Izayii 37:16 - LAWA A BOO SONBORE

¹⁶ «Dɛnaa Lawa Pàãyiidɛnaa, Izirayeli a Lawa, nsɛ mɛn bɛ́ giã-n lon màn yiikoonaa tumaa mìi la, n dinsɔɔ̃ n kanaa a gánan tumaa a Lawa lɛa, n din ni n lon laanka tán zɛnaa.

LAWA A BOO SONBORE 2011

¹⁶ «Dɛnaa Lawa Pàãyiidɛnaa, Izirayeli a Lawa, nsɛ mɛn bɛ́ giã-n lon màn yiikoonaa tumaa mìi la, n dinsɔɔ̃ n kanaa a gánan tumaa a Lawa lɛa, n din ni n lon laanka tán zɛnaa.

Izayii 37:16 ပူးပေါင်းရင်းမြစ်များ

Siin Giala 1:1

Lɛlɛ-lɛlɛ Lawa na á lon laanka kanaa da.

Samayeli2 7:26

Minbuiinin die ǹ nə́ n tɔ bɔ duduu ǹ pɛ: «Dɛnaa Lawa mɛn bɛ́ pàã tumaa a dɛnaa lɛa, a din lɛ n Lawa lɛa Izirayeli minin lɛn mìi la.» A din die a masɛ Davida tɔrɔ koa a din yɔrɔ-a.

Kiin1 18:32

Yilii wusoo á wúlu bɔ ǹ bǎã dɔ Dɛnaa Lawa nɛ, ka bɛa kɔlɔn lɛn nɛ. Bɛ kio, á nyankɔrɔ fɔ̃ tán wúlu bɔ ǹ bǎã lɛ li, á da bii ni. Mu litiri pɔsɔɔ tá we bɛa nyankɔrɔ lɛ nɛ.

Kiin1 8:6

Lawa a wúlu-bɔlen nə́ wɔ ka lɛ kɔ kɔn la ǹ goo lɛ nɛ Lawa a kion, ǹ nə́ da a bǎã nɛ, bǎã sonbore sonbore kɛ nɛ. Maǹ nə́ da lon màn yiikoonaa nyínin lɛn nyàan giulun.

Kiin2 5:15

Naaman wusoo á daa Lawa a min Yiliizee li, kun ka a kiodɛnan tumaa nɛ. Naaman wɔ á woo golee Yiliizee nyɛɛnɛ, á pɛ: «Kanna, ma á doɛ̃, máa kanaa bǎã yii ni, Lawa banban bǎã kɔn nɛ, Izirayeli gána kio wa. Bǐɛ̃ kɔ sisia, n maa bǐɛ̃ baa ǹ màn si.»

Ɛsidrasi 1:3

Dien man Lawa a zaman lɛ a minin lɛa kun ka nɛ? Ǹ dɛnan die ǹ wo Zeruzalɛmu, Zudaa gána nɛ, ǹ Izirayeli a Lawa, Dɛnaa Lawa a kion lɛ dɔ. Kaa Lawa ke Zeruzalɛmu bɛ die a goã kun ka nɛ.

Loen 146:6

Dɛnaa Lawa na á lon laanka tán zɛnaa, kɔ̀ mu ni, ka mànan mɛnɛn tumaa bɛ́ li. A n bɔlɔgoondɛnaa lɛa biikoo tumaa li.

Loen 46:11

Lawa tɔ́n pɛ: Ka a lɛ da dɛ! Ka dɔ̃ mà ma din nə Lawa lɛa! Má gɔ̀lɔ̀baa yɛ gánan la, má gɔ̀lɔ̀baa yɛ tɔrɔn la.

Loen 46:7

Lawa bɛ́ á boo da, gánan nə́ gigini, tɔrɔn nə́ bìn da, tán nə́ yo ka nyɔɔ nɛ, nyɛ́ɛ gɔn.

Loen 80:1

LOE-saalin goledɛnaa loe mɛn lɔ tùtu wuu li. Yiri koa sii ni ǹ loe ne. Asaafu a loe goon ne.

Loen 86:10

A giala, mà n tá gole, n tá kaãbaa ǹ siin zɛnɛɛ. N dinsɔɔ̃ n Lawa lɛa.

Loen 99:1

Dɛnaa Lawa n kii lɛa, tɔrɔn man bìn diɛ. A n giã-n lon màn yiikoonaan la, kanaa n tatalɛɛ.

Bɔ bɛ̀rɛbaa nɛ 25:22

Masɛ n die n toɛ walan lɛ nɛ, man din nyaa n nɛ, Goo lɛpii lɛ lalan, lon mànan lɛn bii ni dí-pɛn tamaa ǹ Goo lɛ la. Ma doamaa bɛ́ nɛ, ma boon mɛnɛn tumaa kɔ n la Izirayeli nɛnyaanan wɔ lɛa, ma á re bɛn tumaa pii n ni.

Izayii 37:15

Bɛ kio, Ezekiasi Dɛnaa Lawa nyankɔ á pɛ:

Izayii 37:20

Sɛnɛ, nsɛ Dɛnaa Lawa, wɔa Lawa, wɔ kirisibaa Senankeribu ganaa, a gɔn nyan dɔ wɔ-a wa. Ka bɛ nɛ Dɛnaa Lawa, kanaa a gánan tumaa á re doɛ̃ mà n dinsɔɔ̃ n Lawa lɛa.»

Izayii 40:22

Dɛnaa Lawa a kii dankan nə tán a buuriibaa lalan lon. Minbuiin nɛn man ka bisin bɛ́ lɔn a yii li. Á lon lɛ bɔ ka mɔnaa bɛ́ lɔn, A ná a lɛ bɔ ka mɔnaa zìã bɛ́ lɔn, a n die giɛ̃ a nɛ.

