Izayii 33:6 - LAWA A BOO SONBORE

⁶ A n die goɛ̃ ǹ yii-nyɛɛ lɛa yǎa duduu. A din ni minin kirisibiɛ, a n yiridɛnaa lɛa, a n sii tumaa doɛ̃. Nyɛ́ɛ baa Dɛnaa Lawa yii-n nə naforo lɛa.

LAWA A BOO SONBORE 2011

⁶ A n die goɛ̃ ǹ yii-nyɛɛ lɛa yǎa duduu. A din ni minin kirisibiɛ, a n yiridɛnaa lɛa, a n sii tumaa doɛ̃. Nyɛ́ɛ baa Dɛnaa Lawa yii-n nə naforo lɛa.

Izayii 33:6 ပူးပေါင်းရင်းမြစ်များ

Kiin2 18:7

Dɛnaa Lawa goã kun ni, bɛ̀ á sii woo sii zɛnaa bɛ n bǐɛ̃ koe. Á n gòãn dii Asiirii gána a kii ganaa, a goã a pàã giulun doo wa.

Zɔbu 4:6

N bɛ́ mà nsɛ n nyɛ́ɛ biɛ Lawa nɛ, Lawa a re n doe n lɛ wa? N bɛ́ mà nsɛ n min pepere lɛa, wàa nə n foo biɛ niɛ᷉?

Loen 140:7

Má pɛ Dɛnaa Lawa nɛ: N din nə maa Lawa lɛa. N too kɔ, n maa gòã-kũ si.

Loen 28:8

Dɛnaa Lawa din na a minin kɛn pàã lɛa, a kii mɛn bɔ á koa, a din pàã n bɛ kirisibiɛ.

Loen 45:4

Giĩ a nɛ, n gɔya sa saa n lɔɔ n ganaa, n siĩnbaa ǹ màn nɛ, n nyaǹ màn nɛ.

Suusun 14:24

Pàãmabaa n sii-dɔ̃lin saraa lɛa. Baãnaa wɔ n ka gàãn nɛ.

Suusun 14:26

Min mɛn bɛ́ Dɛnaa Lawa guguru koe, a yiri n bǎã goon ne. A giala, Dɛnaa Lawa na a nɛnyaanan tamɛɛ.

Suusun 14:27

Dɛnaa Lawa guguru kɔ n yiikoonaabaa ǹ mu yala lɛa. A nə n kanbiɛ gɛ̀ dɛ ǹ kanan ganaa.

Suusun 15:16

Màn boɛɛn yɛ n nə́ Lawa guguru kɔ gɔ́ɔ̃ nɛ, bɛ á soɛ pàãmabaa nɛ taasiɛ gɔ́ɔ̃ nɛ.

Suusun 19:23

Dɛnaa Lawa guguru kɔ n yii toɛ koo. Min mɛnɛn bɛ́ a guguru koe, ǹ ba foɛ̃ màn kɔn li wa, koe dɔ a boe ǹ ganaa wa.

Suusun 2:5

Bɛ̀ n bɛ tumaa zɛnaa, n tá re nyɛɛbaa Lawa-n giala miɛ, n tá re Lawa doɛ̃.

Suusun 28:2

Bɛ̀ gána á gòãn dii la, a kiin man mɔnaa nɛ. Sɛnɛ, bɛ̀ a nyɛɛnaandɛnaa goon sii dɔ̃, yiridɛnaa lɛa, a kiibaa gòã n we tán.

Suusun 29:4

Kii mɛn bɛ́ koe dí-pɛn lɛ, a gána a naforon gòã n doɛ. Sɛnɛ, ǹ mɛn bɛ́ nyin giɔ̀mɔ sii á la yii ni, a na a gána yui.

Boo-laakalaali 7:12

Sonbore, sii-doɛ̃ n min boe sii ni, ka wɔrɔ bɛ́ min boe sii-n lɔn. Sonbore, sii-doɛ̃ lɛ a là bɛ́ ka màn mɛn nɛ, bɛ̀ a tá min mɛn lon, a n toɛ ǹ dɛnaa la.

Boo-laakalaali 7:19

Sii-doɛ̃ n pàã koe sii-dɔ̃li la, a la goledɛnaa fù wɔ nɛ kiwi.

Izayii 11:9

Baraabaa laanka kakaarɛbaa goon din ba re n zɛnɛɛ Dɛnaa Lawa a kele sonbore kɛ la wa. A giala, gána lɛ n die piɛ̃ ka Dɛnaa Lawa doɛ̃ nɛ, ka yìsi mu bɛ́ piɛ̃ nɛ ka mu-n lɔn.

