Izayii 30:25 - LAWA A BOO SONBORE

²⁵ Bɔ̀n gole pinaa ke, bɛ̀ kiwi tamaa ǹ kungɔnɔn kɛn nə́ kaa, mu á re baa sii kele sɔsɔrɔn tumaa la ka tenten dadaran nɛ.

LAWA A BOO SONBORE 2011

²⁵ Bɔ̀n gole pinaa ke, bɛ̀ kiwi tamaa ǹ kungɔnɔn kɛn nə́ kaa, mu á re baa sii kele sɔsɔrɔn tumaa la ka tenten dadaran nɛ.

Izayii 30:25 ပူးပေါင်းရင်းမြစ်များ

Izayii 32:14

A giala kii a kion gɔ́ɔ̃ kooromaa nɛ. Min kɔn ba kiwi bìn dale kɛ-n doo wa. Ofɛli dala laanka wɔlɔ lɛduə̃ ǹ sanabolo ke, ǹ nə́ n la bɔ bɛn ganaa duduu. Ǹ nə́ don dundunun susu ǹ bǎã baa, tɔɔn buu sɔ̃ ǹ bǎã lɛa.

Izayii 37:36

Dɛnaa Lawa a lon a dia dí-a wole soo, á min duu paabiɛ ka pɔkiwisi ka sooro (185 000) dɛ Asiirii minin giã ǹ bǎã nɛ. A lɛawaa baayɛlɛ, sɔraasin lɛn nə́ yoo. Á ke, bɛ̀ geren nə́ ke tán bǎã yii ni.

Izayii 48:21

Á woo ka Izirayeli minin ni diə bǎã nɛ, mu boro nə ǹ kũ wa. Ǹ dinin lɛa, á gɛ̀fu da mu bɔ ganaa. Á gɛ̀fu lɛ wɔsɔ, mu baa si tán.

Ezekieli 17:22

«Masɛ din Dɛnaa Lawa n kɛ pii: Ma á re da kaka kɛa gùrù ten boe a mìi ni, ma á re yiɛ ma bɔ a gùrù lɛwɔn ganaa lon, ma dinmaa n die zumi kele sasa goon mìi ni lon.

Ezekieli 34:13

Ma á re ǹ wɛɛ ma ǹ bɔ tɔrɔn bii, ma á re ǹ wɛɛ ma ǹ bɔ gána kɔsɔn nɛ, ma ǹ sɔkɔn, ma da ǹ nɛ, ǹ dinin gána nɛ. Ma á re ǹ kiɛ buu ganaa Izirayeli gána a kelen kɛn la, nyankɔrɔ basan kɛn nɛ, ka gána lɛ a bǎã mɛn tumaa bɛ́ min nə́ boe la a n giɛ̃ a nɛ.

Ezekieli 34:26

Ma á re barka diɛ gána kɛ ganaa, ka maa kele kɛ lɛkoro lɛ-a bǎãn nɛ. La mu mɛn bɛ́ barka da maa ǹ wɔ lɛa, ma á re toɛ bɛ kaa a biikoo li.

Ezekieli 47:1

Bɛ kio, giĩ lɛ wusoo á daa ka ma nɛ Lawa a kion lɛ a wɔ ǹ kiɛnlɛ kɛ lɛ-a. Ma bɛ́ giɛ, bɛ̀ mu á ke soe Lawa a kion lɛ a kiɛnlɛ giulun, lɛ̀giala gɔn la. A giala, kion lɛ yɔrɔ na á goã dia-n lɛ̀giala la. Mu lɛ na á goã baa sii woe kion lɛ a gusin a lɛ̀gɔn la, á n kiɛ̃ *wúlu bɔ ǹ bǎã kɛa gusin a lɛ̀gɔn la.

Nahumu 3:12

N kungɔnɔn lɛn man ka gɔ́rɔ da bɛ́ lɔn gɔ̀rɔ mərə n la. Bɛ ǹ nə́ zuzuu lɔn gɔrɔ, min mɛn bɛ li mà a bii, a n miɛ̃ bɛ lɛ-n.

Minin nimi 24:7

Maǹ ka mu mɛn nə́ ke toɛ̃ dɛn nɛ, bɛ̀ á baa si a kaa da wurun ganaa sɔnbɔraa nɛ. Izirayeli minin lɛn kii á die boe Agaagi la. Ǹ gána á die pàã yii.

Zaã a sɛ́wɔ 7:38

Bɛ̀ min mɛn golee masɛ li, yiikoonaabaa kɔ ǹ mu á die bɛa dɛnaa foo basɛ̃, min kɔsɔ dɔ wɔ bǐɛ̃ kɔ a gɔ́ɔ̃ nɛ, ka mu bɛ́ n toɛ tà nɛ, a baa si a wo bǎã kɔsɔ dɔ bǐɛ̃ kɔ lɔn. Lawa a boo na á pɛ miɛ̃.»

Korɛnti2 10:4

Haayii, wɔsɛn ziabaa ǹ mànan bie kanaa a minbuiinin wɔn lɛa wa, sɛnɛ, ǹ pàã n boe Lawa li, ǹ nə́ Lawa a zɔ́ɔn sii ziziɛ̃. Min mɛnɛn bɛ́ taasiɛ gole we ǹ dinin ganaa, maǹ bɛn taasiɛ ziziɛ̃.

Sii-nyaan 22:1

Lon a dia dí-a wole lɛ tɔn yiikoonaabaa ǹ tà mu lɛ nyaa ma nɛ, tɛ pii ka gɛ̀fu mɛn bɛ́ yii n wɔlɔ yii a nɛ. Bɛa mu lɛ na á goã soe Lawa laanka Sère Nɛ a kii dankan paǹ li.