Izayii 40:28

N ba bɛ doɛ̃ wa? N bin ma wa? Lawa mɛn bɛ́ a tan haalɛ bibi yǎa duduu, Dɛnaa Lawa, a din na á tán tumaa zɛnaa. Pàã a nyaabiɛ a ganaa duduu wa. A nɔmɛɛ wa. Dan ba a sii-doɛ̃ la wa.

Izayii 42:5

Lawa, Dɛnaa Lawa n kɛ pii asɛ mɛn lon zɛnaa, a ná a lɛ bɔ. Á tán lɛ bɔ ka a gɔ́ɔ̃gɔ́ɔ̃ ǹ màn tumaa nɛ. Tɔrɔn mɛnɛn tumaa bɛ́ tán la, a n yiikoonaabaa koe ǹ la, a piɛ̃ kɔ a giã man wolen la.

Izayii 44:24

Dɛnaa Lawa n kɛ pii n ni, asɛ mɛn bɛ́ n si sii la wole lɛa, asɛ mɛn nə n zɛnaa n dan gɔ́ɔ̃ nɛ: Ma din ni Dɛnaa Lawa lɛa. Màn mɛn tumaa bɛ́ á tan, ma din ni má ǹ zɛnaa. Ma dinsɔɔ̃ n má lon lɛ bɔ, má kanaa nyɔmaa, min kɔn goɛ̃ yɛ a-n wa.

Izayii 44:6

Dɛnaa Lawa, Izirayeli a kii, Izirayeli a si sii la wole, Dɛnaa Lawa Pàãyiidɛnaa n kɛ pii: Ma din nə sii tumaa a giala-kɔ lɛa, ma din ni sii tumaa a giala-nyɔmɔɔ lɛa. Bɛ̀ á n bɔ ma din ni, Lawa kɔsɔ banban.

Izayii 45:12

Á bǐɛ̃ kɔ! Ma din ni má tán zɛnaa, ka minbuiin nɛn mɛnɛn bɛ́ giã-n la. Ma din ni má lon lɛ bɔ. Ma din ni leeren tumaa mìi la.

Izayii 45:22

Ka n bɔyaa ka da masɛ li, kasɛn mɛnɛn bɛ́ tán lɛ dan ganaa, ka á re kirisibiɛ. A giala, ma din ni Dɛnaa Lawa lɛa, kɔsɔ banban.

Izayii 54:5

A giala, min mɛn nə n zɛnaa, a tɔ n Dɛnaa Lawa Pàãyiidɛnaa, bɛ lɛ nə n zuũ lɛa. Min mɛn bɛ́ n kanbiɛ, bɛ n ka Izirayeli a Lawa sonbore kɛ nɛ, ǹ bɛ́ ǹ mɛn lɛ bíi mà «tán tumaa a Lawa.»

Izayii 6:3

Maǹ nə́ goã parɛɛ, ǹ nə́ pii kɔn nɛ kɛnɛn: «N tá sonbore, n tá sonbore, n tá sonbore Dɛnaa Lawa Pàãyiidɛnaa! N tɔ golebaa tán tumaa pã.»

Izayii 8:13

Ka doamaa-n ka dɔ̃, mà Dɛnaa Lawa Pàãyiidɛnaa din nə sonbore. Ka doamaa-n ka nyɛ́ɛ baa a din yii ni, ka doamaa-n ka a din guguru kɔ.

Zaã a sɛ́wɔ 1:3

Lawa na á màn tumaa zɛnaa ka bɛa Boo lɛ nɛ, màn mɛn tumaa nə n zɛnaa, ǹ kɔ́n nə n zɛnaa bɛ̀ a gòɛ̃ ná a ba a-n wa.

Timəə dí-pɛn 10:17

Taãn nɛ, kaa Lawa, Dɛnaa Lawa lɛ n lawan Lawa lɛa, dɛnaan Dɛnaa lɛa, Lawa gole ne, pàã ná a lon, a sii n nyɛ́ɛ diɛ. A bɔn bii-a we wa, a lɛ pii ǹ màn sii min la wa.

Kolɔɔsi minin 1:16

Lawa na á màn tumaa zɛnaa ka a din lɛ barka nɛ, lon mànan laanka tán wɔn nɛ, a yii a yɛ wolen laanka a yii a yɛbaã wolen dɔn dinin ni, ka lon màn pàãdɛnan bɛ́ lɔn ka ǹ goledɛnan nɛ. Lawa na á màn tumaa zɛnaa a din lɛ barka nɛ, a na á ǹ zɛnaa a din dɔ a lɛa.

Ebrəə 4:16

Bɛ lɛ taman yii, ka daa wɔ n tá nyɛɛnɛ ka foo-doa nɛ, wɔ n mɔrɔ Lawa a kii dankan lɛ ganaa, màn mɛn bɛ́ toɛ, Bǐɛ̃dɛnaa lɛ makara bɔ wɔ ganaa, a bǐɛ̃ zɛnaa wɔ nɛ, bǐɛ̃ mɛn bɛ́ re n doe wɔ lɛ wɔ laadoo biikoo li.

Samayeli1 4:4

Dɛnaa Lawa Pàãyiidɛnaa mɛn lɛ bɛ́ lon màn yiikoonaa nyínin mìi la, zaman lɛ minin dia ǹ nə́ woo bɛa lɛ kɔ kɔn la ǹ goo lɛ saa Siiloo. Elii a nɛgiĩ min paa lɛ, Ɔfunii laanka Fineyasi ni, bɛn nə́ goã Lawa a lɛ kɔ kɔn la ǹ goo lɛ diɛ zii.