Izayii 40:10 - LAWA A BOO SONBORE

¹⁰ Á ke, kaa Dɛnaa Lawa n die ka pàã gole ne. Pàã tá a lon, a giã minin mìi la. Á ke, a màn mɛn yɛ, a n die ka bɛ nɛ. A n die ka a dí a saraa nɛ.

LAWA A BOO SONBORE 2011

¹⁰ Á ke, kaa Dɛnaa Lawa n die ka pàã gole ne. Pàã tá a lon, a giã minin mìi la. Á ke, a màn mɛn yɛ, a n die ka bɛ nɛ. A n die ka a dí a saraa nɛ.

Izayii 40:10 ပူးပေါင်းရင်းမြစ်များ

Siin Giala 15:1

Bɛa siin lɛn kiɛ̃ kio, Dɛnaa nə́ n din nyaa Abramu ni, á pɛ nɛ kɛnɛn: «Abramu, masɛ din nə n tamaa wole lɛa, n baran nyɛ́ɛ baa wa. N saraa á die gole koe parsiini.»

Loen 110:6

A din nə kiri we tɔrɔ kɔsɔn kɛn ganaa, a kiin yɔyɔrɛ kanaa paǹ tumaa ganaa, geren man goɛ̃ dere-n kɔn la.

Loen 66:3

Ka pɛ Lawa nɛ: N nya ǹ dín lɛn man kaãbaa diɛ parsiini. N pàã gole kɛ yɔrɔ-a, n zɔ́ɔn man wusii, ǹ nə n gùrù naa n nɛ.

Izayii 28:2

Min kaka n ke, pàã ná a lon, Dɛnaa n bɛ lɛ diɛ. A na á kɔnbɔ ka la nɛ, kiɛ ka gii ni, basaã koe, la gole lɛa a mu bǎã tumaa si á n kɔ lɛ. Bɛa min kɛ n màn tumaa ziziɛ̃ ka pàã nɛ.

Izayii 33:2

Dɛnaa Lawa, makara bɔ wɔ ganaa! Wɔ foo n doa nɛ n din ganaa. Baraabaraa baayɛlɛ, goã wɔ pàã lɛa, n wɔ kirisibaa koe pinaa.

Izayii 49:4

Má tɔ́n pɛ ma din gɔ́ɔ̃ nɛ: Man má mɛnaa ma din la, man din nɔmaa kooro, a là dɔ ná a banban. A da yaa, Dɛnaa Lawa n die peperebaa zɛnɛɛ ma nɛ, maa saraa n boe maa Lawa li.

Izayii 51:5

Peperebaa mɛn bɛ́ ma á die ne, á diri. Kirisibaa biikoo dɔ. Man die kiri we tɔrɔn ganaa ka pàã gole ne. Tɔrɔn mɛnɛn bɛ́ mu nə́ ǹ gánan da bii, bɛn tá re n foo doɛ ma ganaa. Ǹ tá re n foo doɛ ma pàã ganaa.

Izayii 53:12

Bɛ lɛ nɛ, man bǎã koe la min dadaran bii. Á re zɔ́ɔn gɔn màn gii kɔn ka pàãdɛnan nɛ. A giala á n din kɔ gɛ̀ la, ǹ nə́ da kun ka min baraan nɛ. Taãn nɛ, á n toɛ̃ ka min gigiã a sii baraan nɛ, á daa sii baraa-zɛnaalin gú ganaa.

Izayii 59:15

Taãn nɛ, sonbore nya. Min mɛn bɛ n nyɛnɛɛ sii baraa nɛ, maǹ bɛa dɛnaa kokoe. Dɛnaa Lawa bɛ tumaa yɛ. Peperebaa baã kɛ n sii bɔnɛɛ lɛa a yii li.

Izayii 59:16

Á yɛ mà min kɔn banban, mà min kɔn ba gòã kũ diɛ wa, bɛ́ tɔwaa baa a ganaa. Bɛ lɛ nɛ, a din tá re sii zɛnɛɛ. A peperebaa lɛ na á pàã kɔ la.

Izayii 59:18

Minin nə kɔnbɔ ka màn mɛn nɛ, a n die bɛ sarɛɛ ǹ la. A foo-yoo kɛ na a zia baa kɔn wolen wɔ lɛa, a dɔlɔ na a zɔ́ɔn wɔ lɛa, mu gánan mɛnɛn da bii, bɛn nə kɔnbɔ ka màn mɛn nɛ a n die bɛ sarɛɛ ǹ la.

