Izayii 30:9 - LAWA A BOO SONBORE

⁹ Tɔrɔ piã wolen manɛ, maǹ soɛ-bɔlen lɛa. Minin manɛ ǹ nə́ n piɛ̃ ka Dɛnaa Lawa a daraa ǹ boo a too kɔ ma-a nɛ.

LAWA A BOO SONBORE 2011

⁹ Tɔrɔ piã wolen manɛ, maǹ soɛ-bɔlen lɛa. Minin manɛ ǹ nə́ n piɛ̃ ka Dɛnaa Lawa a daraa ǹ boo a too kɔ ma-a nɛ.

Izayii 30:9 ပူးပေါင်းရင်းမြစ်များ

KZS2 33:10

Dɛnaa Lawa na á goã boo diɛ Manaasee ne kun ká a zaman nɛ, sɛnɛ ǹ goà n yiri koɛ li wa.

Loen 78:8

Ǹ baran n baa ka ǹ digolon kɛn bɛ́ lɔn wa. Tɔrɔ too kaka-a, piã-wɔlen manɛ. Ǹ yiri n paa, ǹ ba n foo doɛ Lawa ganaa wa.

Loen 81:12

Sɛnɛ, maa zaman lɛ nə n too kɔ maa lɛ-dia ganaa wa. Izirayeli mà a ba ma li wa.

Suusun 28:9

Min mɛn bɛ́ n too tiɛ̃ màn mɛn bɛ́ toɛ a nyan dí-pɛn ma wa, a Lawa nyankɔ dɔ din nə sii bɔbɔnɛɛ lɛa.

Izayii 1:10

Kasɛn Zudaa a kiãn kɛn, ka n ka Sodɔmu kiãn bɛ́ lɔn: Ka n too kɔ Dɛnaa Lawa a da ǹ boon li. Kasɛn Zudaa minin, ka n ka Gomɔɔrɔ minin bɛ́ lɔn: Ka n too kɔ Dɛnaa Lawa a boo li, ka n too kɔ wɔa Lawa a doroon li!

Izayii 1:2

Lon, n too kɔ! Tán, n dɔ nə n too da! Dɛnaa Lawa n kɛ pii: «Man nɛnyaanan too, ǹ nə́ dadara kɔ, sɛnɛ, ǹ nə́ n gòãn dii ma ganaa.

Izayii 1:4

Nsɛ, sii baraa-zɛnaali tɔrɔ, n sii baraan nə́ la yii ni, n wɔ n ka bɔ̀n nɛ! Nɛnyaan gòãn dii wole, tɔrɔ babaraa, ka n dɔ̀ɔ̃ wɔ Dɛnaa Lawa nɛ! Ká Izirayeli a Lawa sonbore kɛ bɔlɔ tii, ka n gòãn dii a ganaa.

Izayii 10:5

Dɛnaa Lawa pɛ: Koe n ka kɛ nɛ Asiirii ganaa, asɛ mɛn bɛ́ maa dɔlɔ bɔ ǹ sɛ̌n lɛa! Man die maa foo-yoo nyɛɛ ka dɔ̀rɔ̀ kɛ lɛ nɛ a gɔn.

Izayii 10:6

Man Asiirii a sɔraasin diɛ tɔrɔ bɔlɔgoonbaãdɛnaa gialaa. Tɔrɔ mɛn bɛ́ ma foo yui, maǹ nə n yɔrɔ diɛ bɛn la, ǹ nə ǹ kokoo, ǹ nə ǹ naforon goa! Ǹ nə́ ǹ tɔtɔrɔ ka zii gialaa ǹ bɛrɛɛ bɛ́ lɔn.

Izayii 24:5

Sonbore, minbuiinin nə́ *gɔ̀ da tán ganaa. Ǹ nə́ Dɛnaa Lawa bɔlɔ tii. Ǹ nə n too kɔ a dí-pɛn li wa. Ǹ ná a landa boon puusə kɔ. Lɛ kɔ kɔn la mɛn bɛ́ duduu wɔ lɛa ǹ doɛ kɔn ka Dɛnaa Lawa nɛ, ǹ nə́ bɛ ziziɛ̃.

Izayii 28:15

Ka ǹ pii: «Wɔ́ lɛ kɔ kɔn la wɔ ka gɛ̀ nɛ, wɔ́ lɛ kɔ kɔn la wɔ ka geren ne. Bɛ̀ koe daa, a re wɔ yii wa. A giala, soɛ n wɔa mìi duru ǹ bǎã lɛa, màn mɛn bɛ́ a taãn lɛa wa, bɛ n wɔa duru ǹ bǎã lɛa.»

Izayii 30:1

Dɛnaa Lawa a da ǹ boo á ke: Nɛnyaan piã wolen lɛn, kaa wɔ n ka koe ne. Ka ǹ siin lɛ boe, ǹ nə́ ǹ ba boe masɛ li wa. Ka ǹ lɛ kɔ we, masɛ bɛ́ ma ba ǹ mɛn li wa. Ka ǹ sii baraan kiɛ kɔn la.

Izayii 48:4

Ma á doɛ̃, ka ǹ tɔrɔ too kakaan lɛa. Ka wìi n fɔlɔ bàlà lɛa, ka mìi n laa nɛ ka zan bɛ́ lɔn.

