Izayii 34:6 - LAWA A BOO SONBORE

⁶ Dɛnaa Lawa a gɔya sa n mà lɛa, a n nyɔɔ lɛa, sère ten laanka butumun mà lɛa, sère gɔ̀lɔ̀ dɔ̀ɔ̃ koron nyɔɔ lɛa. Bosraa kiwi gole kɛ nɛ, Dɛnaa Lawa *wúlu màn yɔrɔ bɔ: Basaã gole-n Edɔmu gána wɔ lɛa.

LAWA A BOO SONBORE 2011

⁶ Dɛnaa Lawa a gɔya sa n mà lɛa, a n nyɔɔ lɛa, sère ten laanka butumun mà lɛa, sère gɔ̀lɔ̀ dɔ̀ɔ̃ koron nyɔɔ lɛa. Bosraa kiwi gole kɛ nɛ, Dɛnaa Lawa *wúlu màn yɔrɔ bɔ: Basaã gole-n Edɔmu gána wɔ lɛa.

Izayii 34:6 ပူးပေါင်းရင်းမြစ်များ

Samayeli2 1:22

yǎa zɔ́ɔn mà, yǎa zia-baalin kɛn nyɔɔ. Zonaatan a sa goã n nyɛnɛɛ min ni wa, Sayulu a gɔya sa kɛ goã n bɔyɛɛ gere wa.

KZS1 1:44

Belaa a gɛ̀ kio, Zeraa a nɛgiĩ Yobabu ke boe Bosraa kiwi, bɛ́ giã a bǎã nɛ.

Loen 137:7

Zeruzalɛmu kuĩ pinaa, Edɔmu minin da ǹ boo lɛ: «Ka yu, ka yu, ka yu lenlen», Dɛnaa Lawa, n yiri nyan bɔ ka bɛ-n wa.

Izayii 29:2

Sɛnɛ, man die n ziziɛ̃ Zeruzalɛmu. N tá re gungunun sii, n yii mu pã a kaa, sɛnɛ ma n die goɛ̃ masɛ wɔ lɛa.

Izayii 34:5

Dɛnaa Lawa a gɔya sa á ke yii lon. Á ke gisĩ Edɔmu minin la, a tɔrɔ mɛn lɛ bɔ á koa ziziɛ̃ taman yii.

Izayii 63:1

Die n ke boe Edɔmu gána nɛ, boe a kiwi Bozira kɛ nɛ? Á mɔnaa tãtãn wɔ. Á mɔnaa sonboren wɔ, a n tɔ we ka din narɛɛ nɛ, a foo n doa nɛ a din ganaa. Dɛnaa Lawa pɛ: «Ma din ni kiri pepere we. Pàã tá ma lon ma ka kirisibaa.»

Izayii 63:3

Taãn nɛ, ma dinsɔɔ̃ n má rezɛ̃ tɔrɔ yala-n. Min kɔn goã kun ma-n tɔrɔn bii wa. Bɛ lɛ nɛ, maa foo yoo taman yii, má ǹ yɔyɔrɛ, maa kakaarɛbaa gɔ́ɔ̃ nɛ, má tɔrɔ ǹ la. Ǹ mà paparɛ, á kaa maa mɔnaan ganaa, á ǹ tumaa taã.

Izayii 65:12

Sisia kəni, man die ka we kaa zɔ́ɔn gɔn. Ka tumaa n die n musin koɛ tán, ǹ ka bɔlɔ kuru. A giala, má lɛ dia, sɛnɛ ka n nyəə wa. Má boo da ka nɛ, sɛnɛ ka n too kɔ wa. Sii mɛn bɛ́ a kɔɔ̃n ma ganaa wa, ka n bɛ zɛnɛɛ. Sii mɛn bɛ́ a ma foo sii wa, ka n bɛ zɛnɛɛ.

Zeremii 12:12

Diə gole a kele mìi kooro-an kɛn tumaa la, basaã-kɔlen man die. Dɛnaa Lawa màn tumaa ziziɛ̃ a kũ gána paǹ goon kɛ ganaa a wo a paǹ kɔsɔ kɛ yaa. Yii-nyɛɛ banban min kɔn wɔ lɛa wa.

Zeremii 25:34

Kasɛn kɛn maa zaman-lɛduə̃lin lɛa, ka n lɛ dɛ, ka n duduwə. Ka n birikəə̃ tán, kasɛn mɛnɛn bɛ́ maa tɔɔn lɛduĩ. Hiĩ ka dɔn gɛ̀ wɔ na á dɔ. Ka n die mɛnɛɛ, ka yɔyɔrɛ ka tasa giɔ̀mɔ kaka bɛ́ lɔn.

