Izayii 40:11 - LAWA A BOO SONBORE

¹¹ Ká tɔɔn-lɛduə̃li bɛ́ lɔn, a na a tɔɔn lɛduĩ. Bɛ̀ á n gɔn saa ǹ li, maǹ nə n lɛ soekɔn. A n sère nɛn guĩ a kolɔn. Sere daanan mɛnɛn bɛ́ nɛn nə́ ǹ kio, a n woe bɛn nɛ sɛlɛlɛ.»

LAWA A BOO SONBORE 2011

¹¹ Ká tɔɔn-lɛduə̃li bɛ́ lɔn, a na a tɔɔn lɛduĩ. Bɛ̀ á n gɔn saa ǹ li, maǹ nə n lɛ soekɔn. A n sère nɛn guĩ a kolɔn. Sere daanan mɛnɛn bɛ́ nɛn nə́ ǹ kio, a n woe bɛn nɛ sɛlɛlɛ.»

Izayii 40:11 ပူးပေါင်းရင်းမြစ်များ

Siin Giala 33:13

Zakɔba ná a lɛ si kɛnɛn: «Gologiĩ, ń doɛ̃, nɛnyaanan lɛn pàã á kiɛɛrɛ. Ka bɛ dɔ nɛ, sère daanan laanka dii daanan tá ma lon, nɛnyaan bɔnboɛɛnɛn manə ǹ kio. Bɛ̀ wɔ tɔ wɔ ǹ nɛ, á re kiɛ̃ ǹ tɔ-wɔ lɛ dan la, ta pinin goon tɔ din ni, ǹ tumaa n giɛ̃.

Siin Giala 49:24

Sɛnɛ, a dɔ ná a sa kũ kaka. Á n gɔn wìi kaka kɔ a ganaa, ka Zakɔba a Lawa Kaka kɛ pàã nɛ. A din lɛ n Izirayeli tamaɛ ka tɔɔn-lɛduə̃li bɛ́ a tɔɔn tamaɛ lɔn. A foo n doa-n a din lɛ ganaa, a giala, a n kaka ka kɔlɔ nɛ.

Loen 100:3

Ka dɔ̃ mà Dɛnaa Lawa n Lawa lɛa. A din na á wɔ zɛnaa, wɔ na a din wɔn lɛa. A din a minin man wɔ nɛ, a n wɔ lɛduĩ ka n bɛ́ tɔɔn lɛduĩ lɔn.

Loen 27:10

Haalɛ ta ma di laanka ma dan na á ma daa, nsɛ Dɛnaa Lawa á re ma kuĩ doɛ̃.

Loen 28:9

N minin lɛn kirisibaa, n din wɔn lɛn gɛrɛsiɛ bɔ. N baa ǹ lɛduə̃li lɛa, n nə ǹ tamaa yǎa duduu.

Loen 37:3

N foo doa Dɛnaa Lawa ganaa, n sii bǐɛ̃ zɛnaa, ń giɛ n tá goɛ̃ gána lɛ nɛ ka là nyantoro ne.

Loen 80:1

LOE-saalin goledɛnaa loe mɛn lɔ tùtu wuu li. Yiri koa sii ni ǹ loe ne. Asaafu a loe goon ne.

Izayii 42:3

Buu mɛn nə n pusu, a re bɛ yiɛ wa. Tɛ buə̃ mɛn pàã puusə kɔ, a re bɛ nimi wa. Sɛnɛ, á re peperebaa nyɛɛ ka sonborebaa nɛ.

Izayii 63:11

A zaman lɛ yiri gisĩ ka lɛlɛ ǹ nɛ, biikoo mɛn bɛ́ Muizu goã kunun ǹ ni: «Min mɛn yìsi mu kuru ka a zaman nɛ kɔnlɛ ka ǹ tɔɔn laanka ǹ lɛduə̃lin ni, ǹ dɛnaa n maa? Min mɛn na a Yiri sonbore gisĩ ǹ la, bɛa dɛnaa n maa?

Zeremii 31:10

Kasɛn, tɔrɔ kɔsɔn lɛn, ka n too kɔ Dɛnaa Lawa a boo li. Ka a boo da bǎã sɔsɔɔ dɛnan kɛn manɛ, ka pɛ: Dɛnaa Lawa din na á Izirayeli minin pɛsɛ̃ bǎã tumaa nɛ. Sisia, a nə ǹ soekɔn, á ǹ tamɛɛ, ká tɔɔn-lɛduə̃li á ke a tɔɔn lɛduĩ lɔn.

Zeremii 31:8

A giala, man die boe ǹ ne gɔsɛ a lɛ̀gɔn la, ka gána sɔsɔɔn nɛ, ma ǹ sɔkɔn. Yii tere-an ne, bɔlɔkan nɛ, haalɛ lɔ nɔnɔan dinin laanka lɔn mɛnɛn nə nɛ yɛ sisia. Kɛ n zaman gole lɛa wusii die kànaa.

Ezekieli 34:15

Ma dinmaa n die woe maa tɔɔn lɛn kiɛ buu ganaa, ma dinmaa n die susui koe ǹ la. Ma din Dɛnaa Lawa a da ǹ boo ne.

