Biblia Todo Logo
အွန်လိုင်း သမ္မာကျမ်းစာ

- ကြော်ငြာတွေ -




Izayii 40:24 - LAWA A BOO SONBORE

24 Ǹ tɔn nə ǹ da tán bɔrɔ wa, ǹ tɔn nə ǹ zumu bɔrɔ wa, ǹ gòonən nə tɔn wɔ tán dinin bɔrɔ wa, Dɛnaa Lawa n piɛ̃ pii ǹ ganaa. Maǹ laɛ, piɛ̃ gole n woe ǹ ne, ka buu gere bɛ́ lɔn.

အခန်းကိုကြည့်ပါ။ ကော်ပီ

LAWA A BOO SONBORE 2011

24 Ǹ tɔn nə ǹ da tán bɔrɔ wa, ǹ tɔn nə ǹ zumu bɔrɔ wa, ǹ gòonən nə tɔn wɔ tán dinin bɔrɔ wa, Dɛnaa Lawa n piɛ̃ pii ǹ ganaa. Maǹ laɛ, piɛ̃ gole n woe ǹ ne, ka buu gere bɛ́ lɔn.

အခန်းကိုကြည့်ပါ။ ကော်ပီ




Izayii 40:24
28 ပူးပေါင်းရင်းမြစ်များ  

Dɛnaa Lawa bɛ́ á gini, a foo bɛ́ á busu á la yii ni, á tàn mu piɛ̃, á kanaa giala da kanaa.


Bɛ kio, min mɛnɛn tumaa bɛ́ tɔn nə ǹ tan Zizereyɛli kiwi, Akaabu a kion minin lɛa, Zewu nə́ ǹ yii dɛ. Akaabu a min dadaran tumaa nɛ, a kɔn doɛ̃ wolen ne, a wúlu-bɔlen ne, Zewu bɛn kɔn yii toa koo wa.


Ǹ tá ka làpaa bɛ́ lɔn piɛ̃ n siɛ? Ǹ tá ka kaã bɛ́ lɔn kurunkurun nə́ goɛ sonbore?


Bɛ̀ min sii zɛnaa á Lawa foo yoo, bɛ n bɔ̀n biɛ. A foo-yoo lɛ n bɛ dii.


Ta a n kɔlɔ bǎã nɛ, a nə n gòãn we tán kaka, a gòonən nə dɔ yǎa para ganaa.


Toa ǹ sii goã goon ka fɔrɔɔ nɛ, ǹ gã bɛ̀ ǹ mu n kiɛ. Ka nɔ̀ ziziɛ̃ bɛ́ lɔn, n baran toa ǹ yii wasa yɛ wa.


Bɛn man nə́ goã pii kɛnɛn: Ka daa wɔ Lawa a bǎãn kɛn kũ, wɔ ǹ si.


Hiĩ, ǹ kɔn pinaa, nyɛ́ɛ á re n doe ka bii ka piɛ̃ gole wɔ bɛ́ lɔn. Koe á re ka siɛ ka la tì gole wɔ bɛ́ lɔn. Foo biɛ na laanka foo ziziɛ̃ á re ka yii.


Sɛnɛ, a n die kiri kuri pàãwɛɛnaan la ka peperebaa nɛ. A n die peperebaa zɛnɛɛ gána lɛ a doobaan manɛ. A da ǹ boo n die goɛ̃ ka bàlà bɛ́ lɔn gána lɛ nɛ minin duwii. A lɛ gɔ́ɔ̃ ǹ boo n die min baraan dii gɛ̀ lɛa.


Maǹ gole koe n yii ni ǹ zumii pinaa. N da we mɛn kaa baayɛlɛ, bɛ n buũ koe a din pinaa. Sɛnɛ bɛ̀ busu daa ǹ mɛn pinaa, a nɛ a bǐɛ̃ koe wa. Bɛa busu lɛ, dagòã ba la wa.


Tɔrɔn gini n ka Yìsi mu gole a ginii bɛ́ lɔn. Bɛ̀ Dɛnaa Lawa paraa ǹ li, maǹ nə n mìi foɛ̃ ǹ wo sɔsɔɔ. Maǹ nə ǹ lui ka kele mìi ni ǹ piɛ̃ bɛ́ buu gere siɛ lɔn, ka la piɛ̃ bɛ́ gusuũ goɛ lɔn.


Tɛ kɔn yɔrɔ boemaa nɛ haalɛ bibi, a n Asiiriin kii wɔ lɛa. Yala zuzulu pəmə goon gɔ́ɔ̃ nɛ, maǹ nə́ gɔn da kɔn la buurii ni tɛ lɛ wɔ lɛa. Dɛnaa Lawa lɛ gɔ́ɔ̃ ǹ piɛ̃ ke ka kiribi tɛdɛnaa bɛ́ lɔn, bɛ n die tɛ lɛ diɛ.


