Izayii 33:2 - LAWA A BOO SONBORE

² Dɛnaa Lawa, makara bɔ wɔ ganaa! Wɔ foo n doa nɛ n din ganaa. Baraabaraa baayɛlɛ, goã wɔ pàã lɛa, n wɔ kirisibaa koe pinaa.

LAWA A BOO SONBORE 2011

² Dɛnaa Lawa, makara bɔ wɔ ganaa! Wɔ foo n doa nɛ n din ganaa. Baraabaraa baayɛlɛ, goã wɔ pàã lɛa, n wɔ kirisibaa koe pinaa.

Izayii 33:2 ပူးပေါင်းရင်းမြစ်များ

Loen 123:2

Bɛ̀rɛgiĩ bɛ́ n yii diɛ a goledɛnaa gɔn li lɔn, bɛ̀rɛlɔ bɛ́ n yii diɛ a goledɛnaa gɔn li lɔn, Dɛnaa Lawa wɔa Lawa, wɔ dɔn manə n yii diɛ n dɔ gɔn li miɛ̃, wáa n da makara bɔ wɔ ganaa.

Loen 143:8

Bɛ̀ lɛ̀ waa lɔn, n kɔn-narɛɛ gole kɛ nyaa ma nɛ, a giala, ma foo n doa nɛ n din ganaa. Ma doamaa bɛ́ ma zii mɛn saa, bɛ nyaa ma nɛ, a giala, ma yii nə n din la.

Loen 25:3

Min mɛn tumaa bɛ́ n foo doɛ n ganaa, sìi ba re bɛ kɔn kuĩ wa. Sɛnɛ, min mɛnɛn bɛ́ n piɛ̃ n nɛ, mìi ná a ba la wa, bɛn wɔ n ka sìi ni.

Loen 27:1

Davida a loe n ke. Dɛnaa Lawa n masɛ a tɛ fúlu laanka ma kirisibaali lɛa, man die nyɛ́ɛ biɛ die nyɛɛnɛ? Dɛnaa Lawa n ma nyin-tamaali lɛa, ma gɔ̀nɔn nə die bìn diɛ die nyɛɛnɛ?

Loen 33:22

Dɛnaa Lawa, wɔ bɛ́ wɔ́ n foo doa n din ganaa, toa n kɔn-narɛɛ gole kɛ goã wɔ li.

Loen 37:39

Dɛnaa Lawa n min sonboren kirisibiɛ. A din nə ǹ tamaɛ fuu-yɛ biikoo li.

Loen 46:1

LOE-saalin goledɛnaa loe mɛn lɔ. Koore a nɛnyaanan loe, manə n lɛn siɛ lon a lɔ li.

Loen 46:5

Sɛnɛ, tà kɔn tan, a gòãn nə́ Lawa a kiwi kɛ foo kɔɔ̃n koe, Lon a Lawa Gole a giã ǹ bǎã sonbore kɛ lɛ.

Loen 50:15

Bɛ̀ fuu dɔ n ganaa ǹ mɛn pinaa, ma bíi wɔ, ma á re n kirisibiɛ, n tá re ma guguru koe.

Loen 60:11

Die n die woe ma-n yǎa Edɔmu gána nɛ? Die n die a kiwi kaka kɛ kuĩ, a kɔ ma la,

Loen 62:1

LOE-saalin goledɛnaa loe mɛn lɔ. Yedutun na á lɔ. Davida a loe n ke.

Loen 62:5

Ka nə n doɛ mà yǎa ka boe a bǎã nɛ. Soɛ-bɔ n kɔɔ̃n ka ganaa. Ka n Lawa bǐɛ̃ bíi ka ka lɛ nɛ, sɛnɛ, ka n dì bíi ka gɔ́ɔ̃ nɛ. *Doa.

Loen 62:8

Maa kirisibaa laanka maa guguru-kɔ n doa-n Lawa ganaa. A din nə maa kɔmalɛ wole kaka lɛa, maa duru ǹ bǎã nɛ.

Loen 90:15

N nɔmaa da wɔ mìi-n lɛawaan mɛnɛn li, koe bɛ́ á bɔ wɔ ganaa lɛ̀n mɛnɛn gɔ́ɔ̃ nɛ, foo kɔɔ̃nbaa kɔ wɔ la bɛ doo.

Loen 91:15

Bɛ̀ á lɛ dia ma la, ma á re n nyii la. Bɛ̀ fuu yɛ, ma á re goɛ̃ kun ni. Ma á re boe ma da, ma gugurubaa kɔ la.

