Izayii 32:11 - LAWA A BOO SONBORE

¹¹ Lɔ din narɛɛ wolen lɛn, ka gɔ̀nɔn tá re bìn diɛ, kasɛn mɛnɛn bɛ́ n dinin koɛ ka yɔrɔ á re kɔsɛ! Ka n sɔlɔ, ka n gɔ̀nɔn kooro da, ka gɛ̀ koa ǹ mɔnaan wɔ.

LAWA A BOO SONBORE 2011

¹¹ Lɔ din narɛɛ wolen lɛn, ka gɔ̀nɔn tá re bìn diɛ, kasɛn mɛnɛn bɛ́ n dinin koɛ ka yɔrɔ á re kɔsɛ! Ka n sɔlɔ, ka n gɔ̀nɔn kooro da, ka gɛ̀ koa ǹ mɔnaan wɔ.

Izayii 32:11 ပူးပေါင်းရင်းမြစ်များ

Loen 123:4

Á la wɔ yii ni, á wɔ gɔ̀nɔn bɔ. Din-yɛlen man wɔ diɛ yaa lɛa, din-koalin man wɔ tɔ ziziɛ̃.

Bɔ bɛ̀rɛbaa nɛ 33:4

Zaman lɛ bɛ́ á bɛa makara boo kɛ ma, ǹ yɔrɔ kɔsɛ parsiini, min goon din yɛ, a ná a nyaǹ bɔ ǹ mànan wɔ wa.

Izayii 15:3

Ziin la, gɛ̀ koa ǹ mɔnaan man minin ganaa. Banbaranan la ka zaman bǎãn nɛ, maǹ gɛ̀ loe loe, min tumaa n wuu pii.

Izayii 2:19

Dɛnaa Lawa bɛ́ re yui pin mɛn-a, a nyɛɛ da tán tumaa ganaa, ka á re kiɛ para yalan nɛ, ka wɔ tii li, ń giɛ Dɛnaa Lawa a foo-yoo, laanka a gugurubaa a tɛ pɛ kɛ nyan dɔ ka-a wa.

Izayii 2:21

Dɛnaa Lawa bɛ́ re yui pin mɛnaa, a nyɛɛ da tán tumaa ganaa, ka á re kiɛ para yalan nɛ, ka wɔ tii li, ń giɛ Dɛnaa Lawa a foo-yoo, laanka a gugurubaa a tɛ-pɛ kɛ nyan dɔ ka-a wa.

Izayii 20:4

Asiiriin kii á re Ezipti minin biɛ bɛ̀rɛn lɛa, a Etiopii minin goa a wo ǹ ne. A n die woe ǹ ne, nɛ tenən laanka min zizin ni, ǹ gɔ̀nɔn laanka ǹ gòã kooromaa, ǹ tontoro n diɛ nɛ. Bɛ á re sìi biɛ Ezipti minin ganaa.

Izayii 22:12

Bɛa pinaa kɛ nɛ, Dɛnaa Lawa Pàãyiidɛnaa na á goã li mà ka wuu pɛ, ka n lɛ dɛ, ka n mìi kɔɔ̃, ka gɛ̀ koa ǹ mɔnaan wɔ.

Izayii 3:24

Màn gìĩ kɔɔ̃n bǎã nɛ, màn bɔnɛɛ gìĩ á re goɛ̃ a tan, maabɛlɛ bǎã nɛ, biɛ nɛ, mìi-tiɛ̃ sonbore bǎã nɛ, mìi-koɛ̃ nɛ, mɔnaa sonboren bǎã nɛ, gɛ̀ koa ǹ mɔnaa nɛ. Sìi n die siĩnbaa bǎã siɛ.

Izayii 33:14

Siɔn kiwi, nyɛ́ɛ n zɛ̀rɛdɛnan ganaa. Min baraan gɔ̀nɔn nə bìn diɛ. Maǹ nɔ̀n diɛ: «Wɔ bii, die n boe la a n mɔrɔ tɛ baraa kɛ ganaa, hinlaa a diri tɛ girigiri kɛ la, a ná a nimi duduu wa?»

