Izayii 4:2 - LAWA A BOO SONBORE

² Bɛa pinaa lɛ nɛ, Dɛnaa Lawa a da ten kɛ n die siĩn koe parsiini. Min mɛnɛn bɛ́ re goɛ̃ ǹ yii n koo Zeruzalɛmu, gána lɛ a da nɛn tá re foo kɔɔ̃n laanka gugurubaa koe bɛn la.

LAWA A BOO SONBORE 2011

² Bɛa pinaa lɛ nɛ, Dɛnaa Lawa a da ten kɛ n die siĩn koe parsiini. Min mɛnɛn bɛ́ re goɛ̃ ǹ yii n koo Zeruzalɛmu, gána lɛ a da nɛn tá re foo kɔɔ̃n laanka gugurubaa koe bɛn la.

Izayii 4:2 ပူးပေါင်းရင်းမြစ်များ

Loen 67:6

Lawa, tɔrɔn tumaa die ǹ barka da n nɛ. Tɔrɔn tumaa die ǹ nə n lɛ kaa kun, ǹ barka da n nɛ.

Loen 72:16

Lawa die a gána lɛ a màn-kɔsiɛ bǐɛ̃ kɔ parsiini. A toa a kele mìi ni ǹ wuru màn tumaa ma sɔnbɔraanɛ, ǹ bǐɛ̃ kɔ ka Liban gána a kelen kɛn bɛ́ lɔn. A die a toa kiwin lɛn dɔ nə pã ka minin ni, ka don bɛ́ piɛ̃ ka buu-n lɔn.

Bɔ bɛ̀rɛbaa nɛ 28:2

Mɔnaa sonboren zɛnaa ǹ gologiĩ Aarɔn wɔ lɛa, gugurubaa laanka zín sii lɛa.

Izayii 11:4

Sɛnɛ, a n die kiri kuri pàãwɛɛnaan la ka peperebaa nɛ. A n die peperebaa zɛnɛɛ gána lɛ a doobaan manɛ. A da ǹ boo n die goɛ̃ ka bàlà bɛ́ lɔn gána lɛ nɛ minin duwii. A lɛ gɔ́ɔ̃ ǹ boo n die min baraan dii gɛ̀ lɛa.

Izayii 26:1

Bɛa pinaa, Zudaa gána nɛ, zaman tá re loe loe, ǹ pɛ: Wɔa kiwi lɛ doemaa nɛ. Dɛnaa Lawa ná a lɛnpɛnɛ ka kungɔn nɛ, a ná a lɛnpɛnɛ ka kungɔn tamaa wole ne, màn mɛn bɛ́ toɛ, a wɔ tamaa.

Izayii 27:6

Biikoo á re doe, Zakɔba a zaman tá re gòon dii boe. Izirayeli á re gùrù ten boe, a buũ kɔ. Kanaa á re piɛ̃ ka a nɛn nɛ.

Izayii 30:23

Ka bɛ-n kəni, Dɛnaa Lawa á re la kiɛ màn nàn kɛ la, n da. N bɛ́ re màn-bii mɛn boe tán nɛ, á re goɛ̃ mɔnaa nɛ, a n kɔɔ̃n dɔn. Bɛa pinaa kɛ nɛ, n tɔɔn tá re woe buu soɛ̃ tɔɔn buu sɔ̃ ǹ bǎã gole kɛ nɛ.

Izayii 45:8

Lon, peperebaa pɛsɛ̃ ka pele bɛ́ lɔn. Labaran, ka toa a gisĩ a baa si ka la mu bɛ́ lɔn! Tán, n lɛ bũ, kirisibaa buũ kɔ, peperebaa gii! Masɛ Dɛnaa Lawa n má bɛa màn kɛ tumaa zɛnaa.

