Izayii 30:30 - LAWA A BOO SONBORE

³⁰ Dɛnaa Lawa lɛn tá re boe ka paraa gole ne. Á re n pàã nyɛɛ, ka a foo-yoo ne ka kurukuru, á re nyɛɛ tɛ bii la gole li kiɛ ka la gii ni.

LAWA A BOO SONBORE 2011

³⁰ Dɛnaa Lawa lɛn tá re boe ka paraa gole ne. Á re n pàã nyɛɛ, ka a foo-yoo ne ka kurukuru, á re nyɛɛ tɛ bii la gole li kiɛ ka la gii ni.

Izayii 30:30 ပူးပေါင်းရင်းမြစ်များ

Zɔbu 38:22

*Mu nyuù-wɔle bɛ́ boe bǎã mɛn nɛ, n bin woo yǎa walan? La gii bɛ́ boe bǎã mɛn nɛ lon, n bin bɛ yɛ?

Zɔbu 38:23

Man má bɛn koa ma gɔn li nɔmaa biikoo a lɛa, yɔ-bɔ a lɛa, zia-baa a lɛa.

Zɔbu 40:9

Pàã tá n lon ka masɛ Lawa wɔ bɛ́ lɔn? N lɛn dɔ maa la a paraa kɛ wuu li?

Loen 2:5

Bɛ kio a foo yoo ǹ li, á boo da. Bɛa foo boo kɛ lɛ nə́ ǹ foo biɛ na.

Loen 46:6

Lawa n bɛa kiwi lɛ bii, màn kɔn ba bìn diɛ a ganaa wa. Lawa nə n doe lɛ lɛlɛbaanɛ.

Loen 98:1

Ka loe dii lɔ Dɛnaa Lawa nɛ, a giala, á sii sonboren zɛnaa. A din nə gɔ̀lɔ̀ lɛa a zɔ́ɔn la, a gɔn sonbore kɛ pàã ganaa.

Bɔ bɛ̀rɛbaa nɛ 15:16

Nyɛ́ɛ laanka yɔrɔ-kɔsiɛ á re kirii ǹ la. Dɛnaa, n pàã gole kɛ a lɛa, ǹ gù á re goɛ̃ giɛ̃ nɛ, yǎa n din a zaman kɛ kiɛ̃, n zaman mɛn lɛ si n baa n din wɔ lɛa.

Bɔ bɛ̀rɛbaa nɛ 9:23

A ná a bàlà lɛ saa lon, yǎa Dɛnaa zii kɔ la a ginii laanka la gii la. La a paraa daa yǎa tán, Dɛnaa la gii kaa Ezipti gána la.

Bɔ bɛ̀rɛbaa nɛ 9:24

La gii n kiɛ, la a paraa n we li, a baraa kɔ ka yɔrɔ mɛn nɛ, Ezipti gána tɔn na a miã yɛ wa, a kũ a gánabaa giala kɔ ganaa.

Izayii 10:16

Bɛ lɛ taman yii, Dɛnaa Lawa Pàãyiidɛnaa á re a zia-baali kasiɛ̃ wolen kɛn pɛrɛ. Ǹ siĩnbaa gɔ́ɔ̃ nɛ, tɛ n die yui ǹ ganaa girigiri.

Izayii 10:26

Dɛnaa Lawa Pàãyiidɛnaa á re a dɔlɔ bɔ ǹ sɛ̌n siɛ Asiirii gána li ka a bɛ́ á saa Madiã minin li lɔn Orɛbu a gɛ̀fu la. A n die a dɔ̀rɔ̀ siɛ ka a bɛ́ á saa Ezipti minin li lɛlɛ lɔn yìsi mu la.

Izayii 10:5

Dɛnaa Lawa pɛ: Koe n ka kɛ nɛ Asiirii ganaa, asɛ mɛn bɛ́ maa dɔlɔ bɔ ǹ sɛ̌n lɛa! Man die maa foo-yoo nyɛɛ ka dɔ̀rɔ̀ kɛ lɛ nɛ a gɔn.

Izayii 28:2

Min kaka n ke, pàã ná a lon, Dɛnaa n bɛ lɛ diɛ. A na á kɔnbɔ ka la nɛ, kiɛ ka gii ni, basaã koe, la gole lɛa a mu bǎã tumaa si á n kɔ lɛ. Bɛa min kɛ n màn tumaa ziziɛ̃ ka pàã nɛ.

