Izayii 32:14 - LAWA A BOO SONBORE

¹⁴ A giala kii a kion gɔ́ɔ̃ kooromaa nɛ. Min kɔn ba kiwi bìn dale kɛ-n doo wa. Ofɛli dala laanka wɔlɔ lɛduə̃ ǹ sanabolo ke, ǹ nə́ n la bɔ bɛn ganaa duduu. Ǹ nə́ don dundunun susu ǹ bǎã baa, tɔɔn buu sɔ̃ ǹ bǎã lɛa.

LAWA A BOO SONBORE 2011

¹⁴ A giala kii a kion gɔ́ɔ̃ kooromaa nɛ. Min kɔn ba kiwi bìn dale kɛ-n doo wa. Ofɛli dala laanka wɔlɔ lɛduə̃ ǹ sanabolo ke, ǹ nə́ n la bɔ bɛn ganaa duduu. Ǹ nə́ don dundunun susu ǹ bǎã baa, tɔɔn buu sɔ̃ ǹ bǎã lɛa.

Izayii 32:14 ပူးပေါင်းရင်းမြစ်များ

Kiin2 25:9

Á tɛ da Lawa a kion kɛ laanka kii a kion ganaa, ka Zeruzalɛmu kiwi a kionən tumaa nɛ. Á tɛ da min dadaran kionən tumaa ganaa.

KZS2 33:14

Bɛa siin kɛn kio, Manaasee kungɔn dɔ á woo lon, "Davida a kiwi" lɛ a kanaa la. Bɛa kungɔn lɛ-n boe Giɔn mu yala kɛa lɛ̀nyɛɛn gɔn la, a n kiɛ̃ woe boe Sedrɔn a nyankɔrɔ basa kɛ nɛ yǎa zɔ̀nɔn kiɛnlɛ-a, a Ofɛli dala kɛ lɛnpɛnɛ. Manaasee sɔraasin nyɛɛnaandɛnan koa Zudaa kiwi kɛn tumaa nɛ tamaa nɛ.

Nehemii 3:26

Min mɛnɛn bɛ́ giã-n Ofɛli ǹ nə́ dí nyɛɛ Lawa a kion, bɛn dɔn nə́ goã ǹ nə́ dí nya yǎa ǹ nə́ dɔ Mu kiɛnlɛ kɛ yɔrɔ-a, lɛ̀giala li, ka sanabolo solo kɛ dɔ nɛ.

Loen 104:11

Don mànan tumaa n bɛ lɛ mii, don a dundunun manə ǹ mu boro nyɛɛ ka bɛ lɛ nɛ.

Izayii 22:2

Zeruzalɛmu, a n siɛ lɔn bìn diɛ á boe kiwi lɛ-n kɛnɛn, mànan wuu n boe, kiwi lɛ n zɔ́n la? Zia nə n geren lɛn bii wa, ǹ bie ǹ nə́ ǹ dɛ ziabaa ǹ bǎã-n wa.

Izayii 24:10

Kiwi gɔ́ɔ̃ kooro-a lɛ kaa. Kionən tumaa lɛ tiɛ̃maa nɛ. Min kɔn ba boe la á we doo wa.

Izayii 24:12

Kiwi gɔ́ɔ̃ nɛ, kɛbɔlɔ dinsɔɔ̃ nɛ. A kiɛnlɛ ziziɛ̃, á kaa.

Izayii 25:2

Ń kiwi lɛ baa kɛbɔlɔ lɛa, bɛa kiwi tamaa wole lɛ, ń wuru lenlen. Tiin kiwi tamaa wole lɛ, bɛa kiwi biɛ doo wa. A re wusii a n dɔ doo duduu wa.

Izayii 27:10

Kiwi ke tamaa nɛ, min kɔn ba re goɛ̃ bɛ-n doo wa. A gɔ́ɔ̃ kooro n die goɛ̃, ǹ tá re n la boe a ganaa ka diə gole bɛ́ lɔn. Diin tá re buu soɛ̃ walan, ǹ tá re n susui a nɛ, ǹ tá re a da bisinin luu soɛ̃.

Izayii 3:26

Bɛa biikoo li kəni, kiwi min tumaa á re gɛ̀ koɛ, ǹ gini ka lɔ mɛn nə́ ke giã-n tán furu-n, a gɔn màn tumaa bɔ̀n baa.

Izayii 5:9

«Ma liɛ ǹ boo mɛn ma Dɛnaa Lawa Pàãyiidɛnaa lɛ-n, bɛ á ke: Kion dadara sonbore gigiã tá re kɛbɔlɔ biɛ, min kɔn ba re giɛ̃ ǹ nɛ wa.

