Izayii 31:5 - LAWA A BOO SONBORE

⁵ Ka bàan bɛ́ n nyàa nyoɛ̃ a nɛnyaanan la lɔn, Dɛnaa Lawa Pàãyiidɛnaa n die Zeruzalɛmu tamɛɛ miɛ̃. Á re a zia gii diɛ, a na a kanbaa. Á re tamɛɛ, a na a kirisibaa.

LAWA A BOO SONBORE 2011

⁵ Ka bàan bɛ́ n nyàa nyoɛ̃ a nɛnyaanan la lɔn, Dɛnaa Lawa Pàãyiidɛnaa n die Zeruzalɛmu tamɛɛ miɛ̃. Á re a zia gii diɛ, a na a kanbaa. Á re tamɛɛ, a na a kirisibaa.

Izayii 31:5 ပူးပေါင်းရင်းမြစ်များ

Siin Giala 1:2

Kanaa lɛ gɔ́ɔ̃ kooro na á goã, màn kɔ́n banban. Bǎã tumaa na á goã mu lɛa, wɔlɔ tumaa n tì. Lawa Yiri na á goã bìn diɛ mu lɛ ganaa.

Kiin2 19:34

Man die kiwi kɛ tamɛɛ, ma a kanbaa ma din laanka maa dí-nyali Davida taman yii.

KZS2 32:22

Dɛnaa Lawa Ezekiasi kirisibaa lɔn kɔnlɛ ka Zeruzalɛmu minin ni, Asiiriin kii Senankeribu a pàã ganaa ka ǹ zɔ́ɔ kɔsɔn pàã nɛ, bɛ n ka kɛ nɛ. Á yii-nyɛɛ kɔ ǹ la ǹ gèlè tumaa la.

Loen 37:40

Dɛnaa Lawa nə n doe ǹ lɛ, a tá ǹ sii ǹ kiɛ. A nə ǹ kanbiɛ min baraan ganaa, a tá ǹ kirisibiɛ. A giala, maǹ nə́ kaa a din yele.

Loen 46:5

Sɛnɛ, tà kɔn tan, a gòãn nə́ Lawa a kiwi kɛ foo kɔɔ̃n koe, Lon a Lawa Gole a giã ǹ bǎã sonbore kɛ lɛ.

Loen 46:6

Lawa n bɛa kiwi lɛ bii, màn kɔn ba bìn diɛ a ganaa wa. Lawa nə n doe lɛ lɛlɛbaanɛ.

Loen 91:4

Á re n tamaɛ a din li, n tá re duru ǹ bǎã yii a din li, ka koon nɛ bɛ́ n duri koo dan nyàa giulun lɔn. A din a kɔn-narɛɛ gole kɛ á re goóro biɛ n síã, a n tamaa.

Bɔ bɛ̀rɛbaa nɛ 12:27

ka die ka pɛ ǹ nɛ kɛnɛn: «*Kiɛ̃mala ǹ zɔ́n *wúlu màn nɛ, wɔ á boe koe Dɛnaa la. A giala, a na á kiɛ̃, á wɔsɛn Izirayeli nɛnyaanan kionən toa walan Ezipti gána nɛ. A bɛ́ bɔ̀n diɛ Ezipti gána minin ganaa, á wɔsɛn kion minin si gɛ̀ la.» Zaman lɛ kaa tán, á Lawa guguru kɔ.

Bɔ bɛ̀rɛbaa nɛ 19:4

«Ǹ dinin nə́ sii kɛ lɛ yɛ ma zɛnaa Ezipti gána nɛ. Ka sia bɛ́ a nɛnyaanan guĩ lɔn, man má ka goa miɛ̃, má ka gũ, má daa dɔ ka nɛ ma din li.

Izayii 10:14

Ǹ bɛ́ bàan kii niɛ̃ lɔn, má tɔrɔn naforon goa miɛ̃. Ǹ bɛ́ màn gii goɛ lɔn, man má màn tumaa goa tán la miɛ̃. Min kɔn yɛ á n papasa wa, min kɔn yɛ á n lɛ bũ á boo da wa.»

Izayii 26:1

Bɛa pinaa, Zudaa gána nɛ, zaman tá re loe loe, ǹ pɛ: Wɔa kiwi lɛ doemaa nɛ. Dɛnaa Lawa ná a lɛnpɛnɛ ka kungɔn nɛ, a ná a lɛnpɛnɛ ka kungɔn tamaa wole ne, màn mɛn bɛ́ toɛ, a wɔ tamaa.

Izayii 27:3

«Ma din Dɛnaa Lawa n bɛa rezɛ̃ da wuru lɛ a lɛduə̃li lɛa. Man mu kiɛ a ganaa paapaa, ma ń giɛ a walan, penleen ka tèlò, màn mɛn bɛ́ toɛ min kɔn baran baraa zɛnaa-n wa.

Izayii 35:4

Foo ziziɛ̃ bɛ́ min mɛnɛn ganaa, ka pɛ bɛn manɛ: «Ka n foo taã, nyɛ́ɛ nyan ka kũ wa. Kaa Lawa á ke. A n die kaa gɛ̀ dòo boe, kaa zɔ́ɔn nə sii baraa mɛn zɛnaa ka nɛ, a n bɛ dòo sarɛɛ ǹ la. A dinmaa n die ka kirisibiɛ.»

Izayii 37:35

Man kiwi kɛ tamɛɛ, ma a kirisibaa. Man bɛ zɛnɛɛ ma din a lɛa ka maa dí-nyali Davida nɛ.

Izayii 38:6

Ma á re n kirisibiɛ kɔnlɛ ka kiwi kɛ nɛ, Asiiriin kii ganaa. Ma á re kiwi lɛ tamɛɛ.»

Zakarii 9:14

Ka bɛ-n kəni, Dɛnaa Lawa n die yui lon ǹ mìi la, a kiɛ kɛ wo ka la a tɛ pɛ bɛ́ lɔn. Dɛnaa Lawa n die bɛn pii, a wo nyɛɛnɛ ka labara nɛ, boe gusin a lɛ̀gɔn la.

Zakarii 9:8

Ma á re maa gána lɛ lɛduĩ, ma a kirisibaa zɔ́ɔ woo a daa wolen ganaa. Tiin kiã kɔn ba re die boe maa zaman yii-n doo wa. A giala, má n yiin doa ǹ la kanna.»

Timəə dí-pɛn 32:11

Ka giogiatã-a bɛ́ a nɛnyaanan foo taɛ̃ lɔn, bɛ̀ a n bibiə̃ ǹ mìi la, á n nyàan lɛ bɔ sababa, á ǹ goa á ǹ kaa a nyàan la,