Izayii 32:13 - LAWA A BOO SONBORE

¹³ Ka wuu pɛ maa zaman a tán la, ǹ mɛn bɛ́ nyan da si á n kɔ lɛ. Ka wuu pɛ kiwi zɔ́n-zɛnaali kɛa kionən la, foo kɔɔ̃n bɛ́ ǹ mɛnɛn nɛ.

LAWA A BOO SONBORE 2011

¹³ Ka wuu pɛ maa zaman a tán la, ǹ mɛn bɛ́ nyan da si á n kɔ lɛ. Ka wuu pɛ kiwi zɔ́n-zɛnaali kɛa kionən la, foo kɔɔ̃n bɛ́ ǹ mɛnɛn nɛ.

Izayii 32:13 ပူးပေါင်းရင်းမြစ်များ

Loen 107:34

Á boe la a tán sonbore bɔyaa a baa fu ka yìsi bɔ ǹ bǎã nɛ, bǎã lɛ a minin baraabaa taman yii.

Izayii 22:2

Zeruzalɛmu, a n siɛ lɔn bìn diɛ á boe kiwi lɛ-n kɛnɛn, mànan wuu n boe, kiwi lɛ n zɔ́n la? Zia nə n geren lɛn bii wa, ǹ bie ǹ nə́ ǹ dɛ ziabaa ǹ bǎã-n wa.

Izayii 23:7

Lɛlɛ lɛlɛ, ka dinin kiwi lɛ bie á goã a foo n kɔɔ̃nɛ, a n minin diɛ bǎã sɔsɔɔ nɛ, bɛ̀ ǹ wo pii kɔ ǹ kionən doa wa?

Izayii 23:9

Dɛnaa Lawa Pàãyiidɛnaa na á golee bɛ li, màn mɛn bɛ́ toɛ a din koa wolen kɛn gisĩ, a kanaa a min dadaraan kɛn yii puusə kɔ.

Izayii 24:11

Ziin la, minin manə n lɛ-dii duvɛ̃ li. Nyɛnyɛɛ banban doo wa. Foo kɔɔ̃nbaa soo á n bɔ gána lɛ nɛ.

Izayii 27:10

Kiwi ke tamaa nɛ, min kɔn ba re goɛ̃ bɛ-n doo wa. A gɔ́ɔ̃ kooro n die goɛ̃, ǹ tá re n la boe a ganaa ka diə gole bɛ́ lɔn. Diin tá re buu soɛ̃ walan, ǹ tá re n susui a nɛ, ǹ tá re a da bisinin luu soɛ̃.

Izayii 34:13

Nyan tewonən tá re piɛ̃ kion sonboren ne. Buu nyandɛnan laanka koronkoron tá re n koe ǹ kiwi tamaa ǹ kungɔnɔn lɛ. Á re tolokan laanka bɛndan giã ǹ bǎã biɛ.

Izayii 5:10

Rezɛ̃ wuru hɛktara sɔɔ din ba re duvɛ̃ litiri posooro boe wa. Min mɛn bɛ́ re *belee kilo paabiɛ diɛ, bɛ n die belee kilo fù dinsɔɔ̃ kuri.»

Izayii 5:6

Man die biɛ don lɛa. Min kɔn ba re a da gùrùn boe wa, min kɔn ba re a buu woɛ̃ wa. Nyɛn dan tá re boe a nɛ. Ma á re labaran kurii ǹ baran la kaa a ganaa wa.

Izayii 55:13

Siprɛsi dan tá re boe nyan tewonən bǎã nɛ, Da gìĩ kɔɔ̃n tá re nyan dan bǎã siɛ. Bɛ tumaa n die n zɛnɛɛ màn mɛn bɛ́ toɛ Dɛnaa Lawa tɔ nə n saa lon. Bɛ n die goɛ̃ sii a kɔnboe lɛa yǎa duduu, a ná a papaɛ̃ wa.

Izayii 6:11

Má tɔ́n nɔ̀n da: «Yǎa biĩ kəni Dɛnaa?» Á ma lɛ si kɛnɛn: «Yǎa bɛ̀ ǹ nə́ ǹ kiwin lɛn yu lenlen, min goon ná a ba ǹ nɛ wa, bɛ̀ ǹ nə́ ǹ kionən gɔ́ɔ̃ duduu, ǹ wurun nə́ diə gole baa.»

Izayii 7:23

Bɛa pinaa kəni, wuru mɛn bɛ́ *rezɛ̃ da duu goon (1 000) ná a nɛ, a n kɔnpii wɔrɔ we duu goon ne, ǹ tá re n la boe bɛ ganaa a nyan tewon baa.

Zeremii 33:4

Masɛ Dɛnaa Lawa, Izirayeli a Lawa n kɛ pii Zeruzalɛmu a kionən laanka Zudaa a kii kionən wɔ paǹ li. Ǹ wuriimaa nɛ. Là ba a ganaa ka zia baa *Baabilonii minin sɔraasin ganaa wa. Bɛ̀ ka bɛ zɛnaa, kiwi lɛ n die piɛ̃ ka geren ne, maa foo yoo gole kɛ taman yii. Zeruzalɛmu minin sii baraa la yii ni, bɛ lɛ nɛ má n dɔ̀ɔ̃ wɔ ǹ nɛ.

Zeremii 39:8

Baabilonii minin nə́ tɛ da kii a kion gana Zeruzalɛmu ka Zeruzalɛmu minin kionən ne. Kungɔn mɛn bɛ́ Zeruzalɛmu kiwi tamaɛ, ǹ nə́ bɛ wuru.

Zeremii 52:27

Baabiloniin kii nə ǹ dɛ walan, Amaati gána nɛ. Maǹ nə́ woo ka Zudaa zaman nɛ gùli kɔ ǹ bǎã nɛ ka kɛa yɔrɔ kɛ lɛ nɛ, sɔsɔɔ ǹ gána ganaa.

Ozee 10:8

Ǹ wúlu bɔ ǹ bǎãn kɛn Avɛn bɛ́n tá re ziziɛ̃, Izirayeli sii baraa zɛnaa bǎã mɛn lɛ nɛ. Buu laanka nyan tá re boe ǹ wúlu bɔ ǹ bǎãn nɛ. Ǹ tá re pii bɛa biikoo li kəni: «Kelen lɛn, ka n kɔ wɔ lɛ! Tentenen lɛn ka bɔ ka mɛ wɔ la!»

Ozee 2:3

Ka pɛ ka dɔɔ̃ngiĩn lɛn manɛ: «Amii, maa zaman.» Ka pɛ ka dɔɔ̃nlɔn lɛn manɛ: «Urukama, ma á re makara boe ka ganaa.»

Ozee 9:6

Á ke, ǹ gána lɛ bɛ́ á ziziɛ̃, ǹ dinin nə́ baa si. Maǹ die woe n lɛ soekɔn Ezipti, Ǹ bĩ ǹ bǎã á re goɛ̃ Mɛmifisi. Ǹ gɔn màn giɔ̀mɔ kakan kɛn wɔrɔ lɛa koronkoron tá re bɛn sii a n kɔ lɛ. Nyan babaraan tá re ǹ kionən kɛn sii, ǹ nə n kɔ ǹ lɛ.