Izayii 6:11

Má tɔ́n nɔ̀n da: «Yǎa biĩ kəni Dɛnaa?» Á ma lɛ si kɛnɛn: «Yǎa bɛ̀ ǹ nə́ ǹ kiwin lɛn yu lenlen, min goon ná a ba ǹ nɛ wa, bɛ̀ ǹ nə́ ǹ kionən gɔ́ɔ̃ duduu, ǹ wurun nə́ diə gole baa.»

Izayii 7:23

Bɛa pinaa kəni, wuru mɛn bɛ́ *rezɛ̃ da duu goon (1 000) ná a nɛ, a n kɔnpii wɔrɔ we duu goon ne, ǹ tá re n la boe bɛ ganaa a nyan tewon baa.

Zeremii 14:6

Don dundunun man golee kele mìi kooro-an la. Maǹ piɛ̃ yoe ka tolokan bɛ́ lɔn. Ǹ nə́ ga buu li ǹ nə́ nɔmaa, sɛnɛ buu banban wa.

Zeremii 33:4

Masɛ Dɛnaa Lawa, Izirayeli a Lawa n kɛ pii Zeruzalɛmu a kionən laanka Zudaa a kii kionən wɔ paǹ li. Ǹ wuriimaa nɛ. Là ba a ganaa ka zia baa *Baabilonii minin sɔraasin ganaa wa. Bɛ̀ ka bɛ zɛnaa, kiwi lɛ n die piɛ̃ ka geren ne, maa foo yoo gole kɛ taman yii. Zeruzalɛmu minin sii baraa la yii ni, bɛ lɛ nɛ má n dɔ̀ɔ̃ wɔ ǹ nɛ.

Zeremii 52:27

Baabiloniin kii nə ǹ dɛ walan, Amaati gána nɛ. Maǹ nə́ woo ka Zudaa zaman nɛ gùli kɔ ǹ bǎã nɛ ka kɛa yɔrɔ kɛ lɛ nɛ, sɔsɔɔ ǹ gána ganaa.

Zeremii 6:5

Ka yoo! Ka wɔ n ta a gialaa tèlò-n, wɔ a kion sonboren kɛn ziziɛ̃!»

Ozee 2:3

Ka pɛ ka dɔɔ̃ngiĩn lɛn manɛ: «Amii, maa zaman.» Ka pɛ ka dɔɔ̃nlɔn lɛn manɛ: «Urukama, ma á re makara boe ka ganaa.»

Misee 3:12

Bɛ lɛ na á toa, ka dinin kɛn lɛn taman yii, Zeruzalɛmu á die kɛbɔlɔ biɛ, ǹ tá re Siɔn kele kɛ kɔsɛ wuru lɛa, kion bǎã lɛ a kele lɛ á re daã biɛ.

Sofonii 2:15

Ninivu n die goɛ̃ kɛnɛn lɛn, asɛ mɛn bɛ́ á goã foo kɔɔ̃nbaa la, ka là nyantoro ne, a n pii a gɔ́ɔ̃ nɛ: «Min kɔn ba ka wɔ bɛ́ lɔn wa!» Sɛnɛ, Ninivu kɛbɔlɔ baa á don siĩn duru ǹ bǎã baa. Min mɛn tumaa bɛ́ kiɛ̃ walan, maǹ puru diɛ a ganaa, ǹ nə́ n gɔn pɛsɛ̃.

Sofonii 2:7

Zudaa tɔrɔn mɛnɛn yii goã koo bǎã lɛ n die goɛ̃ bɛn wɔ lɛa. Maǹ die ǹ tɔɔn lɛduĩ walan, wasamiɛ̃nɛ, ǹ wo waa tán Asikalɔn a kionən kɛn nɛ. A giala, Dɛnaa Lawa, Zudaa tɔrɔn Lawa n die n yiri koɛ ǹ li, a wusoo doo, a bǐɛ̃ kɔ ǹ ganaa ka gɔn nyɔmiɛ̃ sonbore ne.

Luku 21:20

«Ka bɛ́ re zia gɔnɔn yii ǹ mɛn waáraa Zeruzalɛmu kiwi lɛnpɛnɛ, ka dɔ̃ mà a yu biikoo dɔ.

Luku 21:24

Ǹ tá re zia biɛ ǹ ganaa, ǹ nə ǹ tɛnɛn dɛ ǹ gã, ǹ wo ǹ gialakunun ni gána kɔsɔn kɛn tumaa nɛ kòso nɛn lɛa. Tɔrɔ kɔsɔn tá re basaã koe Zeruzalɛmu kiwi lɛ nɛ, Lawa din nə biikoo mɛn kɔ ǹ la, yǎa bɛ́ kiɛ̃.