Izayii 5:24

Bɛ lɛ nɛ, làpaa á ke kuĩ tɛ-n lɔn, tɛ á ke buu gere kuĩ lenlen lɔn, ka n die boɛ̃ ka da gòon bɛ́ boɛ̃ lɔn. Kaa yii gugurubaa kɛ n die papaɛ̃ ka da buũ bɛ́ lɔn, piɛ̃ li. A giala, ka n ka Pàãyiidɛnaa Lawa a dí-pɛn tii, ka n piã ka Izirayeli a Lawa sonbore a boon ne.

Izayii 63:8

Izirayeli minin paǹ li, Dɛnaa Lawa pɛ: «Maǹ maa zaman lɛa taãn-taãnɛ, maa nɛnyaanan manɛ. Ǹ ba re ma yiri siɛ̃ wa.» Á n baa ǹ kirisibaali lɛa.

Izayii 65:2

Duduu, má n gɔn dia tɔrɔ bɔlɔgoonbaã wole la. Sɛnɛ maǹ koe zii bɔnɛɛ lɛ ǹ nə́ ǹ dinin foo siin zɛnɛɛ.

Zeremii 35:14

Rekabu a nɛgiĩ Zonaadaabu pɛ a nɛnyaanan manɛ mà ǹ baran duvɛ̃ mi wa. Rekabu tɔrɔn lɛn nə́ bɛa boo lɛ si, ǹ duvɛ̃ mi wa, a da pelo yaa. A giala, maǹ nə́ ǹ digolo bɔlɔ si. Sɛnɛ, biikoo tumaa li, masɛ Dɛnaa Lawa boo da ka nɛ, sɛnɛ, ka n too kɔ ma lon wa.

Zeremii 7:13

Á bǐɛ̃ kɔ! Ka bɛ́ ka bɛa siin kɛn lɛn tumaa zɛnaa, má boo da ka nɛ gunyin damata, ka n too kɔ wa, má ka bíi, ka n nyəə wa. Dɛnaa Lawa a da ǹ boo ne.

Zeremii 7:28

Ka bɛ nɛ, n tá re pii ǹ ni kɛnɛn: «Ka ǹ zaman lɛa, zaman mɛn bɛ́ a ba n too koe Dɛnaa Lawa, a Lawa a boon li wa, n piɛ̃ ka a gɔn waa ǹ boon ne. Kasɛn li, bɔlɔgoondɛnaabaa banban, bɛ boo ba n diɛ wa.»

Zeremii 9:3

Didie nə n parabaa n giaára nɛ. Min kɔn doamaa bie a n foo doa ǹ dɔɔ̃n ganaa wa. Sàabaa ba la wa, á re ka siɛ̃. Haalɛ ń giaára dinmaa n die soɛ diɛ n la.

Ezekieli 24:3

Boo giməə da piã-wɔlen kɛn manɛ, n pɛ ǹ nɛ, mà masɛ din Dɛnaa Lawa n kɛ pii ǹ ni: Fɔlɔ donkolon da tɛ la, a da la, n mu kaa a nɛ.

Ozee 4:2

Maǹ lɛn baraa bíi kɔn li, soɛ boe kɔn nɛ, gɛ̀ dii, wurumu biɛ, naarɛbaa zɛnɛɛ. Kakaarɛbaa kɛ din la yii ni, maǹ kɔn ka gɛ̀ dɛ-n miɛ̃ duduu.

Sofonii 3:2

A n too kɔ min kɔn a bii wɔ li wa. A n too kɔ min kɔn a doroo li wa. A n foo doa Dɛnaa Lawa ganaa wa. A n mɔrɔ a Lawa ganaa wa.

Nya ǹ dín 7:51

Itian mà ǹ ganaa: Ka mìi á kaka, ka foo á kaka, ka too dɔ á kaka! Baraabaraa ka nə n piɛ̃ ka Lawa a Yiri Fu kɛ nɛ. Ka tumaa n goon ka ka digolon lɛn nɛ.

Timəə dí-pɛn 32:20

á tɔ́n pɛ kɛnɛn: «Ma á re n yɔrɔ bɔyɛɛ ma bɔ ǹ la, bɛ̀ maǹ die n biɛ lɔn, ma á re giɛ a ganaa. A giala, tɔrɔ babaraan manɛ, maǹ minin lɛa, min ba boe la á n foo doɛ ǹ ganaa wa.

Sii-nyaan 21:8

Sɛnɛ, fɔ̃ ma din baa lɛ wolen wɔa paǹ li, ka bɔlɔgoondɛnaabaabaã wolen ne, min gɛsɛn nɛ, gɛ̀-dɛlen ne, din kũ doɛ̃baã wolen ne, minin yiri sã ǹ dagòã-bɔlen ne, dì wúlu-bɔlen ne, ka soɛ-bɔlen ne, bɛn tumaa a woo ǹ bǎã n ka kiribi tɛ panapana kɛ nɛ. A din lɛ dɔ n gɛ̀ paabaa ǹ wɔ lɛa.»

Sii-nyaan 22:15

Sɛnɛ, min baraan nɛ, minin yiri sã ǹ dagòã-bɔlen ne, min gɛsɛn nɛ, gɛ̀-dɛlen ne, dì wúlu-bɔlen ne, ka min mɛnɛn tumaa bɛ́ soɛ-bɔ narɛ, ǹ ná a sii zɛnɛɛ, bɛn kɔ́n ba re we kiwi lɛ gɔ́ɔ̃-n wa.