Izayii 29:6

Dɛnaa Lawa Pàãyiidɛnaa á re sii zɛnɛɛ n wɔ a paǹ li, ka la a ginii ni, tán a bìn diɛ nɛ, ka bìn diɛ gole ne piɛ̃ gole giulun, la giulun ka la a tɛ-pɛ nɛ.

Izayii 30:29

Kasɛn Zeruzalɛmu minin, ka á re loe loe ka zɔ́n pinaa tèlò wɔ bɛ́ lɔn. Ka foo á re kɔɔ̃n koe ka min mɛnɛn bɛ́ tɔ we pìi wuu li woe Dɛnaa Lawa a kele la, woe Lawa, Izirayeli a gɛ̀fu li.

Izayii 30:31

Bɛ̀ Asiirii Dɛnaa Lawa lɛ ma, bɛ̀ a bàlà wuu bɔ a ganaa, a gɔ̀nɔn tá re bìn diɛ nyɛ́ɛ gunun,

Izayii 31:4

Dɛnaa Lawa boo mɛn da ma nɛ, á ke: Bɛ̀ yàra hinlaa yàra nɛ á wɔɔsaa we siĩ la, haalɛ ta ǹ nə́ tɔɔ-lɛduə̃li gigiã bii ǹ nə́ ǹ kaa a ganaa, a nyɛ́ɛbiɛ ǹ gigiãbaa-n wa, ǹ bɛ́ lɛ-dɛ mɛn we, bɛa nyɛ́ɛ diɛ a ganaa wa. A din yɔrɔ goon la masɛ Dɛnaa Lawa Pàãyiidɛnaa á re gisĩ *Siɔn kele la, ma ziabaa ǹ ganaa.

Izayii 32:19

La gii n die kiɛ daã lɛ la, kiwi lɛ á re wurii.

Izayii 33:14

Siɔn kiwi, nyɛ́ɛ n zɛ̀rɛdɛnan ganaa. Min baraan gɔ̀nɔn nə bìn diɛ. Maǹ nɔ̀n diɛ: «Wɔ bii, die n boe la a n mɔrɔ tɛ baraa kɛ ganaa, hinlaa a diri tɛ girigiri kɛ la, a ná a nimi duduu wa?»

Izayii 4:6

ka siã bɛ́ lɔn, wúlu koe penleen sɛ̀fuu biikoo li. A n die mìi duru ǹ bǎã biɛ piɛ̃ gole nyɛɛnɛ ka la nɛ.

Izayii 51:9

N yii kaa Dɛnaa Lawa, n yii kaa! N pàã gole nyaa. N yii kaa ka lɛlɛ lɛlɛ bɛ́ lɔn. N din bie ń goã ń màn baraa Rahabu dɛ, ń yìsi mu li ǹ tɔɔ babaraa piɛ̃ wole kɛ fɔ̃ wa?

Izayii 52:10

Dɛnaa Lawa na a pàã sonbore kɛ tumaa nyɛɛ tɔrɔn tumaa yɔrɔ-a. Dɛnaa Lawa bɛ́ wɔ kirisibiɛ lɔn, min tumaa á re bɛ yii yǎa kanaa lɛ dan ganaa.

Izayii 62:8

Dɛnaa Lawa nə n liɛ kɛnɛn: «Maa Lawa Pàãyiidɛnaabaa kɛ taman yii, ma a re toɛ n zɔ́ɔn nə n *belee kɛ bii wa. N nɔmaa duvɛ̃ mɛn taman yii, tiin ba re bɛ mii wa.

Izayii 66:15

Dɛnaa Lawa á ke yii die. A n die tɛ gɔ́ɔ̃ nɛ. A ziabaa ǹ wotoron kɛn man ka piɛ̃ gole bɛ́ lɔn. A n die a foo-yoo baraa kɛ nyɛɛ, a nyɛ́ɛ da minin ganaa ka tɛ buə̃ ne.

Izayii 66:16

Taãn nɛ, Dɛnaa Lawa n die kiri kuri minbuiin nɛ tumaa la, ka tɛ buə̃ laanka gɔya sa nɛ Dɛnaa Lawa á re geren mɔnɛɛ.

Zeremii 25:32

Dɛnaa Lawa Pàãyiidɛnaa a da ǹ boo á ke: «Koe gole nə n koe gánan lɛ, la piɛ̃ gole n boe tán lɛ dan ganaa die.»

Ezekieli 10:5

Lon màn yiikoonaan lɛn dɔn nyàa ka wuu na á goã boe ka Pàãyiidɛnaa kɛa boo-diɛ lɛn bɛ́ lɔn, á woo yǎa sumu gɔ́ɔ̃ kɛ nɛ kanaa.

