Izayii 37:4 - LAWA A BOO SONBORE

⁴ Asiiriin kii na á sɔraasin goledɛnaa dia die sɔ koe Lawa yiikoonaa ganaa. Toa bɛ̀ Dɛnaa Lawa too n sɔ kɔ kɛ miɛ, a dɔlɔ bɔ a ganaa a da ǹ boon kɛn lɛa! Nsɛ Izayii, Dɛnaa Lawa, n Lawa nyankɔ n zaman kɛa lɛa, ǹ mɛnɛn lɛn yii goã koo.»

LAWA A BOO SONBORE 2011

⁴ Asiiriin kii na á sɔraasin goledɛnaa dia die sɔ koe Lawa yiikoonaa ganaa. Toa bɛ̀ Dɛnaa Lawa too n sɔ kɔ kɛ miɛ, a dɔlɔ bɔ a ganaa a da ǹ boon kɛn lɛa! Nsɛ Izayii, Dɛnaa Lawa, n Lawa nyankɔ n zaman kɛa lɛa, ǹ mɛnɛn lɛn yii goã koo.»

Izayii 37:4 ပူးပေါင်းရင်းမြစ်များ

Samayeli2 16:12

Kɔntan, Dɛnaa Lawa á re giɛ maa nɔmaa kɛ ganaa, a wusoo a yii-nyɛɛ kɔ ma la, Simeyii a lɛn babaraa bíi kɛ lɛ bǎã nɛ.»

Kiin2 17:18

Dɛnaa Lawa foo tɔ́n yoo Izirayeli minin lɛn li taãn-taãnɛ, á ǹ zɔ̃ á ǹ bɔ a din ganaa ka sɔɔsɔɔ. A na á n zɔ̃ á goã Zudaa tɔrɔn dininsɔɔ̃nɔn manɛ.

Kiin2 19:4

Asiirii gána a kii sɔraasin goledɛnaa mɛn dia, mà a da sɔ kɔ Lawa yiikoonaa lɛ ganaa, kɔntan, Izayii a Lawa, Dɛnaa Lawa lɛ a die bɛa boon kɛn lɛn tumaa miɛ wa? Kɔntan n Lawa, Dɛnaa Lawa lɛ boon mɛnɛn lɛn ma, a die bɛn dɔlɔ boe wa? Bɛ lɛ nɛ, zaman lɛ a gialakun mɛn bɛ́ tɔn na a tan, Lawa nyankɔ bɛn lɛn lɛa.»

KZS2 28:19

Sonbore, Dɛnaa Lawa Zudaa gána yii puusə kɔ Izirayelin kii Ahaazi a lɛa. Ahaazi zaman lɛ zulu á da sii baraa zɛnaa ganaa, á n baa bɔlɔgoonbaãdɛnaa lɛa Dɛnaa Lawa nɛ.

KZS2 34:21

«Ka wo nɔ̀n da Dɛnaa Lawa la maa lɛa, kɔnlɛ ka Izirayeli laanka Zudaa a zaman gialakun kɛ nɛ. Ka nɔ̀n da ka sɛ́wɔ kɛa boon ne wɔ́ yɛ sisia. Taãn nɛ, wɔ digolon nə kɔ a boon lɛ wa. Boo mɛn bɛ́ kiɛ̃ nɛ sɛ́wɔ kɛ nɛ, ǹ kɔ bɛ lɛ wa. Bɛ lɛ nɛ, Dɛnaa Lawa foo doamaa nɛ a n yui wɔ li taãn-taãnɛ.»

Loen 106:23

Bɛ lɛ nɛ, Lawa pɛ mà a n die ǹ dii, a ǹ nya. Sɛnɛ, Lawa din a min boe Muizu yoo, á woo Lawa yɔrɔ-a, á ná a nyankɔ á kurəə, mà a baran ǹ dɛ, a foo-yoo lɛ gɔ́ɔ̃ nɛ, a ǹ nya wa.

