Izayii 30:4 - LAWA A BOO SONBORE

⁴ Kaa kiãn nə́ dɔ Soan gɔrɔ. Kaa dia dí-a wolen nə́ dɔ Anɛsi gɔrɔ.

LAWA A BOO SONBORE 2011

⁴ Kaa kiãn nə́ dɔ Soan gɔrɔ. Kaa dia dí-a wolen nə́ dɔ Anɛsi gɔrɔ.

Izayii 30:4 ပူးပေါင်းရင်းမြစ်များ

Kiin2 17:4

Sɛnɛ, Asiirii gána a kii lɛ daa yɛ, mà Ozee lɛ goã á gòãn dii ǹ sii zɛnaa. Sonbore, a na á goã á dia dí-a wolen dia Ezipti gána a kii Sayisi li, a bɛ́ goɛ̃ bɛ̀ a nyin giɔ̀mɔ mɛn dɔ saraa lɛ̀ tunaa nɛ, a goã á bɛ dɔ dia Asiirii gána a kii lɛ la wa. Asiirii gána a kii tɔ́n Ozee kũ á zɔrɔkan kaa a ganaa, á da kòso-n.

Loen 78:12

Lɛlɛ, Lawa na á kaãbaa ǹ siin kɛn zɛnaa wɔ digolon yii ni, Ezipti gána nɛ, Soan bǎã kɛ li.

Izayii 19:11

Soan kiwi a kiãn man gàãnaan lɛa. Min mɛnɛn bɛ́ yiri koe Eziptin kii la, baãnaan manɛ. Maǹ pii-n kɛnɛn: «Man yiridɛnaa goon a nɛ lɛa, lɛlɛ kiin nɛ n ka ma nɛ.» Wàa nə n diɛ bɛa pɛ ganaa?

Izayii 57:9

Ń woo kii li, ka nyɔɔ laanka màn giĩ kɔɔ̃n gigiã nɛ. Ń dia dí-a wolen dia bǎã sɔsɔɔ nɛ. Ń gisĩ n woo yǎa geren piɛ.

Zeremii 43:7

Ǹ nə́ n piã ka Dɛnaa Lawa bɔlɔ sii ni, ǹ nə́ woo Ezipti gána nɛ, ǹ nə́ dɔ yǎa Tapanɛsi.

Zeremii 49:14

Dɛnaa Lawa boo da ma nɛ, dia dí-a wole n woe bɛ pii tɔrɔn tumaa nɛ: «Ka n sɔkɔn, ka wo Edɔmu gialaa! Ka yoo, ka a ziabaa!»

Ezekieli 30:14

Man die Ezipti gána a gusin a lɛ̃ gɔn la kɛ ziziɛ̃, ma tɛ kaa Soan kiwi kɛ ganaa, ma dɔlɔ bɔ Tɛbu kiwi kɛ ganaa.

Ezekieli 30:18

Bɛ̀ má Ezipti minin pàã kɛ ziziɛ̃ ǹ mɛn pinaa, wɔlɔ a re fúli Tapanɛsi bɛa pinaa wa. Ǹ pàã mɛn lɛ á ke toɛ ǹ tá n dinin gole koe, ma á re bɛ lɛ nyɛɛ ma bɔ kiwi lɛ nɛ. Labara tì á re n kumii kiwi lɛ ganaa, bǎã lɛ a minin tá re woe bɛ̀rɛbaa ǹ bǎã nɛ.

Ozee 7:16

Ta kɛn tá wusii ka ǹ kio ne, ǹ bie wusii die masɛ lon a Lawa li wa. Maǹ ka sa bɛ́ lɔn, a nɛ basã. Ǹ goledɛnan kɛn tá re giɛ̃ zia la, ǹ din gole kɔ ǹ boon kɛn taman yii. Bɛ lɛ taman yii Ezipti minin kɛn tá re ǹ diɛ yaa lɛa.

Abdiasi 1:1

Boon kɛn man Abdiasi a sii-yɛn lɛa Edɔmu minin wɔ paǹ li: Á min dɔ din dia woe pii gána kɔsɔ minin manɛ. Wɔ boo mɛn ma boe Dɛnaa Lawa li, bɛ n ka kɛ nɛ: «Ka yoo, wɔ n ta kiwi lɛ gialaa ka zia nɛ.»

Minin nimi 13:22

Bɛ kio, ǹ nə́ woo gusin a lɛ̀gɔn li, ǹ nə́ woo soo yǎa Ebrɔn kiwi. Anaaki a nɛnyaanan kɛn, Ayiman nɛ, Sesayii ni ka Talmayii ni, bɛn tanlɛn minin man nə́ goã giã-n bɛa bǎã lɛ nɛ. (Ǹ nə́ goã ǹ nə́ Ebrɔn kiwi kɛ koa á dɔ lɛ̀ sɔbaa, ǹ nə́ tɔ́n Soan kiwi kɛ koa Ezipti gána nɛ.)