Izayii 38:16 - LAWA A BOO SONBORE

¹⁶ Dɛnaa, yiikoonaabaa n yii, n sonborebaa kɛ barka nɛ, ma yii n koo doo a din lɛ taman yii. Ń pàã kɔ ma la, ń ma yii toa koo.

LAWA A BOO SONBORE 2011

¹⁶ Dɛnaa, yiikoonaabaa n yii, n sonborebaa kɛ barka nɛ, ma yii n koo doo a din lɛ taman yii. Ń pàã kɔ ma la, ń ma yii toa koo.

Izayii 38:16 ပူးပေါင်းရင်းမြစ်များ

Loen 119:25

Ma á ke waa-n tán tii li palapala. A kɔnpɛ ka n da ǹ boo ne, n din wusoo n yiikoonaabaa kɔ ma la.

Loen 119:71

Maa nɔmaa kɛ din na á bǐɛ̃ baa ma ganaa. Á ke á toa má n foo siin dɔ̃.

Loen 119:75

Dɛnaa Lawa, ma á doɛ̃ máa n sii yɔrɔ bɔ ǹ boon lɛn tá pepere. N goã ń nɔmaa mɛn da ma mìi ni, ma á doɛ̃ máa sonbore tá n lon.

Loen 30:3

Dɛnaa Lawa, maa Lawa, má n lɛ dɛ n ganaa, ń ma kirisibaa.

Loen 39:13

Dɛnaa Lawa, n too kɔ maa nyankɔ li, maa lɛ-dɛ ma. Ga ma yii mu kɛ-a. Masɛ n tii lɛa n li, man kiɛ̃ wole lɛa, ka ma digolon tumaa bɛ́ lɔn.

Loen 71:20

N din a lɛa, má yɔrɔ-kɔsiɛ laanka nɔmaa gigiã yɛ. Sɛnɛ, n din tá re die n doe ma lɛ, n toa ma yii goã koo. N tá re die ma boe gɛ̀ li.

Izayii 64:5

Wɔ tumaa n ka gɔ̀dɛnan manɛ. Wɔa sii peperen tumaa n ka mɔnaa bɛ́ lɔn mà kaa a ganaa. Wɔa siɛ̃n man wɔ biɛ, lɔnkɔsɔ á kɔnboe lɛa, piɛ̃ n woe ne.

Matiə 4:4

Yezu tɔ́n pɛ nɛ: – A tá kiɛ̃-n Lawa a boo-n kɛnɛn: «Màn-bii dinsɔɔ̃ bie minbuiin nɛ toe wa. Boo woo boo tá boe Lawa lɛ-n, bɛ lɛ n min toe.»

Korɛnti1 11:32

Sɛnɛ, Dɛnaa n kiri we wɔ ganaa, á n wɔ doree, ń giɛ dɔlɔ nyan wɔ kũ kun ka kanaa kɛ a minin ni wa.

Korɛnti2 4:17

Bǎã goon fuu mɛn bɛ́ ma mìi ni, bɛ n gugurubaa gole nyabaã wole yɔrɔ boe koɛ ma nɛ. Fuu kɛ a màn kɔ́n lɛa bɛ li wa.

Timəə dí-pɛn 8:3

A bɛ́ á fuu nyaa ka nɛ, á toa bòo ka kũ, a din wusoo á *maánə kɔ ka la. Bɛ n màn-bii lɛa, ka goã doɛ̃ wa, ka digolon dɔn dinin nə goã doɛ̃ wa. A na á zɛnaa miɛ̃ á nyaa ka nɛ, mà màn-bii dinsɔɔ̃ bie minbuiin nɛ toe wa, sɛnɛ, boo woo boo boe Lawa lɛ-n, bɛ lɛ n min toe.

Ebrəə 12:9

Gɔ̀nɔn siĩ a díin nə́ yɛ wɔ lon, ǹ nə́ wɔ dɛ ǹ nə́ wɔ doroo, wɔ ǹ lɛ dɔ si. Sanparɛ ka Lawa mɛn bɛ́ lon a Díi lɛa, wɔ a re n doree bɛ nɛ, wɔ yiikoonaabaa taãn-taãn yɛ wa?