Zeremii 46:10

Sɛnɛ, bɛa lɛawaa lɛ n dɔlɔ lɛawaa lɛa Dɛnaa Lawa Pàãyiidɛnaa din yii li. A n die a gɛ̀ dòo boe a zɔ́ɔn ganaa. Gɔya sa n gɛ̀ dii, yǎa a kã kiɛ̃ ka mà nɛ. Bɛ n *wúlu màn lɛa Dɛnaa Lawa Pàãyiidɛnaa wɔ lɛa, gɔsɛ a lɛ̀gɔn la ǹ gána nɛ, Efrati tà lɛ-a.

Zeremii 49:13

Man liɛ kɛ we, ma din Dɛnaa Lawa: Bosraa kiwi kɛ á re kɛbɔlɔ biɛ, a diə gole baa. Ǹ tá re biɛ sii a kɔnboe lɛa lɛn baraa bíi a paǹ li hinlaa bɛ̀ ǹ tá li ǹ sìi da min ganaa. A lɛkoro lɛ-a kiwin kɛn tá re kɛbɔlɔn biɛ, yǎa duduu. Dɛnaa Lawa a da ǹ boo ne.»

Zeremii 49:7

Edɔmu minin wɔ paǹ li. Dɛnaa Lawa Pàãyiidɛnaa n kɛ pii: «Sii-dɔ̃li ba Teman kiwi doo wa? Yiridɛnan kɛn yiri na á n si ǹ la? Ǹ sii-doɛ̃ lɛ na á nya?

Zeremii 50:27

Ka a sɔraasi sonboren tumaa dɛ, ka wo ǹ ne ǹ bɔlɔ kuru ǹ bǎã nɛ! Ǹ wɔ n ka bɔ̀n nɛ, a giala ǹ dɔlɔ bɔ biikoo na á dɔ.

Zeremii 51:40

Man woe ǹ ne ǹ bɔlɔ kuru ǹ bǎã nɛ, ka sère nɛn bɛ́ lɔn, sère gɔ̀lɔ̀ nɛ ka butumun ni.

Ezekieli 21:10

Min tumaa á re doɛ̃ kəni, mà masɛ Dɛnaa Lawa n ma gɔya sa woɛ̃ má bɔ a kii ni, ma a woe a-n doo wa.»

Ezekieli 35:15

Ka bɛ́ ka n nyɛnyɛɛ Izirayeli gána lɛ a ziziɛ̃ taman yii, ma dɔ á re ka dɔn ziziɛ̃. Seyiiri kele kɛ á re ziziɛ̃, Edɔmu gána din kuturu. a tá re doɛ̃ bɛa biikoo li kəni, mà ma din nə Dɛnaa Lawa lɛa.

Ezekieli 35:8

Ma á re kaa kelen kɛn piɛ̃ ka kaa geren ne. Gɔn bɛ́ re ka mɛnɛn kuĩ zia la, bɛn tá re mɛnɛɛ kaa tentenen kɛn bii, kaa nyankɔrɔ basan kɛn nɛ, ka kaa mu ziin ni.

Amɔɔsi 1:11

Dɛnaa Lawa na á pɛ kɛnɛn: Edɔmu minin kɛn nə́ sii baraa gigiã zɛnaa. Ǹ sii mɛn zɛnaa, á kiɛ̃ a bǎã la. A giala, ǹ nə́ ǹ dɔɔ̃n Izirayeli minin lɛn loo ka gɔya sa nɛ, ǹ makara din nə ǹ kũ boɛɛn dinin wa. Ǹ foo na á goã yoo ne ǹ li miɛ̃, sii lɛ na á goã ǹ gɔ́ɔ̃-n miɛ̃. Bɛ lɛ nɛ, ma á ǹ zɛ̀rɛ biɛ, ma a re wusii maa da ǹ boo dɔ kio wa.

Sofonii 1:7

Ka n lɛ tã Dɛnaa Lawa yɔrɔ-a! A giala, a lɛawaa lɛ diri. Dɛnaa Lawa n die wúlu boe, a tiin yɔrɔ bɔ maa nɛ.

Timəə dí-pɛn 32:14

A din na á diin laanka sèren nyɔ kɔ ǹ la ǹ nə́ mi. A din na á siĩ nyɔɔnaa kɔ ǹ la ǹ nə́ sɔ̃, sère nyɔɔnaan manɛ, Basan a sère gɔ̀lɔ̀n kɛn tɔrɔn manɛ, ka butumun nyɔɔnaan nɛ. Á *belee sonbore kɔ ǹ la ǹ nə́ bii, á duvɛ̃ kɔ ǹ la ǹ nə́ mi, *rezɛ̃ da a nɛ kɛ lɛ.

Timəə dí-pɛn 32:41

Bɛ̀ má maa gɔya sa tɛ-pɛle kɛ lɛ lɔ, bɛ̀ má dɔlɔ-bɔ giala kɔ, ma á re maa gɛ̀ dòo boe maa zɔ́ɔn kɛn ganaa, min mɛnɛn bɛ́ ma biɛ zɔ́ɔ, ma á re bɛn sarɛɛ.