Izayii 35:2 - LAWA A BOO SONBORE

² Buũ kɔ! N nyɛnyɛɛ, n bɛ̀ baa n nə n lɛ dɛ ka foo kɔɔ̃n nɛ! Dɛnaa Lawa á re n siĩn koe ka Liban a kelen kɛn bɛ́ lɔn. Á re Karmɛli kele laanka Saron a bɔmɔn siĩnbaa kɛ koe n la. Bɛa biikoo li, min tumaa á re Dɛnaa Lawa a gugurubaa yii, a wɔa Lawa a siĩnbaa yɛ.

LAWA A BOO SONBORE 2011

² Buũ kɔ! N nyɛnyɛɛ, n bɛ̀ baa n nə n lɛ dɛ ka foo kɔɔ̃n nɛ! Dɛnaa Lawa á re n siĩn koe ka Liban a kelen kɛn bɛ́ lɔn. Á re Karmɛli kele laanka Saron a bɔmɔn siĩnbaa kɛ koe n la. Bɛa biikoo li, min tumaa á re Dɛnaa Lawa a gugurubaa yii, a wɔa Lawa a siĩnbaa yɛ.

Izayii 35:2 ပူးပေါင်းရင်းမြစ်များ

KZS1 16:33

Dan mɛnɛn dɔn tumaa bɛ́ daãn gɔ́ɔ̃ nɛ, bɛn dɔn nə loe lɔ, ǹ nə n nyɛnyɛɛ Dɛnaa Lawa lɛ yɔrɔ-a, a giala, mà á die kiri we tán ganaa.

KZS1 5:16

Gaadi tɔrɔn man nə́ goã giã-n Galaati gána laanka Basan gána bǎã nɛ, ka kiwi mɛnɛn bɛ́ ǹ kio, kɔnlɛ ka Saarɔn a tɔɔn buu sɔ̃ ǹ bǎãn kɛn tumaa nɛ.

Loen 50:2

Zeruzalɛmu, siĩnbaa lɛ piɛ̃ n walan, a giala, Lawa wɔlɔ fúlu kaa walan.

Loen 72:16

Lawa die a gána lɛ a màn-kɔsiɛ bǐɛ̃ kɔ parsiini. A toa a kele mìi ni ǹ wuru màn tumaa ma sɔnbɔraanɛ, ǹ bǐɛ̃ kɔ ka Liban gána a kelen kɛn bɛ́ lɔn. A die a toa kiwin lɛn dɔ nə pã ka minin ni, ka don bɛ́ piɛ̃ ka buu-n lɔn.

Loen 72:19

Barka tá Lawa Gole lɛ ganaa, yǎa duduu. Kanaa din tumaa die a pã ka a gugurubaa nɛ. A n baa miɛ̃, a n baa miɛ̃!

Loen 89:12

Lon nə n din wɔ lɛa, tán dɔ nə n din wɔ lɛa. N din nə ń kanaa laanka a gɔ́ɔ̃ mànan giala wɔ.

Loen 97:6

Lon nə nyɛɛ, mà Lawa lɛ á pepere. Tɔrɔn tumaa ná a gugurubaa yɛ.

Loe kɔɔ̃n kɔɔ̃n 2:1

Masɛ n nyankɔrɔ lɛ kɛ a da buũ kooro lɛa, man nyankɔrɔ basa kɛ a da buũ kooro lɛa.

Loe kɔɔ̃n kɔɔ̃n 7:5

N wìi n paraa nɛ, pepere, ka sanabolo siĩn bɛ́ lɔn. N yii nànan man ka Ɛsibɔn a pɛrɛn kɛn mu bɛ́ lɔn, kunu Bati-Rabimu a wɔ ǹ kiɛnlɛ ganaa. N nyin gòã n pɔrɔɔ nɛ, ka Liban a sanabolo kɛ bɛ́ lɔn, a yɔrɔ ń dia-n Damaasi kiwi la.

Izayii 25:9

Bɛa pinaa, wɔ á re pii: «Á ke, a din ni wɔa Lawa lɛa, wɔ foo n doa nɛ a din ganaa. A n wɔ kirisibiɛ. Taãn nɛ, wɔ foo n doa nɛ Dɛnaa Lawa ganaa. Wɔ ǹ bɛ̀ biɛ ka foo kɔɔ̃n nɛ, wɔ nə n nyɛnyɛɛ, a giala, á wɔ kirisibaa!

Izayii 27:6

Biikoo á re doe, Zakɔba a zaman tá re gòon dii boe. Izirayeli á re gùrù ten boe, a buũ kɔ. Kanaa á re piɛ̃ ka a nɛn nɛ.

Izayii 32:15

Sɛnɛ ǹ kɔn pinaa, Dɛnaa Lawa á re a yiri gisĩ wɔ la. Bɛa biikoo li kəni, diə gole á re n bɔyɛɛ a da nɛ-kɔle wuru baa, da nɛ-kɔle wuru á re n bɔyɛɛ a daã baa.

