Izayii 39:2 - LAWA A BOO SONBORE

² Ezekiasi nə́ n nyanyaa ka ǹ daa nɛ. A gɔn màn sonboren kɛn, a bɛ́ bɛn koɛ maa, sana nɛ, wɔrɔ nɛ, dù kɔɔ̃n kɔ ǹ mànan nɛ, nyɔɔ gìĩ kɔɔ̃nɔn kɛn nɛ, á ǹ kũ, á woo bɛ nyaa ǹ nɛ. A ziabaa ǹ mànan bɛ́ koa-n kionən mɛnɛn nɛ, á bɛn nyaa ǹ nɛ, ka a naforon tumaa nɛ. A màn kɔn duru ǹ la wa: A din a kion ne ka a gána gɔ́ɔ̃ tumaa nɛ.

LAWA A BOO SONBORE 2011

² Ezekiasi nə́ n nyanyaa ka ǹ daa nɛ. A gɔn màn sonboren kɛn, a bɛ́ bɛn koɛ maa, sana nɛ, wɔrɔ nɛ, dù kɔɔ̃n kɔ ǹ mànan nɛ, nyɔɔ gìĩ kɔɔ̃nɔn kɛn nɛ, á ǹ kũ, á woo bɛ nyaa ǹ nɛ. A ziabaa ǹ mànan bɛ́ koa-n kionən mɛnɛn nɛ, á bɛn nyaa ǹ nɛ, ka a naforon tumaa nɛ. A màn kɔn duru ǹ la wa: A din a kion ne ka a gána gɔ́ɔ̃ tumaa nɛ.

Izayii 39:2 ပူးပေါင်းရင်းမြစ်များ

Kiin1 10:10

Á bǐɛ̃ baa kii Salomɔn lɛ la ka sana tɔnɔ sɔɔ ka talɛɛ nɛ, ka nyɔɔ gìĩ kɔɔ̃n gigiã laanka kɔlɔ giɔ̀mɔ kaka-an nɛ. Saabaa gána a kii lɔ lɛ nyɔɔ gìĩ kɔɔ̃n gigiã mɛn kɔ Salomɔn la, a bin bɛ miã yɛ duduu doo wa.

Kiin1 10:15

Sana lɛ mɛn bɛ́ boe zii tɔ wolen li, pii-kɔlen ne, lɛ̀nyɛɛn gánan kiin tumaa nɛ, gána lɛ a sii yɔrɔ-bɔlen ne, nyín giɔ̀mɔ lɛa, bɛn ba a-n wa.

Kiin1 10:2

A na á daa Zeruzalɛmu ka zaman gole ne a kio. Nyɔɔmaan nə́ goã kun ni, nyɔɔ gìĩ kɔɔ̃n nə́ ǹ dɔ̀ɔ̃ nɛ, ka sana didi laanka kɔlɔ giɔ̀mɔ kaka-a nɛ. A bɛ́ á dɔ Salomɔn li, màn mɛn din tumaa goã a gɔ́ɔ̃ nɛ, á bɛ yii pɛ nɛ.

Kiin1 10:25

Didie na á goã woe ka a bǐɛ̃baa ǹ màn nɛ: Wɔrɔ mànan laanka sana mànan manɛ, mɔnaan manɛ, ziabaa ǹ mànan manɛ, nyɔɔ gìĩ kɔɔ̃nɔn manɛ, sùin laanka dundun sùin manɛ, bɛ na á goã n zɛnɛɛ miɛ̃ lɛ̀ woo lɛ̀.

Kiin2 20:13

Ezekiasi nə́ n nyɛnyaa ka dia dia-a wolen lɛn daa nɛ. Á tɔ́n nə n gɔn mànan koa ǹ bǎãn tumaa nyaa ǹ nɛ, wɔrɔ nɛ, sana nɛ, da yon gìĩ kɔɔ̃n nɛ, nyɔɔ gìĩ kɔɔ̃n nɛ, ziabaa ǹ mànan nɛ, ka a gɔn mànan tumaa nɛ. Màn kɔn din goã Ezekiasi a kion laanka a bǎãn nɛ, bɛ̀ a ná a nyaa wa.

