Izayii 38:3 - LAWA A BOO SONBORE

³ Á pɛ: «E, Dɛnaa Lawa! Baalaa wɔ, n nə n yiri kɔ: Má bɔlɔgoondɛnaa baa n yɔrɔ-a, ma foo ná a talɛɛ-n paa wa. Sii mɛn bɛ́ siĩni n yii li, má bɛ zɛnaa.» Ezekiasi wuu pɛ parsiini.

LAWA A BOO SONBORE 2011

³ Á pɛ: «E, Dɛnaa Lawa! Baalaa wɔ, n nə n yiri kɔ: Má bɔlɔgoondɛnaa baa n yɔrɔ-a, ma foo ná a talɛɛ-n paa wa. Sii mɛn bɛ́ siĩni n yii li, má bɛ zɛnaa.» Ezekiasi wuu pɛ parsiini.

Izayii 38:3 ပူးပေါင်းရင်းမြစ်များ

Siin Giala 17:1

Abramu lɛ̀ pɔmanangɔrɔwenmanangɔrɔ, Dɛnaa nə́ n din nyaa nɛ, á pɛ nɛ kɛnɛn: «Ma din nə Lawa Pàãyiidɛnaa lɛa. Tɔ wɔ masɛ yɔrɔ-a pepere, zɛ̀rɛ baran goã n ganaa wa.

Siin Giala 6:9

Nowee boo á ke: Nowee na á goã min pepere lɛa. A goã kanaa kun ka min mɛnɛn nɛ, a dinsɔɔ̃ a sii lɛ na á goã piɛ̃-n bɛn bii, Lawa wɔ paǹ li. Á goã koe Lawa a zii lɛ.

Kiin1 15:14

A laanɛ Azaa dì wúlu bɔ ǹ bǎãn kɛn papaã wa, a na á goã Dɛnaa Lawa narɛ ka a foo din tumaa nɛ, a yiikoonaabaa tumaa gɔ́ɔ̃ nɛ.

Kiin1 2:4

Bɛ lɛ n die toɛ dɔn, Dɛnaa Lawa na a boo lɛ pã, boo mɛn lɛ á ke á pɛ ma nɛ kɛnɛn: «Bɛ̀ n nɛgiĩn lɛn nə́ n doa ǹ nə́ ǹ dinin kɔ masɛ la ka ǹ foo din tumaa nɛ, ǹ nə́ ǹ tɔ wɔ ǹ gɔn tele masɛ yɔrɔ-a, n din a min ba re nyaabiɛ duduu Izirayeli a kiibaa lɛ la wa.»

Kiin2 18:3

Sii mɛn bɛ́ pepere Dɛnaa Lawa yii li, á bɛ zɛnaa ka ǹ digolo Davida wɔ bɛ́ lɔn ka te!

KZS2 16:9

A giala, Dɛnaa Lawa n giɛ tán la, kanaa paǹ tumaa ganaa, min mɛnɛn bɛ́ narɛ ka ǹ foo tumaa nɛ, a n dɔ bɛn lɛ. Sisia kəni, ń baãnaabaa zɛnaa. Bɛ lɛ nɛ, a kũ sisia ganaa, n zɔ́ɔn man die yui n gialaa ka zia nɛ.»

KZS2 25:2

Sii mɛn bɛ́ siĩn Dɛnaa Lawa yii li, Amasiya bɛ zɛnaa sɛnɛ, a nə n foo tumaa kɔ Dɛnaa Lawa la wa.

Ɛsidrasi 10:1

Ɛsidrasi bɛ́ kuməə-n tán Lawa a kion lɛ yɔrɔ-a, Lawa nyankoe a sii baraan pii ka wuu ni, Izirayeli min gigiã nə́ n sɔkɔn a li, giĩn ni, lɔn nɛ, ka nɛnyaanan nɛ. Zaman lɛ goã wuu pii taãn-taãnɛ.

Nehemii 1:4

Ma bɛ́ má bɛa boon kɛn lɛn ma, ma foo ziziɛ̃, má giã tán, má wuu pɛ lɛawaa damata gɔ́ɔ̃ nɛ. Bɛ kio, má n lɛ sɔɔ má lon a Lawa nyankɔ.

Nehemii 13:14

Bɛ lɛ taman yii, n yiri koa ka ma nɛ, maa Lawa: ma sii sonboren mɛnɛn zɛnaa n kion kɛ wɔ paǹ li, a gama walan wɔ paǹ li, n yiri baran bɔ ka bɛn nɛ wa.

Nehemii 13:22

Bɛ kio, má pɛ Levii tɔrɔn manɛ, máa ǹ gɔ̀ bɔ ǹ dinin-a ǹ da kiɛnlɛn lɛn lɛduə̃, màn mɛn bɛ́ toɛ ǹ susu ǹ pii lɛ tamaa. Bɛ lɛ dɔ taman yii, maa Lawa, n yiri kɔ ma nɛ, makara bɔ ma ganaa a kɔnpɛ ka n bǐɛ̃ gole kɛ nɛ!