Ezekieli 13:13

Bɛ lɛ na á toa masɛ Dɛnaa Lawa á kɛ pii: «Maa foo-yoo lɛ gɔ́ɔ̃ nɛ, ma á re piɛ̃ gole diɛ bɔ ganaa, ma la gole da kaa ganaa. Maa foo busii lɛ gɔ́ɔ̃ nɛ, la a gii mɛn nə ke wɔlɔ yui, ma á re bɛ kiɛ ǹ la.

Zowɛli 2:5

Maǹ paparɛ kelen koe kɔn, ǹ wuu n ka ziabaa ǹ fɔlɔ wotoro wuu bɛ́ lɔn, ka tɛ wuu bɛ́ lɔn buu gere kuĩ. Min kakan manɛ ǹ nə́ n yɔrɔ bɔ ǹ nə́ woe zia la.

Amɔɔsi 1:14

Man diɛ tɛ kiɛ Rabaa kiwi a kungɔnɔn kɛn ganaa. Tɛ á re a duru ǹ bǎã kakan kɛn kuĩ, zia nɛn lɛ-dɛ wuu li zia la, piɛ̃ gole wuu li piɛ̃ a bɔ pinaa.

Misee 1:4

Kelen kɛn man die wurii a gòãn giulun, nyankɔrɔ basan kɛn man die yaliɛ, ka zoo gón bɛ́ tɛ li lɔn, ka mu bɛ́, ǹ nə́ kaa kele baã zuməə ǹ bǎã-n lɔn.

Matiə 24:7

A giala tɔrɔn tá re zia biɛ tɔrɔ kɔsɔn ganaa, gánan tá re zia biɛ gána kɔsɔn ganaa. Bǎã gigiã nɛ, bòo á re we, tán tá re bìn diɛ.

Luku 1:51

Sɛnɛ, min mɛnɛn bɛ́ n dinin gole koe, Lawa n die a din a pàãdɛnaabaa ǹ gɔn kɛ siɛ lon, a da ǹ bii a ǹ sasawaa.

Tesaloniki2 1:8

A n die die tɛ buə̃ bii, min mɛnɛn bɛ́ ǹ nə́ n piã ka Lawa doɛ̃ nɛ, ǹ nə́ n piã ka wɔa Dɛnaa Yezu a Boo Tii Kɔɔ̃n kɛ dɔ nɛ, a dɔlɔ bɔ bɛn ganaa.

Zozoe 10:10

Dɛnaa Lawa baa da ǹ gòã li Izirayeli minin lɛn nyɛɛnɛ, á bɔ̀n gole da ǹ ganaa kunu Gabawɔ̃ kiwi li. Á ǹ loo miɛ̃, á Bɛti-Ɔrɔn kele a dii ǹ zii kɛ saa ǹ nɛ. Á saa Azekaa ganaa á ǹ dɛ yǎa Makedaa.

Zozoe 10:11

Ǹ bɛ́ ǹ nə́ baa si Izirayeli minin lɛn nyɛɛnɛ, ǹ nə́ woo dɔ Bɛti-Ɔrɔn kele a gisĩ ǹ bǎã kɛ nɛ. Dɛnaa Lawa gii dadaran bɔ lon á ǹ duduwəə ne, yǎa Azekaa kiwi. La gii lɛ min mɛnɛn dɛ, bɛn nə́ mɔnaa ǹ nə́ la kɛn manɛ, Izirayeli minin lɛn dinin nə ǹ dɛ ka gɔya sa nɛ.

Sii-nyaan 1:15

A gòãn man tɛ pii ka zan nɛ, ǹ nə́ yo tɛ-a ǹ nə́ zɔnɔ. A lɛn wuu n boe, ka mu gole bɛ́ kiɛ tán lɔn.

Sii-nyaan 11:19

Lawa a kion mɛn bɛ́ lon, bɛ nə́ n lɛ bũ, má *lɛ kɔ kɔn la ǹ goo lɛ yɛ. Bɛ ganaa, la tɛ pɛpɛ, la gigini, la gii dadaran nə́ kaa, tán bìn da.

Samayeli1 7:10

A Samayeli toa wúlu màn lɛ tiɛ̃, Filisiti minin lɛn nə́ n wɔlɔ kunu kɔ Izirayeli minin ganaa ka zia nɛ. Sɛnɛ bɛa pinaa kɛ lɛ nɛ, Dɛnaa Lawa yoo Filisiti minin lɛn gialaa ka la a paraa gole ne. Á nyɛ́ɛ da ǹ ganaa, Izirayeli minin lɛn nə́ boo ǹ la.