Loen 50:21

N màn mɛn zɛnaa, a din lɛ n ke. Ma á boe la man lɛ tã kɛ lɛ-a sonbore? Ma n taasɛ mà n miãn ka masɛ nɛ? N sii mɛn la, man die n zɛ̀rɛ biɛ, ma a tumaa pɛ ma kaa tán n giulun.

Izayii 1:8

*Siɔn kiwi dinsɔɔ̃ na á goã, ka mìi susu ǹ bǎã bɛ́ lɔn rezɛ̃ wuru-n, ka zìã bɛ́ lɔn dù gɔrɔ-n, ka kiwi bɛ́ lɔn, zɔ́ɔn sɔraasin na á lɛnpɛnɛ.

Izayii 1:9

Bɛ̀ Dɛnaa Lawa Pàãyiidɛnaa bie á min tɛn yii toa koo wɔ bii wa, bɛ̀ wɔ n die papaɛ̃ lenlen ka Sodɔmu laanka Gomɔɔrɔ kiwi bɛ́ lɔn.

Izayii 10:20

Bɛa waáraa, min mɛnɛn yii goã koo Izirayeli gána nɛ, Zakɔba tɔrɔ gialakun mɛn goã, bɛn ba re n foo doɛ ǹ dɛle wole kɛ ganaa doo wa. Sɛnɛ, ǹ tá re n foo doɛ Dɛnaa Lawa ganaa taãn-taãnɛ, Izirayeli a Lawa sonbore ke.

Izayii 10:22

Sɛnɛ Izirayeli, ta n zaman nə mɔnaa-n lɔn, ta a n mɔnaa-n ka yìsi mu lɛ-a ǹ nyɔɔsɔ̃ bɛ́ lɔn, a gialakun boɛɛn dinsɔɔ̃ n die wusii ǹ nə n bɔyaa ǹ da Dɛnaa Lawa li. Bɔ̀n na á n yɔrɔ bɔ. Peperebaa n koe a zii lɛ.

Izayii 11:11

Bɛa pinaa kɛ nɛ, Dɛnaa n die n pàã nyɛɛ, ka a paabaa ǹ wɔ nɛ. Á re Izirayeli min gialakunun kɛn sii a ǹ kaa, ǹ mɛnɛn yii goã koo Asiirii gána nɛ, Ezipti gána a tán nɛ a lɛ̀gɔn la nɛ a lon ne a lɛ̀gɔn la nɛ, Etiopii gána nɛ, Elamu gána nɛ, Amaati ni, *Baabilonii gána nɛ, ka gánan mɛnɛn bɛ́ mu bii.

Izayii 36:13

Bɛ kio, Asiiriin sɔraasin goledɛnaa lɛ yoo lon á pɛ ka lɛn gole ne, Ebrə́ bɔlɔ nɛ: – Ka n too kɔ kii gole, Asiiriin kii a boo li:

Izayii 36:18

Ka nyan toa Ezekiasi ka yiri sã a n pii ka nɛ, mà Dɛnaa Lawa á re ka kirisibiɛ wa. Tɔrɔ kɔsɔn kɛn dìn nə́ ma kurəə ǹ gánan kuĩ ganaa?

Izayii 36:20

Dìn lɛn tumaa bii, n kɔn yɛ á ma kurəə a gána kuĩ ganaa wa. Dɛnaa Lawa n die siɛ lɔn kəni, a boo la a ma kurəə Zeruzalɛmu kuĩ ganaa?»

Izayii 37:17

Dɛnaa Lawa, n para kanaa n nə n too kɔ taãn-taãnɛ! Dɛnaa Lawa, n yii bũ n ga gongon! Senankeribu a dia dí-a wolen nə sɔ mɛn kɔ n ganaa, Lawa Yiikoonaa, n too kɔ bɛ li.

Izayii 37:31

Zudaa gána minin mɛnɛn yii goã koo, bɛn tá re goɛ̃ ka dan bɛ́ lɔn. Ǹ tá re gòon diin boe, ǹ wɔ tán. Ǹ gùrùn tá re nɛ koe.