Nehemii 13:31

Ǹ bɛ́ gɔn mɛn boe Lawa gɔ ǹ wɔ lɛa, má wusoo má bɛa bɔ da a giala la, á kɔnpɛ ka a bɔ biikoon ne, kɔnlɛ ka màn lɛ bibinaan kɛn nɛ. «Maa Lawa, n yiri koa ma nɛ, bǐɛ̃ kɛ taman yii, má zɛnaa.»

Nehemii 5:19

«Ee maa Lawa, ma sii mɛn tumaa zɛnaa zaman kɛ nɛ, n yiri kɔ ma li, n bǐɛ̃ zɛnaa ma nɛ bɛ taman yii.»

Loen 101:2

Man giɛ li ma yiri bɔ maa tɔ wɔ ǹ gɔn li, a boo la a goã siĩni. Man die boe ma li biĩ kəni? Maa sumu minin bii, ma tá re ma din kuĩ maa tɔ wɔ ǹ gɔn goã siĩni.

Loen 102:9

Baraabaraa, maa zɔ́ɔn man sɔ kiɛ ma la. Ǹ foo yoomaa nɛ ma li, maǹ baraa bíi minin li, ka ma tɔ nɛ, mà nɔmaa nə ǹ yɛ ka masɛ bɛ́ lɔn.

Loen 119:80

N dɔ ma lɛ, ma kɔ n foo sii boon kɛn lɛ, ka ma foo tumaa nɛ, màn mɛn bɛ́ toɛ, sìi baran ma kũ wa.

Loen 16:8

Man Dɛnaa Lawa koɛ ma yɔrɔ-a biikoo tumaa li. A din bɛ́ giã-n ma li, màn kɔn ba re bìn diɛ ma ganaa wa.

Loen 26:3

A giala, ma yii nə n bǐɛ̃ duduu kɛ la, man tɔ we n din a pepere-pɛ kɛ li.

Loen 32:2

Dɛnaa Lawa bɛ́ a ba min mɛn kuĩ a sii baraa li wa, min mɛn bɛ́ a ba sii duri a gɔ́ɔ̃-n wa, bɛa dɛnaa wɔ na á bǐɛ̃ kɔ.

Loen 6:6

A giala geren yiri ba goɛ̃ n nɛ wa. Die n die barka diɛ n nɛ geren piɛ?

Loen 6:8

Yɔrɔ-kɔsiɛ ma yii nànan bii, ma yii din ba wɔlɔ yii doo wa. Maa zɔ́ɔn nə́ la yii ni.

Izayii 38:2

Ezekiasi nə́ n yɔrɔ bɔyaa á dia kigiala la, á Dɛnaa Lawa nyankɔ.

Izayii 38:4

Dɛnaa Lawa tɔn a boo dia Izayii la:

Ozee 12:4

Á n toa ǹ dan gɔ́ɔ̃ nɛ á ǹ dɔɔ̃n lɛ a bǎã si. A bɛ́ á gole kɔ, á yɔ bɔ kɔn Lawa nɛ.

Zaã a sɛ́wɔ 1:47

Yezu ga Natanayeli ganaa die a li, á tɔ́n pɛ a wɔ gɔn la: «Izirayeli min taãn goon nə́ ke, kɔkɔrɔbaa ná a ba a wɔlɔ li wa.»

Korɛnti2 1:12

Ma á boe la man din laakalaa ka màn kɔ́n nɛ. Bɛa màn lɛ á ke: Ma gɔ́ɔ̃gɔ́ɔ̃ ǹ taasiɛ ǹ nyɛɛ ma nɛ, mà má tɔ wɔ kanaa kɛ nɛ, sanparɛ kasɛn wɔ paǹ li, ka gɔ́ɔ̃ fubaa nɛ, ka Lawa a *yoreenbaa nɛ. Ma bie má zɛnaa ka minbuiinin sii-doɛ̃-n wa. Man má zɛnaa ka Lawa a bǐɛ̃baa barka nɛ.

Timəə dí-pɛn 6:18

Sii mɛn bɛ́ pepere, á n siĩni Dɛnaa Lawa yii li, ka bɛ zɛnaa. Bɛ á re toɛ, kaa wɔ bǐɛ̃ kɔ. Dɛnaa Lawa nə n liɛ mà asɛ á re gána sonbore mɛn koe ka la, ka boo la ka wɔ bɛ nɛ, ka si ka baa kaa wɔ lɛa.

Ebrəə 5:7

Yezu lɛ bɛ́ kanaa ǹ mɛn waáraa, Lawa mɛn bɛ́ boe la, a na a kirisibaa gɛ̀ ganaa, a na á bɛ lɛ nyankɔ ka lɛn gole ne, ka yii mu ni. Lawa ná a lɛ si a doroo Lawa-n lɛ a lɛa.

Ebrəə 6:10

Sonbore, Lawa a kɔkɔrɔ wa. A yiri a boe la a bɔ ka kaa nya ǹ dín ni wa. Ká Lawa din tɔ kɛ narɛ, ká dí nya ka dɔɔ̃n Lawa-nyankɔlen man lɛlɛ. Ka n tɔn nyɛɛ miɛ̃ ka pelo yii ni, Lawa lɛ yiri a boe bɛ dɔ-n wa.