Izayii 33:5 - LAWA A BOO SONBORE

⁵ Dɛnaa Lawa a golebaa miã banban. A giala, a n màn tumaa mìi la. Á *Siɔn pã ka a peperebaa laanka a sonborebaa nɛ.

LAWA A BOO SONBORE 2011

⁵ Dɛnaa Lawa a golebaa miã banban. A giala, a n màn tumaa mìi la. Á *Siɔn pã ka a peperebaa laanka a sonborebaa nɛ.

Izayii 33:5 ပူးပေါင်းရင်းမြစ်များ

Loen 118:16

Dɛnaa Lawa ná a boo sii la nyaa! Dɛnaa Lawa á boe sii la!

Loen 123:1

Wo Zeruzalɛmu loe. Man ma yɔrɔ diɛ n din la, Dɛnaa Lawa, nsɛ mɛn bɛ́ giã-n lon kii lɛa.

Bɔ bɛ̀rɛbaa nɛ 15:1

Muizu laanka Izirayeli nɛnyaanan nə́ loe kɛ lɔ, ǹ nə́ Dɛnaa tɔ bɔ nɛ: Man die loe loe ma Dɛnaa tɔ bɔ nɛ, a giala, á sii gole zɛnaa. Á sùin laanka ǹ lɛ-kũlin kaa tà mu li.

Bɔ bɛ̀rɛbaa nɛ 15:6

Pàã gole tá n lon, Dɛnaa, Pàã tá n lon, n tá n zɔ́ɔn ziziɛ̃ nɛ.

Bɔ bɛ̀rɛbaa nɛ 18:11

Masɛ á doɛ̃ kanna, má Dɛnaa lɛ n gole á la lawan tumaa nɛ. Á bɛ nyaa Ezipti minin kɛn manɛ, bɛ̀ ǹ bɛ́ Izirayeli nɛnyaanan nɔmɛɛ.»

Izayii 12:4

Bɛa pinaa kɛ nɛ, ka á re pii: «Ka Dɛnaa Lawa tɔ bɔ. Ka n lɛn saa lon, ka a Lawabaa pɛ. A sii dadaran mɛnɛn zɛnaa ka nɛ, ka bɛn laakalaa tɔrɔn tumaa nɛ.

Izayii 2:11

Min mɛnɛn yii bɛ́ lon bɛn tá re n mìi zumii. Min mɛnɛn bɛ́ n dinin gole koe, sìi á re bɛn kuĩ. Bɛa pinaa kɛ nɛ, Dɛnaa Lawa dinsɔɔ̃ n die tɔ goleebaa yii.

Izayii 2:17

Min mɛnɛn yii bɛ́ lon bɛn tá re n mìi zumii. Min mɛnɛn bɛ́ n dinin gole koe, sìi á re bɛn kuĩ. Bɛa pinaa kɛ nɛ, Dɛnaa Lawa dinsɔɔ̃ n die tɔ goleebaa yii.

Izayii 26:1

Bɛa pinaa, Zudaa gána nɛ, zaman tá re loe loe, ǹ pɛ: Wɔa kiwi lɛ doemaa nɛ. Dɛnaa Lawa ná a lɛnpɛnɛ ka kungɔn nɛ, a ná a lɛnpɛnɛ ka kungɔn tamaa wole ne, màn mɛn bɛ́ toɛ, a wɔ tamaa.

Izayii 28:6

Min mɛnɛn doamaa bɛ nɛ ǹ kiri pepere wɔ, a n die peperebaa ǹ yiri koe bɛn la. Min mɛnɛn bɛ́ zɔ́ɔn lui kiwi a kiɛnlɛn ganaa, a n die pàã koe bɛn la.

Izayii 30:18

A da yaa, Dɛnaa Lawa á re yui, a na a bǐɛ̃ nyaa ka nɛ, á re a foo basiɛ̃baa nyɛɛ ka nɛ. Sonbore, Dɛnaa Lawa n Lawa pepere lɛa. Min mɛnɛn foo bɛ́ doa nɛ a ganaa, bɛn foo á re kɔɔ̃n koe.

Izayii 32:1

Á ke kii á re yii, a kiibaa zɛnaa ka peperebaa nɛ, kiãn tá re nyɛɛnaan boe ka sonborebaa nɛ.

Izayii 33:10

Dɛnaa Lawa pɛ: «Kanna, man die sii zɛnɛɛ. Kanna, man die yui, ma maa golebaa nyaa.

Izayii 33:4

Maǹ ka gɔn màn goɛ ka bisin bɛ́ màn goɛ lɔn, Maǹ tele ka ganaa ka bisin kuru bɛ́ lɔn.

Izayii 37:20

Sɛnɛ, nsɛ Dɛnaa Lawa, wɔa Lawa, wɔ kirisibaa Senankeribu ganaa, a gɔn nyan dɔ wɔ-a wa. Ka bɛ nɛ Dɛnaa Lawa, kanaa a gánan tumaa á re doɛ̃ mà n dinsɔɔ̃ n Lawa lɛa.»

