Izayii 32:19 - LAWA A BOO SONBORE

¹⁹ La gii n die kiɛ daã lɛ la, kiwi lɛ á re wurii.

LAWA A BOO SONBORE 2011

¹⁹ La gii n die kiɛ daã lɛ la, kiwi lɛ á re wurii.

Izayii 32:19 ပူးပေါင်းရင်းမြစ်များ

Izayii 10:18

Daã sonboren kɛn, a n die bɛn kuĩ lenlen, a da nɛ-kɔle kɛ tumaa ziziɛ̃ lenlen. Asiirii n die goɛ̃ ka busulə mɛn nə́ ke, a pàã n nyɛɛ.

Izayii 10:19

Dan mɛnɛn bɛ́ re goɛ̃ daã lɛ nɛ, nɛnyaan boɛɛn din tá re ǹ nimii a ǹ lɛ dɔ̃.

Izayii 10:33

Á ke, Dɛnaa Lawa Pàãyiidɛnaa n da gùrùn yiyiɛ ka pàã nɛ, a n da lɛwɔnɔn yiyiɛ, a n da sɔsɔrɔn woɛ̃ ǹ naɛ tán.

Izayii 24:10

Kiwi gɔ́ɔ̃ kooro-a lɛ kaa. Kionən tumaa lɛ tiɛ̃maa nɛ. Min kɔn ba boe la á we doo wa.

Izayii 24:12

Kiwi gɔ́ɔ̃ nɛ, kɛbɔlɔ dinsɔɔ̃ nɛ. A kiɛnlɛ ziziɛ̃, á kaa.

Izayii 25:2

Ń kiwi lɛ baa kɛbɔlɔ lɛa, bɛa kiwi tamaa wole lɛ, ń wuru lenlen. Tiin kiwi tamaa wole lɛ, bɛa kiwi biɛ doo wa. A re wusii a n dɔ doo duduu wa.

Izayii 25:4

a giala, ń pàãwɛɛnaan mìi duru ǹ bàã baa, ma n doobaan tamɛɛ fuu biikoo li, ma n mìi duru ǹ bǎã lɛa la giulun, ma n wúlu lɛa wasa li. Taãn nɛ, min kakarɛn foo yoo n ka la bɛ́ lɔn kungɔn ganaa,

Izayii 26:5

Min mɛnɛn bɛ́ giã-n kele mìin ni a n bɛn boe ǹ kiɛ. Kiwi mɛn bɛ́ tamaa nɛ, a n bɛ ziziɛ̃. An noɛ̃ á zũ tán furu-n, a zũ gusuũ li.

Izayii 27:10

Kiwi ke tamaa nɛ, min kɔn ba re goɛ̃ bɛ-n doo wa. A gɔ́ɔ̃ kooro n die goɛ̃, ǹ tá re n la boe a ganaa ka diə gole bɛ́ lɔn. Diin tá re buu soɛ̃ walan, ǹ tá re n susui a nɛ, ǹ tá re a da bisinin luu soɛ̃.

Izayii 28:17

Peperebaa n die goɛ̃ maa màn zɔ́ɔ̃ ǹ màn lɛa, kiri pepere n die goɛ̃ maa biɛ nàn lɛa.» La gii á re kaa minin sã ǹ mìi duru ǹ bǎã kɛ ziziɛ̃. Mu á re n koe kaa duru ǹ bǎã kɛ lɛ.

Izayii 28:2

Min kaka n ke, pàã ná a lon, Dɛnaa n bɛ lɛ diɛ. A na á kɔnbɔ ka la nɛ, kiɛ ka gii ni, basaã koe, la gole lɛa a mu bǎã tumaa si á n kɔ lɛ. Bɛa min kɛ n màn tumaa ziziɛ̃ ka pàã nɛ.

Izayii 29:4

N tá re mɛnɛɛ, n lɛn nə die goɛ̃ ka a n boe nyankɔrɔ zuzulu ni. Gusuũ a re toɛ n lɛn ma wa. A n ka a n boe tán giulun, ka nyín-biili lɛn bɛ́ lɔn, boo diɛ gusuũ li.

Izayii 30:30

Dɛnaa Lawa lɛn tá re boe ka paraa gole ne. Á re n pàã nyɛɛ, ka a foo-yoo ne ka kurukuru, á re nyɛɛ tɛ bii la gole li kiɛ ka la gii ni.

Izayii 37:24

Ma nə ń sɔ kɔ masɛ Dɛnaa ganaa, n dí-nyalin barka nɛ. Ma nə ń pɛ: Masɛ Senankeribu, maa ziabaa ǹ wotoron kɛn pàã nɛ, má dii kele sasan mìi ni, yǎa Liban kele baã bii, má a *sɛdrə da sonboren kuru, ka a siprɛsi da sonboren ne. A kele lɛ a mɛn mìi la bɛ́ lon, á la ǹ miãn tumaa nɛ, ma gɔn dɔ bɛ ganaa, kɔnlɛ ka a daã sonbore kɛ nɛ.

Nahumu 1:1

Boo mɛn nə n da Ninivu wɔ paǹ li, Elkɔɔsi min Nahumu a sii-yɛn manɛ.

Nahumu 1:8

Sɛnɛ a n die Ninivu yui lenlen ka mu gole ne. A na a zɔ́ɔn papaɛ̃, a nə́ ǹ kiɛ wɔlɔ tì biribiri li.

Zakarii 11:2

Siprɛsi dan, ka gini, a giala, sɛdrə dan nə́ kaa, bɛa da siĩn-siĩnin lɛn nə́ bɔ̀n baa. Basan da sɔsɔrɔn, ka toa kaa ginii wuu bɔ, a giala, ǹ nə́ kaa daã kɛkɛ lɛ dɛ.

Matiə 7:25

La kaa, pɛrɛn nə́ pã ǹ nə́ toɛ̃, piɛ̃ gole yoo, sɛnɛ, kion lɛ kaa wa, a giala a gòã na á n daa tataã la.

Sii-nyaan 18:21

Bɛ ganaa, lon a dia dí-a wole kaka goon tɔ́n kɔlɔ saa, a gugurubaa n ka wii lɔ ǹ gii bɛ́ lɔn, á zũ yìsi mu li, á pɛ: «Kɔlɔ kɛ nə n zũ ka pàã mɛn nɛ, maǹ die Baabilonii kiwi gole kɛ dɔ zuĩ tán miɛ̃, min kɔ́n ná a re yii doo wa.

Sii-nyaan 8:7

Lon a dia dí-a wole bibinaa bɛ́ a ná a bɛn pɛ, la gii bɔ a nɛ kun ka tɛ nɛ, lɔlɛ-n kɔn ka mà nɛ, ǹ nə́ kaa tán la. Á tán talakɔn sɔɔbaa ǹ wɔ kũ ka lenlen, á dan talakɔn sɔɔbaa ǹ wɔ dɔ kũ, buu buruu mɛn tumaa bɛ́ tán la á bɛ dɔ kũ ka lenlen.