Izayii 37:2 - LAWA A BOO SONBORE

² A din biikoo goon kɛ lɛ nɛ, á kii kion a kiã Eliyakimu laanka sɛ́wɔ-kiɛ̃li Sebunaa ka Lawa a wúlu-bɔlen min golen dia Amɔsi a nɛgiĩ Izayii li, ǹ dɔn tumaa n ka gɛ̀ koa ǹ mɔnaan nɛ ǹ ganaa.

LAWA A BOO SONBORE 2011

² A din biikoo goon kɛ lɛ nɛ, á kii kion a kiã Eliyakimu laanka sɛ́wɔ-kiɛ̃li Sebunaa ka Lawa a wúlu-bɔlen min golen dia Amɔsi a nɛgiĩ Izayii li, ǹ dɔn tumaa n ka gɛ̀ koa ǹ mɔnaan nɛ ǹ ganaa.

Izayii 37:2 ပူးပေါင်းရင်းမြစ်များ

Kiin2 18:18

Ǹ nə́ nɔ̀n da kii lɛ li. Kii a sumu mìilandɛnaa Eliakimu ke Ilkia a nɛgiĩ lɛa, bɛ nɛ, ka sɛ́wɔ-kiɛ̃li Sebunaa nɛ, ka Asaafu a nɛgiĩ Zoa kɛ nɛ, sɛ́wɔn tamaali lɛa, bɛn nə́ soo ǹ nə́ daa ǹ li.

Kiin2 19:2

Bɛ kio, á kii a sumu mìilandɛnaa Eliakimu laanka sɛ́wɔ-kiɛ̃li Sebunaa dia kun ka Lawa a wúlu-bɔlen lɛn min zizin ni, mà ǹ wo boo da ka Amɔsi a nɛgiĩ Izayii kɛ nɛ Lawa a boo gii-dali lɛa. A bɛ́ ǹ diɛ woe, gɛ̀ koa ǹ mɔnaa na á goã ǹ tumaa ganaa.

KZS2 20:20

Bɛa lɛawaa baayɛlɛ yiisoo, zaman tumaa zii saa ǹ nə́ woe Tekoa diə gole ne. Ǹ woo waáraa, Zozafati nə́ n doa ǹ nyɛɛnɛ á pɛ ǹ nɛ: «Zeruzalɛmu laanka Zudaa minin lɛn, ka n too kɔ ma lon! Ka n foo tumaa doa Dɛnaa Lawa, kaa Lawa ganaa, ka á re pàã yii. Ka n foo tumaa doa a boo gii-dalin kɛn ganaa, gɔ̀lɔ̀baa n die goɛ̃ kaa wɔ lɛa!»

Izayii 1:1

Boon kɛn man Amɔsi a nɛgiĩ Izayii a sii yɛn lɛa, Zudaa gána laanka Zeruzalɛmu kiwi a paǹ li. Bɛa sii yɛn lɛn biikoo na á kɔnpɛ kii Oziasi a biikoo ne, Zoatamu wɔ nɛ, Ahaazi ni ka Ezekiasi wɔ nɛ, Zudaa gána mìi la.

Izayii 20:2

Bɛa waáraa lɛ nɛ, Dɛnaa Lawa pɛ Amɔsi a nɛgiĩ Izayii-n kɛnɛn: «Gɛ̀ koa ǹ mɔnaa ke n binbin ni ka n gòãn ganaa ǹ kɔsɔnɔn kɛn nɛ, bɛn waa n nə ǹ bɔ n ganaa.» Izayii lɛ kɔ, á n gɔ̀nɔn kooro da, á tɔ wɔ a gòã kooro ne.

Izayii 22:12

Bɛa pinaa kɛ nɛ, Dɛnaa Lawa Pàãyiidɛnaa na á goã li mà ka wuu pɛ, ka n lɛ dɛ, ka n mìi kɔɔ̃, ka gɛ̀ koa ǹ mɔnaan wɔ.

Izayii 22:15

Dɛnaa Lawa Pàãyiidɛnaa pɛ ma nɛ: – Wo Sebumaa li, asɛ mɛn bɛ́ kii a sumu mìi la, n pɛ nɛ:

Izayii 22:20

Bɛa pinaa, ma á re lɛ diɛ maa dí-nyali Ilkia a nɛgiĩ Eliyakimu la.

Izayii 36:3

Ilkia a nɛgiĩ Eliyakimu na á goã kiã lɛa kii a kion. Á soo kiwi lɛ nɛ kun ka sɛ́wɔ-kiɛ̃li Sebunaa nɛ, ka Asaafu a nɛgiĩ Zoa nɛ, sɛ́wɔn-tamaali lɛa, ǹ nə́ woo n da lɛ.

Izayii 37:14

Asiirii minin lɛn nə da ka sɛ́wɔ mɛn lɛ nɛ, Ezekiasi saa á pɛ. Bɛ kio, á tɔn woo Dɛnaa Lawa a kion, á bũ Dɛnaa Lawa yɔrɔ-a.

Izayii 37:21

Bɛ lɛ nɛ, Amɔsi a nɛgiĩ Izayii tɔn boo kɛ dia Ezekiasi la: – Dɛnaa Lawa, Izirayeli a Lawa bɛ́ màn mɛn pii, á ke: «N Lawa nyan ke ń kɔ, ń mà a kasɛn kirisibaa Asiiriin kii Senankeribu ganaa, bɛa binyəə á ke.

Izayii 38:1

Bɛa waáraa, gɛ̀ busu kɔn na á kii Ezekiasi kũ. Lawa a boo gii-dali Amɔsi a nɛgiĩ Izayii woo n yii kɔ li, á pɛ nɛ. Dɛnaa Lawa n kɛ pii: «Sisia, n gɔ́ɔ̃ pɛ n kion minin manɛ. A giala, busu lɛ a re n toɛ wa, n tá re giɛ̃.»

Zowɛli 1:13

Lawa a wúlu-bɔlen lɛn, ka gɛ̀ koa ǹ mɔnaan wɔ, ka wuu pɛ. Kasɛn mɛnɛn bɛ́ *wúlu bɔ ǹ bǎã kɛa dí nyɛɛ, ka n lɛ dɛ. Kasɛn mɛnɛn bɛ́ dí nyɛɛ maa Lawa nɛ, ka n yɔrɔ kɔsɛ, ka lɛ̀ waa nɛ. A giala, minin ba die ka belee laanka duvɛ̃ nɛ Lawa gɔ ǹ wɔ lɛa, Lawa a kion doo wa.