Izayii 37:31 - LAWA A BOO SONBORE

³¹ Zudaa gána minin mɛnɛn yii goã koo, bɛn tá re goɛ̃ ka dan bɛ́ lɔn. Ǹ tá re gòon diin boe, ǹ wɔ tán. Ǹ gùrùn tá re nɛ koe.

LAWA A BOO SONBORE 2011

³¹ Zudaa gána minin mɛnɛn yii goã koo, bɛn tá re goɛ̃ ka dan bɛ́ lɔn. Ǹ tá re gòon diin boe, ǹ wɔ tán. Ǹ gùrùn tá re nɛ koe.

Izayii 37:31 ပူးပေါင်းရင်းမြစ်များ

Loen 80:9

N din nə́ ń Izirayeli woɛ̃ Ezipti, ka da nɛ-kɔle bɛ́ lɔn, ń tɔrɔ kɔsɔn loo, ń wusoo ń zumu.

Loen 92:14

A n goɛ̃ zumii-n Dɛnaa Lawa a Kion, a n boe a gole kɔ Lawa a sumu-n.

Izayii 1:9

Bɛ̀ Dɛnaa Lawa Pàãyiidɛnaa bie á min tɛn yii toa koo wɔ bii wa, bɛ̀ wɔ n die papaɛ̃ lenlen ka Sodɔmu laanka Gomɔɔrɔ kiwi bɛ́ lɔn.

Izayii 11:11

Bɛa pinaa kɛ nɛ, Dɛnaa n die n pàã nyɛɛ, ka a paabaa ǹ wɔ nɛ. Á re Izirayeli min gialakunun kɛn sii a ǹ kaa, ǹ mɛnɛn yii goã koo Asiirii gána nɛ, Ezipti gána a tán nɛ a lɛ̀gɔn la nɛ a lon ne a lɛ̀gɔn la nɛ, Etiopii gána nɛ, Elamu gána nɛ, Amaati ni, *Baabilonii gána nɛ, ka gánan mɛnɛn bɛ́ mu bii.

Izayii 27:6

Biikoo á re doe, Zakɔba a zaman tá re gòon dii boe. Izirayeli á re gùrù ten boe, a buũ kɔ. Kanaa á re piɛ̃ ka a nɛn nɛ.

Izayii 37:4

Asiiriin kii na á sɔraasin goledɛnaa dia die sɔ koe Lawa yiikoonaa ganaa. Toa bɛ̀ Dɛnaa Lawa too n sɔ kɔ kɛ miɛ, a dɔlɔ bɔ a ganaa a da ǹ boon kɛn lɛa! Nsɛ Izayii, Dɛnaa Lawa, n Lawa nyankɔ n zaman kɛa lɛa, ǹ mɛnɛn lɛn yii goã koo.»

Izayii 4:2

Bɛa pinaa lɛ nɛ, Dɛnaa Lawa a da ten kɛ n die siĩn koe parsiini. Min mɛnɛn bɛ́ re goɛ̃ ǹ yii n koo Zeruzalɛmu, gána lɛ a da nɛn tá re foo kɔɔ̃n laanka gugurubaa koe bɛn la.

Izayii 6:13

Ta zaman lɛ a talɛɛ fù na á goã gána lɛ nɛ, tɛ á re bɛn kuĩ, ka da mɛn nə́ ke ǹ nə́ kuru ǹ nə́ daa, a giala piri dinsɔɔ̃ goã. Sɛnɛ, bɛa giala piri lɛ n piɛ̃ dii lɛa, a da ten sonbore baa.

Izayii 65:9

Sɛnɛ, ma á re nɛnyaanan koe Zakɔba a zaman la, maa kelen nə Zudaa tɔrɔn kíɛ̃ baa. Ma min mɛnɛn bɔ, gána lɛ á re bɛn wɔ biɛ, ǹ mɛnɛn bɛ́ dí nyɛɛ ma nɛ, bɛn tá re gɛnɛɛ a nɛ.

Zeremii 30:19

LOE laanka foo kɔɔ̃nbaa ǹ lɛ-dɛ á re boe walan. Ma á re barka diɛ ǹ ganaa, ǹ mɔnaa. Ma á re yii gugurubaa koe ǹ la. Ǹ ba re ǹ puusə koe doo wa.

Zeremii 31:7

Dɛnaa Lawa n kɛ pii: Ka n nyanyaa, ka foo kɔɔ̃nbaa ǹ lɛ dɛ Zakɔba ganaa. Min mɛn bɛ́ tɔrɔn tumaa mìi la, ka n da bɛ lɛ, ka n nyanyaa ka pɛ: Dɛnaa Lawa na a zaman kirisibiɛ, Izirayeli minin mɛnɛn yii bɛ́ á goã koo.

Zeremii 44:28

Ǹ gogoon dinsɔɔ̃ n die liɛ zia la, ǹ bɔ Ezipti ǹ da Zudaa gána nɛ. Bɛa waáraa kəni, Zudaa min gialakunun kɛn tɔn Ezipti gána nɛ, bɛn tá re doɛ̃ bɛ̀ ǹsɛn boo hinlaa bɛ̀ masɛ a boo n yɔrɔ yii.

Ezekieli 7:16

Min mɛnɛn bɛ́ re liɛ, bɛn tá re baa sii ǹ wo kelen la. Ǹ tá re puri ka kɔlɔn bɛ́ lɔn, ǹ sii baraa taman yii.

Rɔmu minin 11:5

Bɛa yɔrɔ goon kɛ lɛ la, haalɛ ka pelo yii ni, Izirayeli min gialakun boɛɛn tan, Lawa din bɔ á kɔnpɛ a din a bǐɛ̃baa kɛ nɛ.

Rɔmu minin 9:27

Izayii dɔ́ pɛ Izirayeli wɔ gɔn la kɛnɛn: «Ta Izirayeli nɛnyaanan lɛn man mɔnaa-n ka mu lɛ-a ǹ nyɔɔsɔ̃ bɛ́ lɔn, ǹ gialakun boɛɛn dininsɔɔ̃nɔn man die kirisibiɛ.

Galaasi minin 3:29

Bɛ̀ ka á Krita wɔn lɛa, bɛ n nyɛɛ kəni, mà ka n Abrahamu tɔrɔn dɔn lɛa. Lawa nə n lɛ kɔ la ka bǐɛ̃n mɛnɛn nɛ, ka dɔn tá re bɛn yii, a kɔnpɛ ka Lawa din a lɛ-kɔ kɛ nɛ.