Izayii 30:7 - LAWA A BOO SONBORE

⁷ Taãn nɛ, Ezipti a dɔmalɛ n piɛ̃ lɛa, a màn kɔn lɛa wa. Bɛ lɛ nɛ ma á pii gána kɛ nɛ: «Ma n Rahabu lɛa, don màn babaraa piɛ̃-wole ke, sɛnɛ n ba bìn diɛ wa.»

LAWA A BOO SONBORE 2011

⁷ Taãn nɛ, Ezipti a dɔmalɛ n piɛ̃ lɛa, a màn kɔn lɛa wa. Bɛ lɛ nɛ ma á pii gána kɛ nɛ: «Ma n Rahabu lɛa, don màn babaraa piɛ̃-wole ke, sɛnɛ n ba bìn diɛ wa.»

Izayii 30:7 ပူးပေါင်းရင်းမြစ်များ

Zɔbu 9:13

Bɛ̀ Lawa foo yoo, yǎa a sii zɛnɛɛ. Mu li ǹ màn baraa tumaa nə n gùrù naɛ nɛ.

Loen 87:4

Man Ezipti laanka *Baabilonii tɔ bíi, kun maa doɛ̃ wolen ne. Haalɛ minin mɛnɛn dɔn dinin bɛ́ ǹ nə́ yɛ Filisiti, Tiiri ka Etiopii gána nɛ.

Loen 89:10

N din nə boe yìsi mu la, n tá kuĩ, bɛ̀ a mu á yui, n din na a kala wɛɛ.

Bɔ bɛ̀rɛbaa nɛ 14:13

Muizu pɛ zaman lɛ nɛ: «Ka baran nyɛ́ɛ baa wa. Ka golee kiĩni ka ga Dɛnaa a minin kirisibaa ǹ sii kɛ ganaa a n die zɛnɛɛ ka-n pelo. Sonbore, ka yii bɛ́ Ezipti minin mɛnɛn ganaa pelo ke, ka yii ba re ǹ yii doo duduu wa.

Suusun 25:19

Koe gɔ́ɔ̃ nɛ, bɛ̀ n nə n foo doa soɛ-bɔli ganaa, a n goon ka sɔ busulə á ke màn soɛ̃ ka a sɔ busulə n lɔn, hinlaa ka min mɛn bɛ́ tɔ we a gòã yiɛ la lɔn.

Izayii 10:3

Bɛ̀ Dɛnaa Lawa a dɔlɔ bɔ pinaa dɔ, bɛ̀ koe bɔ wɔlɔ sɔsɔɔ nɛ á daa, ka ǹ die n biɛ lɔn? Ka ǹ die gú diɛ die ne a da n dɔ ka lɛ? Ka ǹ die kaa naforon kɛn kiɛ maa?

Izayii 2:22

Ka nyan nə n foo doa minbuiin nɛ ganaa wa! Ǹ yiikoonaabaa n piɛ̃ lɛa. Là ba a ganaa wa.

Izayii 20:6

Bɛa pinaa kɛ nɛ, min mɛnɛn bɛ́ giã-n Yìsi mu gole lɛkoro lɛ-a, bɛn tá re pii: «Wɔ foo bɛ́ doa-n min mɛnɛn ganaa, sii mɛn bɛ́ bɛn yii, bɛ n ka kɛ nɛ! Wɔ n wɔ́ goã wáa wɔ n duru ǹ li, ǹ nə n dɔ wɔ lɛ, ǹ wɔ si Asiiriin kii la. Sɛnɛ, wɔ n die siɛ lɔn wɔ kirisibaa sisia kəni?»

Izayii 28:12

A da yaa, á pɛ ǹ nɛ: «Kànaa n bǎã kiĩn lɛa. Min mɛn nɔmaa, ka toa bɛa dɛnaa nə n susu. Kànaa n bǎã kiĩn lɛa.» Sɛnɛ, ǹ lɛ kɔ ǹ nə́ n too kɔ wa.

Izayii 30:15

Dɛnaa Lawa, Izirayeli a Lawa sonbore n kɛ pii: Bɛ̀ ka n bɔyaa ka daa masɛ li, ka giã kiĩn ni, ka á re kirisibaa yii. Bɛ̀ ka n foo doa masɛ ganaa, ka giã kiĩn ni, bɛ lɛ n die pàã koe ka la. Sɛnɛ, ka lɛ kɔ bɛ ganaa wa.

Izayii 30:5

Sɛnɛ, sìi á re n koe ka lɛ. Ezipti minin ba re boe la ǹ dɔmalɛ kɔn wɔ ka-n wa. Ǹ ba re bǐɛ̃ kɔn zɛnɛɛ ka-n wa, ka a re là goon yii ǹ ganaa wa. Maǹ die sìi dinsɔɔ̃ diɛ ka ganaa, ǹ ka yii puusə kɔ.

Izayii 36:9

N ba boe la dinin, n maa dɛnaagiĩ a dí-nyali dadaran kɛn kiɛɛrɛdɛnaa goon din da wusoo a kio-n ganaa wa, ma nə n foo doɛ Eziptin kii ganaa, màn mɛn bɛ́ toɛ n ziabaa ǹ wotoron yɛ ka sùin ni!

Izayii 51:9

N yii kaa Dɛnaa Lawa, n yii kaa! N pàã gole nyaa. N yii kaa ka lɛlɛ lɛlɛ bɛ́ lɔn. N din bie ń goã ń màn baraa Rahabu dɛ, ń yìsi mu li ǹ tɔɔ babaraa piɛ̃ wole kɛ fɔ̃ wa?

Izayii 7:4

N die n pɛ-n kɛnɛn: «Giã kiĩ ni, n nyan nyɛ́ɛ baa wa. Resini a foo yoo ka Siirii minin laanka Remalia a nɛgiĩ a foo yoo kɛ nyan nə n gɔ̀nɔn bìn da wa. Maǹ ka tɛ n gɔn lɛ màn paa á ke lɔn tɛmaa boe.

Zeremii 37:7

– Dɛnaa Lawa Pàãyiidɛnaa, Izirayeli a Lawa n kɛ pii: «Zudaan kii mɛn nə ka dia ma li, ka wo pɛ-n kɛnɛn: Faarahɔn a sɔraasin mɛnɛn nə soo mà man die n doe ka lɛ, ǹ nə́ n bɔyaa ǹ nə́ woo Ezipti gána nɛ.

Busii pɛ 3:26

N yii da Dɛnaa Lawa a bɔ sii-n la, kiĩn ni, sii sonbore ne.

Ozee 5:13

Efrayimu tɔrɔn kɛn nə́ ǹ dinin busu dɔ̃, Zudaa tɔrɔn dɔn nə́ ǹ busu dɔ̃. Bɛ lɛ nɛ, Efrayimu minin nə́ woo Asiirii, ǹ nə́ minin dia kii gole kɛ li. Sɛnɛ, bɛa boe la a kaa busu kɛ nya wa, a boe la a ka si kaa busu kɛ la wa.