A din yiri na á ǹ sɔkɔn.

Izayii 42:5

Lawa, Dɛnaa Lawa n kɛ pii asɛ mɛn lon zɛnaa, a ná a lɛ bɔ. Á tán lɛ bɔ ka a gɔ́ɔ̃gɔ́ɔ̃ ǹ màn tumaa nɛ. Tɔrɔn mɛnɛn tumaa bɛ́ tán la, a n yiikoonaabaa koe ǹ la, a piɛ̃ kɔ a giã man wolen la.

Izayii 44:24

Dɛnaa Lawa n kɛ pii n ni, asɛ mɛn bɛ́ n si sii la wole lɛa, asɛ mɛn nə n zɛnaa n dan gɔ́ɔ̃ nɛ: Ma din ni Dɛnaa Lawa lɛa. Màn mɛn tumaa bɛ́ á tan, ma din ni má ǹ zɛnaa. Ma dinsɔɔ̃ n má lon lɛ bɔ, má kanaa nyɔmaa, min kɔn goɛ̃ yɛ a-n wa.

Izayii 45:12

Á bǐɛ̃ kɔ! Ma din ni má tán zɛnaa, ka minbuiin nɛn mɛnɛn bɛ́ giã-n la. Ma din ni má lon lɛ bɔ. Ma din ni leeren tumaa mìi la.

Izayii 45:7

Man wɔlɔ fúlu koɛ, ma wɔlɔ tì zɛnaa. Man là nyantoro zɛnɛɛ, ma koe dɔ zɛnaa. Hiĩ, ma din Dɛnaa Lawa n bɛ tumaa zɛnɛɛ.

Izayii 48:12

Dɛnaa Lawa pɛ: «N too kɔ ma lon, Zakɔba, nsɛ Izirayeli mɛn bɛ́ má n bíi. Ma bɛ́ yɔrɔ mɛn la, man miɛ̃ duduu. Man sii tumaa a giala kɔ lɛa, man sii tumaa giala nyɔmiɛ lɛa.

Izayii 48:13

Ma din ni ma tán giala koa. Ma din ni ma lon lɛ bɔ. Bɛ̀ má ǹ bíi lɔn, maǹ die kun.

Izayii 51:6

Ka n yii saa lon, ka ga. Ka n yii kɔ, ka ga tán. Lon tá re papaɛ̃ ka tɛmaa bɛ́ lɔn. Tán tá re pɔpɔsɛ ka mɔnaa bɛ́ lɔn. Min mɛnɛn dɔn bɛ́ giã-n la, ǹ tá re giɛ̃ ka nyuunun bɛ́ lɔn. Sɛnɛ, kirisibaa lɛ n goɛ̃ duduu. Ma bɛ die ka peperebaa mɛn nɛ, a re nyɛɛ duduu wa.

Izayii 66:2

Bɛa mànan kɛn tumaa, ma din gɔn nɛ á ǹ zɛnaa. Ǹ tumaa n ma din wɔn lɛa. Masɛ Dɛnaa Lawa a da ǹ boo ne. Sɛnɛ, ma yii bɛ́ doa-n min mɛn la ka makara-doɛ̃ nɛ, nɔmaa-wɔle kɛ nɛ, a foo n ziziɛ̃ nɛ, ka min mɛn bɛ́ n too koe maa boo ganaa, a n nyɛ́ɛ biɛ ma yii ni.

Timəə dí-pɛn 4:19

Lon gɔ̀nɔn ganaa ǹ mànan kɛn tumaa, wasa nɛ, mui ni ka leeren ne, ka baran n yii saa ka ga bɛ kɔn ganaa wa. Ka nyan toa ǹ ka yiri sã, ka yaa kiɛ tán-a ǹ giulun, mà ka nə ǹ guguru koe wa. A giala, kaa Lawa, Dɛnaa Lawa na á bɛa nya ǹ dín kɛn toa kanaa a tɔrɔ kɔsɔn kɛn tumaa gɔn.