Izayii 53:2

Dɛnaa Lawa yɔrɔ-a, a dí-nyali gole kɔ ka da ten bɛ́ lɔn, ka da gòon bɛ́ lɔn soe tán gere la. Siĩnbaa a paǹ ba a ganaa màn mɛn bɛ́ toɛ yii bɔ li wa. A gama-a sii a min kuĩ wa.

Izayii 60:15

Maǹ nə́ goã ǹ nə́ n la bɔ n ganaa, min kɔn ba n narɛ wa, min kɔn ba n yii koe n ganaa wa. Sɛnɛ sisia, man die n bǐɛ̃ koe, màn mɛn bɛ́ toɛ, ǹ foo kɔɔ̃n kɔ n din taman yii, yǎa duduu.

Izayii 60:21

N zaman kɛa minin tumaa n die goɛ̃ pepere, gána lɛ n die goɛ̃ ǹ wɔ lɛa yǎa duduu. Maǹ ka da gùrù bɛ́ lɔn, ma dinmaa nə́ ǹ zumu. Ma din gɔn na á ǹ zɛnaa, maǹ maa gugurubaa nyɛɛ.

Izayii 61:11

Da we bɛ́ gii tán lɔn, hinlaa dù we bɛ́ boe dù gɔrɔ-n lɔn, Dɛnaa Lawa dɔ n die peperebaa laanka tɔ bɔ diɛ bɔ ganaa tɔrɔn tumaa yɔrɔ-a.

Zeremii 23:5

Á ke, lɛawaan tá re doe, Dɛnaa Lawa a da ǹ boo ne, Davida tɔrɔ taãn tá re yii, a kiibaa zɛnaa, ka yiridɛnaabaa nɛ. Á re peperebaa laanka sonborebaa zɛnɛɛ gána lɛ nɛ.

Zeremii 33:15

Bɛa waáraa, bɛ̀ a biikoo dɔ, ma á re toɛ Davida tɔrɔ taãn goon yɛ. Bɛ n die peperebaa laanka sonborebaa zɛnɛɛ gána lɛ nɛ.

Zeremii 44:14

Min mɛnɛn yii goã koo Zudaa gána nɛ, ǹ nə́ woo gùli kɔ Ezipti gána nɛ, ǹ kɔn ba re boe la a baa si a la wa. Ǹ kɔn ba re n sii gɛ̀ la wa. Min mɛnɛn tumaa bɛ́ li ǹ wusoo ǹ wo Zudaa gána nɛ, ǹ ba re boe la ǹ wusoo ǹ woo wa, yǎa min gogoon mɛn bɛ́ re n sii gɛ̀ la.»

Zeremii 44:28

Ǹ gogoon dinsɔɔ̃ n die liɛ zia la, ǹ bɔ Ezipti ǹ da Zudaa gána nɛ. Bɛa waáraa kəni, Zudaa min gialakunun kɛn tɔn Ezipti gána nɛ, bɛn tá re doɛ̃ bɛ̀ ǹsɛn boo hinlaa bɛ̀ masɛ a boo n yɔrɔ yii.

Ezekieli 34:29

Ma á re toɛ da sonboren nə bɔ ǹ wɔ lɛa, bòo á re minin dii gána lɛ-n doo wa. Tɔrɔ kɔsɔn ba re sìi diɛ ǹ ganaa doo wa.

Ezekieli 36:8

Bɛa biikoo li, dan mɛnɛn bɛ́ Izirayeli gána a kelen kɛn la, bɛn tá re luu piɛ̃, ǹ nɛ kɔ maa zaman Izirayeli wɔ lɛa. A giala, ǹ daa diri.

Ezekieli 7:16

Min mɛnɛn bɛ́ re liɛ, bɛn tá re baa sii ǹ wo kelen la. Ǹ tá re puri ka kɔlɔn bɛ́ lɔn, ǹ sii baraa taman yii.