Izayii 37:32

Hiĩ, min mɛnɛn yii goã koo, bɛn tá re soe Zeruzalɛmu. Min mɛnɛn nə n si gɛ̀ la, bɛn tá re golee lon Siɔn kele la. Dɛnaa Lawa Pàãyiidɛnaa a miãgoã-bɔ kɛ bɛ́ re diɛ sii mɛn zɛnaa ganaa, bɛ n ka kɛ nɛ.»

Izayii 37:5

Kii Ezekiasi a dí-nyalin lɛn nə́ woo n bɔlɔ pɛ, Izayii ni.

Izayii 41:14

Nyɛ́ɛ nyan ka kũ wa Zakɔba a zaman, kasɛn kɛn ǹ nə́ ka biɛ ka nyuun bɛ́ lɔn, kasɛn Izirayeli a zaman; ma dinmaa n die kaa gú ganaa, Dɛnaa Lawa a da ǹ boo ne, kaa si sii la wole Izirayeli a Lawa sonbore ne.

Izayii 46:3

Zakɔba a minin lɛn, ka n too kɔ ma lon, kasɛn Izirayeli tɔrɔ gialakun ke, a kũ kaa yɛ waáraa ganaa, má ka gɔ̀nɔn kũ. Ka yɛ lɔn gɔrɔ, má ka gũ ma kolo-n!

Zeremii 26:19

Kii Ezekiasi laanka Zudaa minin nə Lawa a boo gii-dali Misee dɛ bɛa boon lɛn taman yii? Haayii! Maǹ nə́ nyɛ́ɛ baa Dɛnaa Lawa yii ni, ǹ ná a nyankɔ. Dɛnaa Lawa goã á dɔlɔ mɛn boo da, a ná a taasiɛn bɔyaa, a da ka bɛ nɛ ǹ ganaa doo wa. Sɛnɛ, wɔsɛn, bɛ̀ wɔ dɔlɔ bɔ giĩ kɛ ganaa, wɔ n sii baraa zɛnɛɛ wɔ dinin manɛ.

Zeremii 42:2

ǹ nə́ woo dɔ Lawa a boo gii-dali Zeremii li ǹ nə́ pɛ nɛ: «Baalaa wɔ n wɔa nyankɔ lɛ si! Dɛnaa Lawa, n Lawa nyankɔ wɔsɛn yiikoonaan kɛn lɛa. Wɔ́ kiɛɛrɛ kɔ á la yii ni ka n din yii bɛ́ a ganaa lɔn.

Zowɛli 2:17

Wúlu-bɔlen kɛn dí nyɛɛ Dɛnaa Lawa a kion, bɛn nə golee wɔ ǹ kiɛnlɛ kɛ laanka *wúlu bɔ ǹ bǎã kɛ bii, ǹ wuu pɛ, ǹ Lawa nyankɔ kɛnɛn: – E, Dɛnaa Lawa, makara bɔ ǹ zaman lɛ-a. N nyan toa sìi nə n din wɔn kɛn kũ wa, n nyan toa tɔrɔ kɔsɔn nə ǹ da yaa lɛa wa. «Ǹ Lawa lɛ á maa kəni?» N nyan toa tɔrɔ kɔsɔn nə bɛ pɛ wɔ-n ma.

Amɔɔsi 5:15

Ka n piã ka sii baraa nɛ, ka lɛ kɔ sii bǐɛ̃ ganaa. Ka toa sonbore yɛ kiri wɔ ǹ bǎã nɛ. Bɛ̀ ká zɛnaa miɛ̃, kɔntan pàã tumaa a Dɛnaa Lawa á re makara boe Zozɛfu tɔrɔ gialakunun kɛn ganaa.

Amɔɔsi 7:2

Bisinin lɛn bɛ́ ǹ nə́ gána lɛ a buu tumaa sɔ̃ ǹ nə́ nya, má tɔ́n pɛ kɛnɛn: «Dɛnaa, maa Lawa ma nə n nyankoe, Zakɔba tɔrɔn lɛn siɛ̃n toa ǹ nɛ, bɛ bie wa, maǹ die wàa biɛ? Ǹ nə́ ke ǹ nə́ ǹ ba tɛ dɔn dinin wa!»

