Izayii 32:6 - LAWA A BOO SONBORE

⁶ A giala, baãnaa n baãnaabaa ǹ boo diɛ. A nə n taasɛ sii baraa zɛnaa dinsɔɔ̃ ganaa. A n sii bɔbɔnɛɛn zɛnɛɛ. A n sɔ koe Dɛnaa Lawa ganaa. A ba màn-bii koe bòonaa la wa, A ba mu koe mu borodɛnaa la wa.

LAWA A BOO SONBORE 2011

⁶ A giala, baãnaa n baãnaabaa ǹ boo diɛ. A nə n taasɛ sii baraa zɛnaa dinsɔɔ̃ ganaa. A n sii bɔbɔnɛɛn zɛnɛɛ. A n sɔ koe Dɛnaa Lawa ganaa. A ba màn-bii koe bòonaa la wa, A ba mu koe mu borodɛnaa la wa.

Izayii 32:6 ပူးပေါင်းရင်းမြစ်များ

Loen 141:4

Boo baraa diɛ kɛ bɔ, n bɔ ma yiri ni, n nyan toa ma kɔ min baraan kɛn zɛnaa ǹ sii lɛ wa. Ǹ zɔ́n màn-bii kɛ baran wɔ ma lɛ-n wa.

Suusun 19:3

Minbuiin nɛn sii kooro zɛnaan man toɛ ǹ tá siɛ̃. Bɛ kio, ǹ foo n yoo-n Dɛnaa Lawa li.

Suusun 24:7

Yiriwɛɛnaa a boe la a sii-dɔ̃li baa wa. Bɛ lɛ nɛ, bɛ̀ ǹ tá kiwi a sii yɔrɔ boe, a n lɛ tã.

Izayii 10:2

Bɛa yɔrɔ lɛ la, ǹ ba kiri pepere we doobaan man wa. Min mɛnɛn bɛ́ pàãwɛɛnaan lɛa maa zaman bii, maǹ pàã nyɛɛ bɛn manɛ. Maǹ lɔ giɔɔrɔn lon dudui, ǹ nə́ mɛnɛɛ nɛ toenən la.

Izayii 10:6

Man Asiirii a sɔraasin diɛ tɔrɔ bɔlɔgoonbaãdɛnaa gialaa. Tɔrɔ mɛn bɛ́ ma foo yui, maǹ nə n yɔrɔ diɛ bɛn la, ǹ nə ǹ kokoo, ǹ nə ǹ naforon goa! Ǹ nə́ ǹ tɔtɔrɔ ka zii gialaa ǹ bɛrɛɛ bɛ́ lɔn.

Izayii 26:10

Sɛnɛ, bɛ̀ makara nə́ n bɔ min baraa ganaa, a ba n darɛɛ peperebaa zɛnaa a wa. Peperebaa bɛ́ gána mɛn nɛ, a n sii baraa zɛnɛɛ walan dɔn. A yii ba Dɛnaa Lawa a golebaa kɛ ganaa wa.

Izayii 3:15

Ka n maa zaman nɔmɛɛ, ka n pàã nyɛɛ doobaan nɛ. Bɛ giala mà wàa kəni?» Dɛnaa Lawa Pàãyiidɛnaa a da ǹ boo ne.

Izayii 31:2

A da yaa, a dɔ á sii doɛ̃. Á boe la a da ka koe ne, a wusii a da ǹ boo kio wa. A n yui min baraan lɛ sɔkɔn gialaa, ka sii baraa-zɛnaalin dɔmalɛ nɛ.

Izayii 59:13

Dɛnaa Lawa, wɔ n bɔlɔ tii. Wɔ n yiri sã. Wɔ n wɔlɔ lui n ganaa, wɔa Lawa. Mɛnaa minin la boo na á goã wɔ lɛ-n, ka gòãn dii boo ne. Soɛ boon dininsɔɔ̃nɔn man wɔ foo ne.

Izayii 59:7

Ka gòã yii n fuu sii baraa zɛnaa ganaa. Ka nə n nanaɛ̃ woe yii tì-an mà kiɛ. Ka ǹ sii baraa zɛnaa dinsɔɔ̃ taasɛ. Ka bɛ boe bǎã mɛn tumaa nɛ, kakaarɛbaa laanka basaã nɛ.

Izayii 9:17

Sonbore, baraabaa n kuĩ ka tɛ bɛ́ lɔn, a n nyan tɔrɔ tumaa kuĩ daã gòã li ǹ da bisin tumaa nɛ, a tɛmaa n dii lon kurukuru.

Zeremii 13:23

Etiopii min tá boe la a n gɔ̀nɔn ki bɔyaa? Goe á boe la a na a sisiabaa kɛ bɔ a din ganaa? Haayii! Kasɛn mɛnɛn dɔn lɛ mui ka sii baraa zɛnaa nɛ, ka ǹ siɛ lɔn ka boo sii bǐɛ̃ zɛnaa la.

Ezekieli 34:18

Buu sonbore ke ka á soɛ̃, bɛ na a doe ka yii li wa? Buu mɛn bɛ́ á goã, wàa na á baa, ka á tɔtɔrɛ bɛ la? Ka bɛ́ mu sonbore yii ka á mii, bɛ na a doe ka yii li wa? Wàa na á baa, ka tá a gialakun kɛ yii lɔlɛkɔn ka ka gòãn nɛ?

Amɔɔsi 8:6

Wɔ n die nɔmaa-wɔle pii ka wɔrɔ nɛ, wɔ n baa bɛ̀rɛn lɛa. Wɔ n die doobaa lonkoe ka kɔsɔ nɛ. Wɔ á re wɔa *belee we din siɛ̃!

Matiə 15:19

A giala, taasiɛ naarɛn lɛn man boe a foo ne, bɛn lɛn man diɛ gɛ̀ dɛ ganaa, ka naarɛbaa nɛ, ka kɔrɔbaa nɛ, ka wurumubaa nɛ, ka soɛ-bɔ nɛ, ka min kɔsɔ tɔ ziziɛ̃ nɛ.

Matiə 23:13

Yezu tɔ́n pɛ: – Kasɛn landa sii-daraalin laanka Fariziɛ̃ gɔ́ɔ̃ tì-an kɛn, bɔ̀n na á ka yɛ! Ka n lon a kiibaa ǹ bǎã lɛ a wɔ ǹ kiɛnlɛ tiɛ̃ minin ganaa. Ka dinin ba we wa, min mɛnɛn bɛ́ li ǹ wɔ, ka a toɛ bɛn dɔn tá we wa! [

Zaaki 1:27

Zii mɛn bɛ́ siĩni, á n pepere dɔn Díi Lawa yɔrɔ-a, bɛ n ka kɛ nɛ: N nə n dɔ nɛ-toenən laanka lɔ giɔɔrɔn lɛ ǹ nɔmaa gɔ́ɔ̃ nɛ, n nə n parabaa ka kanaa siin ni, màn mɛn bɛ́ toɛ, n baran gɔ̀ lɔ n din ganaa wa.

Samayeli1 24:13

Dɛnaa Lawa die a sii lɛ kuru wɔ biin ni! Dɛnaa Lawa die a masɛ a dòo bɔ n ganaa! Sɛnɛ, masɛ gɔn ba re miɛ n ganaa wa.