Izayii 33:9 - LAWA A BOO SONBORE

⁹ Gána lɛ n gɛ̀ koa gɔ́ɔ̃ nɛ. A n bǎã gere lɛa. Sìi nə n kɔ Liban a kelen kɛn lɛ. Ǹ tumaa n laa nɛ. Saarɔn a wuru bǎãn kɛn man ka diə gole bɛ́ lɔn. Da ba Basan laanka Karmɛli kelen kɛn la wa.

LAWA A BOO SONBORE 2011

⁹ Gána lɛ n gɛ̀ koa gɔ́ɔ̃ nɛ. A n bǎã gere lɛa. Sìi nə n kɔ Liban a kelen kɛn lɛ. Ǹ tumaa n laa nɛ. Saarɔn a wuru bǎãn kɛn man ka diə gole bɛ́ lɔn. Da ba Basan laanka Karmɛli kelen kɛn la wa.

Izayii 33:9 ပူးပေါင်းရင်းမြစ်များ

Zɔbu 15:33

A nɛ burun tá re kiɛ ka *rezɛ̃ da wɔ bɛ́ lɔn. A buũ á re papaɛ̃ ka *olivie da wɔ bɛ́ lɔn.

Loe kɔɔ̃n kɔɔ̃n 2:1

Masɛ n nyankɔrɔ lɛ kɛ a da buũ kooro lɛa, man nyankɔrɔ basa kɛ a da buũ kooro lɛa.

Izayii 10:34

Daã gòã li ǹ da bisinin kɛn, a n bɛn lɛ naɛ ka sɛ̀miɛ̃ nɛ. Liban da kakan kɛn, a n bɛn dɔn lɛ naɛ.

Izayii 14:8

Sii mɛn bɛ́ n zɛnɛɛ, dan dinin manə n nyɛnyɛɛ bɛ taman yii. Siprɛsi dan laanka Liban dan man pii: «Ǹ nə n da yala kɛ-n lɔn, min kɔn bin tɔn da wɔ kuru doo wa.»

Izayii 2:13

Á re yui Liban a *sɛdrə da sɔsɔrɔn kɛn gialaa, ka Basan a sɛni da sɔsɔrɔn kɛn nɛ,

Izayii 24:1

Á ke, Dɛnaa Lawa n basaã koe tán nɛ a n ziziɛ̃. Á tán lɔlɔkɔn, a na a zaman pɛsɛ̃ bǎã tumaa nɛ.

Izayii 29:2

Sɛnɛ, man die n ziziɛ̃ Zeruzalɛmu. N tá re gungunun sii, n yii mu pã a kaa, sɛnɛ ma n die goɛ̃ masɛ wɔ lɛa.

Izayii 3:26

Bɛa biikoo li kəni, kiwi min tumaa á re gɛ̀ koɛ, ǹ gini ka lɔ mɛn nə́ ke giã-n tán furu-n, a gɔn màn tumaa bɔ̀n baa.

Izayii 35:2

Buũ kɔ! N nyɛnyɛɛ, n bɛ̀ baa n nə n lɛ dɛ ka foo kɔɔ̃n nɛ! Dɛnaa Lawa á re n siĩn koe ka Liban a kelen kɛn bɛ́ lɔn. Á re Karmɛli kele laanka Saron a bɔmɔn siĩnbaa kɛ koe n la. Bɛa biikoo li, min tumaa á re Dɛnaa Lawa a gugurubaa yii, a wɔa Lawa a siĩnbaa yɛ.

Izayii 37:24

Ma nə ń sɔ kɔ masɛ Dɛnaa ganaa, n dí-nyalin barka nɛ. Ma nə ń pɛ: Masɛ Senankeribu, maa ziabaa ǹ wotoron kɛn pàã nɛ, má dii kele sasan mìi ni, yǎa Liban kele baã bii, má a *sɛdrə da sonboren kuru, ka a siprɛsi da sonboren ne. A kele lɛ a mɛn mìi la bɛ́ lon, á la ǹ miãn tumaa nɛ, ma gɔn dɔ bɛ ganaa, kɔnlɛ ka a daã sonbore kɛ nɛ.

Izayii 65:10

Maa zaman lɛ a min mɛnɛn bɛ́ re wusii ǹ da ma li, Saarɔn a nyankɔrɔ basa kɛ á re wuru biɛ bɛn wɔ lɛa, sèren nə buu sɔ̃ a nɛ, Akɔɔrɔ a nyankɔrɔ basa kɛ diin zìã baa.

Zeremii 50:19

Man die wusii ma wo ka Izirayeli ni a lɛduə̃ ǹ bǎã nɛ. Karmɛli kele la, Basan a wuru bǎãn nɛ, Efrayimu a kele yiin ni, ka Galaati gána nɛ, á re màn-bii yii a bii, a kã.

Ozee 4:3

Bɛ lɛ n ke, lɛ̀ gere á re koe gána lɛ nɛ. A minin tumaa, don mànan dɔn laanka bàanan nɛ, bɛn tá re pɛrɛ mu boro gɔn. Yìsi mu li ǹ zɔ̀nɔn kɛn dɔn dinin tá re papaɛ̃.

Amɔɔsi 1:2

Amɔɔsi na á goã kɛ pii: Dɛnaa Lawa nə n toɛ *Siɔn kele la á n wɔɔsaa we, a nə n toɛ Zeruzalɛmu kiwi á n paraa we. Tɔɔn-lɛduə̃lin tɔɔn lɛduə̃ ǹ bǎãn kɛn nə́ ziziɛ̃, Karmɛli kele mìi kɛ bǎã gere baa.

Misee 7:14

Dɛnaa Lawa, mɛ n zaman nyɛɛnɛ, n nə ǹ lɛduə̃ ka n din a bàlà kɛ nɛ. Bɛa zaman kɛ lɛ, n din wɔn manɛ. Ǹ bɛ́ ke ǹ gɔrɔn daã nɛ, ǹ nə́ giã-n da yii ni, wusoo n mɛ ǹ nyɛɛn doo ka lɛlɛ ǹ bɛ́ lɔn, n wo ǹ ne Basan a nyankɔrɔ basa kɛ nɛ, n wo ǹ ne Galaati gána nɛ.

Nahumu 1:4

A n boo diɛ yìsi mu gole ne, a piɛ̃ ka daɛ̃. A n tàn mu piɛ̃, a bɔ ǹ nɛ. Basan a buu bǎã nyantoto ke ka Karmɛli kele kɛ nɛ, bɛn tumaa n damɛ ǹ taã ka bon, Liban a da buũ kɛ tumaa n bɛbɛnɛ.

Nya ǹ dín 9:35

Ǹ bɛ́ ǹ nə́ bɛ yɛ, Liidaa kiwi minin ni, ka Saarɔn bǎã tumaa kɛ a min gigiã golee Dɛnaa li.

Timəə dí-pɛn 3:4

Wɔ́ a kiwin lɛn tumaa si bɛa waáraa lɛ nɛ Argɔbu a bǎã kɛ nɛ. Kiwi din goã, mà wɔ n wɔ si ǹ la wa. A kaa kun kiwi pɔsɔrɔ, Basan gána nɛ, Ɔgu goã ǹ mìi la.