Izayii 26:1

Bɛa pinaa, Zudaa gána nɛ, zaman tá re loe loe, ǹ pɛ: Wɔa kiwi lɛ doemaa nɛ. Dɛnaa Lawa ná a lɛnpɛnɛ ka kungɔn nɛ, a ná a lɛnpɛnɛ ka kungɔn tamaa wole ne, màn mɛn bɛ́ toɛ, a wɔ tamaa.

Izayii 32:17

Peperebaa a dí n die goɛ̃ ka là nyantoro ne. A din nə die ka yiri-giã nɛ ka yii nyɛɛ nɛ.

Izayii 32:18

Dɛnaa Lawa a zaman tá re giɛ̃ là nyantoro bǎã nɛ, kionən ne, foo n doa nɛ ǹ ganaa, ka susu ǹ bǎã nɛ.

Izayii 33:20

Siɔn, ga wɔa zɔ́n zɛnaa ǹ kiwi kɛ ganaa! N tá re Zeruzalɛmu yii, a n die goɛ̃ foo doa ǹ bǎã lɛa n wɔ lɛa, ka zìã á ke lɔn, bǎã goon ne. Ǹ ba re a dere ǹ kiɛn kɛn woɛ̃ doo wa, ǹ ba re a biɛn fore wa.

Izayii 45:17

Sɛnɛ, Dɛnaa Lawa n Izirayeli a zaman kirisibiɛ. A na a kirisibiɛ yǎa duduu. Sìi á re koe ka lɛ wa sɔ a re n koe ka-a doo wa. Haayii, duduu wa.

Izayii 51:14

Kànaa ka boɛɛn nɛ, kòso nɛ mɛn bɛ́ bɔ ǹ lɛ ba la wa, ǹ tá re bɛ boe ǹ da. A re giɛ̃ kòso-n wa, màn-bii á re nyaabiɛ a ganaa doo wa.

Izayii 51:6

Ka n yii saa lon, ka ga. Ka n yii kɔ, ka ga tán. Lon tá re papaɛ̃ ka tɛmaa bɛ́ lɔn. Tán tá re pɔpɔsɛ ka mɔnaa bɛ́ lɔn. Min mɛnɛn dɔn bɛ́ giã-n la, ǹ tá re giɛ̃ ka nyuunun bɛ́ lɔn. Sɛnɛ, kirisibaa lɛ n goɛ̃ duduu. Ma bɛ die ka peperebaa mɛn nɛ, a re nyɛɛ duduu wa.

Zeremii 31:34

Min kɔn ba re ǹ miã hinlaa ǹ dɔɔ̃n darɛɛ a pɛ-n kɛnɛn wa: «Ka n daraa Dɛnaa Lawa doɛ̃ ganaa!» A giala, min tumaa á re ma doɛ̃. A kũ nɛnyaanan ganaa, a wo min zizin yaa. Ma á re ǹ sãn toɛ ǹ nɛ, ma yiri bɔ ka ǹ sii baraan nɛ. Dɛnaa Lawa a da ǹ boo ne.

Abakuku 2:14

Sonbore, min tumaa á re Dɛnaa Lawa a gugurubaa doɛ̃. Á re tán piɛ̃ ka yìsi mu gole bɛ́ lɔn.

Matiə 6:33

Ka ga *Lawa a kiibaa laanka a peperebaa li bɔrɔ, bɛ kio, Lawa á die bɛa mànan kɛn tumaa koe ka la.

Korɛnti2 6:10

Maǹ ma foo ziziɛ̃, sɛnɛ ma foo dɔ n kɔɔ̃n baraanɛ. Man doobaa lɛa ǹ yii li, sɛnɛ, man min gigiã dɔ biɛ pàãma lɛa. Man gɔn kooro-a lɛa ǹ yii li, sɛnɛ, màn tumaa dɔ n ma gɔn.

Timote1 4:8

Din gù-kaa dɔ n daraa lɛa, a là tan sii tɛn gɔ́ɔ̃-n sɛn. Sɛnɛ, nyɛ́ɛ baa Lawa-n a là tan sii tumaa gɔ́ɔ̃ nɛ. Bɛ lɛ n toɛ Lawa wɔa wɔ bǐɛ̃ kɔ pelo, ka biɛ̃ nɛ.

Timote1 6:6

Sonbore ne, golee Lawa li a là á gole minbuiin ganaa, bɛ̀ á daa yaa màn mɛn bɛ́ a gɔn, bɛ̀ bɛ tá a yii kiɛ̃.