Ǹ kii á re boo goon miɛ. Á ke ma á re a yiri bɔyɛɛ, ma dia a gána nɛ. Walan kəni, ǹ tá re dii ka gɔya sa nɛ.»


Bɛ̀ Dɛnaa Lawa a piɛ̃ daa, buũ n laɛ, da buu n bɛbɛnɛ. Sonbore, minbuiin nɛn man ka buũ bɛ́ lɔn.


N tá re ǹ sui, piɛ̃ nə ǹ goa a wo ǹ ne. Piɛ̃ gole á re ǹ pɛsɛ̃ paǹ tumaa li. Sɛnɛ nsɛ, n tá re n lɛ dii ka foo kɔɔ̃n nɛ, Dɛnaa Lawa taman yii. Izirayeli a Lawa sonbore kɛ á re n foo kɔɔ̃n koe.


Die na á min kɛ da zii la boe lɛ̀giala-n die, a n kiri pepere we a bɔ ǹ bǎã tumaa nɛ? Die na á da zii la? Die n tɔrɔn we a gɔn? Die n kiin kiɛ a pàã giulun? A gɔya sa nə ǹ bɔyɛɛ a ǹ baa gusuũ lɛa, A sa nə ǹ kio lui ka piɛ̃ bɛ́ woe buu gere-n lɔn.


A bɛ́ boo mɛn diɛ á ke: – Ka kɛ kiɛ̃ Konia a paǹ li: «Min ni a nɛnyaanan ba re goɛ̃ wa. Là goon din yɛ a ganaa a yiikoonaabaa gɔ́ɔ̃-n wa. Min kɔn ba re yii a sumu-n a giã Davida a kii dankan la, a Zudaa gána nyɛɛnaan bɔ wa.»


Piɛ̃ gole yoo, Dɛnaa Lawa a foo-yoo ne. A n kurunkurun lɛa, min baraan mìi la.


Ta Efrayimu tɔ bɔ ǹ dɔɔ̃nɔn bii, lɛ̀giala piɛ̃ á re die, Dɛnaa Lawa a piɛ̃ lɛa, boe diə gole ne. Mu yala á re piɛ̃, mu á re damɛ. Ǹ tá re kaa naforon goɛ, ka gɔn màn giɔ̀mɔ kakan kɛn, ǹ wo ka bɛn nɛ.


Bɛ lɛ nɛ, minin kɛn tá re papaɛ̃ ka baayɛlɛ labara bɛ́ lɔn, ka pele bɛ́ kiɛ lɔn, ka wii duwəə ǹ bǎã a kaã bɛ́ woe piɛ̃ li lɔn, ka tɛmaa bɛ soe sìã-n lɔn.


Dɛnaa Lawa n kɛ pii n wɔ paǹ li: «N ba re nɛnyaanan yii doo n tɔ nə n tɔ kɔ ǹ ganaa wa. N dìn kɛn gɔn lɛa hinlaa fɔlɔ lɛa, ma á re ǹ tumaa ziziɛ̃ ǹ kion. Ma nə n yala yɔrɔ boe a giala, n ba màn kɔn lɛa ma yii li wa.»


Ka yiri na á goã màn gigiã ganaa, sɛnɛ ka n ka màn boɛɛn yɛ. Ka màn mɛn yɛ ka kaa dɔǹ nɛ, má piɛ̃ pɛ a ganaa a yii papaã. Wàa na á baa má bɛ zɛnaa miɛ̃? Dɛnaa Lawa Pàãyiidɛnaa n nɔ̀n diɛ. A giala ka ǹ giɛ ka dinin kionən walan, maa kion lɛ n kɛbɔlɔbaa nɛ.


Má ǹ sasawaa tɔrɔn bii, ǹ bɛ́ ǹ ba ǹ mɛnɛn dinin doɛ̃ wa. Ǹ goa lɛ kio, ǹ gána lɛ yu. Min kɔn ba woe walan wa, min kɔn dɔ a boe a-n wa. Bɛa gána kɔɔ̃n-kɔɔ̃n kɛ lɛ, ǹ nə́ bɔyaa ǹ nə́ baa kɛbɔlɔ lɛa.»


Ka bɛ-n kəni, Dɛnaa Lawa n die yui lon ǹ mìi la, a kiɛ kɛ wo ka la a tɛ pɛ bɛ́ lɔn. Dɛnaa Lawa n die bɛn pii, a wo nyɛɛnɛ ka labara nɛ, boe gusin a lɛ̀gɔn la.


ကြှနျုပျတို့နောကျလိုကျပါ:

ကြော်ငြာတွေ


ကြော်ငြာတွေ