KZS2 32:25

Sɛnɛ bǐɛ̃ mɛn nə n zɛnaa Ezekiasi ni, a bɛ dɔ̃ wa. Ka bɛ dɔ nɛ, á n piɛ̃ gole kɔ, yǎa Dɛnaa Lawa foo yoo li kɔnlɛ ka Zeruzalɛmu ni, ka Zudaa gána tumaa nɛ.

KZS2 32:27

Ezekiasi gɔn màn gigiã yɛ, ǹ ná a yii guguru dɔ koe parsiini. Á kionən dɔ sana koa ǹ wɔn lɛa, wɔrɔ nɛ, ka kɔlɔ giɔ̀mɔ kaka-a nɛ, nyɔɔ gìĩ kɔɔ̃n nɛ, goóron ne ka mànan mɛnɛn kɔsɔn bɛ́ ǹ nə́ giɔ̀mɔ boe.

KZS2 32:31

Sɛnɛ, ka bɛ yii ni, Baabiloniin kiãn bɛ́ ǹ nə́ minin dia mà ǹ da nɔ̀n da ka kaãbaa ǹ sii gole kɛ nɛ, á n zɛnaa gána lɛ nɛ ǹ boo la ǹ na a woo n bǎã yɛ, bɛa nɔ̀n-diɛ lɛ gɔ́ɔ̃ nɛ Lawa Ezekiasi toa walan. A na á n da a gɔ́ɔ̃ li, sii mɛn tumaa bɛ́ a foo ne, a boo la a bɛ dɔ̃.

KZS2 9:1

Sabaan kii lɔ ma mà Salomɔn tɔ soo. Bɛ lɛ nɛ, á tɔ́n daa ga a giala-a ka boo giməən ne. A na á daa Zeruzalɛmu ka zaman gole ne a kio. Nyɔɔmaan nə́ goã kun ni, nyɔɔ gìĩ kɔɔ̃n nə́ ǹ dɔ̀ɔ̃ nɛ, ka sana didi laanka kɔlɔ giɔ̀mɔ kakaa nɛ. A bɛ́ á dɔ Salomɔn li, màn mɛn din tumaa goã a gɔ́ɔ̃ nɛ, á bɛ yii pɛ nɛ.

KZS2 9:9

Á bǐɛ̃ baa kii Salomɔn lɛ la ka sana tɔnɔ sɔɔ ka talɛɛ nɛ, ka nyɔɔ gìĩ kɔɔ̃n gigiã laanka kɔlɔ giɔ̀mɔ kaka-an nɛ. Sabaa gána a kii lɔ lɛ nyɔɔ gìĩ kɔɔ̃n gigiã mɛn kɔ Salomɔn la, min kɔn bin bɛ miã yɛ duduu doo wa.

Zɔbu 31:25

Ma bin nə n nyɛnyɛɛ maa màn a mɔnaabaa kɛ taman yii wa. Ma bin nə n nyɛnyɛɛ ma gɔn màn a gigiãbaa kɛ taman yii wa.

Suusun 4:23

Bɛ tumaa a kiɛ̃ kio, boo n foo la a giala yiikoonaabaa a bɔ ǹ bǎã nɛ.

Boo-laakalaali 7:20

Taãn nɛ, min pepere goon ba kanaa kɛ gɔ́ɔ̃ nɛ, sii bǐɛ̃ zɛnɛɛ, a ná a ba sii baraa dɔ zɛnɛɛ wa.

Zeremii 17:9

Màn kɔn ba baraa á dɔ minbuiin nɛ foo li wa. Min kɔn ba boe la a na a kaka kɔ wa, min kɔn ba doɛ̃ a nya wa.

Korɛnti2 12:7

Bɛa sii-nyaa kaka kɛ lɛ bɛ́ boe la, á maa din koa ǹ giala biɛ, bɛ lɛ nɛ, ǹ nə́ là paparɛ ǹ busu da ma gɔ̀nɔn nɛ, ka *Sɛtaan a dia dí-a wole bɛ́ lɔn, mà a ma dɛ a ma kurəə din-koa tumaa ganaa.

Zaã1 1:8

Bɛ̀ wɔ́ pɛ wáa sii baraa ba wɔ li wa, wɔ nə n dinin yiri siɛ̃, sonbore ba wɔ gɔ́ɔ̃-n wa.