Izayii 31:4 - LAWA A BOO SONBORE

⁴ Dɛnaa Lawa boo mɛn da ma nɛ, á ke: Bɛ̀ yàra hinlaa yàra nɛ á wɔɔsaa we siĩ la, haalɛ ta ǹ nə́ tɔɔ-lɛduə̃li gigiã bii ǹ nə́ ǹ kaa a ganaa, a nyɛ́ɛbiɛ ǹ gigiãbaa-n wa, ǹ bɛ́ lɛ-dɛ mɛn we, bɛa nyɛ́ɛ diɛ a ganaa wa. A din yɔrɔ goon la masɛ Dɛnaa Lawa Pàãyiidɛnaa á re gisĩ *Siɔn kele la, ma ziabaa ǹ ganaa.

LAWA A BOO SONBORE 2011

⁴ Dɛnaa Lawa boo mɛn da ma nɛ, á ke: Bɛ̀ yàra hinlaa yàra nɛ á wɔɔsaa we siĩ la, haalɛ ta ǹ nə́ tɔɔ-lɛduə̃li gigiã bii ǹ nə́ ǹ kaa a ganaa, a nyɛ́ɛbiɛ ǹ gigiãbaa-n wa, ǹ bɛ́ lɛ-dɛ mɛn we, bɛa nyɛ́ɛ diɛ a ganaa wa. A din yɔrɔ goon la masɛ Dɛnaa Lawa Pàãyiidɛnaa á re gisĩ *Siɔn kele la, ma ziabaa ǹ ganaa.

Izayii 31:4 ပူးပေါင်းရင်းမြစ်များ

KZS2 20:15

Yahaziyɛli pɛ: – Kasɛn Zeruzalɛmu minin ka Zudaa min kɔsɔn kɛn, sanparɛ nsɛ kii Zozafati, ka n too kɔ sɔnbɔraa nɛ, Dɛnaa Lawa bɛ́ màn mɛn pii ka nɛ, bɛ á ke: «Nyɛ́ɛ nyan ka kũ wa. Ka nyan toa nyɛ́ɛ ka kũ sɔraasi kuru damata kɛ nyɛɛnɛ wa. Zia lɛ bie kasɛn wɔ lɛa wa, sɛnɛ a n masɛ Lawa wɔ lɛa.

Bɔ bɛ̀rɛbaa nɛ 14:14

Dɛnaa din nə die kaa zia gii diɛ. Kasɛn nə giã ka kiĩni!»

Bɔ bɛ̀rɛbaa nɛ 14:25

Á ǹ wotoro gòãn guguru kɔ, ǹ da-baa-a kaka kɔ. Ezipti minin lɛn nə́ pɛ kɔn nɛ: «Ka daa wɔ wusoo, wɔ n bɔ Izirayeli nɛnyaanan lɛn kio. A giala, Dɛnaa Lawa din nə ǹ zia gii diɛ Ezipti ganaa!»

Izayii 10:16

Bɛ lɛ taman yii, Dɛnaa Lawa Pàãyiidɛnaa á re a zia-baali kasiɛ̃ wolen kɛn pɛrɛ. Ǹ siĩnbaa gɔ́ɔ̃ nɛ, tɛ n die yui ǹ ganaa girigiri.

Izayii 12:6

Nsɛ mɛn bɛ́ giã-n *Siɔn, foo kɔɔ̃nbaa ǹ lɛ dɛ ka n foo tumaa nɛ, a giala, min mɛn bɛ́ kunun n ni, á gole Izirayeli a Lawa sonbore kɛ nɛ.

Izayii 30:30

Dɛnaa Lawa lɛn tá re boe ka paraa gole ne. Á re n pàã nyɛɛ, ka a foo-yoo ne ka kurukuru, á re nyɛɛ tɛ bii la gole li kiɛ ka la gii ni.

Izayii 30:32

Dɛnaa Lawa bɛ́ re ǹ dii ka bàbàla mɛn nɛ maà laanka tùtun wuu n die koɛ kɔn la ka bàlà wuu gogoonmaa nɛ. Dɛnaa Lawa n die n gɔn pepere Asiirii li, a zia baa a ganaa.