Izayii 47:8

Kanna kəni, n too kɔ kɛ li, nsɛ mɛn bɛ́ n din foo sii n kɔɔ̃nɛ n ganaa. Ma n giã-n tán kiĩni, n nə́ pii n gɔ́ɔ̃ nɛ: «Ma miã banban, min kɔn ba ka ma bɛ́ lɔn wa. Ma a giɔɔrɔ biɛ duduu wa. Maa nɛnyaanan ba bɔ̀n biɛ wa.»

Zeremii 4:8

Ka gɛ̀ koa ǹ mɔnaan wɔ, ka wuu pɛ, ka gini. Haayii! Dɛnaa Lawa a foo-yoo baraa lɛ nə n bɔ wɔ kio wa.

Zeremii 49:3

Ɛsibɔn minin, ka gɛ̀ koa ǹ loe lɔ, a giala Ayii kiwi yu! Rabaa lɛkoro-a kiwin, ka gú da! Ka gɛ̀ koa ǹ mɔnaan wɔ, ka foo ziziɛ̃ ǹ loe lɔ! Ka bɔ bǎã tumaa nɛ, kɛ ziin li: Amɔn tɔrɔn kii n woe gùli kɔ ǹ bǎã nɛ, kun ka a wúlu-bɔlen laanka a kiãn tumaa nɛ.

Zeremii 6:26

Maa zaman, ka gɛ̀ koa ǹ mɔnaa wɔ. Ka n birikəə̃ tii li. Ka gɛ̀ zɛnaa giala kɔ, ka nɛgiĩ goon toto wɔ bɛ́ lɔn. Ka gɛ̀ koa ǹ loe kɔɔsɛ lɔ. A giala, sisia bɛ̀ zɔ́ɔ basaã-kɔle lɛ dɔ ka ganaa.

Ozee 2:3

Ka pɛ ka dɔɔ̃ngiĩn lɛn manɛ: «Amii, maa zaman.» Ka pɛ ka dɔɔ̃nlɔn lɛn manɛ: «Urukama, ma á re makara boe ka ganaa.»

Zowɛli 1:8

Ka wuu pɛ ka n lala da, ka nɛniɛ mɛn nə ke, á giɔɔrɔ mɔnaan wɔ, a tá ǹ zuũ a gɛ̀ wuu pii.

Amɔɔsi 4:12

Bɛ lɛ na á toa, Izirayeli minin lɛn, ka sii mɛn zɛnaa, man die a dɔlɔ boe ka ganaa. A bɛ́ miɛ̃, Izirayeli minin lɛn, ma din bɛ́ n kaa Lawa lɛa, ka n yɔrɔ bɔ, ka da n da kaa Lawa lɛ.

Sofonii 2:15

Ninivu n die goɛ̃ kɛnɛn lɛn, asɛ mɛn bɛ́ á goã foo kɔɔ̃nbaa la, ka là nyantoro ne, a n pii a gɔ́ɔ̃ nɛ: «Min kɔn ba ka wɔ bɛ́ lɔn wa!» Sɛnɛ, Ninivu kɛbɔlɔ baa á don siĩn duru ǹ bǎã baa. Min mɛn tumaa bɛ́ kiɛ̃ walan, maǹ puru diɛ a ganaa, ǹ nə́ n gɔn pɛsɛ̃.

Timəə dí-pɛn 28:48

Dɛnaa Lawa bɛ́ re zɔ́ɔn mɛnɛn diɛ ka la, ka á re dí nyɛɛ bɛn nɛ ka bòo ne, ka mu boro ne, ka ka tontoro ne, mán kɔn ná a ka gɔn wa. A n die nɔmaa gole diɛ ka mìi ni yǎa a ka dii.

Zaaki 5:5

Ka kaa pàãmabaa lɛ zɛnaa kanaa ka a là kaa, siin mɛnɛn bɛ́ kɔɔ̃n ka ganaa, ka bɛn zɛnaa. N bɛ́ tɔɔ toe lɔn a nyɔɔ kɔ bɛ̀ ǹ tɔn dɛ, ka dɔn man ka ka dinin too miɛ̃, ka á kaa wɔ a pinaa duĩ.