Ezekieli 34:16

Bɛ̀ tɔɔ lɛ mɛn papaã, ma á re woe giɛ li, bɛ̀ ǹ mɛn nə́ n na, ma á re woe lui ma da nɛ. Bɛ̀ ǹ mɛn gòã yiɛ, ma á re màn yii a ganaa, bɛ̀ ǹ mɛn ba lon wa, ma á re dagòã boe ne. Sɛnɛ, ǹ mɛn bɛ́ kasiɛ̃ nɛ, pàã ná a lon, ma á re bɛ dii ma bɔ ǹ bii. Ma á re maa tɔɔn lɛn nyɛɛnaan boe ka peperebaa nɛ.»

Ezekieli 34:2

– Minbuiin a nɛ, maa boo kɛ da Izirayeli zaman nyɛɛnaandɛnan kɛn wɔ paǹ li n pɛ ǹ nɛ, mà masɛ Dɛnaa Lawa a da ǹ boo á ke: «Izirayeli a zaman-lɛduə̃lin mɛnɛn bɛ́ giɛ ǹ dininsɔɔ̃nɔn walan, ǹ nə́ ǹ ba giɛ zaman kɛ walan wa, bɔ̀n nə bɛn wɔ lɛa!

Ezekieli 34:23

Man die tɔɔn-lɛduə̃li goon toto boe ma da maa tɔɔn lɛn mìi la, bɛ ga ǹ walan: Bɛ n ka maa dí-nyali Davida nɛ. Bɛ lɛ á re giɛ ǹ walan, bɛ lɛ á re ǹ lɛduə̃li biɛ.

Ezekieli 34:31

«Ka n maa sèren lɛa, ka n maa tɔɔ kuru lɛa, ma ń giɛ ka walan, ka n minbuiinin lɛa, masɛ n kaa Lawa lɛa. Ma din Dɛnaa Lawa a da ǹ boo ne.»

Ezekieli 37:24

Maa dí-nyali Davida n die giɛ̃ ka tumaa mìi la kii lɛa, ka tumaa lɛduə̃li goon toto lɛa. Ka á re tɔ we a kɔnpɛ ka maa sii yɔrɔ bɔ ǹ boon kɛn nɛ, ka á re maa landa boon kɛn tamaɛ, ka kɔ ǹ lɛ.

Misee 5:4

A din lɛ n die die ka là nyantoro ne. Bɛ̀ Asiirii minin nə́ daa kɔ wɔa gána kɛ lɛ ǹ mɛn pinaa, bɛ̀ ǹ gòã mɛ wɔa pàãman kɛn kion ǹ mɛn pinaa, wɔ á die zia-baali damata kiɛ ǹ ganaa.

Misee 7:14

Dɛnaa Lawa, mɛ n zaman nyɛɛnɛ, n nə ǹ lɛduə̃ ka n din a bàlà kɛ nɛ. Bɛa zaman kɛ lɛ, n din wɔn manɛ. Ǹ bɛ́ ke ǹ gɔrɔn daã nɛ, ǹ nə́ giã-n da yii ni, wusoo n mɛ ǹ nyɛɛn doo ka lɛlɛ ǹ bɛ́ lɔn, n wo ǹ ne Basan a nyankɔrɔ basa kɛ nɛ, n wo ǹ ne Galaati gána nɛ.

Zakarii 11:7

Ǹ bɛ́ woe ka sèren mɛnɛn nɛ ǹ dɛ ǹ bǎã nɛ, sanparɛ a makaradɛnan kɛn, ma dinmaa-n bɛn lɛduə̃li lɛa. Má tɔɔn lɛduə̃ ǹ bàlà màn paa saa. Má a bibinaa bíi "giaárabaa", má a paabaa ǹ wɔ bíi "goonbaa", má maa sèren lɛduə̃ giala kɔ.

Zakarii 13:7

Dɛnaa Lawa Pàãyiidɛnaa a da ǹ boo á ke: «Gɔya sa, n yii bũ maa tɔɔn-lɛduə̃li kɛ li, ma giaára ke. Tɔɔn-lɛduə̃li lɛ məə, màn mɛn bɛ́ toɛ, sèren lɛn nə n pɛsɛ̃ bǎã yii ni, ma tɔn da ǹ nɛ binbisinin dɛ.»

Ebrəə 13:20

Lawa din na á wɔa Dɛnaa Yezu, Sèren-Lɛduə̃li gole kɛ yii kaa, á bɔ geren bii. A din na á lɛ-kɔ duduu wɔ ka minbuiin nɛ nɛ, á bɛ́ á sonborebaa nyaa ka Yezu a gɛ̀ barka nɛ. Man bɛa Là Nyantoro Kɔle Lawa kɛ lɛ nyankoe,

Piɛrɛ1 2:25

A giala, ka n ká goã papaã-n lɛlɛ ka sèren bɛ́ lɔn, sɛnɛ kanna, kaa Gamawalan wole lɛ laanka ka Lɛduə̃li lɛ ka yɔrɔ bɔyaa, a daa ka-n a din li.

Piɛrɛ1 5:4

Bɛ̀ Ga Zaman Walan Wole gole lɛ din daa ǹ mɛn pinaa, á re gɔ̀lɔ̀baa ǹ kii bafolo koe ka la, kii bafolo mɛn a siĩnbaa bɛ́ a nyɛɛ duduu wa.

Sii-nyaan 7:17

A giala, Sère Nɛ mɛn bɛ́ golee-n kii dankanan kɛn bii, bɛ á re ǹ lɛduĩ, á re woe ǹ ne yiikoonaabaa ǹ mu yala lɛa. Lawa á re ǹ yii mu tumaa tuturi a bɔ ǹ yɔrɔ nɛ.»