Izayii 5:16

Dɛnaa Lawa Pàãyiidɛnaa á re gugurubaa yii a kiri wɔ gɔ́ɔ̃ nɛ. Lawa sonbore na a sonborebaa nyɛɛ, a peperebaa zɛnaa gɔ̀ɔ̃ nɛ.

Izayii 52:1

N yii kaa, n yii kaa, n pàã nyaa *Siɔn. N mɔnaa sonboren wɔ Zeruzalɛmu, nsɛ kiwi sonbore. A giala, tiin ni ka min mɛnɛn bɛ́ gɔ̀dɛnan lɛa, bɛn gòã á re miɛ n li doo wa.

Izayii 56:1

Dɛnaa Lawa n kɛ pii: «Ka kɔ sonborebaa lɛ, ka peperebaa zɛnaa. Ma bɛ́ die ka kirisibaa mɛn nɛ, á dɔ á nya. Kànaa ka boɛɛnɛ ka á re maa peperebaa yii.

Izayii 57:15

Min mɛn bɛ́ ǹ ná a guguru koe ǹ ná a laakalɛɛ, a ná a tan duduu, a tɔ n "Sonbore", a bɛ́ boo mɛn pii á ke: Man giã-n bǎã sonbore ne, lon sɔsɔɔ, Sɛnɛ, man kun ka nɔmaa-wolen dɔn nɛ, ka foo ziziɛ̃ wolen ne. Man yiikoonaabaa koe nɔmaa-wɔlen la, ka foo ziziɛ̃ wolen ne.

Izayii 60:21

N zaman kɛa minin tumaa n die goɛ̃ pepere, gána lɛ n die goɛ̃ ǹ wɔ lɛa yǎa duduu. Maǹ ka da gùrù bɛ́ lɔn, ma dinmaa nə́ ǹ zumu. Ma din gɔn na á ǹ zɛnaa, maǹ maa gugurubaa nyɛɛ.

Izayii 61:11

Da we bɛ́ gii tán lɔn, hinlaa dù we bɛ́ boe dù gɔrɔ-n lɔn, Dɛnaa Lawa dɔ n die peperebaa laanka tɔ bɔ diɛ bɔ ganaa tɔrɔn tumaa yɔrɔ-a.

Izayii 61:3

*Siɔn minin mɛnɛn bɛ́ gɛ̀ koɛ, ma doamaa nɛ ma mɔnaa gɔn sonbore pɛnɛ ǹ mìi ganaa gɛ̀ koa ǹ ton kɛ bǎã nɛ; ma doamaa nɛ ma nyɔɔ gìĩ kɔɔ̃n kaa ǹ ganaa ǹ gɛ̀ koa kɛ dòo. Ma doamaa nɛ ma zɔ́n mɔnaa wɔ ǹ ganaa ǹ foo ziziɛ̃ kɛ dòo lɛa. Ka bɛ-n kəni, ǹ tá re ǹ bíi: «Peperebaa ǹ da, dù gɔrɔ mɛn bɛ́ Dɛnaa Lawa a siĩnbaa nyɛɛ».

Izayii 66:1

Dɛnaa Lawa n kɛ pii: Lon nə maa kii dankan lɛa, tán nə maa gòãn kaa ǹ bǎã lɛa. Ka n boe la ka kion mɛn dɔ maa wɔ lɛa? Bǎã mɛn nɛ má n boe la man susu a nɛ.

Zeremii 23:5

Á ke, lɛawaan tá re doe, Dɛnaa Lawa a da ǹ boo ne, Davida tɔrɔ taãn tá re yii, a kiibaa zɛnaa, ka yiridɛnaabaa nɛ. Á re peperebaa laanka sonborebaa zɛnɛɛ gána lɛ nɛ.

Zeremii 23:6

Bɛa waáraa kəni, Zudaa gána á re goɛ̃ a din gɔn wìi á lɛa, Izirayeli zaman goã yii-nyɛɛ la. Ǹ bɛ́ re tɔ mɛn koe a ganaa, á ke: «Dɛnaa Lawa n wɔ kirisibaali lɛa.»

Zeremii 31:23

Dɛnaa Lawa Pàãyiidɛnaa, Izirayeli a Lawa n kɛ pii: – Bɛ̀ má wusoo má Zudaa gána laanka a kiwin giã ǹ gɔn zizi kɛ kɔ ǹ la ǹ mɛn waáraa, minin tá re kɛa boon kɛn pii doo: «Peperebaa bɛ́ bǎã mɛn nɛ, kele sonbore, Dɛnaa Lawa barka da n ganaa.»

Rɔmu minin 11:26

Bɛa yɔrɔ kɛ lɛ la, Izirayeli minin dɔn tumaa á re kirisibiɛ, ká a bɛ́ á n kiɛ̃ lɔn: «Nyin-sili lɛ n die boe *Siɔn kele la Zeruzalɛmu kiwi, a n die Zakɔba tɔrɔ minin kɛn Lawa bɔlɔ-tii nyɛɛ.

Rɔmu minin 3:26

Lawa ná a peperebaa nyaa kanna, min mɛn dɔ bɛ́ golee Yezu li, a n bɛa dɛnaa dɔ biɛ min pepere lɛa.