Abdiasi 1:17

Sɛnɛ, min mɛnɛn bɛ́ re baa sii ǹ la, bɛn tá re n duri *Siɔn kele kɛ la, á re wusii a kele sonbore baa. Zakɔba tɔrɔn tá re wusii, ǹ nə ǹ bǎã si ǹ zɔ́ɔn la.

Zakarii 3:8

Yesuwa, n too kɔ, nsɛ mɛn bɛ́ Lawa a wúlu-bɔlen kiã lɛa, ka kasɛn kɛn dɔn nɛ kun ni Lawa a wúlu-bɔlen lɛa. A giala, sii mɛn bɛ́ re n zɛnɛɛ, kasɛn Lawa a wúlu-bɔlen kɛn tan nə bɛ giala pii. Á ke man die die ka maa dí-nyali ni, a tɔ n "da ten".

Zakarii 6:12

N pɛ-n kɛnɛn mà Dɛnaa Lawa Pàãyiidɛnaa n kɛ pii: Giĩ goon tan kanaa a tɔ n "Da ten". Á re gole koe. A din nə die wusii a maa kion lɛ dɔ.

Zakarii 9:17

Ǹ foo á re kɔɔ̃n koe parsiini! Ǹ tá re siĩn koe parsiini! *Belee á re pàã koe nɛ tenən la, duvɛ̃ dii pàã kɔ nɛlɔ tenən la.

Malakii 3:17

Dɛnaa Lawa Pàãyiidɛnaa tɔn pɛ: «Ma bɛ́ re má pàã nyɛɛ ǹ mɛn pinaa, ma á re bɛn doɛ̃ maa wɔn lɛa, maǹ die ma din a zaman biɛ. Ma á re giɛ ǹ walan ka díi bɛ́ giɛ a nɛ walan lɔn n mɛn bɛ́ a guguru koe.

Matiə 24:22

Bɛ̀ Lawa bie re màn boe bɛa lɛawaan kɛn lɛ wa, min kɔ́n ba boe la a la wa. Sɛnɛ, a min mɛnɛn yii gɔgɔɔ̃, a n die màn boe lɛawaan lɛn lɛ bɛn lɛn taman yii.

Luku 21:36

Sɛnɛ, ka n yii dɔraa, ka Lawa nyankɔ biikoo tumaa waáraa, màn mɛn bɛ́ toɛ, pàã yɛ ka lon, ka n bɔ bɛa biɛ̃ ǹ siin kɛn lɛn nɛ, ka boo la ka golee biɛ̃ ka foo tãbaa nɛ Min a Nɛgiĩ yɔrɔ-a kiri kuru ǹ bǎã nɛ.»

Zaã a sɛ́wɔ 1:14

Bɛa Boo kɛ lɛ na á n baa minbuiin nɛ lɛa, á giã wɔ bii. Wɔ́ a gugurubaa yɛ, Díi Lawa din bɛ́ á gugurubaa mɛn kɔ a Nɛgiĩ goon toto la. Bǐɛ̃baa laanka sonborebaa tá a lon parsiini.

Korɛnti2 4:6

Lawa mɛn bɛ́ á pɛ mà wɔlɔ fúlu yɛ wɔlɔ tì bii, a din na á toa wɔlɔ fúlu tɛ pɛ ma dɔ foo ne. Lawa a gugurubaa mɛn bɛ́ tɛ pii Yezu Krita yɔrɔ nɛ, a n mà minin nə boo la ǹ bɛ dɔ̃.

Piɛrɛ2 1:16

Sonbore, wɔ bie wɔ́ n gòãn koa minbuiinin yiridɛnaabaa ǹ lɛlɛ boon la, wɔ́ wɔa Dɛnaa Yezu Krita a wusoo a da ka pàã-n kɛ boo da ka-n wa. Wɔ n wɔ́ n gòãn koa wɔ dinin wɔa yɛ ka wɔ yii-n kɛ la. Wɔ́ yɛ ka wɔ yii ni a golebaa kɛ nɛ,