Izayii 30:32 - LAWA A BOO SONBORE

³² Dɛnaa Lawa bɛ́ re ǹ dii ka bàbàla mɛn nɛ maà laanka tùtun wuu n die koɛ kɔn la ka bàlà wuu gogoonmaa nɛ. Dɛnaa Lawa n die n gɔn pepere Asiirii li, a zia baa a ganaa.

LAWA A BOO SONBORE 2011

³² Dɛnaa Lawa bɛ́ re ǹ dii ka bàbàla mɛn nɛ maà laanka tùtun wuu n die koɛ kɔn la ka bàlà wuu gogoonmaa nɛ. Dɛnaa Lawa n die n gɔn pepere Asiirii li, a zia baa a ganaa.

Izayii 30:32 ပူးပေါင်းရင်းမြစ်များ

Siin Giala 31:27

Wàa na á baa, ń ma mìi dɔ ma li, n nə́ n duru ń baa si? Bɛ̀ n nə́ n pɛ ma nɛ, bɛ̀ maǹ die tùtu laanka maà dii, ǹ loe lɔ, ǹ nə n da zii ka nyɛnyɛɛ nɛ.

KZS2 32:8

A wɔ lɛ-n minbuiin nɛ pàã lɛa kun ni, sɛnɛ Dɛnaa Lawa, wɔa Lawa n kun ka wɔsɛn nɛ, a n die n doe wɔ lɛ, a zia baa kun ka wɔ nɛ.» Bɛa boon kɛn Zudaan kii Ezekiasi da, á zaman lɛ tumaa foo taã.

Zɔbu 16:12

Man má goã là nyantoro la, sɛnɛ, Lawa daa maa sii lɔlɔkɔn. A ma nyɛnaa ma dungiala ganaa, á ma zũ. Á wusoo á ma saa á ma da lon, bɛ̀ a n gɔn nyin pepere kɔ ma ganaa.

Izayii 10:24

Bɛ lɛ nɛ, Dɛnaa Lawa Pàãyiidɛnaa n kɛ pii: «Maa zaman, kasɛn mɛnɛn bɛ́ giã-n Siɔn, ka nyan nyɛ́ɛ baa Asiirii gána-n wa. A n ka duwii ka sɛ̌n nɛ, a na a dɔ̀rɔ̀ siɛ ka li, ka Ezipti minin kɛn nə goã zɛnɛɛ ka-n lɛlɛ lɔn.

Izayii 10:26

Dɛnaa Lawa Pàãyiidɛnaa á re a dɔlɔ bɔ ǹ sɛ̌n siɛ Asiirii gána li ka a bɛ́ á saa Madiã minin li lɔn Orɛbu a gɛ̀fu la. A n die a dɔ̀rɔ̀ siɛ ka a bɛ́ á saa Ezipti minin li lɛlɛ lɔn yìsi mu la.

Izayii 11:15

Dɛnaa Lawa á re Ezipti tà diɛ piɛ̃ ganaa. Á re parɛɛ Efrati tà li, a n gɔn pepere li. A n die niɛ̃ kɔn gùrù sɔbaa ka a boo sii la pàã nɛ, minin nə boo la ǹ kiɛ̃ a nɛ ka ǹ gòã nɛ.

Izayii 19:16

Ǹ kɔn pinaa, bɛ̀ Dɛnaa Lawa Pàãyiidɛnaa yoo Ezipti minin gialaa, maǹ die goɛ̃ ka lɔn bɛ́ lɔn, nyɛ́ɛ nə́ ǹ ganaa. Bɛ̀ á n gɔn pepere ǹ li ǹ mɛn pinaa, ǹ gɔ̀nɔn tá re bìn diɛ nyɛ́ɛ gɔn.

Izayii 2:19

Dɛnaa Lawa bɛ́ re yui pin mɛn-a, a nyɛɛ da tán tumaa ganaa, ka á re kiɛ para yalan nɛ, ka wɔ tii li, ń giɛ Dɛnaa Lawa a foo-yoo, laanka a gugurubaa a tɛ pɛ kɛ nyan dɔ ka-a wa.

Izayii 24:1

Á ke, Dɛnaa Lawa n basaã koe tán nɛ a n ziziɛ̃. Á tán lɔlɔkɔn, a na a zaman pɛsɛ̃ bǎã tumaa nɛ.

Izayii 24:8

Maà wuu kɔɔ̃nɔn kɛn lɛkuru. Zɔ́n dadaran nə́ nya. Tùtu wuu kɔɔ̃n kɛ lɛkuru.