Izayii 42:13

Dɛnaa Lawa nə n zoɛ̃ woe ka sɔraasi foo kaka-a bɛ́ lɔn. Foo tãbaa na a nɛ ka zia-baali zanbia bɛ́ lɔn. A n gɔ̀lɔ̀baa ǹ lɛ-dɛ we, a n ziabaa ǹ lɛ dɛ gole we, a n boe a zɔ́ɔn la.

Zeremii 50:44

Dɛnaa Lawa pɛ: Man die goɛ̃ ka yàra bɛ́ lɔn, á soo da yii ni Zurdɛ̃ tà lɛ-a, woe tɔɔn buu sɔ̃ ǹ bǎã nɛ. Man die min tumaa goɛ bǎã goon ne ma wo ǹ ne. Bɛ kio, ma á re giĩ goon boe ma koa Baabilonii gána mìi la. Die n ka ma bɛ́ lɔn? Die n boe la a maa sii zɛnaa a nɔ̀n da ma la? Kiã mɛn nə boe la a n gòãn dii ma ganaa?

Ozee 11:10

A nɛn tá re tɔ we Dɛnaa Lawa kio, asɛ áre lɛ biɛ ka yàra bɛ́ lɔn, Á re lɛ biɛ sonbore! Ǹ tá re n toɛ lɛ̀nyɛɛnɛ ǹ da ka baa nɛ, ǹ gɔ̀nɔn nə́ bìn diɛ.

Amɔɔsi 3:8

Bɛ̀ yàra wɔɔsaa wɔ, nyɛ́ɛ na a die kuĩ wa? Bɛ̀ Dɛnaa Lawa boo da, die nə n piɛ̃ mà asɛ a bɛ pii wa?

Zakarii 12:8

Bɛa waáraa kəni, Dɛnaa Lawa á re Zeruzalɛmu minin tamɛɛ: Pàã n die goɛ̃ ǹ pàãwɛɛnaan lon ka Davida bɛ́ lɔn. Davida a sumu minin man die goɛ̃ ka Lawa bɛ́ lɔn, ka Dɛnaa Lawa a lon a dia dí-a wole bɛ́ lɔn.

Zakarii 14:3

Dɛnaa Lawa tɔn zia baa tɔrɔn gialakunun kɛn ganaa, ka a bɛ́ zia biɛ lɔn lɛlɛ, zia biikoo li.

Zakarii 2:5

Sii nyaa gɔ́ɔ̃ nɛ, masɛ Zakarii, má n yii saa lon, ma sii mɛn yɛ, á ke: Giĩ goon ne, ka màn zɔ́ɔ̃ ǹ biɛ ná a gɔn.

Zakarii 9:15

Dɛnaa Lawa Pàãyiidɛnaa á re a zaman tamɛɛ. Ǹ tá re boe ǹ zɔ́ɔn la, ǹ nə ǹ baragii kɔlɔn yɔyɔrɛ. Ǹ tá re màn mii, ǹ bìn diɛ gole wɔ ka yɔ bɛ min yii ganaa lɔn. Ǹ tá re piɛ̃ ka *wúlu màn mà bɛ́ lɔn paan nɛ, hinlaa ka mà mɛn bɛ́ ǹ kaa *wúlu bɔ ǹ bǎã karan ganaa.

Zakarii 9:8

Ma á re maa gána lɛ lɛduĩ, ma a kirisibaa zɔ́ɔ woo a daa wolen ganaa. Tiin kiã kɔn ba re die boe maa zaman yii-n doo wa. A giala, má n yiin doa ǹ la kanna.»

Sii-nyaan 10:3

Á n lɛ dɛ ka lɛn gole ne, ka yàra bɛ́ parɛɛ lɔn. A bɛ́ á n lɛ dɛ á nya, la a paraa sɔbaa kɛ dɔ tɔ́n gini.

Sii-nyaan 5:5

Min golen kɛn goon tɔ́n pɛ ma nɛ: «N nyan wuu pɛ wa! Á ke, Zudaa tɔrɔn Yàra ke kii Davida a nɔ̀ɔn lɛa! Á gɔ̀lɔ̀baa yɛ lɛlɛ. Á re sɛ́wɔ kɛ a lɛ tã ǹ bǎã sɔbaa kɛ bɔyɛɛ a bɔ a ganaa, a na a lɛ bũ.»