Izayii 62:11

Á ke, Dɛnaa Lawa lɛ n boe yǎa tán lɛ dan ganaa. Ka pɛ Siɔn kiwi ni: «N kirisibaa wole á ke yii die. A màn mɛn yɛ a n die ka bɛ nɛ. A n die ka a dí a saraa nɛ.»

Izayii 63:5

Má ga, min kɔn banban á n doe ma lɛ wa! Bɛ́ ma tɔwaa parsiini. Min kɔn banban á ma foo taɛ̃ wa! Má yoo kəni máa ma din nə die sii zɛnɛɛ. Maa foo-yoo kɛ na á pàã kɔ ma la.

Zeremii 31:16

Sɛnɛ, Dɛnaa Lawa n kɛ pii: N nyan wuu pɛ doo wa, n lɛ tã! N tá re n nɔmaa a saraa yii. N nɛnyaanan tá re boe n zɔ́ɔn gána nɛ ǹ daa. Dɛnaa Lawa a da ǹ boo ne.

Malakii 3:1

Dɛnaa Lawa Pàãyiidɛnaa a lɛ si ǹ boo n ka kɛ nɛ: Á ke, má maa dia dí-a wole dia máa a da zii zɛnaa ma nyɛɛnɛ. Ka bɛ́ giɛ dɛnaa mɛn li, á re we Lawa a kion a din bǎã-n gɔrɔ, maa boo gii-dali mɛn bɛ́ ka n duĩ, á re maa lɛ kɔ kɔn la ǹ boo lɛ pii ka nɛ. Á ke yii die, Dɛnaa Lawa Pàãyiidɛnaa na á pɛ.

Matiə 28:18

Yezu nə́ n zɔ̃ á dɔ, á pɛ ǹ nɛ: «Lawa pàã tumaa kɔ ma la lon, á kɔ ma la tán.

Zaã a sɛ́wɔ 12:13

Ǹ nə́ sèwo luun goa ǹ nə́ woo n da lɛ, ǹ nə́ goã n lɛ dii: «Lawa da ka n bǐɛ̃ nɛ! Min mɛn bɛ́ die ka Dɛnaa tɔ nɛ, Lawa barka wɔ n nɛ! Lawa barka wɔ Izirayelin kii lɛ nɛ!»

Zaã a sɛ́wɔ 12:15

«Zeruzalɛmu minin, ka baran nyɛ́ɛ baa wa. Kaa kii lɛ á ke á dii dundun banɛɛ la á die.»

Ebrəə 2:14

Bɛa yɔrɔ kɛ la, mà laanka gɔ̀nɔn siĩ bɛ́ minin kɛn lɛn lon lɔn, a na á n zɛnaa Yezu dɔ-n miɛ̃, á daa yɛ a din minbuiin nɛbaa kɛ lɛ nɛ. Yezu na á bɛ lɛ zɛnaa, màn mɛn bɛ́ toɛ, a gɛ̀ barka nɛ, *Sɛtaan mɛn bɛ́ gɛ̀ a pàã ná a gɔn, a bɛ pàã ziziɛ̃,

Zaã1 3:8

N mɛn bɛ́ n tɔn sii baraa zɛnaa lɛ da wa, ma n *Sɛtaan wɔ lɛa. A giala, a saa giala-kɔ waáraa ganaa, Sɛtaan na á sii baraa zɛnaa. Lawa a Nɛgiĩ na á daa bɛ lɛ a lɛa, mà a Sɛtaan a nya ǹ dín ziziɛ̃.

Sii-nyaan 17:14

Ǹ tá re zia biɛ Sère Nɛ kɛ ganaa. Sɛnɛ, Sère Nɛ lɛ á re gɔ̀lɔ̀ biɛ. A giala a din nə dɛnaan Dɛnaa lɛa, a n kiin tumaa a Kii lɛa. Min mɛnɛn bɛ́ Lawa nə́ ǹ bíi á ǹ bɔ, ǹ nə́ bɔlɔgoondɛnan lɛa, bɛn dɔn tá re gɔ̀lɔ̀ biɛ kun ni.»

Sii-nyaan 20:11

Má wusoo má kii dankan fu gole yɛ, ka ǹ dɛnaa ná a nɛ. Lon laanka tán baa si ǹ nə́ papaã a nyɛɛnɛ, min wusoo á ǹ yɛ wa.

Sii-nyaan 22:12

Yezu n pii wɔ-n doo: «Á ke, ma á die kànaa ka boɛɛn nɛ! Man die ka kaa saraan nɛ ma gɔn, man die koe didie tumaa la a sii-zɛnaa yii li.