Izayii 30:29

Kasɛn Zeruzalɛmu minin, ka á re loe loe ka zɔ́n pinaa tèlò wɔ bɛ́ lɔn. Ka foo á re kɔɔ̃n koe ka min mɛnɛn bɛ́ tɔ we pìi wuu li woe Dɛnaa Lawa a kele la, woe Lawa, Izirayeli a gɛ̀fu li.

Izayii 31:4

Dɛnaa Lawa boo mɛn da ma nɛ, á ke: Bɛ̀ yàra hinlaa yàra nɛ á wɔɔsaa we siĩ la, haalɛ ta ǹ nə́ tɔɔ-lɛduə̃li gigiã bii ǹ nə́ ǹ kaa a ganaa, a nyɛ́ɛbiɛ ǹ gigiãbaa-n wa, ǹ bɛ́ lɛ-dɛ mɛn we, bɛa nyɛ́ɛ diɛ a ganaa wa. A din yɔrɔ goon la masɛ Dɛnaa Lawa Pàãyiidɛnaa á re gisĩ *Siɔn kele la, ma ziabaa ǹ ganaa.

Zeremii 31:4

Izirayeli zaman, ma á re n siɛ ma n da lon, ǹ wusoo ǹ nə n dɔ. N tá re wusii, n maà sonboren goa, n wo bɛ̀ baa kun ka zɔ́n zɛnaa wolen ne.

Ezekieli 28:13

Ma nə ń goã Edɛn, Lawa a dù gɔrɔ kɛ nɛ. Ǹ ná a kungɔn dɔ ka kɔlɔ sonboren ne, ǹ ná a lɛnpɛnɛ nɛ: Kɔlɔ tã bonbon ne, a lɔɔdɛnaa nɛ, a fu ni, a buu buruu ni, a tɛ-pɛle ne, a buu buruu tì ni, a bɔlɔn nɛ, a tã nɛ, a bɔlɔn buu buruu dɛnaa nɛ. N maàn kɛn laanka n pìin ni, n nə ń bɛn zɛnaa ka sana nɛ. Maǹ nə́ ǹ zɛnaa ka sana nɛ n din a zɛnaa pinaa.

Ezekieli 32:10

Má bɛ́ re sii mɛn zɛnɛɛ n nɛ, bɛ á re nyɛ́ɛ diɛ tɔrɔ gigiã ganaa. Bɛ̀ má maa gɔya sa kɛ biə̃ ǹ kiin yɔrɔ-a, ǹ mìi ka á re yui a gole ka gurusuu. N bɛ́ re mɛnɛɛ ǹ mɛn pinaa, ǹ gɔ̀nɔn bìn diɛ a re nyɛɛ wa. Didie á re pàã diɛ ka a din ni.

Ebrəə 12:26

Asɛ mɛn bɛ́ a lɛn bìn da tán ganaa, a din lɛ n boo kɛ pii wɔ-n kanna: «Masɛ n die wusii ma bìn da tán lɛ ganaa gunyin goon doo. Bɛ dinsɔɔ̃ bie wa, ma á re bìn diɛ lon dɔ ganaa.»

Samayeli1 10:5

Bɛ kio, n tá re die doe Gibea-Eloyimu, bɛ n Filisiti minin sɔraasin giã ǹ bǎã goon lɛa. Bɛ̀ n tá re we kiwi lɛ nɛ, n tá re kɔnpii ka Lawa a boo gii-dali zaman kɔn nɛ, boe *wúlu bɔ ǹ bǎã nɛ, minin nə́ ǹ nyɛɛnɛ, tùtun didii, maàn didi, pìin pipii, kɔnkoɛɛ̃nɛn didii, bɛ̀ ǹ dininmaan tá Lawa a boo gii-dali baa ǹ siin zɛnɛɛ.

Samayeli1 18:6

Davida bɛ́ á Filisiti min lɛ dɛ, a nə́ n bɔyɛɛ die piɛ kun ka sɔraasin lɛn nɛ, lɔn nə́ soo Izirayeli a kiwin tumaa nɛ ǹ nə́ daa ǹ da kii Sayulu lɛ. Lɔn lɛn bɛ́ die, maǹ nə́ goã loe loe, bɛ̀ biɛ tùtu laanka maà wuu li, bɛ̀ ǹ tá ǹ nyɛnyɛɛ ǹ lɛ dii.