Izayii 33:9

Gána lɛ n gɛ̀ koa gɔ́ɔ̃ nɛ. A n bǎã gere lɛa. Sìi nə n kɔ Liban a kelen kɛn lɛ. Ǹ tumaa n laa nɛ. Saarɔn a wuru bǎãn kɛn man ka diə gole bɛ́ lɔn. Da ba Basan laanka Karmɛli kelen kɛn la wa.

Izayii 35:10

Dɛnaa Lawa min mɛnɛn kirisibaa, bɛn man die wusii ǹ daa. Maǹ die woe *Siɔn ka foo kɔɔ̃nbaa ǹ lɛ-dɛ nɛ. Ǹ yɔrɔ koa ǹ gɔn nə foo kɔɔ̃n lɛa, foo kɔɔ̃nbaa mɛn bɛ́ a nyɛɛ wa. Foo kɔɔ̃nbaa gole n die goɛ̃ ǹ li. Nɔmaa laanka ginii á re papaɛ̃.

Izayii 40:5

Ka bɛ-n kəni, Dɛnaa Lawa a siĩnbaa á re n doɛ̃. Minbuiin nɛ tumaa á re yii, ǹ dɔ̃ mà Dɛnaa Lawa boo da.

Izayii 40:9

*Siɔn boo tii kɔɔ̃n pɛle, dii kele sasa la, Zeruzalɛmu, boo tii kɔɔ̃n pɛle, n lɛn saa ka pàã nɛ, n lɛn saa lon, nyɛ́ɛ nyan nə n kũ wa. A pɛ Zudaa kiwin manɛ: «Kaa Lawa á ke!

Izayii 41:19

Diə gole ne, man die *sɛdrə da zumi, ka kasia da nɛ, mirti da nɛ, ka *olivie da nɛ. Gánan mɛnɛn bɛ́ mu ba ǹ nɛ wa, ma á re da tɔrɔ gigiã kiɛ kun ma zumu walan.

Izayii 49:13

Lon, n gɔn dɛ! Tán, nsɛ nə n nyɛnyɛɛ! Kelen lɛn, ka foo kɔɔ̃nbaa ǹ lɛ dɛ! A giala, Dɛnaa Lawa n wusii a zaman lɛ foo doɛ. A n makara boe nɔmaa-wɔlen ganaa.

Izayii 6:3

Maǹ nə́ goã parɛɛ, ǹ nə́ pii kɔn nɛ kɛnɛn: «N tá sonbore, n tá sonbore, n tá sonbore Dɛnaa Lawa Pàãyiidɛnaa! N tɔ golebaa tán tumaa pã.»

Izayii 60:13

Liban da siĩn-siĩnin kɛn tá re die n li, ka da tɔrɔ sonboren kɛn nɛ, ma maa kion lɛ gɔ́ɔ̃ nyaǹ kɔ ka ǹ nɛ. Bɛa yɔrɔ lɛ la, ma bɛ́ bǎã mɛn nɛ, ma á re maa gugurubaa nyɛɛ walan.

Izayii 60:19

N laadoo á re goɛ̃ wasa ganaa mà a fúlu kaa n nɛ penleen wa. N laadoo á re goɛ̃ mui ganaa tèlò-n wa. Masɛ Dɛnaa Lawa n die n tɛ fúlu biɛ dan ná a ba la wa, ma din, n Lawa n die tɛ fúlu kiɛ n ganaa ka maa gugurubaa nɛ.

Izayii 60:21

N zaman kɛa minin tumaa n die goɛ̃ pepere, gána lɛ n die goɛ̃ ǹ wɔ lɛa yǎa duduu. Maǹ ka da gùrù bɛ́ lɔn, ma dinmaa nə́ ǹ zumu. Ma din gɔn na á ǹ zɛnaa, maǹ maa gugurubaa nyɛɛ.

Izayii 61:3

*Siɔn minin mɛnɛn bɛ́ gɛ̀ koɛ, ma doamaa nɛ ma mɔnaa gɔn sonbore pɛnɛ ǹ mìi ganaa gɛ̀ koa ǹ ton kɛ bǎã nɛ; ma doamaa nɛ ma nyɔɔ gìĩ kɔɔ̃n kaa ǹ ganaa ǹ gɛ̀ koa kɛ dòo. Ma doamaa nɛ ma zɔ́n mɔnaa wɔ ǹ ganaa ǹ foo ziziɛ̃ kɛ dòo lɛa. Ka bɛ-n kəni, ǹ tá re ǹ bíi: «Peperebaa ǹ da, dù gɔrɔ mɛn bɛ́ Dɛnaa Lawa a siĩnbaa nyɛɛ».