Bɔ bɛ̀rɛbaa nɛ 14:27

Muizu nə́ n gɔn saa lon tà lɛ la. Haya, lɛawaa biikoo li, tà mu wusoo a ná a lɛlɛ a giã ǹ gɔn saa. Ezipti minin lɛn baasiimaa nə́ n da mu lɛ lɛ gɔrɔ. Dɛnaa toa ǹ nə́ papaã li.

Izayii 17:10

Izirayeli, n yiri bɔ n kirisibaa wole Lawa nɛ. Gɛ̀fu mɛn bɛ́ n tamɛɛ, n yiri bɔ ka bɛ nɛ. Bɛ lɛ nɛ, n da tɔrɔ sonboren zumu, n tá lawa soreen guguru koe.

Izayii 25:4

a giala, ń pàãwɛɛnaan mìi duru ǹ bàã baa, ma n doobaan tamɛɛ fuu biikoo li, ma n mìi duru ǹ bǎã lɛa la giulun, ma n wúlu lɛa wasa li. Taãn nɛ, min kakarɛn foo yoo n ka la bɛ́ lɔn kungɔn ganaa,

Izayii 25:9

Bɛa pinaa, wɔ á re pii: «Á ke, a din ni wɔa Lawa lɛa, wɔ foo n doa nɛ a din ganaa. A n wɔ kirisibiɛ. Taãn nɛ, wɔ foo n doa nɛ Dɛnaa Lawa ganaa. Wɔ ǹ bɛ̀ biɛ ka foo kɔɔ̃n nɛ, wɔ nə n nyɛnyɛɛ, a giala, á wɔ kirisibaa!

Izayii 26:16

Dɛnaa Lawa, koe biikoo li, manə n bɔyɛɛ die n din li. Bɛ̀ ń dɔlɔ bɔ ǹ ganaa, manə n nyankoe ka lɛn basiɛ̃ nɛ.

Izayii 26:8

Sonbore, Dɛnaa Lawa, n bɛ́ ń zii mɛn nyaa wɔ nɛ, wɔ n koe lɛ, wɔ foo n doa nɛ n din ganaa. Sii mɛn bɛ kɔɔ̃n wɔ ganaa, wɔ n tɔ bɔ, wɔ n taasɛ ka n din ni.

Izayii 37:3

Ǹ nə́ pɛ Lawa a dia dí-a wole lɛ-n kɛnɛn: – Ezekiasi a boo á ke: «Pelo á lɛawaa kɛ n foo ziziɛ̃ ǹ lɛawaa lɛa. Dɔlɔ lɛawaa nɛ, sìi lɛawaa nɛ. Ká ǹ bɛ pii lɔn, nɛnyaan lɛ a yɛ dɔ, sɛnɛ, pàã ba ǹ dan lon á yii wa.

Izayii 40:10

Á ke, kaa Dɛnaa Lawa n die ka pàã gole ne. Pàã tá a lon, a giã minin mìi la. Á ke, a màn mɛn yɛ, a n die ka bɛ nɛ. A n die ka a dí a saraa nɛ.

Izayii 51:5

Peperebaa mɛn bɛ́ ma á die ne, á diri. Kirisibaa biikoo dɔ. Man die kiri we tɔrɔn ganaa ka pàã gole ne. Tɔrɔn mɛnɛn bɛ́ mu nə́ ǹ gánan da bii, bɛn tá re n foo doɛ ma ganaa. Ǹ tá re n foo doɛ ma pàã ganaa.

Izayii 59:16

Á yɛ mà min kɔn banban, mà min kɔn ba gòã kũ diɛ wa, bɛ́ tɔwaa baa a ganaa. Bɛ lɛ nɛ, a din tá re sii zɛnɛɛ. A peperebaa lɛ na á pàã kɔ la.

Izayii 8:17

Ma nə n yii diɛ Dɛnaa Lawa la. Á n yɔrɔ bɔyaa bɔrɔ á bɔ Zakɔba tɔrɔn la. Sɛnɛ, masɛ yii n doa-n a din la.

Zeremii 14:8

Nsɛ, Izirayeli a foo doa ǹ bǎã, nsɛ mɛn bɛ́ a kirisibiɛ koe biikoo li, kanna kəni, a n siɛ lɔn, n tá n din biɛ ká tii bɛ́ lɔn gána lɛ nɛ, ká kiɛ̃ wole bɛ́ lɔn tèlò zii goon gɔ́ɔ̃ nɛ.

Busii pɛ 3:23

Maǹ màn dii lɛa baraabaraa baayɛlɛ. A bɔlɔgoondɛnaabaa miã banban.

Ozee 14:2

Izirayeli, wusoo n da Dɛnaa Lawa, n Lawa li, a giala, n sii baraa lɛ na á toa n mɛnaa.