Izayii 38:5 - LAWA A BOO SONBORE

⁵ – Wo pɛ Ezekiasi-n kɛnɛn: «Masɛ Dɛnaa Lawa, n di Davida a Lawa, má n nyankɔ ma, má n yii mu yɛ. Á ke, ma á re lɛ̀ fulusooro kiɛ n lɛawaan li!

LAWA A BOO SONBORE 2011

⁵ – Wo pɛ Ezekiasi-n kɛnɛn: «Masɛ Dɛnaa Lawa, n di Davida a Lawa, má n nyankɔ ma, má n yii mu yɛ. Á ke, ma á re lɛ̀ fulusooro kiɛ n lɛawaan li!

Izayii 38:5 ပူးပေါင်းရင်းမြစ်များ

Kiin1 15:4

Sɛnɛ Davida lɛ taman yii, Abiyamu a Lawa, Dɛnaa Lawa lɛ nɛginin kɔ la, mà bɛ̀ a banban wa, mà bɛ die a na a kíɛ̃-saali baa Zeruzalɛmu, màn mɛn bɛ́ toɛ Zeruzalɛmu kiwi lɛ goã.

Kiin1 8:25

Sisia kəni, Izirayeli a Lawa, Dɛnaa Lawa, ma di Davida lɛ, n dí-nyali lɛa, n goã ń boo mɛn da bɛ nɛ, a lɛ pã, ka n bɛ́ ń pɛ lɔn, mà bɛ̀ a nɛnyaanan lɛn tɔ wɔ ǹ gɔn pepere kɔ nsɛ yɔrɔ-a ka a din tɔ wɔ lɔn n yɔrɔ-a, mà a din a min ba re nyaabiɛ duduu Izirayeli a kiibaa lɛ la wa.

Kiin2 18:13

Ezekiasi a kiibaa lɛ̀ fulusiibaa ǹ wɔ, kungɔn bɛ́ pɛnɛɛ nɛ Zudaa gána a kiwi dadaran mɛnɛn tumaa ganaa, Asiirii gána a kii Senankeribu woo bɛn yii gialaa á ǹ si á nɔmɔ ǹ ganaa.

Kiin2 18:2

A bɛ́ kii biɛ, bɛ̀ a lɛ̀ fuəwensooro ne. A na á kiibaa zɛnaa lɛ̀ fuəwenmanangɔrɔ Zeruzalɛmu kiwi. Ǹ dan tɔ na á goã Aabii, Zakarii a nɛlɔ nɛ.

Kiin2 19:20

Amɔsi a nɛgiĩ Izayii minin dia woe pii Ezekiasi ni mà Izirayeli a Lawa, Dɛnaa Lawa n kɛ pii: – N nyan mɛn kɔ ma la Asiirii gána a kii Senankeribu wɔ paǹ li, má ma.

KZS2 34:3

Zoziasi a kiibaa a lɛ̀ kiwisibaa ǹ wɔ li, bɛ̀ á n tɔn nɛ ten lɛa. Á ga li mà a ǹ digolo Davida a Lawa foo sii dɔ̃. A kiibaa lɛ̀ fulupaabaa ǹ wɔ li, á bɔ á mɛ Zeruzalɛmu *yoreen kɔ la, ka Zudaa gána nɛ. Á wúlu bɔ ǹ bǎãn ziziɛ̃, dì gɔnɔn nɛ, dì nyínin tumaa nɛ, fɔlɔ màn yoe lɛa ka gɔn nɛ.

Zɔbu 14:5

N bɛ́ ń lɛawaa lɛ koa a tá kanaa la, ń ná a mui lɛ nimi ń koa, ń biikoo koa, a doamaa bie a kiɛ̃ bɛ la wa,

Loen 116:15

Min mɛnɛn bɛ́ Dɛnaa Lawa wɔn lɛa, bɛn gɛ̀ á sii kaka lɛa a gɔn.