Rɔmu minin 9:27

Izayii dɔ́ pɛ Izirayeli wɔ gɔn la kɛnɛn: «Ta Izirayeli nɛnyaanan lɛn man mɔnaa-n ka mu lɛ-a ǹ nyɔɔsɔ̃ bɛ́ lɔn, ǹ gialakun boɛɛn dininsɔɔ̃nɔn man die kirisibiɛ.

Zaaki 5:16

Bɛ lɛ taman yii, ka kaa sii baraan pɛ kɔn nɛ, ka Lawa nyankɔ kɔn a lɛa, màn mɛn bɛ́ toɛ, ka kakabaa yɛ. Min mɛn bɛ́ Lawa bɔlɔ sii, pàã tá bɛa dɛnaa a Lawa-nyankɔ nɛ.

Zozoe 14:12

Dɛnaa Lawa kele yii mɛn boo da bɛa pinaa kɛ lɛ nɛ, bɛ lɛ kɔ masɛ la kanna kəni. A giala, ń ma a din pinaa kɛ lɛ dɔ nɛ, mà Anaaki tɔrɔn tá walan, mà kiwin dadaran dɔn tá a nɛ, ǹ nə́ kungɔn dɔ, ǹ nə́ ǹ lɛnpɛnɛ nɛ. Kɔntan Dɛnaa Lawa á re n doe masɛ lɛ, ma á re ǹ lui ma ǹ bɔ gána lɛ nɛ, ka Dɛnaa Lawa din bɛ́ á pɛ lɔn.

Samayeli1 12:19

Zaman lɛ tumaa pɛ Samayeli ni: «Dɛnaa Lawa lɛ, n Lawa lɛa, a nyankɔ n di-nyanlin lɛn lɛa, màn mɛn bɛ́ toɛ, wɔ baran gã wa. A giala, wɔa sii baraan lɛn tumaa a là kaa, ka wɔa ga kii li kɛ nɛ.»

Samayeli1 12:23

Masɛ din wɔ paǹ li, bɛ̀ má Lawa nyankɔ lɛ da kaa lɛa, man má sii baraa zɛnaa Lawa nɛ. Màn mɛn nə́ ke siĩni, pepere, masɛ n die ka darɛɛ bɛa zɛnaa ganaa.

Samayeli1 14:6

Zonaatan pɛ a ziabaa ǹ mànan-gũli lɛ nɛ: «Kiɛ̃ n daa, wɔ wo yǎa soroman kɛn bǎã nɛ. Bɛ̀ a n doa wa, Dɛnaa Lawa á re n doe wɔ lɛ. A giala, ta minin man mɔnaa nɛ hinlaa ta manə ǹ ba tɛ wa, màn kɔn ba Dɛnaa Lawa kurii gɔ̀lɔ̀baa kɔ ganaa wa.»

Samayeli1 17:26

Min mɛnɛn nə goã Davida genli, á nɔ̀n da ǹ la. «Min mɛn bɛ́ re Filisiti min kɛ dii, a sìi saa a bɔ Izirayeli minin la, maǹ die wàa zɛnɛɛ bɛa dɛnaa nɛ? Asɛ n die lɛa, bɛa Filisiti min *soroma kɛ lɛ, a tɔn yoo a sɔ kɔ Lawa yiikoonaa a sɔraasin ganaa?»

Samayeli1 17:36

Ma bin yàra dɛ, ká don màn babaraa kɔn nɛ. Kɛa Filisiti min soroma lɛ dɔ n die n biɛ ka bɛn goon bɛ́ lɔn, a giala, a na á sɔ kɔ Lawa Yiikoonaa a sɔraasin ganaa.»

Samayeli1 7:8

Izirayeli minin lɛn nə́ pɛ Samayeli ni: «N baran n lɛ tã wa! N doa n nə lɛ dɛ Dɛnaa Lawa, wɔa Lawa lɛ ganaa wɔsɛn lɛa, màn mɛn bɛ́ toɛ, a wɔ si Filisiti minin la.»