Izayii 66:10

Kasɛn mɛnɛn bɛ́ Zeruzalɛmu n kɔɔ̃n ka ganaa, ka n nyɛnyɛɛ kun ni. Ka goã foo kɔɔ̃n kɔ gole la kun ni. Kasɛn mɛnɛn nə goã gɛ̀ koɛ a koen kɛn taman yii, ka foo kɔɔ̃n gole kɛ gii kɔn nɛ kanna kəni!

Izayii 66:14

Ka á re bɛ yii, ka foo á re kɔɔ̃n koe, ka wen nə wusoo ǹ yiikoonaabaa yɛ ka buu bɛ́ lɔn la kio. Min mɛnɛn bɛ́ dí nyɛɛ Dɛnaa Lawa nɛ, á re n pàã nyɛɛ bɛn manɛ. Sɛnɛ, a zɔ́ɔn kɛn tá re a foo yoo kɛa gugurubaa yii.

Ozee 14:5

Ma á re Izirayeli a piã ka Lawa-n kɛ boe ma bɔ a ganaa, ma a re narɛ ka ma foo tumaa nɛ. Maa foo yoo lɛ á re n kanɛɛ a n bɔ li.

Abakuku 2:14

Sonbore, min tumaa á re Dɛnaa Lawa a gugurubaa doɛ̃. Á re tán piɛ̃ ka yìsi mu gole bɛ́ lɔn.

Zakarii 10:7

Efrayimu minin foo n die tã koe, ka zia-baali zanbian bɛ́ lɔn. Ǹ foo n die kɔɔ̃n koe, ka maǹ nə́ duvɛ̃ mi. Ǹ nɛnyaanan tá re bɛ yii, maǹ die goɛ̃ ǹ foo n kɔɔ̃nɛ, ǹ nə n nyɛnyɛɛ Dɛnaa Lawa taman yii.

Zaã a sɛ́wɔ 12:41

Izayii na á kɛ lɛ pɛ Yezu wɔ gɔn la, a giala á goã á Yezu a gugurubaa yɛ.

Zaã a sɛ́wɔ 17:24

Maa Díi, n min mɛnɛn kɔ masɛ la, ma din bɛ́ re goɛ̃ bǎã mɛn nɛ, man giɛ li, ǹ dɔn nə goã walan kun ka masɛ nɛ. N din gugurubaa mɛn kɔ masɛ la, ǹ bɛ yɛ, a giala, ń masɛ narɛ, haalɛ bɛ̀ kanaa tɔn nə n zɛnaa wa.

Nya ǹ dín 9:35

Ǹ bɛ́ ǹ nə́ bɛ yɛ, Liidaa kiwi minin ni, ka Saarɔn bǎã tumaa kɛ a min gigiã golee Dɛnaa li.

Rɔmu minin 10:15

A boo nə n diɛ lɔn, bɛ̀ á daa yaa min kɔ́n nə n dia bɛa dí lɛ tɔ ganaa wa? Ka a bɛ́ kiɛ̃-n lɔn: «Kɛ n foo kɔɔ̃n lɛa, dia dí-a wole mɛn bɛ́ die ka Boo Tii Kɔɔ̃n nɛ.»

Rɔmu minin 15:10

Lawa a boo lɛ n pii doo: «Tɔrɔn lɛn, ka n nyɛnyɛɛ kun ka Lawa din a tɔrɔ boe lɛ nɛ!»

Korɛnti2 3:18

Wɔsɛn mɛnɛn tumaa bɛ́ tapara nə́ n bɔ wɔ siã, wɔsɛn man Dɛnaa a gugurubaa a siĩnbaa nyɛɛ. Wɔ́ n bɔyaa wɔ́ kɔnbɔ ka Dɛnaa din ni, wɔ́ wusoo wɔ́ gugurubaa yɛ, bɛ ń gole á la lɛlɛ wɔ kɛ nɛ. Dɛnaa din na á bɛa dí kɛ lɛ nya ka a Yiri Fu barka nɛ.

Korɛnti2 4:6

Lawa mɛn bɛ́ á pɛ mà wɔlɔ fúlu yɛ wɔlɔ tì bii, a din na á toa wɔlɔ fúlu tɛ pɛ ma dɔ foo ne. Lawa a gugurubaa mɛn bɛ́ tɛ pii Yezu Krita yɔrɔ nɛ, a n mà minin nə boo la ǹ bɛ dɔ̃.

Zozoe 19:26

Alamelɛki, Ameyadi, Miseyali. A n boe Karmɛli kele kɛa lɛ̀nyɛɛn gɔn la, a da Sihɔɔrɔ-Libnati tà kɛ lɛ-a,

Sii-nyaan 21:23

Kiwi lɛ laadoo ba wasa ganaa ka mui ni wɔlɔ tɔn fulu wa, a giala mà Lawa a siĩnbaa n wɔlɔ fúlu kiɛ a ganaa, Sère Nɛ kɛ na a wasa lɛa.