Loen 147:3

Min mɛnɛn foo bɛ́ busii ni, a din nə bɛn foo-busii nyɛɛ, a din nə foo-basiɛ̃ koe ǹ la.

Loen 39:12

Ma n minbuiin nɛ a sii baraa a dɔlɔ boe a ganaa, n tá doree. Màn mɛn sii bɛ́ kaka a ganaa, man bɛ lɛ ziziɛ̃, ka nyuun bɛ́ màn ziziɛ̃ lɔn. Sonbore, minbuiin nɛ tumaa n ka piɛ̃ kooro bɛ́ lɔn. Doa.

Loen 56:8

Bɛa sii kɔkɔrɔ kɛ lɛ tumaa kio, maǹ die wusii ǹ la? Lawa, n foo-busii gɔ́ɔ̃ nɛ, minin kɛn dɛ.

Loen 6:9

Ka n zɔ̃ ka n bɔ ma li, ka sii baraa-zɛnaalin lɛn tumaa. A giala, Dɛnaa Lawa maa wuu lɛ ma.

Boo-laakalaali 3:3

Gɛ̀-dɛ biikoo tan, da gòã-diɛ biikoo tan. Màn-wurii biikoo tan, màn-doe biikoo tan.

Izayii 37:21

Bɛ lɛ nɛ, Amɔsi a nɛgiĩ Izayii tɔn boo kɛ dia Ezekiasi la: – Dɛnaa Lawa, Izirayeli a Lawa bɛ́ màn mɛn pii, á ke: «N Lawa nyan ke ń kɔ, ń mà a kasɛn kirisibaa Asiiriin kii Senankeribu ganaa, bɛa binyəə á ke.

Izayii 38:4

Dɛnaa Lawa tɔn a boo dia Izayii la:

Busii pɛ 3:56

N maa lɛ dɛ ma, n nyan nə n too tã maa lɛ-dɛ laanka maa ginii kɛ la wa.

Matiə 22:32

Lawa pɛ: «Man Abrahamu a Lawa lɛa, Izaaki a Lawa lɛa, Zakɔba a Lawa lɛa.» Yezu tɔ́n pɛ: «Lawa lɛ bie geren Lawa lɛa wa, a n yiikoonaan Lawa lɛa. Bɛ n nyɛɛ, mà bɛa minin kɛn lɛn ǹ nə́ gã lɛlɛ, mà ǹ yii á koo sisia.»

Luku 1:13

Sɛnɛ, lon a dia dí-a wole lɛ pɛ nɛ: «N baran nyɛ́ɛ baa wa, a giala, Lawa nə́ n nyankɔ lɛ ma. N lɔ Elizabɛti á die nɛgiĩ yii, n tá re a tɔ koe Zaã.

Nya ǹ dín 27:24

Á pɛ ma nɛ: «Nsɛ Pooli baran nyɛ́ɛ baa wa, pàã nɛ, nsɛ golee Rɔmu kii gole gole lɛ yɔrɔ-a, kiri nə n wɔ n ganaa. Á pɛ dɔn, ma ma miãn mɛnɛn bɛ́ kun ka ma nɛ mu-kurii kɛ lɛ gɔ́ɔ̃ nɛ, mà Lawa á die bɛn dɔn boe a nɛ maa lɛa.»

Korɛnti2 7:6

Sɛnɛ, Lawa mɛn bɛ́ foo ziziɛ̃ wolen foo taɛ̃, a din na á ma foo taã Tiiti a daa li.

Sii-nyaan 7:17

A giala, Sère Nɛ mɛn bɛ́ golee-n kii dankanan kɛn bii, bɛ á re ǹ lɛduĩ, á re woe ǹ ne yiikoonaabaa ǹ mu yala lɛa. Lawa á re ǹ yii mu tumaa tuturi a bɔ ǹ yɔrɔ nɛ.»